24 stundir - 23.02.2008, Blaðsíða 22
Samkvæmt nýrri óútgefinni
skýrslu Sameinuðu þjóðanna sem
lak í fjölmiðla á dögunum, losa
stærri skip á alþjóðlegum siglinga-
leiðum um þrefalt meira af gróð-
urhúsalofttegundum en áður var
talið.
Með hliðsjón af upplýsingum frá
skipafélögunum sjálfum, sem
stuðst hefur verið við til þessa, var
talið að skipaflotinn bæri ábyrgð á
losun um fjögur hundruð milljóna
tonna af gróðurhúsalofttegundum
út í andrúmsloftið á ári hverju. Það
eru um 1,8 prósent af heildarlosun
gróðurhúsalofttegunda á jörðinni.
Í skýrslunni er hins vegar talið
að útblástur frá hinum ört vaxandi
skipaflota sé um 1,21 milljarður
tonna af gróðurhúsalofttegundum
á ári, sem eru um 4,5 prósent af
heildarlosun jarðarinnar á gróður-
húsalofttegundum.
Mengun skipa farið hljótt
Fram að þessu hafa stjórnvöld og
skipafélög gefið þessum málum lít-
inn gaum, enda hefur útblástur
stærri skipa og farþegaflugvéla ver-
ið undanskilinn mengunarkvótum,
eins og í Kyoto-samningnum sem
Ísland á aðild að.
Í gegnum tíðina hefur vanda-
málið verið að þar sem skipin sigla
ört á milli umráðasvæða þjóða og á
opnu alþjóðlegu hafsvæði hafa
þjóðir neitað ábyrgð á útblæstri
sinna skipa. Þá hefur breska rík-
isstjórnin þráast við að hafa út-
blástur sinna skipa með í meng-
unarkvóta sínum, því ekki liggi
fyrir alþjóðleg samþykkt um
hvernig deila skuli útblæstri skipa á
alþjóðlegum siglingaleiðum á milli
þjóða.
„Nú eru að fara í gang samn-
ingaviðræður um hvað taki við eft-
ir Kyoto-bókunina árið 2012 og
þetta er auðvitað mál sem verður
tekið upp þar,“ segir Stefán Ein-
arsson, sérfræðingur hjá umhverf-
isráðuneytinu um loftslagsmál og
hnattræn mengunarmál. „Í fram-
haldi af aðildarríkjaþinginu á Balí í
desember var ákveðið að það færu
fram fjórir fundir á þessu ári í
þessu samningaferli og fyrsti fund-
urinn verður haldinn um mánaða-
mótin mars/apríl og eftir þann
fund ættu línurnar að fara að skýr-
ast varðandi þetta málefni því þar
eiga þjóðirnar að skila inn sínum
viðhorfum.“
Stærri skip um 90.000 talsins
Talið er að stór skip á alþjóð-
legum siglingaleiðum séu um níu-
tíu þúsund talsins, en með hugtak-
inu stærri skip er átt við farþega-
og flutningaskip. Flutningaskipum
hefur fjölgað gríðarlega síðustu ár.
Nú flytja þau um níutíu prósent af
öllum vörum sem verslað er með á
milli ríkja. Þá hefur tonnatalan sem
þau flytja árlega þrefaldast frá
árinu 1970. Stærri flutningaskip-
um fer ört fjölgandi en talið er að
um þrjú þúsund ný skip af stærri
gerðinni verði smíðuð á næstu
þremur árum.
Fjölgun skipa og fyrirhuguð
þensla í alþjóðaviðskiptum veldur
því að vísindamenn spá því að út-
blástur flutningaskipa muni aukast
um þrjátíu prósent næstu tólf árin
og iðnaðurinn losi þá um 1,45
milljarða tonna af gróðurhúsaloft-
tegundum árlega.
Baneitrað eldsneyti
Annað sem vert er að veita at-
hygli er að skipin nota mörg hver
svartolíu sem eldsneyti, sem er
ódýrasta skipaeldsneyti sem völ er
á og jafnframt það mest mengandi.
Skipavélar samtímans eru orðnar
það fullkomnar að þær geta nú
Loftmengun úti
á hafi vanmetin
Flutningaskip losa um þrefalt meira af gróðurhúsalofttegundum
en áður var talið Mengunin hefur verið utan mengunarkvóta
➤ Árið 2006 losuðu farþegaþot-ur til og frá Íslandi um 394
þúsund tonn af gróðurhúsa-
lofttegundum út í andrúms-
loftið.
➤ Innanlandsflugið bar ábyrgðá losun um 28 þúsund tonna.
➤ Skip, önnur en fiskiskip, los-uðu um 51 þúsund tonn af
gróðurhúsalofttegundum.
ÚTBLÁSTUR Á ÍSLANDI
Ægir Þór Eysteinsson
aegir@24stundir.is
FRÉTTASKÝRING
Tíð meirihlutaskipti í borgar-
stjórn Reykjavíkur hafa vart farið
framhjá neinum. Þegar síðasti
meirihluti tók við í janúar var lagð-
ur fram málefnasamningur og
hann sagður grundvöllur hins nýja
samstarfs. Í kjölfarið var ítrekað
rætt um að fráfarandi meirihluti
(hinn svokallaði Tjarnarkvartett)
hefði ekki lagt fram neinn málefna-
samning heldur hefði hann ein-
ungis verið myndaður um völd.
En hver eru raunveruleg áhrif
meirihlutaskiptanna á hið daglega
starf innan borgarinnar? Hvaða
verkefnum er ýtt til hliðar þegar
nýir menn koma í brúna og hvaða
nýju áherslur eru settar á oddinn?
24 stundir spurðu yfirmenn allra
fagsviða Reykjavíkurborgar þessara
spurninga.
Ágreiningur undantekning
Ólöf Örvarsdóttir skipulagsstjóri
segir óhætt að segja að meirihluta-
skipti í borgarstjórn geti haft áhrif
á öll dagleg störf embættismanna
borgarinnar. Vissulega hafi einhver
verkefni lent í minniháttar töfum
án þess að ástæða sé til að tilgreina
sérstaklega hver þau væru. Þær taf-
ir megi þó oftast rekja til þess að
einstaka fundi hafi verið frestað á
meðan meirihlutaskiptin hafi
gengið yfir. „Engum verkefnum
hefur verið frestað til frambúðar
vegna meirihlutaskipta, enda telst
það til algerra undantekninga ef
mál eru afgreidd úr skipulagsráði í
ágreiningi á milli ráðamanna.“
„Þrátt fyrir tíð meirihlutaskipti í
Reykjavíkurborg á síðustu misser-
um hafa dagleg störf embættis-
manna hjá ÍTR gengið með eðlileg-
um hætti,“ segir Ómar Einarsson,
framkvæmdastjóri íþrótta- og
tómstundasviðs Reykjavíkur
(ÍTR). Í svari Ómars voru ekki til-
greind nein verkefni sem hefðu
frestast eða verið lögð af vegna
meirihlutaskiptanna.
Fundir frestast
„Áhrifin hafa helst verið þau að
einstakir fundir hafa frestast eða
einhver mál sem hafa verið í kynn-
ingarferli hafa tafist við að nýju
fagráði er gerð grein fyrir forsögu,
stöðu og fyrirhugaðri úrlausn
mála,“ segir Svanhildur Konráðs-
Tíð valdaskipti í borginni hafa lítil áhrif á
dagleg störf Engum málum ýtt til hliðar
➤ 24 stundir leituðu til allrafagsviða Reykjavíkurborgar
eftir upplýsingum um áhrif
meirihlutaskipta í borg-
arstjórn á störf þeirra.
➤ Í svörum þeirra voru ekki til-greind nein verkefni sem
hefðu tafist eða verið ýtt til
hliðar vegna valdaskiptanna.
➤ Samkvæmt svörunum virðistekki vera mikill hug-
myndafræðilegur ágrein-
ingur milli borgarfulltrúa.
VERKEFNI BORGARINNAR
Ráðhúsið Sífelld valdaskipti
í borgarstjórn virðast hafa lítil
sem engin áhrif á starf fags-
viða borgarinnar.Kerfið
heldur
sínu striki
Þórður Snær Júlíusson
thordur@24stundir.is
FRÉTTASKÝRING
22 LAUGARDAGUR 23. FEBRÚAR 2008 24stundir
Tenerife
frá 42.024 kr.
sumarferdir.is