Morgunblaðið - 29.02.2004, Qupperneq 21

MORGUNBLAÐIÐ SUNNUDAGUR 29. FEBRÚAR 2004 21
Fást í verslunum um land allt
H. Blöndal ehf.
Sími 517 2121
www.hblondal.com
Purga-T sjálfvirku
slökkvitækin fyrir
sjónvörp
• Alltaf á vakt
• Slekkur eldinn strax
• Fullkomlega öruggt
Það er ekki óalgengt að heyra talað
um það veiðimanna á meðal þessa
dagana, að menn eigi æ verr með
að þreyja þorrann og bíða eftir
fyrstu veiðidögunum. En menn
þurfa að bíta á jaxlinn. Reyndar er
aðeins rúmur mánuður í byrjun
veiðitímans.
Síðasta stóra verðskráin
Lax-á sendi frá sér innlenda
verðskrá sína í vikunni og sagði
Árni Baldursson, forstjóri Lax-á, að
þetta væri besti tíminn til að gefa út
verðskrár, þar eð veiðimenn væru
farnir að átta sig raunhæft á því
hvað þeir gætu látið eftir sér á
komandi sumri. Þetta er síðasta
stóra verðskráin sem veiðimenn fá
úr að moða á þessum vetri, en áður
höfðu SVFR, Strengir og Stanga-
veiðifélag Keflavíkur sent frá sér
verðskrár. Alls staðar er verð-
hækkanir að finna, en þær eru með
temmilegra móti hjá Lax-á. Lax-á
hefur stóraukið úrval sitt fyrir inn-
lenda markaðinn og má nefna ár
eins og Hvannadalsá, Gljúfurá í
Húnavatnssýslu, Hallá, Miðá í Döl-
um og Reykjadalsá í Borgarfirði.
Breyttar bikarreglur
SVFR var með árshátíð sína í
gærkvöldi og var mikið í dagskrána
lagt. M.a. voru nokkrir veiðimenn
verðlaunaðir fyrir afrek sín á bökk-
um veiðivatnanna. Að þessu sinni
voru færri bikarar veittir og þeir
sem fram voru reiddir heita auk
þess nýjum nöfnum. Að sögn Ara
Þórðarsonar, formanns fræðslu- og
bikarnefndar SVFR, stafar það af
nýrri reglugerð sem miðar að því
að sveigja bikarmálin inn á hóf-
sömu línuna sem færst hefur í vöxt í
veiðiskapnum síðustu árin. Nú geta
menn t.d. fengið verðlaunagripi
fyrir metlaxa þótt þeir hafi sleppt
tröllunum og aldrei snarað þeim á
vigt. Þannig er t.d. með hina víð-
frægu Gull og silfur-flugu, sem er
sá eini af gömlu gripunum sem
heldur velli, að í fyrsta skipti er hún
veitt veiðimanni sem sleppti laxi
sínum. Var það Sigurður Jensson
sem veiddi lax á Eyrinni í Norðurá
sem var 101 sentímetri. Þetta var
forkunnarfagur hængur sem var
sleppt, en álitinn 20 pund í sam-
ræmi við meðalreglu um samspil
lengdar og þyngdar, sem þó getur
verið býsna villugjörn. Sigurður
vann einnig til Fluguverðlauna
karla fyrir sama lax. Karlabikar
fyrir lax veiddan á allt löglegt agn
fékk Sigfús Bjarnason fyrir 19
punda lax á spón úr Soginu og
kvennaverðlaunin fengu annars
vegar Jónína Kristjánsdóttir fyrir
11,5 punda lax á Langá Fancy gáru-
túpu í Norðurá og Sigrún Davíðs-
dóttir fyrir 12 punda lax sem
gleypti maðk í Soginu. Þá fékk Jón
Geirsson ný og sérstök hátt-
vísiverðlaun fyrir að sleppa sjóbirt-
ingi í Tungufljóti og Guðlaugur Þór
Þórðarson svonefndan Maríubikar
fyrir Maríulax sem hann sleit upp í
Neðri-Barka í Fáskrúð á maðk sl.
haust.
Morgunblaðið/Dúi Landmark.
Fyrir skemmstu var ein stærsta veiðiferða-tækjakynning veraldar í París, en þar er hún haldin ár hvert. Meðal
þeirra sem þar stóðu vaktina voru Guy Geffroy, sem hér sést ásamt samstarfskonu, en Guy kynnti m.a. Vatnsdalsá
og Reykjadalsá í Reykjadal. Lax-á var þarna ennfremur með fulltrúa.
Niður-
talning
í gangi
ERU
ÞEIR AÐ
FÁ’ANN?
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.is
Allt fyrir baðherbergið
AUGLÝSINGADEILD
netfang: augl@mbl.is eða sími 569 1111