Morgunblaðið - 21.04.2004, Blaðsíða 8

FRÉTTIR
8 MIÐVIKUDAGUR 21. APRÍL 2004 MORGUNBLAÐIÐ
Það er eins gott að hæstiréttur haldi sig á mottunni ef hann vill ekki skilgreinast sem „barn
síns tíma“.
Opið hús í Garðyrkjuskólanum
Skólinn stendur
vel í dag
Garðyrkjuskóli ríkis-ins á afmæli umþessar mundir, en
65 ár eru síðan skólinn var
stofnsettur. Hann er stað-
settur á Reykjum í Ölfusi.
Í tilefni dagsins verður
kynning á skólanum, m.a.
með því að efna til opins
húss í skólanum á morgun,
sumardaginn fyrsta.
Morgunblaðið lagði nokkr-
ar spurningar fyrir Guð-
rúnu Þórðardóttur, starfs-
mann við skólann til fjölda
ára, sem er umsjónarmað-
ur opna hússins á morgun.
Segðu okkur fyrst eitt-
hvað af sögu þessa skóla;
hvenær stofnaður, af
hverjum og í hvaða til-
gangi …
„Garðyrkjuskólinn var
stofnaður sumardaginn fyrsta ár-
ið 1939 og er því 65 ára á þessu
ári. Skólinn hefur alla tíð starfað á
Reykjum í Ölfusi rétt við Hvera-
gerði, í nánd við helstu ræktunar-
svæði landsins. Skólinn er ríkis-
stofnun og heyrir undir
landbúnaðarráðuneytið. Tilgang-
ur skólans er að mennta fólk til
starfa við garðyrkju og má segja
að hann hafi rutt braut nýrri at-
vinnugrein á Íslandi.“
Hver er staða þessa skóla í dag,
hvert er hlutverk hans og hvað
stunda margir nemendur nám?
„Garðyrkjuskólinn stendur vel í
dag, mikið starf hefur verið unnið
við að finna honum góðan grund-
völl. Stofnuð hefur verið Garð-
yrkjumiðstöð Íslands á Reykjum
og þar má finna skrifstofur lands-
ráðunautar Bændasamtakanna í
garðyrkju og skrifstofu Sam-
bands garðyrkjubænda. Eins er
búið að ákveða að Rannsókna-
stofnun Skógræktar ríkisins flytji
hingað til okkar svo starfsemin
verður sífellt fjölbreyttari.
Við Garðyrkjuskólann er boðið
upp á þriggja ára starfstengt
framhaldsskólanám á sex braut-
um. Námið er skipulagt sem 4
bóklegar annir og 14 mánaða dag-
bókarskylt verknám úti í atvinnu-
lífinu. Í skólanum eru u.þ.b. 40
nemendur í staðarnámi og nokkr-
ir í fjarnámi. Einnig stendur skól-
inn fyrir þriggja ára skógrækt-
arnámi fyrir skógarbændur í
samvinnu við landshlutabundnu
skógræktaráætlanirnar. Í vor
munu 50 fyrstu nemendurnir út-
skrifast úr þessu námi. Skólinn
fékk á síðasta ári leyfi til að bjóða
upp á nám á háskólastigi og í
haust verður í fyrsta skipti boðið
upp á nám til diploma-gráðu í
garðyrkjutækni, skrúðgarðyrkju-
tækni og skógræktartækni. Við
skólann er einnig boðið upp á
skemmri námskeið, bæði fyrir
fagfólk innan Græna geirans og
eins fyrir almenning. Árlega
sækja á annað þúsund manns
þessi námskeið. Einnig fara fram
við Garðyrkjuskólann tilraunir
með mismunandi ræktunarefni,
prófanir með nýjar tegundir og
yrki í garðyrkju o.m.fl.
Þessar tilraunir eru
gerðar í nýju tilrauna-
húsi garðyrkjunnar,
tæknivæddasta gróð-
urhúsi á Íslandi.“
Hvað verður gert í
tilefni þessa stóra afmælis?
„Í tilefni af afmælisárinu var
haldin ráðstefna dagana 18. og 19.
mars sl. undir yfirskriftinni
„Gróður er góður“ á vegum skól-
ans í samvinnu við Félag garð-
yrkjumanna og Félag skrúðgarð-
yrkjumeistara. Þar var talað um
menntunarmöguleika og ímynd
fagsins sem heildar. Fengnir voru
aðilar til að tala um þessa hluti frá
sem flestum sjónarhornum.“
Hvað fleira verður gert?
„Hefð er fyrir því að hafa opið
hús sumardaginn fyrsta í Garð-
yrkjuskólanum. Er þá öllum sem
áhuga hafa á boðið að koma og
kynnast því sem skólinn hefur
upp á að bjóða. Á þessum tíma er
allur gróður kominn vel af stað í
gróðurhúsunum þótt stundum sé
enn vetrarlegt um að litast utan
dyra. Í ár er það Starfsmanna-
félag skólans sem sér um að
skipuleggja daginn og hefur mikil
vinna verið lögð í að hafa daginn
sem veglegastan. Í ár verða líka í
fyrsta skipti afhent Garðyrkju-
verðlaunin. Þau verða veitt í
þremur flokkum: heiðursverðlaun
garðyrkjunnar, besti verknáms-
staðurinn og hvatningarverðlaun
garðyrkjunnar. Guðni Ágústsson
landbúnaðarráðherra mun af-
henda verðlaunin í Garðyrkju-
skólanum kl. 14.00 sumardaginn
fyrsta. Einnig mun forseti Íslands
heiðra okkur með nærveru sinni
og veita umhverfisverðlaun
Hveragerðisbæjar við þetta sama
tækifæri.
Í ár hafa Garðyrkjuskólinn,
Hveragerðisbær og fyrirtæki í
bænum gengið til samstarfs um
að efna til hátíðar í bænum þenn-
an dag. Hveragerðisbær mun
bjóða upp á skoðunarferðir um
bæinn, frítt verður í sund í sund-
lauginni í Laugaskarði og fleira.
Vetnisvagn frá Strætó bs. verður
á ferðinni í Hveragerði þennan
dag og mun það verða í fyrsta
skipti sem vetnisvagn leggur upp
í svo langa ferð út á
land. Á Heilsustofnun
NLFÍ mun heilbrigðis-
ráðherra opna nýja
gistiálmu við hátíðlega
athöfn. Kynning verð-
ur á matreiðslu, vatns-
meðferð, starfsemi NLFÍ og
kynnt lífræn ræktun í gróðurhúsi
stofnunarinnar. Opið hús verður á
Dvalarheimilinu Ási og starfsem-
in kynnt. Sumarsýning verður í
Listasafni Árnesinga þar sem
ungir listamenn sýna verk sín.
Svo það verður enginn svikinn af
því að bregða sér í Hveragerði og
að Reykjum þennan dag.
Guðrún Þórðardóttir
 Guðrún Þórðardóttir er fædd
15. september 1960 í Hveragerði
og hefur verið búsett þar alla tíð.
Hún útskrifaðist sem bókasafns-
fræðingur frá Háskóla Íslands
vorið 1985. Guðrún hefur starfað
sem bókasafnsfræðingur við
Garðyrkjuskóla ríkisins á Reykj-
um í Ölfusi með hléum síðan
1986. Hún er gjaldkeri í stjórn
Starfsmannafélags Garðyrkju-
skólans sem stendur fyrir Opnu
húsi sumardaginn fyrsta.
… er að
mennta fólk
til starfa við
garðyrkju
NÝJU B747-400-breiðþoturnar sem Atlanta tekur í notk-
un á næstunni kalla á umfangsmikla þjálfun flugmanna,
flugfreyja og flugþjóna og tæknimanna félagsins. Til að
unnt sé að skrá vélarnar á Íslandi þarf að leggja fram
margs konar gögn og upplýsingar um viðhald og sögu
vélanna. Eftir að íslensk loftferðayfirvöld hafa kynnt sér
gögnin og vélarnar og samþykkt er skráning heimiluð.
Hafþór Hafsteinsson, forstjóri Atlanta, segir að vél-
arnar verði skráðar á TF-AMA og TF-AMB áður en þær
fara frá Singapúr. Þar verða þær einnig málaðar og síðan
flogið til Madrid, sú fyrri um miðjan júní en síðari vélin 8.
júlí. Í Madrid mun Iberia aðlaga farþegarými vélanna að
stöðlum sínum og tíu dögum síðar eru þær tilbúnar.
Námskeið að hefjast
Segja má að nærri hálft ár líði í þessu tilviki frá því
ákveðið er að taka nýja flugvélagerð í notkun og þar til
henni er fyrst flogið hjá félaginu að sögn Arnars Agnars-
sonar, flugmanns og tæknimanns hjá Atlanta, en hann er
einn þeirra sem undirbúa tæknilega hlið málsins. En í
hvaða atriðum er B747-400 frábrugðin eldri B747-gerð-
unum sem Atlanta hefur haft í þjónustu sinni?
„Eldri gerðir B747, þ.e. 100-, 200- og 300-gerðirnar eru
gerðar fyrir þriggja manna áhöfn í stjórnklefa, þ.e. tvo
flugmenn og flugvélstjóra, og það er ein meginbreytingin
hvað okkur varðar en önnur aðalbreyting eru ný kynslóð
tölvu- og flugleiðsögukerfa og annars búnaðar sem er
talsvert frábrugðinn því sem er í eldri vélunum,“ segir
Arnar. Hann segir 400-gerðina fyrst hafa komið fram
kringum 1990 og að þessi aukna tölvuvæðing og sjálf-
virkni hafi það í för með sér að hér sé nánast um nýja vél
að ræða þótt stærðin sé svipuð og öll hegðun og hreyfing
keimlík eldri gerðunum.
Fimmtán áhafnir þarf á vélarnar og hefjast námskeið
fyrir flugmenn og tæknimenn í byrjun maí. Iberia sér um
þjálfun flugþjónustufólks en kennarar frá Atlanta koma
þar við sögu. Arnar segir vélarnar enn í notkun hjá
Singapore Airlines en áður en þær hefja flug á vegum
Atlanta verða þær málaðar í litum Iberia.
Arnar segir að ávallt sé spenningur í hópi flugmanna
þegar ný flugvélategund er tekin í notkun, ekki síst þeg-
ar um svo fullkomna vél sem B747-400 er að ræða. „Þetta
er eiginlega toppurinn hjá okkur. Þessi gerð ásamt B777
þykja fremstar og þess vegna hafa margir hjá okkur
áhuga á störfum á þessum vélum,“ segir Arnar en ráða
þarf um þrjátíu nýja flugmenn með tilkomu vélanna.
Mikill undirbúningur þegar ný þotugerð er tekin í gagnið
Mikill munur á nýju
og gömlu kynslóðinni
Stjórnklefi í B747-400. Hann er gerður fyrir tvo flug-
menn en ekki tvo flugmenn og flugvélstjóra. Tölvur og
flugleiðsögubúnaður eru fullkomnari og með öðru út-
liti en í eldri gerðum 747-vélanna.
LANDSSAMBAND kúabænda
(LK) hefur óskað eftir að teknar
verði upp viðræður við Bændasam-
tök Íslands um að samningur um
verkaskiptingu milli samtakanna
tveggja verði endurskoðaður. Álykt-
un þessa efnis var samþykkt á aðal-
fundi LK um síðustu helgi.
Þórólfur Sveinsson formaður LK
sagði að kúabændur teldu tímabært
að fara yfir þessa verkaskiptingu
með Bændasamtökunum. Samning-
ur um verkaskiptingu hefði verið
gerður 1997 og hann hefði að mörgu
leyti reynst vel, en tímabært væri
að endurskoða hann. Þórólfur sagð-
ist ekki vilja á þessu stigi nefna
hvort hann teldi að eitthvað af verk-
efnum Bændasamtakanna ætti að
færast yfir til Landssambands kúa-
bænda. Samhliða yrði tekin upp
umræða um skiptingu búnaðar-
gjalds milli samtakanna. Þórólfur
benti á að verkaskipting ASÍ og
landssamtaka þess hefði verið að
þróast og bændum væri hollt að líta
yfir þessi mál.
LK vill endurskoða samn-
ing um verkaskiptingu