Morgunblaðið - 11.03.2005, Qupperneq 11

MORGUNBLAÐIÐ FÖSTUDAGUR 11. MARS 2005 11
FRÉTTIR
FUNDI sem átti að halda í gær-
morgun, þar sem fréttamenn á Rík-
isútvarpinu áttu að hitta verðandi
fréttastjóra sinn, Auðun Georg
Ólafsson, var frestað, og ekki hefur
verið ákveðið hvenær slíkur fundur
mun fara fram.
Bogi Ágústsson, framkvæmda-
stjóri fréttasviðs Ríkisútvarpsins,
hafði boðað til fundarins kl. 9.30 í
gærmorgun, en fréttamenn ákváðu
að hittast sjálfir á þessum tíma til
þess að ræða málin. Bogi segir að
hann hafi metið það svo að betra
væri að fresta fundinum með Auðuni
Georg, en reiknað er með að hann
hefji störf 1. apríl.
Spurður hvort þessi mikla
óánægja starfsfólks komi sér á óvart
segir Bogi: „Það sem kemur mér
ekki á óvart er að starfsfólki Rík-
isútvarpsins er mjög annt um Rík-
isútvarpið. Mér kemur dálítið á
óvart með hvaða hætti þeir sýna
það.“ Hann segist þó ekki hafa haft
sérstakar væntingar um hvernig
starfsfólkið myndi láta vænt-
umþykju sína í ljós.
Bogi segir að það álit sem hann
skilaði útvarpsráði hafi hann unnið
ásamt starfsmannastjóra og sér-
fræðingi frá ráðningarskrifstofu, en
segir það alveg skýrt að þetta sé
hans álit, sem hann einn beri ábyrgð
á. „Það er augljóst að meirihluti út-
varpsráðs hafði annað mat heldur en
mitt, og ég hef lýst því yfir að auðvit-
að þyki mér það leitt að þeir hafi
ekki farið eftir mínum meðmælum.“
Fundi með
nýjum frétta-
stjóra frestað
FRÉTTAMENN hjá Ríkisútvarpinu lýsa yfir van-
trausti á Markús Örn Antonsson útvarpsstjóra
vegna ráðningar hans á Auðuni Georg Ólafssyni í
stöðu fréttastjóra Útvarpsins. Yfirlýsing þess efnis
var samþykkt einróma á fundi í Félagi fréttamanna
í gærmorgun.
Í yfirlýsingunni kemur fram að ráðning Auðuns
Georgs sé augljóslega á „pólitískum forsendum ein-
vörðungu“, og með henni sé vegið að sjálfstæði og
óhlutdrægni fréttastofunnar. „Útvarpsstjóri hafði
tækifæri til að standa vörð um hagsmuni Ríkisút-
varpsins og almennings en kaus að gera það ekki.
Því nýtur hann ekki lengur trausts fréttamanna,“
segir þar ennfremur.
Á almennum starfsmannafundi sem Starfs-
mannasamtök Ríkisútvarpsins boðuðu til í hádeg-
inu í gær var samþykkt ályktun þar sem skorað er á
útvarpsstjóra að endurskoða ákvörðun sína um
ráðningu Auðuns Georgs í starf fréttastjóra. Góð
þátttaka var á fundinum, rúmlega 200 manns, segir
Jóhanna Margrét Einarsdóttir, formaður starfs-
mannasamtakanna. Leynileg atkvæðagreiðsla var
um ályktunina, og greiddi 191 starfsmaður atkvæði,
en í dag starfa um 320 manns á Ríkisútvarpinu.
Mikill meirihluti, 93% þátttakenda samþykktu
ályktunina, 3% voru á móti og 4% tóku ekki afstöðu.
Verðmætin felast
í trausti almennings
Í ályktuninni kemur fram að verðmæti fréttastof-
unnar felist í trausti almennings, sem byggt sé á
óhlutdrægum fréttaflutningi. Því þurfi ráðning
fréttastjóra að vera hafin yfir allan vafa um póli-
tíska íhlutun. „Með ákvörðun sinni virðast hvorki
útvarpsráð né útvarpsstjóri hafa haft hagsmuni
stofnunarinnar né almennings að leiðarljósi,“ segir í
yfirlýsingunni. Fundinum var útvarpað um húsið til
þess að þeir sem ekki komust á fundinn gætu fylgst
með.
„Menn eru reiðir, en það er gríðarleg samstaða
hér í húsinu,“ segir Jóhanna. Spurð um framhald
málsins segir hún að engar ákvarðanir hafi verið
teknar um aðgerðir, heldur eigi að bíða og sjá hver
framvindan verður. Auðun er augljóslega sá um-
sækjandi sem hefur minnsta reynslu, sagði Val-
gerður Jóhannsdóttir, fréttamaður á Sjónvarpinu, í
samtali við Morgunblaðið að loknum fundi frétta-
manna í gærmorgun. Hún sagði fréttamenn mjög
ósátta við að útvarpsstjóri stæði ekki með þeim.
„Það er vegið að þessari stofnun og það er vegið að
okkur sjálfum. Við treystum honum ekki og við
treystum ekki Auðuni Georg einfaldlega vegna þess
á hvaða forsendum hann er ráðinn hingað inn,“
sagði Valgerður.
Hún sagði fréttamenn vilja að Markús endur-
skoðaði þá ákvörðun sína að ráða Auðun Georg.
„Áður en að þessu kom var ég pínulítið vongóð um
að Markús Örn myndi standa í lappirnar og sjá að
nú væri fulllangt gengið og hann myndi ekki gera
þetta.“ Hún sagði að verið væri að rýra trúverð-
ugleika almennings á fréttastofunni, og að ef hags-
munir Ríkisútvarpsins séu Markúsi Erni ofarlega í
huga þurfi hann að opna augun fyrir því að hann
hafi tekið ranga ákvörðun og breyta henni.
Fréttamenn hafa skorað á Auðun Georg að taka
ekki starfið að sér. „Maður getur vonað að Auðunn
Georg sjái það sjálfur að hann er ekki að gera Rík-
isútvarpinu gott með því að þiggja þetta starf á
þessum forsendum,“ sagði Valgerður.
Spurð hvort fréttamenn hjá stofnuninni ætli að
grípa til frekari aðgerða sagði hún: „Sumum finnst
að við eigum að segja upp, aðrir telja að þá séum við
að gera nákvæmlega það sem þeir sem vilja Rík-
isútvarpinu illt vilja. Það hefur verið rætt að trufla
fréttatímana. Augljóslega hefur þetta áhrif á vinn-
una hér, menn eru bara algerlega í losti og eru ekki
að framleiða nein ósköp af fréttum rétt á meðan.“
Starfsmenn svæðisstöðva Ríkisútvarpsins fund-
uðu einnig í gær, og mótmæltu fundarmenn ákvörð-
un útvarpsstjóra um ráðningu nýs fréttastjóra.
Ennfremur hörmuðu þeir að þetta skyldi verða til
þess að Jóhann Hauksson, forstöðumaður svæðis-
stöðvanna, hefði sagt af sér. Starfsmennirnir skora
á útvarpsstjóra að endurskoða þessa ákvörðun sína
svo hún valdi ekki meiri skaða en þegar er orðinn.
Fréttamenn á Ríkisútvarpinu ósáttir við ráðningu í stöðu fréttastjóra
Vantraust á útvarpsstjóra
Morgunblaðið/Þorkell
Rúmlega 200 starfsmenn Ríkisútvarpsins funduðu um ráðningu nýs fréttastjóra í hádeginu í gær.
„Menn eru bara
algerlega í losti“
FRÉTTASTOFA útvarps er sú
deild sem rekin var með einna mest-
um hlutfallslegum halla af öllum
deildum útvarpsins á síðasta ári,
segir Pétur Gunnarsson, vara-
fulltrúi Framsóknarflokksins í út-
varpsráði. Þær kröfur sem gerðar
voru, þegar staða fréttastjóra var
auglýst laus til umsóknar, beri með
sér að gera eigi auknar kröfur til
ábyrgðar fréttastjóra á rekstri
fréttastofunnar.
Pétur gerir grein fyrir atkvæði
sínu í útvarpsráði í pistli á vefriti
Framsóknarflokksins.
„Mér finnst ánægjulegt að maður
með svo fjölþætta reynslu hafi
áhuga á að koma til starfa hjá Rík-
isútvarpinu og aðstoða við að koma
rekstri þess í betra horf. Ég veit að
hann gerir það ekki vegna launanna.
Ég þekki Auðun Georg ekki en mið-
að við þær upplýsingar sem ég get
byggt á um hann og aðra umsækj-
endur treysti ég honum til þess að
standa vörð um faglegt sjálfstæði
fréttastofunnar og skapa henni
þann ytri ramma að starfsemi henn-
ar geti blómstrað hér eftir sem
hingað til,“ skrifar Pétur.
Órökstudd umsögn
Í greininni leggur Pétur mikið
uppúr rekstrarlegum forsendum
ákvörðunarinnar. Það hefði komið
skýrt fram í auglýsingunni hvaða
reynsla væri æskileg til starfans.
Rík krafa hefði verið gerð til skipu-
lags- og samstarfshæfileika, frum-
kvæðis, reynslu af stjórnunarstörf-
um og þekkingar á fjármálum og
rekstri. Að öllum þessum þáttum
samanlögðum og með vísan til
gagna sem lágu fyrir útvarpsráði
hefði það verið mat hans að Auðun
Georg væri hæfasti umsækjandinn.
Pétur segist líta svo á að umsögn
Boga Ágústssonar, forstöðumanns
fréttasviðs RÚV, hafi verið hans
mat eins. Niðurstaða Boga sé í engu
samræmi við gögn málsins enda
geri Bogi ekki tilraun í sinni umsögn
til þess að rökstyðja niðurstöðu sína
með tilvísun til auglýsingarinnar
eða annarra gagna.
„Í þessu sambandi má minna á að
útvarpsráð hefur nýlega hafnað
hugmyndum sem Bogi Ágústsson
lagði fram um skipulag fréttasviðs
RÚV. Hugmyndir Boga gerðu ráð
fyrir því að fréttastjórar útvarps og
sjónvarps væru eingöngu faglegir
verkstjórar á fréttastofunum, á þær
hugmyndir var ekki fallist innan
stofnunarinnar.“
Að lokum lýsir Pétur Gunnarsson
þeirri von sinni að útvarpsráð verði
lagt niður í núverandi mynd sem
fyrst. Því sé ætlað það hlutverk
samkvæmt núverandi lögum að hafa
fyrst og fremst skoðanir á dag-
skránni og starfsfólkinu. „En meðan
lögin eru eins og þau eru starfar út-
varpsráð í samræmi við þau og sinn-
ir þeirri skyldu sinni að veita um-
sagnir um umsækjendur. “
Rekstrarlegar forsendur réðu atkvæði Péturs Gunnarssonar í útvarpsráði
Auknar kröfur um ábyrgð „SAMTÖKIN Hollvinir Rík-isútvarpsins harma þá pólitísku að-
för að lögbundnu hlutleysi Rík-
isútvarpsins og þar með að
lýðræðinu, sem ráðning Auðuns
Georgs Ólafssonar í stöðu frétta-
stjóra útvarpsins felur í sér. Enn
einu sinni hafa stjórnvöld orðið ber
að því að láta flokkspólitíska hags-
muni ráða og líta framhjá faglegum
sjónarmiðum þegar ráðið er í mik-
ilvæg opinber störf,“ segir í yfirlýs-
ingu sem samtökin sendu fjöl-
miðlum í gær.
Þá segir að það sé ólíðandi að sá
umsækjenda, sem hafi minnsta
reynslu og þekkingu á því starfi
sem ráðið var til, sé tekinn fram yf-
ir fréttamenn með áratuga reynslu.
Hvetja samtökin Markús Örn Ant-
onsson útvarpsstjóra til að endur-
skoða ákvörðun sína.
Pólitísk aðför
að RÚV
INGVAR Sverrisson, fulltrúi
Samfylkingarinnar í útvarpsráði,
segir að ráðning starfsmanna
Ríkisútvarpsins eigi að vera í
höndum stjórnenda stofnunar-
innar en ekki pólitískra fulltrúa.
„Ég tel að stjórnendurnir eigi að
vera nógu hæfir til að velja fag-
lega starfsmenn til að vinna
þessa vinnu. Það var gert og ráð-
gjafarfyrirtæki fengið til að
vinna þetta með þeim. Þeir lögðu
fram tillögu sem ég tel að Mark-
ús Örn Antonsson hefði átt að
nota þegar hann valdi ein-
staklinginn,“ segir Ingvar.
Fulltrúar Samfylkingarinnar
sátu hjá þegar greidd voru at-
kvæði í útvarpsráði en ekki kom
fram í bókun þeirra, sem lögð
var fram í ráðinu, að útvarps-
stjóri hefði átt að fara að tillögu
Boga Ágústssonar, forstöðu-
manns fréttasviðs. Ingvar segir
að samt sem áður felist í bók-
uninni stuðningur við það, að
þetta ferli sé alfarið í höndum yf-
irmanna RÚV. Það hafi meira að
segja verið fengið sérhæft fyr-
irtæki til að aðstoða þá við að
leggja faglegar forsendur til
grundvallar við ráðningu frétta-
stjóra.
Faglegt mat
stjórnenda
átti að ráða
ÚTVARPSSTJÓRI er rétti aðilinn til
að meta hver sé hæfasti maðurinn í
stöðu fréttastjóra Útvarps, að mati
Þorgerðar Katrínar Gunnarsdóttur
menntamálaráðherra. Hún segir ljóst
að bæði útvarpsstjóri og útvarpsráð
hafi viljað fá utanaðkomandi aðila í
starfið.
„Ef það er einhver sem þekkir Rík-
isútvarpið þá er það útvarpsstjóri,
sem hefur áratuga reynslu af því að
stjórna stofnuninni og hefur verið
starfsmaður hennar líka. Menn verða
að meta það þannig að hann hafi tekið
faglega ákvörðun um hvað væri best
fyrir stofnunina, og greinilegt að það
skiptir máli að fá nýtt blóð þar inn.“
Þorgerður Katrín segir leitt að um-
ræðan hafi þróast þannig að spjótum
sé beint gegn Auðuni Georg Ólafs-
syni, nýráðnum
fréttastjóra Út-
varps. Hann sé vel
menntaður, með
víðtæka reynslu
og eigi að fá tæki-
færi til að sanna
sig. „Ég veit ekki
til þess að hann sé
eitthvað pólitískur
frekar en aðrir
umsækjendur,“
segir Þorgerður Katrín, en tekur
fram að aðrir umsækjendur séu einn-
ig vel hæfir og mikið sómafólk.
Þorgerður segir Auðun hafa fengið
þau atkvæði sem greidd voru í út-
varpsráði og því erfitt fyrir útvarps-
stjóra að ganga framhjá þeim eina
umsækjanda sem fékk þar atkvæði.
Spurð hvort það sé ekki jafnerfitt að
líta framhjá áliti Boga Ágústssonar,
framkvæmdastjóra fréttasviðs Ríkis-
útvarpsins – en hann mælti með fimm
af tíu umsækjendum – segir Þorgerð-
ur að Bogi hafi talið alla umsækjend-
ur hæfa, þótt hann hafi mælt sérstak-
lega með fimm aðilum. „Bogi
Ágústsson mælti með ákveðnum að-
ilum, og bara innanhússfólki. Það er
gömul saga og ný að það er erfitt fyrir
utanaðkomandi menn að komast inn í
útvarpið.“
Afgreiðsla minnihlutans
í útvarpsráði undarleg
Hún segir undarlegt hvernig
minnihlutinn í útvarpsráði afgreiði
málið, það sé lögboðið hlutverk þeirra
að taka þátt í að móta umsögn um um-
sækjendur í fréttastjórastarfið. „Ég
veit ekki til þess að þeir fulltrúar
minnihlutans sem eru í ráðinu hafi
haft einhvern fyrirvara á því þegar
þeir settust í ráðið að þeir myndu ekki
sinna sínum lögboðnu skyldum, en
þiggja engu að síður laun fyrir setu
sína í útvarpsráði,“ segir Þorgerður
Katrín.
„Þessi umræða sýnir það – og þá er
ekki verið að kasta rýrð á umsækj-
endur eða útvarpsráð – að það má
segja að þetta fyrirkomulag sé ekki í
takt við tímann. Þessi löggjöf sem við
búum við í dag er að mínu mati úrelt,
og þess vegna er mjög brýnt að það
komi fram breytingar á þessari stofn-
un, sem er þjóðinni mikilvæg. Það
þarf að eyða allri tortryggni í þessum
málum.“
Menntamálaráðherra segir útvarpsstjóra hæfastan til að meta sitt starfsfólk
Vill gefa Auðuni Georg tækifæri
Þorgerður Katrín
Gunnarsdóttir