24 stundir - 09.07.2008, Blaðsíða 19

24stundir MIÐVIKUDAGUR 9. JÚLÍ 2008 19
Ólafía Hrönn Jónsdóttir leik-
kona reynir oftast að vera í fríi á
sumrin og eyða tíma með fjöl-
skyldunni. Það sem af er sumri
hefur hún náð að ferðast svolítið
innanlands en hún fór t.d. í ansi
sérstaka útilegu um síðustu helgi.
Fór hún, ásamt fjölskyldu sinni, á
Hjörseyjarsand við Hjörsey, en
þangað er einungis fært á fjöru.
„Þetta er eyja út frá Mýrunum
en maður keyrir út í hana á fjöru.
Maður þarf því að plana ferðina út
frá því og maður getur ekki farið til
baka fyrr en eftir flóð. Þetta eru
um fjórar klukkustundir sem mað-
ur hefur til þess að fara þarna á
milli í hvert skipti.“
Þessa helgi stóð yfir ættarmót í
eynni, sem er í eigu Hjöreyjarfjöl-
skyldunnar, afkomendum Matt-
hildar. „Þar var ættarmót hjá
Hjörseyjarfjölskyldunni, afkom-
endum Matthildar, og það var
rosalega gaman enda er þetta ynd-
isleg fjölskylda. Við vorum eina
fólkið sem er ekki blóðtengt fjöl-
skyldunni og það var heiður að fá
að vera þarna með þeim en ég hef
þekkt þau meginpart ævinnar.“
Ólafía, eða Lolla eins og hún er
jafnan kölluð, mun svo allavega
fara í eitt ferðalag í viðbót.
„Ég kem fram á Þjóðhátíð í Vest-
mannaeyjum með Heimilistónum,
hljómsveitinni minni, en við spil-
um á föstudeginum. Svo vill nú
svo skemmtilega til að ég á tengda-
dóttur úr Vestmannaeyjum, hana
Berglindi litlu, og við ætlum þess
vegna að fara öll fjölskyldan sam-
an.“ Þeir sem ekki sjá sér fært að
elta Heimilistóna í dalinn þurfa þó
ekki að örvænta. „30. ágúst næst-
komandi verður líklega hið árlega
haustball, eða síðsumarsball, í
Iðnó, þar sem alltaf allt er brjálað.
Og hver veit hver leynigesturinn
verður í ár. Í fyrra var Stefán Hilm-
arsson og það var þreföld gæsa-
húð.“ hj
Ólafía Hrönn eyddi helginni í Hjörsey með fjölskyldu og vinum
Útilega milli flóðs og fjöru
Í blíðunni Lolla ásamt Skarphéðni syni sínum um síðustu helgi.
Flugvélamatur hefur orð á sér fyrir
að vera vondur en þeir sem standa
að Airline-Meals.net eru líklega
ósammála þeirri staðhæfingu. Á
síðunni, sem er tileinkuð flug-
vélamat, má sjá ljósmyndir af þús-
undum matarbakka, teknar af far-
þegum flugvéla og er ekki annað
að sjá en að þeir séu eins misjafnir
og þeir eru margir. Má meðal ann-
ars finna myndir af matarbökkum
Icelandair á síðunni. hj
Vefsíða tileinkuð
flugvélamat
Einu bresku bókaverðlaunin til-
einkuð ferðabókum voru afhent í
vikunni. Nefnast þau The Dolman
Best Travel Book Awards og í ár var
það bókin 92 Acharnon Street eftir
rithöfundinn John Lucas sem
hreppti hnossið en hún gefur góða
mynd af Grikklandi 9. áratugarins
þegar ringulreið, óhreinindi og
verkföll voru áberandi. En örlæti
og vinaleg framkoma Grikkjanna
er jafnframt sögð skína í gegn..
Besta breska
ferðabók ársins
Þeir sem fara til New York vilja
ósjaldan fá að berja Frelsisstyttuna
augum, en það getur þó verið afar
tímafrekt. Í stað þess að taka sér-
staka ferðamannaferju er því kjör-
ið að taka almenningsferjuna sem
siglir á milli Manhattan og Staten
Island en hún fer á 30 mínútna
fresti og tekur hver ferð 25 mín-
útur og er ókeypis. Hún siglir ná-
lægt styttunni og ætti að fullnægja
skoðunarþörf flestra. hj
Ókeypis skoð-
unarferð