Morgunblaðið - 27.04.2004, Blaðsíða 16

Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 669-1310. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 669-1115.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Amtsbókasafnið á Akureyri er uppáhalds-
skemmtistaður margra bæjarbúa. Nýlega
búið að taka í notkun langþráð viðbót-
arhúsnæði. Afmælisgjöfina. Á gamla safninu
fóru allir úr skónum í forstofunni. Tóku bæk-
ur á sokkaleistunum. Það mátti ekki hafa
hátt. Og umframt allt ekki borða neitt innan
um bækurnar. Núna. Breyttir tímar. Það má
allt. Fara inn á skónum. Með kleinu. Spjalla
við aðra gesti. Þarf ekkert að hvísla. Eitt hef-
ur samt ekki breyst. Starfsfólkið er alveg
jafn elskulegt. Lipurt og voða gott. Var líka
svoleiðis þegar Jódís var á safninu. Siglaug-
ur og Davíð. Skáld frá Fagraskógi.
KEA Skammstöfun fyrir Kristur er Ak-
ureyringur. Því trúðu börnin í gamla daga.
Héldu sum að þessi Kristur væri kall sem
kallaðist Kiddi hversdags. Gæti þó hafa verið
Tóbaks-Steini sem svolgraði fimm pilsnera í
tíu kaffinu hjá Gunna Skjól. Kallinn í jakka-
fötunum, á ameríska kagganum, A-tveimur
þó líklegri. Einhvern veginn sparilegri. Í það
minnsta var KEA eitthvað kristilegt. Tær-
asta birtingarformið: Jólatréð við kirkjuna. Í
boði KEA. Áratugum saman. Þar til allt í
einu að tímarnir breyttust. Og KEA með.
Fór svona meira út í byggðafestu. Hætti að
splæsa í tré. Ekki lengur á markaði, sögðu
þeir. Þurfum ekki að vera sýnileg. Efndu
samt til svaka menningarveislu á Glerártorgi
á dögunum. Troðfullt hús. Mjög sýnilegt.
Samt getur enginn keypt neitt lengur af
KEA. Og nú trúir því ekki nokkur maður að
Kristur sé Akureyringur. Hann er Aðkomu-
maður. Yfirleitt góðir menn, aðkomumenn.
Þó þeir hafi sumir komið við sögu lögreglu í
eina tíð. Eins og löngum mátti lesa í Degi
Erlings Davíðssonar. Kannski var reiðhjóli
stolið af mætum íbúa bæjarins. Aðkomu-
menn lágu ævinlega undir grun.
Leiðinlegt hvað Akureyringurinn Sverrir
Leósson hefur mikið horn í síðu Jakobs
Björnssonar, aðkomumanns. Kennir Kobba
einum um að sveitungar hans úr Aðkomu-
mannahreppi hafi sölsað fjöreggið, ÚA undir
sig. Nú á bærinn enga útgerð og enga fisk-
vinnslu. Skuldinni skellt á aðkomumenn.
Skemmtilegt hvað Jón Arnþórsson er dug-
legur maður. Búinn að safna aleinn og nán-
ast óstuddur vélum og tækjum frá gamla
verksmiðjubænum Akureyri. Frá því áður
en tímarnir breyttust. Þegar nærsveitung-
arnir gerðust aðkomumenn á Akureyri og
fóru að búa til Iðunnarskó, Gefjunarúlpur,
Flórudjús. Ætlar að opna Iðnaðarsafnið sitt
1. maí í nýju húsnæði. Vonandi að Akureyr-
ingar og aðkomumenn komi og skoði.
Úr
bæjarlífinu
AKUREYRI
EFTIR MARGRÉTI ÞÓRU ÞÓRSDÓTTUR
BLAÐAMANN
Íbúum í Vest-mannaeyjum fjölgarnú um hundruð þús-
unda þessa dagana því nú
eru lundarnir að koma aft-
ur heim að sínu bóli og að
setjast upp, segir á vef
Vestmannaeyja. Talið er
að í Vestmannaeyjum séu
um 4 milljónir lunda yfir
sumartímann. Um 7 mán-
uðir eru liðnir frá því að
lundarnir yfirgáfu „byggð-
ina“ síðast. Allan þann
tíma hefur fuglinn haldið
sig á hafi úti. Á Fiska- og
náttúrugripasafni Vest-
mannaeyja er hægt að
fylgjast með lundabyggð-
inni í Ystakletti í beinni út-
sendingu. Þar er einnig
hægt að fræðast um lund-
ann og fleiri áhugaverða
hluti tengda náttúru
Eyjanna.
Sestur upp
Fyrir skömmu fékk leikskólinn Sólvellir í Grund-arfirði afhent 20 ný endurskinsvesti frá Sjóvá-Almennum. Að sögn leikskólastjóranna Matt-
hildar Guðmundsdóttur og Sigríðar Pálsdóttir eru slík
vesti kærkomin því þau gömlu voru farin að verða lúin.
Vestin er alltaf notuð þegar börnin fara í gönguferð um
bæinn með starfsfólki en skær litur þeirra sést vel hvort
sem er í björtu eða rökkri þegar bílljós lýsa á þau.
Morgunblaðið/Gunnar Kristjánsson
Fengu ný endurskinsvesti
Ragnar Ingi Að-alsteinsson ogÞórður Helgason
eru með bragfræðikennslu
í Kennaraháskólanum, þar
sem nemendur skila viku-
lega inn vísum. Þar á með-
al var limra eftir Elsu
Dórótheu Kjartansdóttur
um kaupæðið:
Áfram ég teygist og tútna
með tímanum roðna og
þrútna
en þrátt fyrir það
ég þeysist af stað
í pokahlaup „þurfandi“
pútna.
Það hefur verið haft á
orði í gegnum tíðina að
kratar hefðu horn í síðu
bændastéttarinnar, enda
manna duglegastir að
mæla fyrir niðurskurði í
landbúnaði. Út af því var
ort:
Það væri gaman og gott að
farga
gjörvöllu bændastóðinu;
það kostar lítið, en kætir
marga
– kratar hræra í blóðinu.
Af kaupæði
Fagridalur |Ekki reyndist auð-
velt að mynda fjórlembingana
hennar Stangar. Ánni stóð alls
ekki á sama um alla athyglina
sem lömbin hennar fengu og
lömb, eins og lömbum er eðli-
legt, voru að reyna að ná sér í
mjólkursopa og stóðu því allt í
kring um móður sína. En af því
kindur hafa aðeins tvo spena
og þegar systkinahópurinn er
stór verður minni sopi handa
hverjum og því nauðsynlegt að
vera svolítið frekur til að
bjarga sér.
Morgunblaðið/Jónas Erlendsson
Stöng stendur í ströngu
og stangaði ljósmyndarann
Lífs-
barátta
ÚTGEFNUM atvinnuleyfum fjölgaði mik-
ið á fyrsta ársfjórðungi í ár samanborið við
sama tímabil í fyrra. Þannig voru gefin út
907 atvinnuleyfi á
fyrsta fjórðungi árs-
ins en 561 á sama
tímabili í fyrra, að
því er fram kemur í
skýrslu Vinnumála-
stofnunar um at-
vinnuástandið.
Mest var aukn-
ingin á nýjum tíma-
bundnum atvinnu-
leyfum og á
óbundnum atvinnu-
leyfum en fjöldi þeirra um það bil fjórfald-
aðist i hvoru tilviki fyrir sig. Þannig var
fjöldi nýrra tímabundinna leyfa 208 til
marsloka í ár en 55 á sama tímabili í fyrra
og óbundnum atvinnuleyfum fjölgaði og
voru 267 í ár samanborið við 69 á fyrsta
ársfjórðungi í fyrra.
Atvinnuleyfi vegna nýs vinnustaðar voru
einnig nokkru fleiri en á sama tíma í fyrra
eða 85 samanborið við 73 fyrstu þrjá mán-
uði ársins í fyrra. Framlengdum tíma-
bundnum leyfum fækkaði hins vegar nokk-
uð milli ára eða úr 319 í fyrra í 289 í ár
Færri atvinnuleyfi voru gefin út á síð-
asta ári en árin tvö þar á undan. Þannig
voru gefin út 3.292 atvinnuleyfi til útlend-
inga í fyrra samtals, en árið 2002 voru hins
vegar gefin út 3.637 leyfi og talsvert fleiri
eða 4.505 árið 2001.
Mikil aukning
í útgáfu
atvinnuleyfa
Á FUNDI Hafnarstjórnar Súðavíkur-
hrepps sem haldinn var í síðustu viku var
rædd nauðsyn sjóvarna í þorpinu og var þar
nefnd nauðsyn þess að ljúka framkvæmd-
um við varnargarð neðan Njarðarbrautar.
Einnig var samþykkt bókun þar sem lögð
er áhersla á verndun Langeyrartjarnar.
„Þar brýtur sjór land og hefur valdið veru-
legu landbroti á stuttum tíma. Mikilvægt er
að stöðva landbrotið sem fyrst, því ef sjór
nær inn í tjörnina veldur það óbætanlegu
tjóni á náttúru Langeyrartjarnar,“ segir í
bókun á vef sveitarfélagsins. Þeir sem fara
á hraðferð um Álftafjörð verða trúlega ekki
mikið varir við Langeyrartjörn. Sumir
nefna hana eitt best geymda leyndarmálið í
náttúrufegurð Álftafjarðar. Þar sem í ár-
anna rás hefur þrifist fjölskrúðugt fuglalíf
og gróðurfar.
Varnargarður og
verndun Lang-
eyrartjarnar
♦♦♦
Hveragerði | Ný og
stórglæsileg her-
bergjaálma var tekin
formlega í notkun á
Heilsustofnun NLFÍ á
sumardaginn fyrsta.
Þessi nýja álma er tutt-
ugu herbergja, en alls
eru í þeim tuttugu og
átta rúm. Byggingatím-
inn var stuttur, því ein-
ungis er tæpt ár síðan
hafist var handa við
bygginguna. Það eru Ís-
lenskir aðalverktakar
sem byggðu húsið en
þeir eru að hefja bygg-
ingu á þjónustuíbúðum,
sem tengdar verða
Heilsustofnun.
Landbúnaðarráð-
herra, Guðni Ágústsson,
klippti á borða í tilefni
áfangans með aðstoð
nýs framkvæmdastjóra
Ólafs Sigurðssonar og
Gunnlaugs Jónssonar forseta stjórnar NLFÍ. Að vígslu lokinni var gestum
boðið að skoða nýju álmuna, sem er eins og einn gestanna orðaði það „eins
og flottasta fimm stjörnu hótel“. Eftir athöfnina var öllum boðið að snæða
hádegisverð á Heilsustofnun.
Þrjár glæsilegar við opnunina: Anna Pálsdótt-
ir, upplýsingafulltrúi HNLFÍ, Hulda Sigurlína
Þórðardóttir hjúkrunarforstjóri og Guðrún
Friðriksdóttir móttökustjóri.
Morgunblaðið/Margrét Ísaksdóttir
Ný herbergjaálma
á Heilsustofnun
pebl@mbl.is