Pressan - 13.08.1992, Blaðsíða 34
34
FIMMTUDAGUR MfSSAN 13.ÁGÚST 1992
Poppið
FIMMTUDAGUR
I# Skriðjöklar eru stór-
brotin hljómsveit. Og þeir
eru meira að segja líka
góðir þótt danska nektar-
dansmærin sé ekki með þeim. Húm-
orinn hefur alltaf verið í fyrirrúmi og
er enn og í kvöld verða þeir á Gaukn-
um. Aldeilis ágætt.
• Jötunuxar skríða um Grjótið í
kvöld. Stilla upp og djamma og svo-
leiðis og hafa gaman af þessu. Þar
verður líka Vírus, vonandi verður
þessi Vírus Jötunuxum ekki að fjör-
tjóni.
• Glott og Kolrassa krókríðandi
verða á Púlsinum í kvöld. Glott er að
við höldum næstum því alveg
gömlu Fræbbblarnir. Að minnsta
kosti er Valli í henni. Stelpurnar í
Kolrössu unnu Músíktilraunir og ein-
hverjar öfundarraddir hafa heyrst um
að þær hafi bara unnið af því þær
eru stelpur. Það er tóm lygi. Tónlistin
þeirra er stórfín. Og þá verður líka á
Púlsinum nýtt dansband, mjög
skemmtilegt, sem þeir Ernir tveir, Ein-
ar og Hilmar stjórna. Öllu útvarpað á
Bylgjunni. Smakk.
• Svörtu sauðirnir koma að norð-
an. Kominn tími til að við fáum svarta
sauði að norðan hingað suður. Við
lesum nefnilega svo oft um það í
blöðunum að svartir sauðir hafi kom-
ið norður að sunnan og gert allt vit-
laust. Brotist inn, stolið bílum og jafn-
vel slegist. Þetta heita aðkomumenn
í fréttunum að norðan. En þessir
Svörtu sauðir koma samt ekki úr
sama sauðahúsi og svörtu sauðirnir í
fréttunum. Þessir spila á hljóðfæri og
syngja og tralla. Hafa spilað á böllum
á Akureyri og þar í kring og þótt
góðir. Nú eru þeir komnir suður og
spila á Café Amsterdam.
■J.HHN.milM
• Undir tunglinu vilja menn á
stundum geggjast. Að minnsta kosti
þegar tunglið er fullt. Fólk á ugglaust
sumt líka eftir að geggjast undir
þessu tungli. Undir tunglinu er nefni-
lega ný hljómsveit. Eða svotil ný. Hún
verður á Nillabar í Hafnarfirði í kvöld
og skemmtir vinum Nilla. Sveitina
skipa Elfar Aðalsteinsson, Tómas
Gunnarsson, Helgi Fr. Georgsson,
Guðmundur Jónsson og Almar Þór
Sveinsson. Þessir ágætu drengir
kunna sitthvað fyrir sér.
Vinir Dóra eru komnir á kreik.
Ógurlega finnst manni langt síðan
þeir spiluðu hér síðast strákarnir. Og
það er ekkert skrýtið. Það er nefni-
lega iangt síðan þeir spiluðu síðast
hér. Held ég. Þeir eru búnir að vera á
Ítalíu að spila blúsinn sinn og vöktu
víst lukku. Spiluðu með B.B. King og
allt. Púlsinn í kvöld.
• Jötunuxar enn í Grjótinu. Ekki vit-
að með Vírus. Kannski.
• Undir tunglinu er farin úr Hafn-
arfirði og komin á Gaukinn. Lúnetikar
landsins verða þar.
• Svörtu sauðirnir að norðan enn
fyrir sunnan á Café Amsterdam. Fínt,
fínt.
• Jet Black Joe, Stjórnin og Sálin
hans Jóns míns eru allt saman
mjög vinsælar sveitir. Sálin og Stjórn-
in fylla hvert hús sem þær spila í.
Minni reynsla er kannski á þessu
með Jet Black Joe en þetta er efni-
legasta sveit landsins. Ekki spurning.
Afar skemmtileg sveit eins og reynd-
ar hinar tvær líka. Og í kvöld eru
þessar sveitir saman á stórdansleik í
Reiðhöllinni í Víðidal. Af hverju? Jú,
nú er íslandsmeistaramótið í hesta-
íþróttum í fullum gangi og því er
ballið. Sálin, Stjórnin og Joe leiða
þarna saman hesta sína semsagt.
Reiðstígvél og pokabuxur.
• Bogomil Font verður á Hressó
þetta kvöld. Ef veðrið er sæmilegt og
hægt að reka nefið út í garðinn er
þetta skemmtilegasti bar í
höfuðborginni. Annars er Bogomil
góður og það má líka benda á að
stelpurnar á barnum eru töffarar,
kunna eitt og annað í góðri en
hrjúfri afgreiðslu.
• Sléttuúlfarnir vafra nú um
Súlnasal Hótels Sögu. Þessir úlfar eru
þó hinir meinlausustu og meira að
segja bara nokkuð skemmtilegir.
Maggi Kjartans, Gunni Þórðar, Gulli
Briem, Bjöggi Halldórs, Tómas Tóm-
asson og ejpn í viðbót sem við mun-
um ekki hvað heitir. Þeir vorú á bind-
indismótinu í Galtalæk um verslunar-
mannahelgina og fengu hrós fyrir.
Það má drekka í Súlnasalnum.
• Jötunuxarnir ekki dauðir úr öll-
um æðum og enn í Grjótinu.
• Smádjók verður meðal Gaflara í
kvöld. Þessi bráðfyndna sveit verður
á Nillabar nú í kvöld og spilar alla
þessa helstu slagara.
• Undir tunglinu. Fullt tungl á
Gauknum og tunglsýkin í algleym-
ingi.
• Vinir Dóra skemmta sér og öðr-
um af sinni alkunnu snilld á Púlsin-
um. Verst að hafa ekki Bíbí sjálfan. En
hann hlýtur að koma fyrr en seinna.
• Völuspá verður á Firðinum í
kvöld. Forspáir strákar þar á ferð.
Hafnarfjörður er fallegur bær og þeir
Hafnfirðingar eiga mjög fallegan
skrúðgarð sem þeir nefna Hellisgerði.
Það var einmitt í Hellisgerði sem hýri
maðurinn, sem Flosi Ólafsson orti
um fræga ferskeytlu, var staddur.
Þetta kemur málinu náttúrlega ekk-
ert við en mig langaði bara að koma
þessu að.
• Svörtu sauðirnir nýmarkaðir,
rúnir og afsagaðir og á Café Amster-
dam.
• Bogomil Font og vel stæðu vin-
irnir hans verða á Gauknum í kvöld.
Milljónamæringarnir ætla þó ekki að
splæsa á línuna af barnum en þeir
ætla að spila fyrir pöpulinn án nokk-
urs aukagjalds. Þetta er yndislegt
band.
Sveitaböll
■iHingHaa
• Hreðavatnsskáli Skriðjöklar.
iimiiiHaj
• Njálsbúð Síðan skein sól.
• Baldurshagi Bíldudai Græni bíll-
inn hans Garðars.
• Suðureyri við Súgandafjörð
Sniglabandið.
• Miðgarður Skagafirði Galíleó.
• Ólafsvík Skriðjöklar.
• Neskaupstaður Sálin hans Jóns
míns.
Barir
í síðustu PRESSU
^^^■fjargviðraðist drykkju-
Qb Hmaður blaðsins yfir því
BI JBhversu fyrirmunað bar-
þjónum landsins virðist vera að
læra þá list að skenkja bjór í
könnur. Það gerir mann pirraðan
þegar ekki er rétt staðið að
þessu einfalda verki og getur
valdið því að maður líti annars
ágæta krá ekki réttu auga.
Þjónninn á Kringlukránni gerði
akkúrat þennan feil. Samt var
ekkert mikið að gera og drykkju-
maður þessa blaðs var varla svo
þyrstur á svipinn að það þyrfti að
afgreiða hann í ofboði. Egilsbjór-
inn var þó ágætur á bragðið en
hefði að skaðlausu mátt vera líf-
legri. Maður á næsta borði var
ekki ánægðari með bjórinn sinn
en svo að hann sendi hann til
baka með þeim orðum að hann
væri flatur og ódrekkandi.
Þjónninn tók orðalaust við könn-
unni og kom að vörmu spori með
nýja og þá virtist maðurinn
sætta sig við ölið. Úrvalið á barn-
um er prýðilegt og allir ættu að
geta fundið það sem þeir helst
vilja drekka. Kringlukráin er
staður fyrir hópa og fólk yfir þrí-
tugu. Það er að minnsta kosti
það sem maður fær á tilfinning-
una. Innréttingarnar eru smekk-
legar en samt ekki alveg að
smekk þess er þetta skrifar.
Fyrsta hugsunin var: Ef Helgi í
Góu á eftir að opna Kentucky Fri-
ed Chicken-stað með fullt vín-
veitingaleyfi þá verður hann inn-
réttaður eins og Kringlukráin.
Villtustu barflugur bæjarins hafa
sennilega takmarkað gaman af
því að sitja á Kringlukránni. Fyrir
penna fólk er hún hinsvegar
ákjósanleg. ★ ★
Sýninaar
n# Það var svo geggjað
Árbæjarsafn er löngu hætt
að snúast bara um
moldarkofa heldur líka um
fólk, sumt í ekki alltof fjar-
lægri fortíð. Til dæmis hippasýningin
sem ber með sér andblæ áranna
1968 til 1972, þegar herbergi unglin-
ga önguðu af reykelsi, allir gengu í
útvíðum buxum og karlmenn voru
hæstánægðir með að skvetta á sig
Old Spice- rakspíra. Opiðkl. 10-18.
• Húsavernd á íslandi. Aðalstræti
er sorglegt dæmi um þegar menn
vilja hvort tveggja halda og sleppa,
vernda og rífa. Vissir hlutar Akureyrar
eru á hinn bóginn fagurt dæmi um
skynsamlega húsavernd. í Bogasal er
sýning þar sem er rakin saga húsa-
verndará íslandi. Opiðkl. 11-16.
Stórvarasai
sveppir
Sveppi heitir Sveppi að því
hann étur svo mikið af sveppum.
Sveppirnir sem Sveppi lifir á eru af
berserkjaætt og í daglegu tali kall-
aðir meskalínsveppir eða
„stuðsveppir“. Best heppnaða
persóna myndarinnar og jafn-
framt best leikna, Sveppi, er alveg
kexrugluð í myndinni Veggfóðri
vegna áts á þessum sveppum.
Sveppirnir vaxa meðal annars
víða á íslenskum túnum.
„Við Júlli höfum prófað svona
sveppi — af þeim hlýst góð víma í
fyrstu. Við skemmtum okkur
mikið, hlógum alveg rosalega í
fyrsta sinn er við átum svona
sveppi. Við hlógum það mikið að
við urðum að fara út af skemmti-
staðnum sem við vorum á til að
andá! Maður getur líka tekið fólk
og breytt því, en það gerist auðvit-
að bara í huganum og er alveg
óhemjufyndið. Þetta er þó ekki
sniðugt til lengdar. Sveppaát er
stórhættulegt," segir Jóhann Sig-
marsson, annar af handritshöf-
undum Veggfóðurs, sem ásamt
Júlíusi Kemp ritaði, greinilega af
mikilli innlifun, um persónu
Sveppa. „Þetta voru auðvitað
bernskubrek hjá okkur Júlla, en
við þekkjum þó hvemig það er að
neyta þessara sveppa og komum
Sveppi að tína sveppi fyrir framan
því til skila í myndinni."
Þorkell Jóhannesson prófessor
þekkir einna best til virkni slíkra
sveppa og segir þá hafa svipaða
virkni og LSD en þó veikari. Þetta
em svokallaðir ofskynjunarsvepp-
ir og geta haft stórhættulegar
aukaverkanir. „Þess eru dæmi að
lýsergín geti, eftir einn skammt
jafnt sem langvarandi töku, valdið
geðveikikenndu ástandi er að
sumu leyti líkist geðklofa. „Tripp-
ið“ getur heppnast bæði vel og illa.
Ef það heppnast ekki vel getur
Höfða, enda kengrugluðtýpa.
maðurinn orðið skelfingu lostinn
yftr því að hann sé í pörtum eða
brotum og komist aldrei aftur til
sjálfs sín. Honum finnst því að
festa sín í fýrri veruleik sé brostin
svo hann verði aldrei samur aftur.
Honum fmnst sem sér mæti illvilji
eða hatur frá öllum nema eigin
persónuleika. Oftar en ekki bregst
hann þá við með ofsa, sem leitt
getur til slysa og/eða dauða ann-
arra en hans sjálfs.“
Semsagt; sveppirnir geta verið
stórhættulegir.
DONALDJUDD
í litlum sýningarsal fyrir ofan Levi’s-búðina við
Laugaveg stehdur nú yfir lítil en merkileg sýning þar
sem einn af frægustu myndlistarmönnum okkar
tíma, Donald ludd, sýnir þrjú verk; tvö krossviðar-
verk og verk úr áli. Eigandi húsnæðisins er Pétur
Arasori í Faco, góðvinur Donalds, sem býr í Marfa í
Bandaríkjunum. Pétur hefur ekki aðeins verið Donald innan handar hér á landi, því Pétur aðstoðaði við
uppsetningu sýningar í Moskvu fýrir Jtremur árum. Sjálfur var Donald hér á landi í júlí og opnaði þá sýn-
ingu á verkum sínum í Slunkaríki á Isafirði. Sýningin á Laugavegi 37 er aðeins opin á miðvikudögum ffá
Idukkan 2 til 6.
A LAUCA-
VECINUM
Hilmar
Sigurðsson
auglýsingateiknari hjá Grafít
Halló, þetta er Hilmar. Ég er
ekki heima. Settu skilaboð hér
eftir tóninn ogéghefsam-
band. Viðfyrsta tœkifæri.
Kvikmyndastjarna imcuiuí>
Enginn íslenskur leikari hefur
leikið í eins mörgum bíómyndum
og Egill Ólafsson. Það er varla
neitt ofmælt að fullyrða að um
þessar mundir sé hann mesti
kvikmyndaleikari íslands. Og,
nota bene, hann er ekki lærður
leikari. Ekkert hefur þó enn orðið
af neinni rullu úti í hinum stóra
heimi. Þó gæti orðið á því breyt-
ing á næstu misserum því erlend-
ur leikstjóri mun hafa augastað á
stórleikaranum Agli Ólafssyni. En
Egill vill ekki segja hver það er.
Að því er næst verður komist
hefur Égill verið festur á filmu í 17
myndum. Teljum þær helstu í
sem næst réttri röð: Grandvar
barnakennari í Jóni Oddi og
Jóni Bjarna; Stinni stuð í Með
allt á hreinu; víkingakempa í
Hrafninn flýgur; Oddur sýslu-
mannsfulltúi í Hvítum mávum;
vonbiðill í í skugga hrafnsins;
Magnús, lögfræðingur með
krabbamein, í Magnúsi; aðstoð-
armaður í Kristnihaldinu; aðal-
hlutverk í Ryði, en smátt hlutverk
í Börnum náttúrunnar; Ólafur
Tryggvason í Hvlta víldngnum.
í Veggfóðri er Egill svo í litlu
hlutverki, en fer hins vegar með
eitt aðalhlutverkið í Karlakórn-
um Heklu. Að auki bætast við
hlutverk í sjónvarpsmyndum á
borð við Silfurtunglið, Snorra
Sturluson og Englakroppa.
Svo duglegur hefur Egill verið
síðustu árin að það telst nánast
sæta tíðindum ef kemur kvik-
mynd þar sem honum bregður
ekki fyrir.
En hvaðfnmst honum sjdlfum
urn allarþessarmyndir, erein betri í
minningunni en örmur?
„Maður er fullkomlega ódóm-
bær á börnin sín. Mér þykir eigin-
lega vænst um þær myndir sem ég
er að vinna að hverju sinni. Þá
hefur maður enn möguleika á að
gera eitthvað og móta, en annað
er búið og gert.“
ímörgum rnyndurn þarft þú ekki
aimað en að birtast, sj’ria á þér and-
litið til að draga að þér alla athygli.
Hver ergaldurinn þarað baki?
„Þetta er spurning um einbeit-
ingu. Þetta er eitthvert algleymis-
ástand. Maður breytist í viðkom-
andi mann eftir ákveðnum for-
sendum, reynir að skilja hann.
Minn galdur er sá að finna það í
fari mínu sem ég held að eigi við
viðkomandi persónu."
Egill licfur sern fyrr segir etiga
menntun úr leiklistarskóla. Hefur
það hamlað honurn?
„Kvikmyndirnar eru búnar að
vera minn skóli. Ég hef auðvitað
gert mistök í þessum myndum
sem ég hefði kannski ekki gert
hefði ég farið í einhvern skóla, en
maður veit aldrei."
Bestu ísletisku myndirnar að
þínurn dóttti?
„Hrafninn flýgur og Land og
synir. Ég er einnig búinn að sjá
mynd Kristínar Jóhannesdóttur,
Svo á jörðu sem á himni, og tel
hana í flokki bestu kvikmynda
sem gerðar hafa verið hér á landi.
Mér fmnst blása ferskum anda í
íslenskri kvikmyndagerð."