Morgunblaðið - 13.04.2003, Blaðsíða 6
Steikið laukana í potti og hellið balsamicinu út á
og sjóðið niður þar til það er orðið að karamellu,
þá er madeiranu bætt út í og soðið niður um 2/3.
Þá er soðinu bætt út í ásamt timianinu og soðið
niður um 2/3 og sósan síðan sigtuð í annan pott
og bragðbætt með smjöri, salti og pipar.
Rucola kartöflur
4 kartöflur (skrældar og skornar í þunnar skífur)
2 dl olía
2 búnt rucola salat
½ búnt steinselja
salt og pipar
Sjóðið kartöflurnar í saltvatni þar til eldaðar í
gegn, þá er restin maukuð í matvinnsluvél þar til
þetta er orðið vel grænt og slétt mauk. Þá er kart-
öflunum velt upp úr maukinu og raðað aftur sam-
an í turn og hitað í ofni rétt fyrir notkun.
Lambahjörtu
400 g lambahjörtu (hreinsuð og
skorin í litla bita)
100 g kóngasveppir (fínt saxaðir)
50 g shallottlaukur (fínt saxaður)
½ dl lambasósa
3 msk maukuð andalifur
Laukurinn og sveppirnir steiktir á heitri pönnu,
hjörtunum bætt út í og haldið áfram að steikja þar
til hjörtun eru orðin steikt. Þá er sósunni og lifr-
armaukinu bætt í og smakkað til með salti og pip-
ar. Borið fram í góðri brauðkænu.
Fitu- og sinuhreinsið lambafillé og leggið í olíu
svo hún rétt flæði yfir ásamt nokkrum stilkum af
fersku timian og tveimur hvítlauksgeirum, látið
standa í olíunni í lágmark 4 tíma á borði (ekki í
kæli). Takið kjötið úr olíunni og steikið á heitri
pönnu á báðum hliðum og kryddið með salti og
pipar og klárið síðan í 180 gráða heitum ofni þar
til ykkar uppáhaldseldun er komin.
Madeirasósa
2 stk shallotlaukur (saxaður)
3 stk hvítlauksgeirar (saxaður)
2 dl balsamico
5 dl madeira
2 l lambasoð
2 stk timianstilkar
2 msk smjör
Hvað á að borða í kvöld? Appetite eftir Nigel
Slater. Fourth Estate, London 2001.
Nigel Slater er höfundur metsölumatreiðslubóka
í Bretlandi, skrifar fasta dálka í Observer, hefur
unnið til fjölda verðlauna og fær bestu meðmæli
frá Jamie Oliver eins og kemur fram á kápunni á
nýjustu bókinni hans: „Matarlyst hvað langar þig
að borða í dag?“ Bókin fékk hin virtu André Sim-
on-verðlaun sem besta matreiðslubók ársins
2001. Fjöldi uppskrifta, allt frá hversdagsmat til
flóknari samkvæmisrétta. 448 bls.
Setið við súpuna Soup eftir Nick Sandler og
Johnny Acton. (Kyle Cathie Limited, London 1999)
Þeir sem þekkja til í matarheiminum vita að fátt
er „heitara“ í dag en súpur sjóðheitar eða kaldar,
tærar eða matarmiklar, hversdags eða framandi
og meinhollar. Hér er sagt frá grundvallarregl-
unum við að laga góðar súpur og hvernig má
leika sér með hráefnin. Uppskriftir frá öllum
heimshornum. 160 bls.
Spánarvín The New Spain. A complete guide to
contemporary Spanish wine. John Radford. (Útg.
Mitchell Beazley. London 2002).
Vönduð bók sem fjallar um öll vínhéruð Spánar
og spænsk vín, allt frá klassísku Rioja-víni og
sérrýi til „nýrra“ vína eins og Ribera del Duero.
224 bls.
Bækurnar fást í Bókabúð Steinars, Bergstaðastræti 7.
Bestur á Norðurlöndum
Í mars fór fram Norðurlandakeppni matreiðslumeistara í Stavanger í Noregi og náði Ragnar Óm-
arsson matreiðslumaður þeim frábæra árangri að hreppa efsta sætið. Árangurinn er einkar glæsi-
legur þegar litið er til þess að Ragnar er einnig fyrstur Íslendinga til að sigra í þessari keppni.
Ragnar hefur tvívegis hampað titlinum Matreiðslumeistari ársins á Íslandi en titillinn gefur rétt til
þátttöku í Norðurlandakeppninni. Ragnar hefur starfað sem matreiðslumaður á Hótel Holti und-
anfarin ár en hefur nú tekið að sér rekstur Þjóðleikhúskjallarans og eldhússins þar. Í keppninni átti
forréttur að innihalda skelfisk og rækjur, aðalréttur lamb og epli skyldu vera uppistaða í eftirrétt-
inum. Ragnar notaði íslenskt lambakjöt og lesendur geta hér spreytt sig á verðlaunamatseldinni.