24 stundir - 23.02.2008, Blaðsíða 60

Lítið gengur hjá HSÍ að ráða
landsliðsþjálfara í handknattleik,
en þeir Dagur Sigurðsson, Geir
Sveinsson og Aron Kristjánsson
hafa allir sagt nei takk. Sigurður
Sveinsson segir málið storm í
vatnsglasi, það sé nægur tími til
stefnu.
Skilur orð Þorbergs vel
„Ég skil nú ekki þessi læti í
kringum þetta. Ég get að vissu leyti
tekið undir orð Þorbergs Aðal-
steinssonar, því Dagur, Geir og Ar-
on áttu auðvitað að tala fyrst við
sín félög áður en þeir gáfu HSÍ
undir fótinn. En það er nægur tími
til stefnu. Liðið kemur aldrei sam-
an fyrr en 10 dögum fyrir mót, sem
er í maí, þannig að það þýðir ekki
að vera með einhvern æðabunu-
gang í þessu. Og hver sem þjálf-
arinn verður, getur maður nú
gengið að því vísu að hann hafi
eitthvert vit á þessu og þó svo
menn séu allir með mismunandi
áherslur, þá þyrfti viðkomandi
varla langan tíma til að koma sér
inn í íslenskan handknattleik. Þetta
er búið að vera sami hópurinn
nánast síðustu sex ár.“
Hví ekki að auglýsa starfið?
„Menn eru sífellt að velta fyrir
sér hvaða nöfn eru eftir í pottinum,
en ég skil ekki af hverju það má
ekki auglýsa starfið laust. Þá sjáum
við hverjir eru tilbúnir og getum
valið úr. Ég tel þó að við þurfum
metnaðarfullan einstakling sem
tekur að sér 18 og 21 árs liðið einn-
ig, fær vel borgað og fær langtíma-
samning, helst til fimm ára. Sjálfur
vildi ég einhvern Norðurlandabúa
með góðan íslenskan aðstoðar-
mann. Ég sá að Bogdan vinur minn
bauð fram hjálp sína, en ég er nú
ekkert sérstaklega spenntur fyrir
honum, er hann ekki líka orðinn
hundgamall?“ spyr Sigurður hlæj-
andi.
Hefur reynslu, ekki menntun
„Ég get alveg viðurkennt það að
mig dauðlangar til að þjálfa þessa
stráka. Ég myndi þjálfa þá frítt!
Staðreyndin er því miður sú að ef-
laust hef ég ekki nægilega mennt-
un. Ég hef þó sjö ára þjálfunar-
reynslu, en það er óvíst að hún
dugi,“ sagði Sigurður að lokum.
Til í tuskið! Sigurður
Sveinsson segist
endilega vilja þjálfa
landsliðið, hann myndi
gera það frítt.
Myndi þjálfa
strákana frítt!
 Segir HSÍ verða að gefa sér tíma  Vill fá þjálfara til fimm ára
 Segist sjálfur skorta menntun til starfsins
➤ Lék með liðum í Svíþjóð,Þýskalandi og Spáni.
➤ Tók þátt í þremur HM meðlandsliðinu.
➤ Hefur þjálfað bæði HK ogFylki með ágætis árangri.
SIGGI SVEINS
60 LAUGARDAGUR 23. FEBRÚAR 2008 24stundir
ÍÞRÓTTIR
ithrottir@24stundir.is a
Ég sá að Bogdan vinur minn bauð
fram hjálp sína, en ég er nú ekkert
sérstaklega spenntur fyrir honum, er hann
ekki orðinn hundgamall?
Kaka, hinn brasilíski leikmaður AC Milan, gaf á
dögunum styttuna sem hann vann fyrir að vera leik-
maður ársins 2007 hjá FIFA, til umdeildrar kirkju í
Brasilíu. Kaka, sem er mjög trúaður, skrifaði á stytt-
una, sem er úr skíragulli: „ Ég gef gjöfina með gleði til
Guðs, því hann er ástæðan fyrir hverjum sigri.“
Þegar Kaka var átta ára varð hann fyrir mænuskaða í
sundlaugarslysi, en hann hefur ávallt þakkað Guði fyr-
ir bata sinn. Hann er alltaf í bol undir keppnistreyj-
unni með áletruninni: „Ég tilheyri Guði,“ sem hann
sýnir í hvert skipti sem hann skorar.
Hin umdeilda kirkja hefur lent í lögsóknum í
Bandaríkjunum, en aðstandendur hennar voru
dæmdir til fimm mánaða fangelsisvistar fyrir að
smygla 56.000 dollurum til landsins. Gjöfin frá Kaka
kemur mitt í storminum í kringum kirkjuna og eru
margir heimamenn undrandi á þessari ákvörðun Kaka
og segja að trú komi knattspyrnu ekkert við.
Gefur FIFA-styttuna til kirkjunnar sinnar í Brasilíu
Kaka er gjafmildur guðsmaður
Í LAUSASÖLU 200 ÁSKRIFT 2800 HELGARÁSKRIFT 1700 PDF Á MBL.IS 1700
Það er meira
í Mogganum
í dag
Þorsteinn Már Baldvinsson tók við
stjórnarformennsku í bankastjórn
Glitnis síðastliðinn miðvikudag.
Agnes Bragadóttir ræddi við nýkjör-
inn formann um rekstur Glitnis.
» Meira í Morgunblaðinu
Tek áskoruninni
Laugardagur 23. febrúar 2008
Litið inn hjá
Sigríði Þórðar-
dóttur og
Björgvini Vil-
mundarsyni
í Grindavík.
Hausttískan
í Mílanó.
»Meira í
Morgunblaðinu
Daglegt líf