Morgunblaðið - 13.04.2003, Blaðsíða 5

Súpan er heit!
Súpur eru það allra vinsælasta í matarheim-
inum núna enda bæði girnilegar og bráðhollar
og fjölbreytnin er endalaus. Súpa, súpa er nýr
veitingastaður sem verður opnaður á næstunni
í Þingholtsstræti 5 (gamla Ísafoldarhúsinu).
Þar verða í boði girnilegar súpur af öllum
gerðum og frá öllum heimshornum. Á matseðl-
inum verður gamla góða kakósúpan, sætar
súpur og kryddaðar, graskerssúpa, hörpu-
skels-, krabba- og chilisúpa, steinseljusúpa,
grænar, rauðar, brúnar og gular, gúrkusúpa,
djasssúpa, blues-súpa og rokk-súpa, klass-
ískar og nýstárlegar og langflestar fljótandi!
Einnig verður hægt að taka súpu með sér heim
– en farið varlega, súpan er heit!
Nammidagshringurinn
Ertu leið/ur á því að vera alltaf með sama hring-
inn? Þá er þetta lausnin – hringur með skreytingu
úr hlaupi sem þú getur skipt út eftir því sem þig
lystir. Kannski rautt jarðarberjahlaup einn dag-
inn, sítrónusúrt þann næsta. Hringurinn er úr 18
k. gulli og vegur um 50 g og fæst því ekki gefins
en hlaupið fæst hins vegar út um allan bæ á
fimmkall. Þessi skemmtilegi hlauphringur sem
storkar öllum viðteknum hugmyndum um skart-
gripi, er íslensk hönnun og hefur fengið umfjöll-
un í ýmsum erlendum blöðum eins og Financial
Times og New York Post og ýmsum hönn-
unartímaritum. Íslenskir hlaupunnendur ættu að
kynna sér málið. Hringurinn fæst í
OR gullsmiðir Laugavegi.
OAO – Nýjar vörur á markaðnum
Eftirspurn eftir hollustuvörum, einkum
lífrænum, fer hratt vaxandi um all0an
heim. Nýverið var hafinn innflutningur á
OAO-matvörunum hér á landi en þær
eru framleiddar úr lífrænt ræktuðu hrá-
efni án allra aukaefna. OAO stendur fyr-
ir Organic Agricultural Organization og
er framleiðslan undir ströngu eftirliti frá
vottunarstofnunum eins og Ecocert,
Biogarantie og Lima Expert. Virðing er
borin fyrir þörfum umhverfisins jafnt
sem einstaklingsins en einnig er lögð
áhersla á að bragðgæði og falleg hönn-
un haldist í hendur.
Umbúðir OAO eru nýstárlegar enda
unnar úr endurunnum pappa og hann-
aðar af hinum heimsfræga Philippe
Starck. Markmiðið var að láta vörurnar
líta jafnvel út og þær brögðuðust og op-
in á kössunum eiga að endurspegla
tengsl manns og fæðu og auðvelda að
sjá hvað mikið er eftir í pakkanum.
OAO-vörurnar uppfylla kröfur þeirra
sem láta góða hönnun skipta sig máli,
engu síður en gæði innihaldsins.
Í OAO-vörulínunni er m.a. að finna líf-
rænt espresso-kaffi, sem ræktað er af
Kogee-indjánum í fjöllum Sierra Nev-
ada í Kólumbíu, eftir aldagömlum að-
ferðum og eru baunirnar handtíndar og
sólþurrkaðar og ræktunin öll án auka-
efna eða eiturefna.
Einnig eru í línunni spagetti, basil-
ikumtómatsósa, mexíkósk tómatsósa,
sítrónutómatsósa, tómatsósa með jurt-
um, tómatsósa með svörtum ólífum,
músli með ávöxtum, couscous, basmati
hrísgrjón, thai hrísgrjón, nokkrir hrað-
réttir, espresso kaffi, hrískökur, nokkr-
ar tegundir af grænmetispaté, kornkex
með súkkulaðibitum og heslihnetum,
jómfrúarólífuolía, sjávarsalt, sesamsalt,
svartur pipar, balsamik sinnep, epla-
edik, balsamikedik, kornsíróp, súkku-
laðisíróp unnið úr korni, eplasíróp, syk-
urlaust heslihnetuviðbit og súkkulaði-
og heslihnetuviðbit.
Þá er hægt að fá nokkrar tegundir sam-
an í fallegum gjafapakkningum.
Um dreifingu OAO sér fyrirtækið arka
ehf, Kirkjubraut 21, Seltjarnarnesi.
Útsölustaðir
Melabúðin Hagamel, Ostabúðin Bitruhálsi
Fylgifiskar Suðurlandsbraut, Blómastofan
Eiðistorgi, Mosfellsbakarí, Nóatún Hring-
braut, Hverafold, Austurveri.
Gjafapakkningarnar fást í Mosfellsbakaríi og
Blómastofunni Eiðistorgi.
Matur er mannsins megin – Maður er manns gaman
Þessir tveir gömlu íslensku málshættir eru leiðarljósið í þessu nýja íslenska
tímariti sem heitir m og fjallar um mat og vín.
Í viðtölum við fólk á öllum aldri verður æ algengara að það nefni matargerð
og léttvín meðal áhugamála sinna. Virðist sem þessi áhugamál séu meðal ör-
fárra sem fólk á ýmsum aldri, með ólíkan bakgrunn og ólík viðfangsefni á
sameiginleg. Matargerð hefur í vaxandi mæli skipað sess sem afþreying og
áhugamál almennings í stað þess að vera nauðsynlegur hluti þess að draga
fram lífið. Nægir að benda á vinsældir matreiðsluþátta í sjónvarpi og mikla
útgáfu matarbóka og -tímarita. Mest af því efni er erlent, með nokkrum und-
antekningum þó. Þá hefur áhugi á léttvínum aukist mikið eins og sjá má af töl-
um um innflutning og sölu ÁTVR. Hvað úrval matvöru varðar hefur orðið alger
bylting hér á landi á síðustu árum.
Áhugi á mat og víni snýst ekki um munað heldur lífsstíl. Lífsstíl sem fjölmargir
hafa valið sér. Matur á ekki að vera munaður. Að fólk gefi gaum að matreiðslu
á ekki að þýða að hún sé kostnaðarsamari – oft þvert á móti, því margir kunn-
áttumenn gefa mest fyrir einfaldleikann. Þetta tímarit snýst því ekki um mun-
að heldur er því ætlað að koma til móts við þennan aukna áhuga landsmanna
og vonandi endurspegla þennan nýja lífsstíl þar sem saman fara ánægjan af
því að skapa og ánægjan af því að njóta.
Það er ósk okkar sem að tímaritinu stöndum að það verði ykkur bæði til
gagns og gamans.
Verði ykkur að góðu! Bon Appetit!
m.
Útgefandi: Árvakur hf. Ábyrgðarmaður: Margrét Kr. Sigurðardóttir Efnisstýring: Margrét Kr. Sigurðardóttir, Áslaug Snorradóttir, Oddur Þórisson Texti: Gunnar Hersveinn, Steingrímur Sigurgeirsson,
Steinunn Haraldsdóttir, Oddur Þórisson Ljósmyndir: Áslaug Snorradóttir, Oddur Þórisson Hönnun og útlit: Oddur Þórisson, Einar Geir Ingvarsson Umbrot: Harpa Grímsdóttir, Sigurbjörg Arnarsdóttir
Forsíðumynd: Oddur Þórisson Auglýsingasala: Auglýsingadeild Morgunblaðsins, sími 569 1111, augl@mbl.is. Prentun: Prentsmiðja Árvakurs hf. Upplag: 58.000 eintök.