Morgunblaðið - 21.12.2003, Side 36

36 | 21.12.2003
Mæðgurnar Helga S. Erlingsdóttir og Kristín, sem er þriggja ára, eigafallegt og jólalegt heimili þar sem jólaseríur, kerti og bökunarlykthafa komið þeim í jólaskap.
Hvernig lýsir þú eigin stíl og hverju sækistu eftir þegar kemur að útliti heim-
ilisins?
„Ég er ekki föst í einum stíl, er með frekar blandaðan stíl en jafnframt ein-
faldan. Ég kaupi það sem að mér finnst fallegt. En afi minn, Nói sem er mikill
listamaður (átti Valbjörk á Akureyri) hefur haft mikil áhrif á minn stíl þótt ég
sé ekki með mikið dót eftir hann. Ég hef óneitanlega fengið áhugann frá hon-
um.“
Hvenær byrjaðir þú að skreyta heimilið fyrir jólin?
„Ég skreyti yfirleitt ekki mikið en var komin óvenju snemma í jólaskap
núna, í byrjun desember, og byrjaði þá aðeins að skreyta.“
Hvað er það sem gerir heimilið jólalegt?
„Jólaseríur, kerti og bökunarlykt.“
Hverju sækirðu eftir þegar kemur að jólaskrauti og útliti þess?
„Ég vil hafa lítið en fallegt jólaskraut.“
Uppáhaldsjólaskrautið?
„Það er handgert jólaskraut með perlum og pallíettum til að hengja á jólatré,
sem vinkona ömmu gerði og gaf henni.“
Uppáhaldsjólalitirnir?
„Rautt og hvítt.“
Kaupir þú eitthvert nýtt skraut á hverju ári og hvað þá núna?
„Já, ég hef gaman af að vera með eitthvað nýtt og í ár keypti ég
nokkra nýja hluti til að setja á jólatréð.“
Hefur þú notið aðventunnar og hvernig?
„Já, við kveikjum á aðventukransinum, hlustum á jólatónlist og
bökum.“
Hverjar eru áherslur þínar við að innrétta fallegt heimili?
„Hlýlegt og stílhreint.“
Hvenær er jólatréð sett upp og hvernig er það skreytt?
„Jólatréð er sett upp á Þorláksmessukvöld og skreytt með seríum,
jólakúlum og handgerðu jólaskrauti. Dóttir mín er aðalmanneskjan í
að skreyta jólatréð og því verða líka jólasveinar og annað skemmti-
legt að vera á því.“
VANTAR BARA
JÓLATRÉÐ
Vill lítið og fallegt jólaskraut
HEIMILI | HALLA BÁRA GESTSDÓTTIR
Jólatréð er sett upp á
Þorláksmessukvöld og
skreytt með seríum,
jólakúlum og hand-
gerðu jólaskrauti.
L
jó
sm
yn
di
r:
G
un
na
r
S
ve
rr
is
so
n