Morgunblaðið - 13.04.2003, Blaðsíða 14
U
P
P
S
K
R
IF
T
IR
01/06 Tortilla fyrir 4
5–6 kartöflur
1 ½ dl ólífuolía
6 egg
½–1 tsk salt
Nýmulinn svartur pipar
Skrælið kartöflurnar og skerið í teninga. Hellið 1 dl af ólífuolíu á pönn-
una og hitið vel. Setjið kartöflurnar út í og lækkið hitann. Steikið kart-
öflurnar og hrærið stöðugt í þar til þær mýkjast (án þess að þær taki of
mikinn lit).
Setjið eldhúsbréf í skál og kartöflurnar ofan á bréfið. Hellið olíunni
sem gengur af í bolla og þurrkið pönnuna.
Þeytið eggin, saltið og piprið. Takið bréfið úr skálinni og blandið eggj-
unum við kartöflurnar.
Hitið aftur pönnuna og hellið í olíunni sem varð afgangs, u.þ.b. 2 msk.
Hellið kartöflu- og eggjablöndunni út á og steikið við mikinn hita í um
1 mínútu, lækkið síðan hitann. Losið blönduna frá kantinum með spaða
við og við. Þegar tortillan hefur stífnað að mestu leggið disk ofan á og
snúið henni við. Hellið 2–3 msk af olíu í pönnuna og leggið tortilluna á
pönnuna með steiktu hliðina upp, steikið í nokkrar mínútur.
Spínattortilla
Í stað kartaflna má setja 200 g ferskt spínat sem er ristað í ólifíuolíu og
hvítlauk.
Grænertutortilla
Í stað kartaflna má setja 200 g frosnar grænar ertur snöggsoðnar í söltu
vatni, blandað saman við eggin og 1 tsk estragon.
02 „French toast“ með kornsýrópi
(Organic Wheat Syrup) fyrir 5
15 sneiðar franskbrauð, má vera dagsgamalt
5 dl mjólk
5 egg
1 msk sykur
1 msk mulinn kanill
1 msk muldar kardimommur
1 klípa salt
100 g smjör
Kornsýróp (t.d. Organic Wheat Syrup)
Pískið eggin með kanil, kardimommu og sykri. Pískið smátt og smátt
mjólkina út í. Dýfið brauðinu vel í blönduna. Steikið á pönnu í smjöri
þar til gullinbrúnt. Berið fram með sýrópi.
03 Gorgonzola með rauðlauk og eggjarauðu fyrir 4
4 rúgbrauðssneiðar smurðar með Gorgonzola osti, borið fram með
rauðlauk og eggjarauðu og kerfli.
04 „Pocherað“ egg
Brjótið eggið í bolla. Sjóðið vatn og kryddið með dálitlu ediki og salti.
Takið hitann af. Haldið bollanum við vatnsyfirborðið og hellið egginu
varlega út í. Takið eggin upp með gataskeið í þeirri röð sem þau voru
sett niður.
„Pocheruð“ egg með spínati fyrir 4
200 g ferskt spínat
1 laukur
2 hvítlauksgeirar
salt og pipar
ólífuolía
4 „pocheruð“ egg
Hollandaise sósa
Laukur og hvítlaukur smátt skorinn, sett í pönnu ásamt ólífum og steikt
án þess að brúna. Spínatinu bætt í og hrært vel saman, látið steikjast í
2–3 mín., kryddað með salti og pipar. Sett á brauð, egg þar á ofan og
sósan að lokum yfir.
Hollandaise sósa fyrir 4
250 g smjör
1 tsk grófmalaður pipar
1 msk hvítvínsedik
1 msk vatn
3 eggjarauður
safi úr ½ sítrónu
salt
Hitið saman vatn, edik og pipar og sjóðið þar til um 1 msk er eftir.
Bræðið smjörið og kælið lítið eitt. Þeytið eggjarauður og ediksblöndu
saman yfir vatnsbaði þar til hræran verður þykk og glansandi. Þeytið
smjörið saman við í dropatala fyrst, síðan í mjórri bunu. Saltið og pipr-
ið. Bætið sítrónusafa saman við. Haldið sósunni heitri yfir vatnsbaði –
ekki er hægt að hita sósuna upp.
05 Pylsur á pönnu fyrir 2
2 pylsur
100 g beikon
1 laukur
1 lítil dós bakaðar baunir (má sl.)
2 egg
ólífuolía
Pylsur skornar í bita, laukur skorinn í sneiðar, beikon í litla bita. Allt
sett á pönnu með ólífuolíu, ristað þar til gullinbrúnt. Bakaðar baunir
settar út í. 2 egg brotin ofan í pönnuna og steikt við hægan hita þar til
eggin eru tilbúin.
07 Buff tartar fyrir 4
400 g nautafilé
1 stk rauðlaukur
50 g rauðbeður
50 g perlulaukur
40 g kapers
2 stk súrar gúrkur
4 eggjarauður
Rúgbrauðssneiðar
Skerið allt grænmetið gróft niður. Hakkið nautafilé og mótið ofan á
rúgbrauðssneið. Eggjarauða sett ofan á. Gott er að bera fram ný-
mulinn svartan pipar með.
08 Heitt hollustuseyði með hvítlauk, engifer, soja og
hráu eggi
Búið til grænmetisseyði (má nota tening eða kraft)
4 hvítlauksgeirar
½ tsk ferskur engifer (skrældur)
3 msk soja
Soðið í u.þ.b. 15 mínútur við jafnan hita, sett í skál með hrárri eggja-
rauðu.
09 Núðlusalat fyrir 4
400 g hrísnúðlur/glernúðlur
200 g spínat
12 cherrytómatar
200 g klettasalat
2 vorlaukar
12 stk svartar ólífur
1 dl ólífuolía
½ dl hrísgrjónaedik
4 harðsoðin egg
Sjóðandi vatni hellt yfir núðlurnar og látnar standa í 2 mín. Sigtaðar og
settar í skál og ristað spínat ofan á (sjá aðferð fyrir „pocheruð“ egg).
Cherrytómatar og klettasalat skorið niður og sett ofan á. Vorlaukur
smátt saxaður og eggjabátar og svartar ólífur settar yfir. Edik og olíu
blandað saman og hellt yfir.
10 Opin omeletta í pönnu fyrir 2
6 egg
2 tómatar
1 rauðlaukur, smár
graslaukur, 2 msk
12 stk svartar ólífur
6 egg pískuð saman, krydduð m. salt og pipar, sett á meðalheita
pönnu með ólífuolíu, steikt við hægan hita. Tómötum í sneiðum raðað á
pönnuna og ofan á er settur sneiddur laukur. Ólífum og graslauk dreift
yfir og pannan sett í ofn við yfirhita (grill) í ca. 3–4 mín.
U
P
P
S
K
R
IF
T
IR
egg
Uppskriftir og matreiðsla: Snorri B. Snorrason
Inngangstexti: Gunnar Hersveinn Myndir: Áslaug Snorradóttir