24 stundir - 09.07.2008, Blaðsíða 26
Eftir Hildi Eddu Einarsdóttur
hilduredda@24stundir.is
Tvær kaþólskar vinkonur frá
Þýskalandi reka litla verslun við
Garðastræti í Reykjavík. Verslunin
heitir Klausturvörur og ber nafn
með rentu, enda allar vörurnar
keyptar úr munka- og nunnu-
klaustrum víða í Evrópu og í
Egyptalandi. Marianne Guckels-
berger er önnur kvennanna
tveggja. „Hugmyndina að því að
opna þessa verslun fékk ég á ferða-
lagi í Frakklandi í fyrra þegar ég
heimsótti klaustur og skoðaði
vörur sem þar voru til sölu. Ég
hugsaði með mér að ef til vill væri
markaður fyrir svona vörur á Ís-
landi og fékk því vinkonu mína,
Danielu Gross, í lið með mér. Við
stóðum báðar á tímamótum í okk-
ar lífi og vorum tilbúnar til þess að
takast á við ný verkefni. Við fórum
á brautargengisnámskeið hjá
Impru og opnuðum svo verslunina
í desember,“ segir hún. Og viðtök-
urnar voru í samræmi við vænt-
ingar hennar. „Ég var búin að sjá
að Íslendingar hefðu vaxandi
áhuga á lífrænt ræktuðum mat og
snyrtivörum og væru margir hverj-
ir mjög andlega þenkjandi. Það eru
náttúrlega ekki margir kaþólikkar
hér en maður þarf ekkert að vera
slíkur til þess að hrífast af listmun-
um og annarri framleiðslu úr
kaþólskum klaustrum.“
Koptískir íkonar
Meðal listmuna sem þær Mari-
anne og Daniela bjóða upp á í
versluninni eru geisladiskar með
trúarlegri tónlist, kerti, styttur og
íkonar. „Þessir íkonar eru frá
nunnuklaustri í Egyptalandi og eru
í koptískum stíl ólíkt flestum íkon-
um sem við eigum að venjast, sem
eru yfirleitt í býsönskum stíl. Ég er
afar hrifin af þessum íkonum og
ekki skemmir fyrir að ágóðinn af
sölu á þeim fer í rekstur velferð-
arþjónustu, til dæmis fyrir börn og
gamalmenni. Það er alltaf gott að
vita til þess að með því að kaupa
ákveðnar vörur er maður að styrkja
gott málefni,“ segir Marianne að
lokum.
Marianne Guckels-
berger „Höfum feng-
ið góðar viðtökur“
Verslunin Klausturvörur við Garðastræti
Koptískir íkonar
og aðrir listmunir
Tvær þýskar konur reka
verslunina Klausturvörur
við Garðastræti í Reykja-
vík. Þar bjóða þær upp á
listmuni og fleiri vörur
sem framleiddar hafa
verið í kaþólskum
klaustrum víða í Evrópu.
➤ Er frá Þýskalandi og hefur bú-ið á Íslandi í 21 ár.
➤ Kynntist vinkonu sinni, Dani-elu Gross, í kaþólska söfn-
uðinum í Landakotskirkju.
➤ Er sjúkranuddari að mennt ogstarfar sem slíkur meðfram
rekstri verslunarinnar.
MARIANNE
24stundir/Brynjar Gauti
26 MIÐVIKUDAGUR 9. JÚLÍ 2008 24stundir
Bókin Þjóðsögur við þjóðveginn eftir Jón R. Hjálm-
arsson hefur verið uppseld í bókabúðum landsins um
hríð. Nú hefur Forlagið gefið hana út að nýju en að
þessu sinni í kilju.
Um er að ræða nýstárlega vegahandbók með 60
þjóðsögum sem safnað hefur verið saman og raðað
eftir vegakerfi landsins. Í upphafi hverrar sögu er gerð
grein fyrir sögusviðinu, helstu kennileitum er lýst og
fjallað er um ýmsa markverða staði og fyrirbæri í ná-
grenninu. Þá er viðkomandi þjóðsaga rakin í end-
ursögn Jóns.
Tröll, álfar, draugar, marbendlar og ýmsar fleiri
þjóðsagnaverur koma við sögu í bókinni sem fæst
bæði á íslensku og ensku. Enska útgáfa hennar gengur
undir heitinu A Traveller’s Guide to Icelandic Folk Ta-
les.
Þetta er ekki fyrsta bók Jóns R. Hjálmarssonar um
það sem fyrir augu ber við þjóðveginn. Hann hefur
meðal annars skrifað bækurnar Skessur, skrímsli og
furðuverur við þjóðveginn, Með þjóðskáldum við
þjóðveginn, Íslendingasögur við þjóðveginn og fleiri.
Þjóðsögur við þjóðveginn komin út í kilju
Álfar, draugar og marbendlar
Þjóðsögur við þjóðveginn Komin út
í kilju á íslensku og ensku.
LÍFSSTÍLL
lifsstill@24stundir.is a
Þessir íkonar eru frá nunnuklaustri í Egypta-
landi og eru í koptískum stíl ólíkt flestum
íkonum sem við eigum að venjast, sem eru yfirleitt
í býsönskum stíl. menning
Duo Harpverk heldur tónleika
í Sólheimakirkju næstkom-
andi laugardag, þann 12. júlí
klukkan 12. Meðlimir þess eru
Katie Elizabeth Buckley
hörpuleikari og Frank Aarn-
ink slagverksleikari. Á efnis-
skránni verða ýmis ný íslensk
verk, meðal annars eftir Daní-
el Bjarnason, Báru Gríms-
dóttur og fleiri.
Katie og Frank kynntust í Sin-
fóníuhljómsveit Íslands og
hafa spilað saman sem dúett
frá því á síðasta ári. Tónleik-
arnir í Sólheimakirkju eru lið-
ur í menningarveislu Sól-
heima og er aðgangur ókeypis
og allir velkomnir.
Duo Harpverk á Sólheimum
Ferðaskrifstofa
Fyrstur kemur, fyrstur fær.
Nánari upplýsingar og bókanir
á www.plusferdir.is
10.,17. og 24. júlí.
Verðfrá:
49.900kr.
Portúgal
Netverð á mann í viku
miðað við 2, 3 eða 4 í s
túdíó, íbúð eða hótelh
erbergi.
Enginn barnaafsláttur.
Innifalið er flug, gisting
í 7 nætur, flugvallaskat
tar
og íslensk fararstjórn.
Sjóðheitt
sólarlottó!
Spilaðu með og láttu sólina leika við þig.
Þú velur áfangastaðinn og brottfarardaginn. Viku
fyrir brottför staðfestum við á hvaða gististað þú
dvelur í sumarfríinu. Gildir fyrir júlí ein vika eða tvær.
Menningarhátíðin
Húnavaka verður haldin
helgina 11. til 13. júlí
næstkomandi á Blöndu-
ósi. Í tilefni af henni
verður sérstök hátíð-
ardagskrá í Hafíssetrinu
sunnudaginn 13. júlí.
Klukkan 14 verða lesnar
sögur af ísbjörnum fyrir
börnin og klukkan 15
verður Þór Jakobsson veðurfræðingur með leiðsögn um setrið.
Á Hafíssetrinu er fjallað um hafís á fjölbreytilegan og fræðandi hátt.
Veðurathugunartæki Gríms Gíslasonar heitins eru á setrinu og eru
framkvæmdar veðurathuganir á hverjum degi.
Þetta er þriðja sumarið sem sýningin er opin en Hafíssetrið er opið
alla daga í sumar milli klukkan 11 og 17.
Hátíð í Hafíssetri