NT - 03.09.1984, Side 11

Mánudagur 3. september 1984 11
íslenskur hunda- og
kattamatur á markað
■ Nú geta gæludýraeigendur á ís-
landi keypt innlenda framleiðslu í
matinn handa fjölskyldumedlimum af
hunda- og kattakyni. Paö er fyrirtæk-
iö Ismat hf. í Ytri-Njarðvík sem nú
setur á markaðinn nýtt og óvenju
próteinríkt fóður handa þessum
dýrum.
Forsvarsmenn ísmats hf. og Birgis
hf. ,sem annast dreifinguna til smá-
söluaðila, boðuðu blaðamenn á sinn
fund á fimmtudaginn tii að kynna
framleiðsluna.
Hundamaturinn sem kallast Lusy
eftir hinni frægu, einu og sönnu Lucy,
sem á sínum tíma komst í heimspress-
una, hefur að vísu verið á markaði
hérlendis síðan í maí, en kattamatur-
inn, sem hefur hlotið nafnið Lady,
eftir ekki alls ófrægum ketti. er hins
vegar alveg nýr á markaðnum.
Gunnar Páll Ingólfsson, fram-
kvæmdastjóri ísmats hf., sagði bæði
þessi fæðuafbrigði framleidd úr ýms-
um úrgangi sem annars væri fleygt og
væri þannig verið að bjarga töluverð-
um verðmætum frá glötun með þess-
ari framleiðslu.
Að sögn Gunnars er fyrirhugað að
mestur hluti framleiðslunnar verði
fluttur út. Þegar hann var spurður um
samkeppnismöguleikana á erlendum
mörkuðum, kvað hann þá mun frekar
byggjast á gæðum en verði. Luey og
Lady væru mun próteinríkari en flest-
ar aðrar tegundir gæludýrafóðurs sem
á markaðnum væru og fyrir það
mundi fólk tilbúið að greiða nokkru
hærra verð auk þess sem dýrin mett-
uðust fyrr af þessu fóðri en öðru og
þyrftu því minna. Samkeppnishæfnin
byggðist því fyrst og fremst á því að
hér væri um „lúxusfóður" að ræða.
Þá kom einnig fram á blaðamanna-
fundinum að vissar markaðskannanir
hefðu farið fram og niðurstaða þeirra
væri sú að ekki þyrfti nema tiltölulega
litla markaðshlutdeild erlendis til að
standa undir framleiðslunni hér. Gert
er ráð fyrir að framleiða um eina
milljón dósa á ári og er ætlunin að selja
um einn tíunda hluta framleiðslunn-
ar innanlands en um 900 þúsund dósir
eru ætlaðar til útflutnings.
Um þessar mundir er verið að
kynna þessa vöru í Danmörku, Nor-
egi og Svíþjóð.
Smásöluverð á einni dós hérlendis
mun vera um 35 kr. og taldi Gunnar
Páll að tíkin Táta sem við á NT
höfðum með okkur á fundinn mundi
þurfa um tvær dósir á dag sér til
viðurværis ef hún æti ekkert annað.
Hann kvaðst þó álíta að í flestum
tilvikum væri hundum gefið annað
fóður með dósamatnum.
Matvörur út
á krítarkort:
Sumir hætta
- en aðrir
halda áfram
■ Nú um mánaðamótin
hættu fjölmargar matvöru-
verslanir að taka við krítar-
kortum, þar á meðal risar í
bransanum, svo sem Mikli-
garður, Hagkaup og Vöru-
markaðurinn.
Eftir sem áður halda fjöl-
margar matvöruverslanir á-
fram krítarkortaviðskiptum.
Frá sjónarhorni hins almenna
neytanda er þó sá galli á gjöf
Njarðar að það eru fyrst og
fremst litlar og miðlungsstórar
verslanir, þannig að þeir sem
hyggjast halda áfram að kaupa
út á kortin sín, mega búast við
nokkru hærra vöruverði að
meðaltali.
Þótt fjöldinn allur af versl-
unum kjósi nú að hætta korta-
viðskiptum, er ekki þar með
sagt að úrslit þessa máls séu
endanlega ráðin. Ef svo færi
að þær verslanir sem nú hætta
kortaviðskiptum, töpuðu um-
talsverðum viðskiptum til
þeirra sem halda áfram, er
nefnilega ekki að vita nema
þær sæju sig tilneyddar að
snúa við blaðinu og draga
kortamaskínurnar fram að
nýju.
■ Það var sama hversu Gunnar Páll Ingólfsson, framkvæmdastjóri ísmats hf.,
lagði að henni Tátu okkar að þekkjast LUCY hundamatinn, það gekk ekki með
nokkru móti. En þegar Tátu var boðið upp á LADY kattamat, kom annað hljóð
í strokkinn og pappadallurinn tæmdist á svipstundu.
I hílnum á leiðinni heim dró Táta svo saman niðurstöður prófunarinnar í
eftirfarandi vísupart sem hún kvað tilvalið að nota í auglýsingu:
„LUCY-hundamat lít ég hreint ekki við,
en LADY-fóður er albesta hnossgætið“
LUCY eða LADY?
Tíkin Táta hafði sínar eigin skoðanir á hlutunum
■ Lucy hundamatur er algert óæti
og ekki hundum bjóðandi, en Lady
kattamaturinn er hins vegar úrvals-
fæði og hinn mesti herrahundsmatur.
Nútímatíkin Táta var ekkert að tví-
nóna við hlutina þegar hún var beðin
að dæma um ágæti þessara tveggja
fæðutegunda frá Ismat hf. á blaða-
mannafundi á Hótel Loftleiðum á
fimmtudaginn.
Við á NT þóttumst tæplega dóm-
bærir um ágæti hunda- og l<attamatar,
jafnvel þótt okkur yrði boðið að
smakka, þannig að við höfðum sam-
band við Nútímatíkina Tátu, og feng-
um hana með okkur á þennan blaða-
mannafund, sem ísmat hf. hafði boð-
að til að kynna þessar tvær nýju
tegundir gæludýrafóðurs fyrir fjöl-
miðlum.
Tátu var að sjálfsögðu vel fagnað
þegar hún gekk tignarlegum skrefum
inn í fundarherbergið. Var þegar
sóttur dósahnífur og innihaldi einnar
dósar af LUCY hundamat komið
fyrir í pappadalli á gólfinu. Ljós-
myndarar settu sig í stellingar og
munduðu myndavélarnar tilbúnir að
smella af þegar Táta tæki til matar
síns.
Táta bar sig reyndar að rétt eins og
þaulvanur matprófari. Hún horfði
fyrst á matinn stundarkorn. lyktaði
því næst af honum frá ýmsum hliðum
og hnusaði. En það var eins og henni
líkaði ekki lyktin, því það var sama
hversu hart var lagt að henni að stinga
upp í sig eins og einum bita, þá
hörfaði hún bara undan og var á
svipinn rétt eins og hún vildi segja:
„Nei, ómögulega, þakka þér fyrir.“
Þegar allar tilraunir til að koma
LUCY hundamatnum ofan í Tátu
höfðu mistekist var að lokum gripið
til þess örvæntingarúrræðis að bjóða
henni upp á LADY kattamat í
staðinn, í von um að hún fengist þó
alla vega til að þiggja einhverjar
góðgerðir.
Og viti menn! Allt í einu léttist
mjög brúnin á Tátu. Þegar hún hafði
lyktað af dallinum með svipaðri að-
ferð og áður er frá greint, brá hún
hart við og tæmdi LADY kattamatinn
úr honum með svo undraskjótum
hætti að ekki mátti tæpara standa að
ljósmyndararnir næðu að festa fyrir-
brigðið á filmu.
Þar með hafði Nútímatíkin Táta
fellt sinn dóm yfir þeim vörum sem á
boðstólum voru, án nokkurra vafn-
inga.
Þegar Táta yfirgaf sviðið skömmu
síðar fékk hún með sér í nesti fjórar
dósir af hvorri tegund og NT vonasf
til að geta skýrt lesendum sínum frá
hugsanlegri breytingu á afstöðu henn-
ar til þessara fæðutegunda eftir svo
sem vikutíma.
Nú er ástæða til að endurnýja
baðblöndunartækið og fá
hitastillt^75w^ í staðinn
= HEÐINN =
SELJAVEGI 2, SÍMI 24260
Breiðholtsbúar
Skólafólk
VfSA
Hjá okkur rg'
EUPOCARO
fáið þið allar
skólavörurnar
á hagstæðu verði
m
BOKABUO
BREIDHOLTS
ARNARBAKKI 2 109 REYKJAVÍK
SIMI71360
Bifreiðaverkstæðið Dvergur
Smiðjuvegi 38 E Kópavogi auglýsir
Gerum við flestar tegundir bifreiða Lada-
Leyland þjónusta.
Látið okkur yfirfara bifreiðina fyrir veturinn.
Verið velkomin
Bifreiðaverkstæðið Dvergur
Smiðjuvegi 38 E Kópavogi
sími: 74488