Pressan - 29.06.1989, Blaðsíða 5

Fimmtudagur 29. júní 1989 ,.5
OftOh ítp O''' i.|nchi:mfr:M
Sigmundur Guðbjarnason háskólarektor: Tæknikrati meö áhuga á hvalavernd, umhverfisfriöun og stöðuveiting um byggðum á faglegu mati.
Sigmundur Guðbjarnason háskólarektor er mað-
ur sem kemur á óvart. Við fyrstu sýn virðist þessi
grannvaxni og skarpleiti doktor í efnaverkfræði frá
tækniháskólanum i Munchen þurr og alvarlegur vis-
indamaður sem gengur að starfi háskólarektors
eins og hverju öðru úrlausnarefni þar sem krafist er
nákvæmra en skjátra vinnubragða. Tæknikrati. Slík
manngerð á stóli rektors er ekki allra, ekki sist í
stofnun eins og háskóla þar sem sjónarmið eru mjög
mismunandi eftir einstökum deildum. Það er ekkert
leyndarmál að t.d. í heimspekideild er sú skoðun al-
mennt rikjandi að rektor sýni málefnum þessarar
fiölmennustu deildar háskólans ekki nauðsynlegan
skilning. Sigmundur er af mörgum talinn einn helsti
málsvari þess að háskólinn eigi að starfa í sem nán-
ustum tengslum við atvinnuvegina. Um það er tæp-
ast deilt að viðleitni í þessa veru eigi rétt á sér. Hitt
er annað mál að ýmsir leggja meiri áherslu á það að
háskóli eigi umfram allt ao vera stofnun þar sem
fara fram grundvallarrannsóknir, burtséð frá því
hvort þær skila endilega einhverjum hagnýtum
árangri, nema þá að til langs tíma sé litið.
GREIN: ÞÓRHALLUR EYÞÓRSSON - MYNDIR: EINAR ÓLASON