Morgunblaðið - 10.12.2003, Blaðsíða 45
FRÉTTIR
MORGUNBLAÐIÐ MIÐVIKUDAGUR 10. DESEMBER 2003 45
SAMTÖK um vestræna samvinnu og
Varðberg, félag ungs áhugafólks um
vestræna samvinnu, standa fyrir
opnum fundi um öryggis- og varn-
armál í dag, 10. desember, kl. 17.30 í
B-sal á II. hæð Hótels Sögu. Um-
ræðuefnið er viðhorf nýrrar kynslóð-
ar til öryggis- og varnarmála á Ís-
landi á nýrri öld. Framsögumenn
eru ungt fólk, sem er að hasla sér völl
í stjórnmálalífi þjóðarinnar.
Meðal spurninga sem velt verður
upp á fundinum eru: Hvert verður
hlutverk NATO, og hver verður
staða Íslands innan þess í framtíð-
inni? Hversu mikinn þátt á Ísland að
taka í alþjóðavæðingu öryggismála,
baráttunni gegn hryðjuverkum og
friðargæslu á fjarlægum slóðum?
Hversu mikinn sess eiga varnarmál
eftir og ættu að skipa í þjóðfélags-
umræðunni næstu misseri? Hver er
framtíð varnarliðsins á Íslandi? Eiga
Íslendingar að taka varnar- og ör-
yggismálin alfarið í eigin hendur?
Til þess að ræða þessi mál hafa
samtökin fengið nýja og unga þing-
menn og varaþingmann til að hafa
framsögur og taka þátt í umræðum.
Þetta eru Ágúst Ólafur Ágústsson,
þingmaður Samfylkingarinnar,
Birgir Ármannsson, þingmaður
Sjálfstæðisflokksins, Birkir J. Jóns-
son, þingmaður Framsóknarflokks-
ins og Hlynur Hallsson, varaþing-
maður VG.
Fundarstjóri verður Magnús Þór
Gylfason, formaður Varðbergs. Eftir
framsöguerindi verða umræður.
Áhugafólk um alþjóðamál og örygg-
is- og varnarmál er hvatt til að mæta.
Allir eru velkomnir.
Ungt fólk á fundi um
öryggis- og varnarmál
Lúsíuhátíð í Brimborg Haldin verð-
ur lúsíuhátíð í sýningarsal Brim-
borgar að Bíldshöfða 6, föstudaginn
12. desember kl. 17. Einnig verður
boðið upp á kaffi og Lúsíu-snúða.
Lúsíuhátíðin er á vegum Sænska fé-
lagsins á Íslandi og Brimborgar.
Á NÆSTUNNI
Álit, ekki úrskurður
Ranglega var sagt í yfirfyrirsögn
fréttar á bls. 10 í blaðinu í gær að um-
boðsmaður Alþingis hefði „úrskurð-
að“ um kærunefnd jafnréttismála.
Umboðsmaður úrskurðar ekki í mál-
um sínum heldur gefur álit. Beðist er
velvirðingar á mistökunum.
36 milljónir í halla
Í frétt um fjárhagsáætlun Ísa-
fjarðarbæjar er ekki farið rétt með
tölur um halla á rekstri á næsta ári.
Áætlunin gerir ráð fyrir 36 milljón-
um í halla á rekstri, en ekki 362 millj-
ónir eins og segir í fréttinni. Hins
vegar er gert ráð fyrir að 89 milljónir
í handbæru fé frá rekstri.
Önnur umræða um fjárhagsáætl-
unina fer fram 18. desember.
LEIÐRÉTT
DOKTORSVÖRN fer fram við
raunvísindadeild Háskóla Íslands
föstudaginn 12. desember kl. 14, í
Hátíðasal, Að-
albyggingu. Þá
ver Halldór Svav-
arsson verkfræð-
ingur dokt-
orsritgerð sem
heitir, Annealing
behavior of Li
and Si in GaAs.
Hörður Filipp-
usson, forseti
raunvísindadeildar, stjórnar athöfn-
inni. Andmælendur eru Marek Godl-
ewski, prófessor við tækniháskólann
í Varsjá í Póllandi, og dr. Andrei
Manolescu, vísindamaður hjá Ís-
lenskri erfðagreiningu.
Rannsóknirnar lutu að áhrifum
hitameðhöndlunar á rafeiginleika
hálfleiðarans gallín arsen (GaAs)
sem íbættur hafði verið með kísli
annars vegar og litíni hins vegar.
Með hitameðhöndlun á kísilíbættum
GaAs kristöllum mátti stjórna því
hvort rafstraumur í efninu var borin
af holum eða rafeindum. Í lit-
íníbættu GaAs er hleðsla ávallt borin
af holum en með hitun má stjórna
leiðniferlinu. Þessum mismunandi
leiðniferlum má lýsa með holum sem
seytla milli fíngerðra málmútfell-
inga, hopp-leiðni í veiluborða og
málmleiðni. Ritgerðin er byggð á
sex greinum sem hafa verið birtar
eða sendar til birtingar í ritrýndum
alþjóðlegum tímaritum. Rannsókn-
irnar voru að hluta til styrktar af
Rannsóknasjóði Háskóla Íslands og
Vísindaráði.
Í doktorsnefnd sátu Hafliði P.
Gíslason, prófessor í eðlisfræði við
Háskóla Íslands, Jón Tómas Guð-
mundsson, dósent í rafmagnsverk-
fræði við Háskóla Íslands, og Bo
Monemar, prófessor í eðlisfræði við
Háskólann í Linköping í Svíþjóð.
Doktorsvörn
í eðlisfræði
LÖGREGLAN í Reykjavík lýsir eft-
ir vitnum að ákeyrslu á kyrrstæða
bifreið við Sólheima 17 hinn 9. des-
ember á milli kl. 10.20 og 11. Ekið
var á rauða Toyota-fólksbifreið, en
tjónvaldur fór af vettvangi án þess
að tilkynna lögreglu eða hlutaðeig-
anda tjónið. Því er hann eða aðrir
sem geta gefið frekari upplýsingar
beðnir að snúa sér til umferðardeild-
ar lögreglunnar í Reykjavík.
Lýst eftir
vitnum
Fréttir á SMS
♦ ♦ ♦