Morgunblaðið - 09.10.2004, Síða 23
Þetta er stórglæsileg sýn-ing og skipulagið erbetra en ég hef kynnstannars staðar. Ég hef
aldrei áður haft jafngott starfsfólk
með mér í sýningarhring og skil
eiginlega ekki hvernig stendur á
því að besta fólkið skuli vera á Ís-
landi, þessari litlu eyju,“ segir
Tore Fossum að lokinni árlegri
haustsýningu Hundaræktarfélags
Íslands.
Tore er gamalreyndur dómari
og afar virtur í hundaheiminum,
eins og raunar aðrir dómarar sýn-
ingarinnar, Soile Bister frá Finn-
landi, Carl-Gunnar Stafberg frá
Svíþjóð og Trudy Walsh frá Ír-
landi, sem öll eru eftirsótt á
stærstu hundasýningum Evrópu.
Farið ykkur hægt í ræktun
Þótt dómurum hafi þótt skipu-
lagið og starfsfólkið fyrsta flokks,
voru þeir ekki jafnánægðir með
alla hundana, hér væru hundar í
öllum gæðaflokkum. „Þegar
hundar eru dæmdir á sýningum er
ræktunarmarkmið hverrar teg-
undar haft til viðmiðunar, en þar
kemur fram lýsing á því hvernig
hundurinn á að líta út, hvernig
lundernið á að vera, feldurinn og
hreyfingar,“ segja þau og eru
sammála um að sumir hundarnir
hafi verið talsvert langt frá lýs-
ingu tegundarinnar í rækt-
unarmarkmiðum. „Innan um eru
hundar í hæsta gæðaflokki, sem
gætu sigrað á hvaða sýningu sem
er í heiminum, en það er ljóst að
þið þurfið að fara ykkur hægt í
ræktun og vanda afar vel valið á
ræktunarhundum.“
Sú sem þetta skrifar hefur
fylgst með fjölmörgum sýningum
Hundaræktarfélags Íslands í
gegnum tíðina og tekið fleiri viðtöl
við dómara en hún hefur tölu á.
Segja má að þessir dómarar hafi
verið öllu strangari en margir aðr-
ir sem hér hafa dæmt, en Soile
Bister, sem sumum þótti helst til
ströng, segir að allir hundaeig-
endur hafi tekið dómum sínum af
stakri prúðmennsku. „Ég dæmi
mjög víða á hundasýningum og
síðast þegar ég dæmdi í Úkraínu
þurfti ég að hafa lífvörð með mér.
Öskureiður hundaeigandi sem var
ósáttur við dóm starfsbróður míns
sló hann í höfuðið með stórum
steini með þeim afleiðingum að
dómarinn lést. Í kjölfarið voru líf-
verðir látnir fylgja dómurum
hvert fótmál. Þessi viðbrögð
hundaeigandans voru náttúrlega
með ólíkindum og algjör und-
antekning, en ég tek ofan fyrir ís-
lenskum hundaeigendum og prúð-
mennsku þeirra, og vona að þeir
vinni markvisst og af metnaði að
vandaðri hundarækt í framtíðinni.
Viðamesta sýningin til þessa
Sýningar Hundaræktarfélags
Íslands verða viðameiri með
hverju árinu, enda hefur áhugi á
hreinræktuðum og ættbók-
arfærðum hundum aukist veru-
lega. Alls voru rúmlega 100 hvolp-
ar skráðir til leiks og heildarfjöldi
hunda á haustsýningunni tæplega
500. Það hrærir hjarta hunda-
áhugafólks að fylgjast með svo
stórum hópi hunda koma saman
án þess að til nokkurra árekstra
komi.
Hundarnir voru upp til hópa
ákaflega prúðir og undir góðri
stjórn eigenda sinna.
Haustsýning félagsins er eins
konar uppskeruhátíð ársins og
voru bæði hundar og menn heiðr-
aðir fyrir framúrskarandi árangur
á árinu. Sérstaklega er vert að
geta þess að heiðraðir voru af-
reks- og þjónustuhundar ársins.
Gamli fíkniefnaleitarhundurinn
Bassi, 8 ára gamall labrador re-
triever, er þjónustuhundur ársins,
en hann vinnur ásamt Þorsteini
Hauki Þorsteinssyni á vegum Toll-
stjóraembættisins að forvarna-
málum og heimsækir árlega öll
fermingarbörn landsins. Afreks-
hundur ársins er Tryggur, sem
sérstaklega hefur verið þjálfaður
til að aðstoða 7 ára gamlan dreng,
Viðar Sigurðsson, sem er hreyfi-
hamlaður vegna vöðvasjúkdóms.
Voru áhorfendur sammála um að
það hefði í senn verið hátíðlegt og
hjartnæmt að sjá þessa tryggu og
góðu hunda heiðraða fyrir frábær
störf í þágu okkar mannanna.
DÝR | Árleg haustsýning Hundaræktarfélags Íslands
Um 500 hundar
á sýningunni
Tignarlegur og fag-
urrauður írskur setter
stóð uppi sem sigurveg-
ari sýningarinnar.
Brynja Tomer fylgdist
með fjórum erlendum
dómurum að störfum á
árlegri haustsýningu
Hundaræktarfélags
Íslands.
Ljósmyndir/ Jón Svavarsson
Afreks- og þjónustuhundar ársins voru heiðraðir: Frá vinstri: Auður
Björnsdóttir, Viðar Sigurðsson, afrekshundurinn Tryggur, Þorsteinn H.
Þorsteinsson með þjónustuhundinn Bassa og Þórhildur Bjartmarz, formað-
ur Hundaræktarfélags Íslands.
Fallegur: Þessi glæsilegi írski setterhundur var fallegastur allra. Á mynd-
inni eru talið frá vinstri: Tore Fossum dómari, Trudy Walsh dómari, sem
jafnframt ræktaði hundinn, sigurvegarinn Ardbraccan Hallmark og eig-
andi hans, Jóna Th. Viðarsdóttir.
MORGUNBLAÐIÐ LAUGARDAGUR 9. OKTÓBER 2004 23
GIGTARFÉLAG
ÍSLANDS
Opið hús í
Gigtarmiðstöðinni Ármúla 5
í dag, laugardag, frá kl. 13-16
Þema: Gigtarfætur og -skór
Dagskrá:
13:00 Ávarp:
Einar S. Ingólfsson, formaður Gigtarfélags Íslands.
13:05 Styrkveiting úr Þorbjargarsjóði:
Þórunn Ingólfsdóttir, formaður.
13:15 Gigtarfætur:
Erna Jóna Arnþórsdóttir, sjúkraþjálfari á LSH.
13:40 Skólausnir fyrir gigtarfætur:
Lárus Gunnsteinsson sjúkraskósmiður.
14:10 Kynningar:
• Stoðtækjafyrirtækið Össur verður með kynningu á
göngugreiningu og ráðgjöf við skólausnir.
• Iljaskinn verður með kynningu og ráðgjöf
við skólausnir.
• Iðju- og sjúkraþjálfarar veita ráðgjöf og upplýsingar.
• Áhugahópar GÍ kynna starfsemi sína.
• Kynning á hópþjálfun GÍ og beinþéttnimæling.
Gigtarmiðstöðin er 20 ára í ár - Allir velkomnir
Gigtarfélag Íslands
BESTA VERÐIÐ?
Það er gaman að eyða peningum
en það er líka gaman að spara
Sá sem gerir hvort tveggja hefur
tvöfalda ánægju af peningunum..
FjÁRMÁL HEIMILANNA . . . .
- Ný hugsun í heimilisrekstri
" Auka frjálsar ráðstöfunartekjur heimilisins
" Greiða hratt niður skuldir
" Fjárfesta í sparnaði óháð skuldastöðu
" Meta áhrif viðhorfa og hegðunar á fjármálin
Námskeið þar sem kennt verður að:
Námskeiðsgögn og 3 mánaða frí áskrift að
heimilisbókhaldi og veltukerfi sem er fljótvirk
aðferð til að greiða niður skuldir.
Upprifjunarnámskeið eftir 6 mánuði.
Innifalið í námskeiðinu er:
Næsta Námskeið:
Skráning:
Staður:
Leiðbeinandi:
Skoðaðu heimasíðuna www.spara.is Það borgar sig !
ÞúÞú átt nóg af peningum.
Finndu þá!
12. og 14. október kl 18:00 - 21:00
16. og 18. nóvember kl 18:00 - 21:00
www.spara.is eða í síma 587 2580
Háskóli Íslands, stofa 101 í Odda
Ingólfur H. Ingólfsson, félagsfræðingur Zeus - hei ldvers lun
Austurströnd 4
sími: 561 - 0100
DAGLEGT LÍF