24 stundir - 23.02.2008, Page 11

24stundir LAUGARDAGUR 23. FEBRÚAR 2008 11
Landsstjórn Færeyja sendi
forseta Kosovo bréf í gær, þar
sem þjóðinni er óskað til
hamingju með sjálfstæðið.
Áður hafði Jørgen Niclasen,
formaður Fólkaflokksins,
hvatt til þess að stjórnin við-
urkenndi sjálfstæði Kosovo
sem fyrst.
Segir Jóannes Eidesgaard lög-
maður stofnun sjálfstæðs ríkis
vera mikilvægt skref í þróun
lýðræðis í Kosovo.
„Ég færi þér bestu óskir okkar
um glæsilega framtíð fyrir
Kosovo og vonir okkar um
sterk vináttubönd á milli
þjóða okkar,“ segir Eidesgaard
í bréfi sínu til Kosovoforseta.
Eftirlitsferðum dönsku lög-
reglunnar fjölgaði um 15% ár-
ið 2007 miðað við árið áður.
Telur Torsten Hesselbjerg rík-
islögreglustjóri þetta til marks
um almennar breytingar. „Við
viljum vera sýnileg og til stað-
ar. Þess vegna er afskaplega
mikilvægt að við tryggjum að
fleira fólk sé á götunni,“ segir
Hesselbjerg.
Peter Skaarup, þingmaður
Danska þjóðarflokksins, fagn-
ar auknu eftirliti en telur átök
um Ungdómshúsið í Kaup-
mannahöfn skekkja tölurnar
of mikið til að mark sé á tak-
andi. aij
Stjórnmálamenn frá ríkjum
Afríku og Evrópu hittust í gær
í Akkra, höfuðborg Gana.
Leita þeir ráða til að stemma
stigu við ólöglegum innflutn-
ingi frá Afríku til Evrópu.
Meðal hugmynda er að breiða
út sögur af hættunum sem fel-
ast í því að sigla til Evrópu,
með það fyrir augunum að
mögulegir innflytjendur hugsi
sig tvisvar um.
Segir Joe Rispoli, frá IOM,
samtökunum sem standa að
áætluninni ásamt ESB, þús-
undir manna hafa látist á leið
sinni til Evrópu á síðasta ári.
Sjálfstæði fagnað
Færeyjar
styðja Kosovo
Danmörk
Sýnilegri lög-
gæsla 2007
Fundur ESB og Afríku
Gegn innflutn-
ingi fólks
Þúsundum mannslífa mætti bjarga árlega
með því að hækka áfengisverð lítillega. Þetta
sögðu talsmenn BMA, samtaka breskra lækna, í
vikunni þegar þeir hvöttu stjórn Gordons
Browns til að takast á við það sem þeir kölluðu
landlægan fyllirísfaraldur. Áætlar BMA að koma
megi í veg fyrir fjórðung dauðsfalla af völdum
áfengisneyslu með því að hækka verð um 10%.
Samtökin saka stjórnvöld um að standa of
nærri áfengisiðnaðinum og segja að lög sem
leyfa áfengissölu allan sólarhringinn séu til
vandræða. Ennfremur segja talsmenn BMA að
stjörnur sem eru drukknar á almannafæri beri
ábyrgð, þar sem þær eru ungmennum slæm fyr-
irmynd.
Benda samtökin á að undanfarinn áratug hafi
áfengisgjald á bjór og léttvíni haldið í við verð-
bólgu, en gjaldið á sterku víni ekki. Tillögum
þeirra fylgja ekki nákvæmar hugmyndir um út-
færslu hækkunarinnar, en stungið er upp á að
hún haldist í hendur við styrkleika drykkjarins.
Charles George, formaður vísinda- og fræðslu-
ráðs BMA, segir að 10% hækkun verðs myndi
koma í veg fyrir 29% dauðsfalla af völdum
áfengisneyslu hjá karlmönnum og 27% hjá kon-
um.
„Við stöndum frammi fyrir hættuástandi og
fólk þarf að vera búið undir verðhækkanir. Þeir
vilja kannski ekki borga meira, en þeir vilja ekki
heldur horfa upp á nágranna sína, börnin og
vini deyja úr lifrarbilun á þrítugs- og fertugs-
aldri,“ segir Vivienne Nathanson, sem situr í
stjórn BMA. „Síðustu ríkisstjórnir hafa unnið of
náið með áfengisiðnaðinum og hafa unnið að
því liðka um reglur og draga úr stjórnun áfeng-
isneyslu.“ aij
Breskir læknar hvetja stjórnvöld til að grípa til aðgerða
Hærra áfengisgjald myndi bjarga lífum
Bjórmotta? Stjórn Gordons Browns er sökuð um að
vera undir hælnum á áfengisiðnaðinum.