Morgunblaðið - 08.04.2004, Qupperneq 20

HÖFUÐBORGARSVÆÐIÐ
20 FIMMTUDAGUR 8. APRÍL 2004 MORGUNBLAÐIÐ
Hafnarfjörður | 208 milljóna króna
tap varð af rekstri A-hluta stofnana
Hafnarfjarðarbæjar á árinu 2003 að
teknu tilliti til afskrifta og fjár-
magnsliða. Þetta er 669 milljónum
króna lakari árangur en árið á und-
an. Í tilkynningu frá Hafnarfjarð-
arbæ segir að breytingin liggi í hag-
stæðri gengisþróun á árinu 2002, en
þá varð gengishagnaður af erlendum
lánum 1.017 milljónir króna sam-
anborið við 190 milljónir króna árið
2003. Ársreikningur Hafnarfjarð-
arbæjar árið 2003 var tekinn til fyrri
umræðu í bæjarstjórn Hafn-
arfjarðar þann 6. apríl sl.
Meginniðurstaða ársreikningsins,
samkvæmt bæjaryfirvöldum í Hafn-
arfirði, er sú að rekstrarniðurstaða
og veltufé frá rekstri A-hluta og
B-hluta stofnana Hafnarfjarð-
arbæjar er í samræmi við áætlanir.
Þá skilar reksturinn 537 milljónum
króna upp í afskriftir og fjármagns-
liði sem er 190 milljón króna betri
afkoma en árið á undan.
Hagnaður A-hluta stofnana Hafn-
arfjarðarbæjar, fyrir afskriftir og
fjármagnsliði, var 174 milljónir
króna samanborið við 22 milljónir
króna árið á undan. Skýringa er
helst að leita í árangri af aðhalds-
aðgerðum þeim sem ráðist var í á
árinu 2003.
Að teknu tilliti til afskrifta og fjár-
magnsliða varð 208 milljón króna
tap af rekstri A hlutans, sem er 669
milljónum króna lakari árangur en
árið á undan. Breytingin liggur í
hagstæðri gengisþróun á árinu 2002,
en þá varð gengishagnaður af er-
lendum lánum 1.017 milljónir króna
samanborið við 190 milljónir króna
árið 2003. Þá var veltufé frá rekstri
213 milljónir króna samanborið við
126 milljónir króna árið á undan.
Rekstrarniðurstaða B-hluta stofn-
ana fyrir afskriftir og fjármagnsliði
er jákvæð um 362 milljónir króna
sem er 32 milljónum króna betri ár-
angur en árið á undan. Skýringin
liggur að megninu til í söluhagnaði
af eignum Hafnarsjóðs.
Gengishagnaður skýrir afkomu
Rekstrarniðurstaða ársins er tæp-
um 60 milljónum króna betri en
áætlanir gerðu ráð fyrir en 25 millj-
ónum krónum verri en niðurstaða
ársins á undan, en þar kemur til ríf-
legur gengishagnaður ársins 2002.
Þá lækkaði eigið fé samstæðunnar
um 415 milljónir króna á milli ára og
var 3.654 milljónir króna í árslok
2003. Skýringin liggur fyrst og
fremst í því að 250 milljón króna
stofnfé í Vatnsveitu Hafnarfjarðar
var fært niður ásamt því sem eft-
irlaunaskuldbindingar ársins 2002
reyndust vanmetnar. Eiginfjárhlut-
fall samstæðunnar var 20% í lok árs-
ins. Þá hækkuðu heildarskuldir
hennar um 836 milljónir króna á
milli ára og voru 14.511 milljónir í
árslok 2003.
Rekstur málaflokka í A-hluta fór
38 milljónir fram úr áætlun, eða um
0,65%. Hins vegar reyndust fjárfest-
ingar A-hluta stofnana 292 millj-
ónum króna nokkru meiri en áætl-
anir gerðu ráð fyrir, um 965
milljónir króna samanborið við 673
milljón króna áætlun. Þar skipa
stóran sess framkvæmdir við skóla,
eða um 101 milljón króna, þar af sjö-
tíu milljónir vegna Víðistaðaskóla og
þrjátíu milljónir vegna nýs leikskóla
í Áslandi.
Það er mat bæjaryfirvalda að þær
aðhaldsaðgerðir sem mótaðar voru
við fjárhagsáætlanagerð ársins sem
leið og hrundið var í framkvæmd
hafi skilað sér í umtalsvert betri ár-
angri en árið á undan.
Um fjárhagsáætlun næsta árs
segir meðal annars, í tilkynningu frá
Hafnarfjarðarbæ: „Fjárhagsáætlun
ársins 2004 tekur mið af umfangs-
miklum skipulagsbreytingum sem
samþykktar voru á síðasta ári sem
miða að því að styrkja innviði í
rekstri sveitarfélagsins og bæta
rekstrarafkomu þess enn frekar.“
Tap A-hluta óviðunandi
Magnús Gunnarsson, oddviti
sjálfstæðismanna í bæjarstjórn
Hafnarfjarðar, segir áhyggjuefni að
það sígur á ógæfuhliðina varðandi
rekstur sveitarsjóðsins sjálfs,
A-hlutans. „Það er algerlega óvið-
unandi og eitthvað sem við sveit-
arstjórnarmenn verðum að leitast
við að bæta með auknum tekjum og
frekari hagræðingu í rekstri,“ segir
Magnús. „Það sem er sérkennilegt
er að á meðan við erum að tala um
þetta er verið að tala um að kaupa
eignir fyrir 600 milljónir á Norð-
urbakka, án þess að ráð sé gert fyrir
því í fjárhagsáætlun ársins 2004. Þar
bókuðum við athugasemdir í bæj-
arstjórninni.“
Magnús segist afar ánægður með
gengi B-hluta samsteypunnar, sjálf-
stæðu fyrirtækin, sem hafa sjálf-
stæðan tekjustofn. „Ég er líka mjög
ánægður með að við lögðum Rafveit-
una inn í Hitaveitu Suðunesja í tíð
fyrri meirihluta, en nú eigum við
15,7% hlut í því fyrirtæki, sem er
stöðugt að vaxa og virði hluta bæj-
arins eðlilega stöðugt að hækka.“
Lúðvík Geirsson, bæjarstjóri
Hafnarfjarðar, segir ljóst að rekstur
bæjarfélagsins hefur verið þungur
undanfarin ár, enda miklar fram-
kvæmdir í gangi. „Það er þó umtals-
vert betri afkoma af rekstri bæj-
arfélagsins í ár en árið þar á undan.
Veltufé frá rekstri, sem er lyk-
ilmælikvarði í þeim efnum, er tvöfalt
hærri fjárhæð en árið 2002, en það
er ljóst að þar þarf að ná enn betri
árangri,“ segir Lúðvík. Hann bendir
þó á að nýleg skattkerfisbreyting
um heimildir einstaklinga til stofn-
ana einkahlutafélaga sé að koma í
bakið á sveitarfélögum og hafi um-
talsvert tekjutap í för með sér.
„Samkvæmt reikningum eru það um
150 milljónir fyrir Hafnarfjarðarbæ
í tapað útsvar,“ segir Lúðvík.
Ársreikningur Hafnarfjarðarbæjar lagður fram
Rekstrarafkoma batnar
en tap af rekstri A-hluta
Morgunblaðið/Þorkell
Hafnarfjörður | Foreldrar barna sem stunda
sund á námskeiði hjá Sundfélagi Hafn-
arfjarðar (SH) eru ekki alls kostar sáttir við
fyrirkomulag æfinga. Dæmi eru um að æft sé
á fjórum mismunandi stöðum í sömu vikunni.
Formaður SH og bæjarstjóri Hafnarfjarðar
segja að fimmtíu metra innilaug sem rís við
Ásvelli muni leysa vandann, en áformað er að
hún verði tekin í notkun 2006.
Foreldri barns á tíunda ári sem hefur æft
sund í nokkur ár segir ástandið hafa verið á
þessa lund frá upphafi. „Þetta hefur alltaf ver-
ið svona. Við förum á fjórar æfingar á viku á
fjórum stöðum í þremur bæjarfélögum, sem
útheimtir gríðarlegan akstur. Annars vegar er
æft í Suðurbæjarlaug og gömlu sundlauginni í
Hafnarfirði auk þess sem það er æft í Garða-
bæ og á Álftanesi. Stundum fara eldri krakk-
arnir inn í Kópavog. Allar æfingarnar eru á
kvöldmatartímanum þannig að af þessu hlýst
mikil röskun fyrir fjölskylduna,“ segir for-
eldrið. „Fólk er mjög pirrað á þessu og þetta
er mjög þreytandi vegna allrar keyrslunnar
og krakkarnir aldrei á sama stað.“
Foreldrið segist ekki sjá neina lausn á
þessu sjálft, en ljóst sé að sundlaug vanti í
Hafnarfjörð, slík sé eftirspurnin eftir sundi.
„Það átti að byggja nýja sundlaug við nýja
Lækjarskólann en það var hætt við það í bili.
Foreldrarnir hafa rætt þetta sín á milli og
flestir ef ekki allir eru sammála um að þetta
sé mjög slítandi að hafa engan stöðugleika.
Ástandið væri miklu betra ef þetta væri á ein-
um stað og ekki alltaf á kvöldmatartímanum.“
Stendur til að bæta
úr aðstöðuskortinum
Sigurður Guðmundsson, formaður SH, seg-
ir Sundfélagið fá úthlutað ákveðnum tímum í
laugum Hafnarfjarðar, sem eru eftir að skóla-
sundi lýkur á daginn. „Við erum búin að fá öll-
um þeim tíma úthlutað sem við getum fengið
og það dugar ekki. Svo við þurfum að leita víð-
ar og gerum það í neyð af því við erum að
reyna að uppfylla þá beiðni að fólk vill komast
á sundnámskeið. Við viljum ekki hafa biðlista
hjá okkur. Við erum ekki með alla daga í þess-
um laugum, heldur einungis einu sinni til
tvisvar í viku. Við höfum ekki tíma þar til að
dreifa um vikuna. Við erum tvisvar í viku í
Garðabænum og þrisvar í viku á Álftanesinu
og það myndi ekki henta sama flokknum að
nota þessa tíma, því þeim er ekki dreift eftir
vikunni, heldur fleiri en einn tími á sama
kvöldi.
Lausnin er sú að það er byrjað að hanna
nýja fimmtíu metra innilaug á völlunum í
Hafnarfirði, sem stefnt er að komist í notkun
árið 2006. Sú laug mun gjörbreyta aðstöðu
Sundfélagsins til hins betra og fólk mun geta
æft á sama stað alla vikuna.
Lúðvík Geirsson, bæjarstjóri Hafnar-
fjarðar, segir vissulega nauðsynlegt að bæta
aðstöðu sundfólks í Hafnarfirði. Sundlaugin á
Ásvöllum sé næsta áætlaða íþróttamannvirki
bæjarins og tíu milljónir áætlaðar í undirbún-
ingsvinnu vegna hennar á þessu ári. „Það er
stefnt að því að koma því á fulla ferð. Það er
búið að setja þessa byggingu inn á skipulag á
Ásvöllum og í fyrsta áfanga gert ráð fyrir
fimmtíu metra yfirbyggðri sundlaug og síðar
aðstöðu og sundlaugargarði,“ segir Lúðvík.
Bygging sundlaugarinnar er samstarfsverk-
efni Hafnarfjarðarbæjar, Sundfélags Hafn-
arfjarðar og Fjarðar, íþróttafélags fatlaðra í
Hafnarfirði. „Þetta er aðaluppbyggingin í
íþróttum hér í bænum. Við erum að vona að
við getum farið af stað með framkvæmdir á
næsta ári, en undirbúningsvinnan er farin á
fulla ferð,“ segir Lúðvík að lokum.
Foreldrar barna sem æfa hjá SH ósáttir við dreifða aðstöðu til æfinga
Erfitt ástand en stendur til bóta
Morgunblaðið/Þorkell
Gaman í sundi: Börnin hafa alltaf gaman af
því að busla og skemmta sér í sundi og ekki
er sundið síðra til líkamsræktar.
Morgunblaðið/Brynjar Gauti
Aðstöðubót í vændum: Miklar vonir eru
bundnar við að ný innisundlaug á Vallasvæð-
inu muni bæta úr aðstöðuþörf SH.
Seltjarnarnes | Bæjarstjórn Sel-
tjarnarness hefur samþykkt með 4
atkvæða meirihluta að ráða Sigfús
Grétarsson í starf skólastjóra við
grunnskóla bæjarins. Skólanefnd
mælti með ráðningu Sigfúsar með 4
atkvæðum af 5 en minnihlutinn
klofnaði í afstöðu sinni til ráðning-
arinnar. Sigfús tekur við starfinu 1.
ágúst en mun hefja störf tengd und-
irbúningi á næstunni. Sigfús er nú-
verandi skólastjóri Valhúsaskóla og
hefur gegnt því starfi frá árinu 1998.
Sigfús Grétarsson var valinn úr
hópi sjö umsækjenda um stöðuna.
Skólanefnd telur Sigfús uppfylla
best allra umsækjenda áskildar
kröfur í auglýsingu sem og ákvæði
laga.
Sigfús hefur lengsta reynslu um-
sækjenda sem skólastjóri, samtals
tæplega 20 ár og hefur langa og far-
sæla stjórnunarreynslu. Hann hefur
víðtæka framhaldsmenntun m.a. frá
Háskólanum í Stuttgart, BA-próf
frá HÍ í íslensku og þýsku, 15 ein.
cand mag frá HÍ, diploma í stjórn-
endafræðum frá KHÍ auk þess sem
hann hefur stundað nám við HÍ á yf-
irstandandi skólaári, í fræðslustörf-
um og stjórnun. Hann hefur starfs-
reynslu við kennslu á grunnskóla-
og framhaldsskólastigi. Þá hefur
Sigfús reynslu af sveitarstjórn-
armálum og hefur m.a. setið sem
varamaður í sveitarstjórn og átt
sæti í nefndum á vegum sveit-
arstjórnar.
Sigfús ráðinn skólastjóri
Laugardalur | Um páskana verður
nóg um að vera í Fjölskyldu- og
húsdýragarðinum. Opið verður alla
dagana frá klukkan 10 til 17. Meðal
annars verður hægt að fara í felu-
leik þar sem páskaegg er í vinning.
Þá verður hestateyming alla dag-
ana frá klukkan 14 til 14.30.
Fræðslurölt stendur gestum
garðsins til boða klukkan 15 þar
sem ýmsum spurningum verður
svarað. Röltið hefst við Selalaugina
og lýkur þar klukkan 16 við síðari
selagjöf.
Á páskadag verða sr. Bjarni
Karlsson og sr. Jón Helgi Þór-
arinsson með barnaguðsþjónustu.
Ef veður leyfir verður guðsþjón-
ustan utandyra en annars færð í
Vísindaveröldina. Táknmálstúlkur
verður einnig við messuna.
Margt annað spennandi verður í
boði eins og nýklaktir hænuungar í
Smádýrahúsinu, Vísindaveröldin
full af fróðleik, Cocoa Puffs lestin,
Hringekjan, Krakkafoss og Klessu-
bátarnir verða opnir frá kl. 11 til 17
alla dagana ef veður leyfir.
Morgunblaðið/Ásdís
Opið alla páskana í
Fjölskyldugarðinum