24 stundir - 23.02.2008, Side 62
62 LAUGARDAGUR 23. FEBRÚAR 2008 24stundir
Þessi gamli góði nýkominn í BCD
skálum á kr. 2.350,-
buxur í stíl á kr. 1.250,-
Fínlegur og flottur í BC skálum
á kr. 2.350,- BARA flottar buxur í stíl
á kr. 1.250,-
Misty, Laugavegi 178,
Sími 551 3366
Góð þjónusta – fagleg ráðgjöf
www.misty.is
Mjög flottur og veitir góðan stuðning í
CDE skálum á kr. 2.350,-
vænar buxur í stíl á kr. 1.250,-
24LÍFIÐ
24@24stundir.is a
Að vanda ríkir mikil spenna fyrir hátíðinni, en
flestir telja að kvikmyndirnar No Country for
Old Men og There Will Be Blood muni berjast um
stærstu bitana.
Samkvæmt heimildum Holly-
wood Reporter er leikarinn Leon-
ardo DiCaprio um þessar mundir
að undirbúa endurgerð hinnar
klassísku anime-myndar Akira,
sem kom út árið 1988. Myndin
gerist árið 2019 í borg sem hefur
orðið fyrir kjarnorkuárásum og
segir frá mótorhjólakappanum
Akira sem öðlast ofurkrafta.
Myndin er væntanleg 2009. vij
DiCaprio end-
urgerir Akira
Ástralski leikarinn Hugo Wea-
ving hefur tekið að sér hlutverk í
myndinni The
Wolfman. Wea-
ving mun fara
með hlutverk lög-
reglumannsins
Aberline sem eltist
við hinn ógurlega
en misskilda úlfa-
mann. Benicio Del
Toro leikur úlfamanninn en með
önnur hlutverk í myndinni fara
Emily Blunt og hinn stórgóði
Anthony Hopkins. vij
Weaving leikur í
Wolfman
Þau munu veita verðlaun
Amy Adams
Jessica Alba
Alan Arkin
Cate Blanchett
Josh Brolin
Steve Carell
George Clooney
Penelope Cruz
Miley Cyrus
Patrick Dempsey
Cameron Diaz
Colin Farrell
Harrison Ford
Jennifer Garner
Tom Hanks
Anne Hathaway
Katherine Heigl
Jonah Hill
Jennifer Hudson
Dwayne Johnson
Nicole Kidman
James McAvoy
Queen Latifah
Helen Mirren
Seth Rogen
Martin Scorsese
Hilary Swank
John Travolta
Denzel Washington
Forest Whitaker
Renee Zellweger
There Will Be Blood
Myndin gerist
í kringum
aldamótin 1900,
en handritið
er byggt á
bók Upton
Sinclair, Oil, og
fjallar um olíu-
viðskiptamanninn
Daniel Plainview.
There Will Be Blood hefur hlotið rífandi góða dóma og er,
ásamt No Country for Old Men, á flestum topp 10 listum
gagnrýnenda yfir bestu kvikmyndir ársins 2007. Daniel
Day-Lewis sýnir stjörnuleik í aðalhlutverkinu. There Will Be
Blood er alls tilnefnd til átta Óskarsverðlauna.
IMDB: 8,8 MetaCritic: 9,2 Rotten Tomatoes: 91%
Óskarsverðlaunin verða veitt
í 80. skipti annað kvöld, en þá
verða heiðraðar þær myndir
sem þóttu standa upp úr á
árinu 2007. Að vanda ríkir
mikil spenna fyrir hátíðinni,
en flestir telja að kvikmyndirnar
No Country for Old Men og
There Will Be Blood, sem báðar
eru tilnefndar til átta verðlauna,
muni berjast um stærstu bitana.
Björn Bragi Arnarsson fór yfir
myndirnar og fólkið sem tilnefnt
er til helstu verðlaunanna.
Tilnefningar: Besta kvikmyndin
No Country for Old Men
Veiðimaður finnur
skjalatösku fulla
af peningum og
stafla af heróíni
innan um hóp
manna sem hafa
verið skotnir til
bana. Í kjölfarið
fer sturlaður
raðmorðingi að elta hann og gamall lögreglumaður
reynir að komast til botns í öllu saman. Myndin hefur
þegar hlotið 75 verðlaun á hinum ýmsu hátíðum og er af
flestum talin líklegust til að standa uppi sem sigurvegari
Óskarsins í ár. No Country for Old Men er alls tilnefnd til átta
Óskarsverðlauna.
IMDB: 8,6 MetaCritic: 9,1 Rotten Tomatoes: 94%
Atonement
13 ára stúlka
sakar elskhuga
systur sinnar
um glæp sem
hann framdi ekki
og umturnar
lífi þeirra
beggja og sínu
eigin. Byggð á
margverðlaunaðri, samnefndri bók Ian McEwan frá árinu
2001. Myndin hefur almennt hlotið mjög góða dóma og
hlaut m.a. BAFTA-verðlaunin sem besta mynd ársins.
Margir eru þó á því að hún komist aðeins með tærnar þar
sem bókin hefur hælana. Atonement er alls tilnefnd til sjö
Óskarsverðlauna.
IMDB: 8,0 MetaCritic: 8,5 Rotten Tomatoes: 82%
Juno
Hin 16 ára gamla Juno
MacGuff verður ólétt, en
tekur því með stakri ró og
ákveður að eignast barnið og
gefa til ættleiðingar. Ljúfsár
gamanmynd, sem kostaði
aðeins 6,5 milljónir dollara í
framleiðslu, og hefur fengið
vægast sagt góðar viðtökur.
Kvikmyndagagnrýnandinn
Roger Ebert telur Juno bestu
mynd ársins 2007. Hefur þegar
verið verðlaunuð á nokkrum
hátíðum, oftast fyrir besta handrit. Juno er alls tilnefnd til
fernra Óskarsverðlauna.
IMDB: 8,3 MetaCritic: 8,1 Rotten Tomatoes: 93%
Michael Clayton
Lögfræðingurinn Michael
Clayton glímir við stærsta
mál ferilsins, eftir að kollega
hans fær taugaáfall, en innan
fyrirtækis sem hann vinnur
fyrir leynast stórir maðkar
í mysunni. Gagnrýnendur
virðast almennt vera sammála
um að myndin sé mjög góð,
en ekki frábær. Hún hefur ekki
verið sérstaklega áberandi
á verðlaunahátíðum, en þar
hafa George Clooney og Tilda
Swinton helst hlotið verðlaun fyrir leik. Michael Clayton er
alls tilnefnd til sjö Óskarsverðlauna.
IMDB: 7,7 MetaCritic: 8,2 Rotten Tomatoes: 90%
Tilnefningar: Besti leikari Tilnefningar: Besta leikkona
Áhugaverðar staðreyndir um Óskarinn í ár
• Hal Holbrook er elsti maður sögunnar til að vera tilnefndur
sem besti leikari í aukahlutverki, en hann er 82 ára.
• Ruby Dee er tilnefnd sem besta leikkona í aukahlutverki, en
hún lék móður Frank Lucas í American Gangster. Samanlagt
var hún aðeins um fimm mínútur í mynd og er það stysta
hlutverk sögunnar sem tilnefnt er til Óskarsverðlauna. Dee,
sem er 83 ára, er auk þess næst elsta konan til að hljóta
Óskarstilnefningu.
• Cate Blanchett er tilnefnd sem bæði besta leikkona í aðal- og
aukahlutverki og er 11. í röðinni til að njóta þess heiðurs. Á
meðal þeirra annarra sem hafa notið sama heiðurs eru Al
Pacino, Holly Hunter, Emma Thompson, Julianne Moore og
Jamie Foxx. Enginn leikari hefur þó unnið í báðum flokkum.
• Blanchett er að auki aðeins önnur konan í sögunni til að hljóta
tilnefningu fyrir að leika karlmann.
• Bræðurnir Ethan og Joel Coen eru tilnefndir saman sem
bestu leikstjórar fyrir myndina No Country for Old Men. Þetta
er aðeins í þriðja sinn sem tveir menn eru tilnefndir fyrir að
leikstýra mynd saman.
• Af þeim tíu sem eru tilnefndir fyrir handrit (frumsamið eða
byggt á áður útgefnu efni) eru fjórar konur. Það er met.
• Kynnir hátíðarinnar í ár er sjónvarpsmaðurinn Jon Stewart, en
hann gegndi hlutverkinu einnig fyrir tveimur árum.
24
stundir
spá Óskarn
um
Tilnefningar: Leikari í aukahlutverki Tilnefningar: Leikkona í aukahlutverkiTilnefningar: Besti leikstjórinn
Paul Thomas Anderson - There Will Be Blood
Joel og Ethan Coen - No Country for Old Men
Tony Gilroy - Michael Clayton
Jason Reitman - Juno
Julian Schnabel - The Diving Bell and the Butterfly
Enginn í þessum flokki hefur áður verið tilnefndur til
Óskarsverðlauna fyrir leikstjórn. Tony Gilroy, Julian
Schnabel og Jason Reitman eru allir að hljóta sína fyrstu
Óskarstilnefningu, en sá síðastnefndi er sjöundi
yngsti maður sögunnar til að hljóta tilnefningu
í þessum flokki. Coen-bræður og Anderson
eiga allir að baki tvær tilnefningar
fyrir handritsgerð en Coen-bræður
unnu þau verðlaun árið
1997 fyrir kvikmyndina
Fargo. Ef allt fer eðlilega
fram munu bræðurnir vinna
þessi verðlaun annað kvöld.
Anderson getur þá huggað sig
við að þeir voru tveir á móti
honum einum.
Cate Blanchett - I’m Not There
Ruby Dee - American Gangster
Saoirse Ronan - Atonement
Amy Ryan - Gone Baby Gone
Tilda Swinton - Michael Clayton
Baráttan verður einna hörðust í
þessum flokki. Flestir veðja á Cate
Blanchett, sem er sú eina hér
sem hefur áður verið tilnefnd til
Óskarsverðlauna. Erfitt er að segja
til um hvort sú staðreynd að hún var
verðlaunuð í þessum sama flokki
fyrir þremur árum mun hafa einhver
áhrif á valið. Ef Blanchett hreppir ekki
hnossið verður það eflaust annað
hvort Ruby Dee, sem er tilnefnd
fyrir fimm mínútna langt hlutverk í
American Gangster, eða Amy Ryan.
Veðbankar telja hins vegar möguleika
Tildu Swinton litla og möguleika
hinnar 13 ára Saoirse Ronan enga.
Cate Blanchett - Elizabeth:The Golden Age
Julie Christie - Away from Her
Marion Cotillard - La Vie en Rose
Laura Linney - The Savages
Ellen Page - Juno
Í þessum flokki verður baráttan á milli
Julie Christie og Marion Cotillard, en afar
líklegt verður að teljast að sú fyrrnefnda
standi uppi sem sigurvegari. Hún
hlaut verðlaunin árið 1966 en hin
franska Cotillard er tilnefnd í fyrsta
skipti. Ellen Page gæti orðið svarti
hesturinn í þessu hlaupi, en hún yrði
þá yngsta leikkona sögunnar til að
hljóta Óskarinn fyrir besta leik í
aðalhlutverki. Laura Linney hlýtur
hér sína þriðju Óskarstilnefningu
og Cate Blanchett sína fimmtu,
en hún hlaut Óskarinn fyrir besta
leik í aukahlutverki árið 2005.
Möguleikar þeirra á að hljóta þessi
verðlaun í ár eru hins vegar hverfandi.
Casey Affleck - The Assassination of Jesse James...
Javier Bardem - No Country for Old Men
Philip Seymour Hoffman - Charlie Wilson’s War
Hal Holbrook - Into the Wild
Tom Wilkinson - Michael Clayton
Javier Bardem ætti nú þegar að vera
búinn að kaupa efni til að fægja styttuna
sem hann hlýtur annað kvöld, svo
öruggt er að hann vinni verðlaunin.
Kraftaverkin geta þó vissulega gerst
og ef Bardem verður ekki fyrir
valinu verður það annaðhvort Casey
Affleck eða Hal Holbrook, sem
báðir eru tilnefndir í fyrsta skipti.
Tom Wilkinson, sem er að bæta
sinni annarri Óskarstilnefningu í
safnið, er afar ólíklegur sigurvegari.
Sömuleiðis Philip Seymour Hoffman,
en tvö ár eru frá því að hann hlaut
Óskarinn fyrir besta leik í aðalhlutverki
fyrir kvikmyndina Capote.
George Clooney - Michael Clayton
Daniel Day-Lewis - There Will Be Blood
Johnny Depp - Sweeney Todd
Tommy Lee Jones - In the Valley of Elah
Viggo Mortensen - Eastern Promises
Daniel Day-Lewis er næsta öruggur um
að hljóta þessi verðlaun. Þetta er í fjórða
skiptið sem hann er tilnefndur sem besti
leikari í aðalhlutverki, en hann hreppti
hnossið árið 1990 fyrir frammistöðu
sína í My Left Foot. Johnny Depp er
tilnefndur til þessara verðlauna í þriðja
sinn, en hann hefur aldrei staðið uppi sem
sigurvegari. George Clooney og Tommy
Lee Jones eiga það sameiginlegt að vera
tilnefndir í fyrsta sinn sem aðalleikarar, en
báðir hafa þeir unnið verðlaunin fyrir leik í
aukahlutverki. Viggo Mortensen er hins
vegar tilnefndur í fyrsta sinn og er, ásamt
Jones, talinn ólíklegastur til að hljóta
verðlaunin.
24
stundir
spá Óskarn
um
24
stundir
spá Óskarn
um
24
stundir
spá Óskarn
um
24
stundir
spá Óskarn
um
24
stundir
spá Óskarn
um
24 stundir spá í spilin fyrir Óskarsverðlaunin sem verða veitt í 80. skipti annað kvöld
Hverjir taka Óskar heim?
24 stund