Morgunblaðið - 10.12.2003, Blaðsíða 44

44 MIÐVIKUDAGUR 10. DESEMBER 2003 MORGUNBLAÐIÐ
Lukku Láki
framhald ...
HATARNIR OFAN
OG VINDLANA
BURT!
JÆJA KÚREKI! ÉG SÉ AÐ ÞÚ
KANNT AÐ FARA MEÐ BYSSU! ÞÚ
FÆRÐ FREST TIL KVÖLDS TIL AÐ
YFIRGEFA BÆINN!
© DARGAUD
VIÐ SÓLARLAG VERÐ ÉG ÚTI Á GÖTU OG
EF ÞÚ ERT SKYNSAMUR VERÐUR ÞÚ Á
LEIÐINNI Í ANNAN BÆ!
Beini
© DARGAUD
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
MANNRÉTTINDADAGUR Sam-
einuðu þjóðanna er 10. desember.
Alþjóðasamband Soroptimista valdi
þennan sama dag sem alþjóðadag
Soroptimista fyrir tæpri hálfri öld.
Árlega velur forseti Alþjóðasam-
bands Soroptimista verkefni til að
hjálpa konum og börnum sem eru í
mjög brýnni þörf fyrir aðstoð. Allir
Soroptimistar eru beðnir að neita
sér um einhvern munað þennan
eina dag og leggja andvirðið af
mörkum til þessa verkefnis.
Verkefnið sem alþjóðaforseti hef-
ur valið í ár kallast „Dignity Pro-
gram“ og er til styrktar konum sem
búa í sárri fátækt í Paragvæ. Mark-
miðið er að gefa þeim kost á mennt-
un og starfsþjálfun í öruggu, vernd-
uðu umhverfi. Hús verður byggt
þar sem þær geta sótt sér þjálfun
og menntun svo þær geti sjálfar séð
sér og börnum sínum farborða –
hjálp til sjálfshjálpar. Unnið er í
samvinnu við „Project for the
People of Paraguay“ (PPP) og
stefnt er að því að breyta lífi
kvenna á svæðinu frá fátækt til
sjálfstæðis. Húsið (Dignity House)
verður byggt í bænum Limpio í
Paragvæ í umhverfi þar sem PPP
hefur þegar byggt 20 ný heimili
með aðstoð kvennanna sem þar eiga
að búa.
Þennan sama dag mun Soroptim-
istasamband Íslands styrkja Auði
Guðjónsdóttur hjúkrunarfræðing
við fjármögnun á gerð myndbands
sem hún ætlar að láta útbúa. Mark-
miðið með gerð myndbandsins er að
koma þeim boðskap á framfæri að
íhuga þurfi að breyta meðferð
þeirra er mænuskaða hljóta í sam-
ræmi við þær framfarir sem átt
hafa sér stað á sviði taugavísinda og
tækni undanfarna tvo áratugi. So-
roptimistar vilja þannig aðstoða
ótrúlega sterka konu, sem hefur af
miklum dugnaði og elju fengið ráða-
menn þjóðarinnar og lækna til sam-
vinnu við sig. Öll þjóðin hefur fylgst
með baráttu Auðar fyrir endurhæf-
ingu dóttur sinnar, sem náð hefur
ótrúlegum árangri eftir mjög alvar-
legan mænuskaða. Minnisstæð er
alþjóðleg ráðstefna sem hún stóð
fyrir fyrr á þessu ári og kallaði til
allra færustu lækna og hjúkrunar-
fólk á sviði mænuáverka. Nú kallar
hún eftir hjálp íslenskra kvenna svo
hún geti gefið út myndband um
ungt fólk, sem lamast hefur vegna
skaða á mænu og hefur gengist
undir tilraunameðferðir og hafa náð
árangri.
Meginmarkmið Soroptimista er
að vinna að mannréttindum, gera
háar kröfur til siðgæðis og bæta
stöðu kvenna. Auk þess skulu
Soroptimistar beita sér fyrir því að
veita þjónustu í heimabyggð, heima-
landi og á alþjóðavettvangi og taka
virkan þátt í ákvarðanatöku hvar-
vetna í þjóðfélaginu.
HILDUR
HÁLFDANARDÓTTIR,
upplýsingafulltrúi Soroptimista-
sambands Íslands.
Alþjóðadagur
Soroptimista
10. desember
Frá Hildi Hálfdanardóttur
ÉG, undirrituð, hef setið alltof
lengi aðgerðarlaus hvað varðar
framkvæmdir þó hugsanir og
hneykslan hafi ekki vantað. Þess
vegna hef ég ákveðið að skrifa
þessa áskorun í formi lesendabréfs
með von um að viðeigandi aðilar
lesi og finnist málið sig varða.
Ég skora á ráðamenn þjóðarinn-
ar, sem hafa haldið því statt og
stöðugt fram að Ísland sé land alls-
nægtanna, að fara í gegnum heilan
mánuð á 98 þúsund krónum. Þenn-
an pening skulu þeir nota í trygg-
ingar, viðhaldskostnað og fram-
færslu. Ég geri mér grein fyrir að
menn sem hafa að öllu jöfnu um-
talsvert hærri laun, hafa einnig
umtalsverðar lánaafborganir og
ætlast ég því ekki til að umrædd
upphæð sé notuð í þess háttar
kostnað. Allt sem er umfram þessa
upphæð í launaumslagi þeirra veit
ég að yrði vel þegið hjá hinum
ýmsu hjálparstofnunum, eins og
Mæðrastyrksnefnd og sem desem-
beruppbót hjá Öryrkjabandalag-
inu. Að mánuðinum liðnum væri
gaman að heyra hvernig þeim hafi
gengið að lifa hinu daglega lífi,
þeim sem eru betra vanir. Til þess
að fyrirmenn samfélagsins geti
farið fyrir almenningi og talað um
fjárhagslega stöðu hans, tel ég
þessa þátttöku þeirra í daglegu lífi
þeirra sem ekki búa við allsnægtir,
mikilvæga. Það er skömm að því
hversu margir í landinu búa við
fjárhagslegt óöryggi og enn meiri
skömm að því hversu lítið er gert
til að breyta því. Ég skora einnig á
áðurnefnda menn að svara þessari
áskorun í fjölmiðlum og alla þá
sem finnst málið þess virði að tjá
sig um það.
E. MAGNÚSDÓTTIR,
í hópi láglaunafólks.
Áskorun
Frá Eyrúnu B. Magnúsdóttur
STJÖRNUSPÁ mbl.is