Morgunblaðið - 11.03.2005, Page 23

MORGUNBLAÐIÐ FÖSTUDAGUR 11. MARS 2005 23
MINNSTAÐUR
DAVÍÐ Guðmundsson, bóndi í
Glæsibæ í Hörgárbyggð, sagði það
alveg skýrt að það yrði engin sorp-
urðun í sínu landi. Davíð, sem ásamt
konu sinni Sigríði Manasesdóttur,
stundar skógrækt á jörðinni sagði að
skógrækt og sorpurðun færu illa
saman. Frá árinu 1991 hafa um 560
þúsund plöntur verið gróðursettar á
landareign þeirra hjóna. Enn er leit-
að að nýjum stað undir sorpurðun í
Eyjafirði enda mönnum orðið lítið
ágengt undanfarin áratug.
Eins og fram í Morgunblaðinu í
gær var samþykkt ályktun á fundi
oddvita og framkvæmdastjóra sveit-
arfélaga sem aðild eiga að Sorpeyð-
ingu Eyjafjarðar, þar sem lagt var
til að stjórn sorpsamlagsins leitaði
eftir því við eigendur Skjaldarvíkur
og Glæsibæjar að fá hluta af jörð-
unum tveimur undir sorpurðun og
jarðgerðarstöð. Davíð sagði að á
hluta jarðar sinnar væri sumarbú-
staðaland í nágrenni við umrætt
svæði. Hann sagði að aðilar máls
hefðu átt að ræða þessa hugmynd
við sig áður en ályktunin var sam-
þykkt á fundi sorpsamlagsins.
Skjaldarvík er í eigu Akureyr-
arbæjar og þar er dvalarheimili fyr-
ir eldri borgara. Skipulagsmál í
sveitarfélaginu eru í höndum sveit-
arstjórnar Hörgárbyggðar. Starfs-
leyfi fyrir sorpurðun á Glerárdal
rennur út sumarið 2009.
Morgunblaðið/Kristján
Heima Davíð Guðmundsson, bóndi í Glæsibæ í Hörgárbyggð.
Engin sorpurðun
í mínu landi
Bóndinn í Glæsibæ í Hörgárbyggð
AKUREYRI
HÖFUÐBORGARSVÆÐIÐ
Garðabær | Í Urriðaholti er unnið að
skipulagningu tæplega 50 þúsund
fermetra verslunar- og þjónusturým-
is. Þar af mun verslun IKEA vera
rúmlega 20 þúsund fermetrar, sem
fyrirhugað er að opna haustið 2006.
Er það helmingi stærri verslun en sú
sem er fyrir hér á landi. Svæðið er
hluti af stærri skipulagsbreytingu á
holtinu að sögn Jóns Pálma Guð-
mundssonar, framkvæmdastjóra
Þekkingarhússins, sem hefur umsjón
með skipulagsvinnunni. Fyrirhugað
er að byggja upp blandaða byggð þar
sem verið sé að skipuleggja háskóla-
hverfi í tengslum við fyrirtæki og
íbúðarbyggð, sem myndi hýsa á
bilinu þrjú til fjögur þúsund íbúa.
Eins og fram hefur komið þá hefur
Garðabær lýst yfir áhuga á því að Há-
skólinn í Reykjavík komi til bæjarins
til að mynda kjarnann í háskólaþorpi
í Urriðaholti.
Jón segir að áhersla sé lögð á að fá
inn stærri verslanir sem séu leiðandi
á sínu sviði hvað vöruúrval, verð,
gæði og þjónustu varðar. Hann bend-
ir á að þetta svipi ekki til Kringlunnar
eða Smáralindar hvað þetta varði,
hér sé um annað verslunarform að
ræða. Á ensku er það kallað „retail
park“ sem útleggja má sem kauptún,
en Hallgrímur Helgason rithöfundur
kom fram með þá nafngift samhliða
öðrum hugmyndum.
Fyrir utan IKEA er óráðið hvaða
verslanir verða þarna en stefnt er á
stórar verslanir t.d. byggingavöru-
verslanir, verslanir með heimilisvör-
ur, fatnað og bílahluti.
Byggingarnar
samlagist umhverfinu
Að sögn Dennis Carlberg, arki-
tekts hjá arkitektastofunni Arrow-
street, sem vinnur að skipulagn-
ingunni, hefur hraunið í umhverfi
Urriðaholts mikið að segja þegar
kemur að heildarskipulagi svæðisins.
T.a.m. verður hraun nýtt á hliðar
IKEA-verslunarinnar svo að verslun-
in falli betur inn í umhverfið. Carl-
berg segir að slíkt hafi IKEA-versl-
anir ekki leyft hingað til, þ.e. að
hróflað sé við útliti verslananna, en
það fékkst samþykki fyrir í þessu til-
viki. „Hugmyndin er sú að í stað þess
að setja byggingar ofan á landið þá
ætlum við að setja þær inn í landið,
þannig að þær samlagist umhverfinu
betur,“ segir Carlberg. Hann segir að
áhersla sé lögð á góða göngu- og hjól-
reiðastíga og að umhverfið verði
gróðursælt. Sem dæmi má nefna
verður bílastæðum í kauptúninu sem
hýsir m.a. IKEA-verslunina skipt
upp með náttúrulegri áferð. Þannig
verði svæðið mun mildara og fái feg-
urra yfirbragð en ef einungis gæfi að
líta á stórt bílastæðaflæmi. Auk þess
bendir Carlberg á að byggingar séu
felldar inn í landið til að útsýni íbúð-
arbyggðarinnar af hæðinni fái að
njóta sín sem best.
Áhersla á varðveislu
Urriðavatns
Eins og kemur fram í aðalskipulagi
Garðabæjar er áhersla lögð á sterkt
samspil byggðar við lítt snortna nátt-
úru, hraun, vatn og votlendi, sem
bjóði upp á einstök tækifæri til úti-
vistar og hönnunar byggðar í sam-
spili við náttúru. Einnig er lögð
áhersla á varðveislu Urriðavatns og
nærumhverfis þess á sjálfbæran hátt
með friðlýsingu og að svæðið um-
hverfis vatnið nýtist til útivistar og
fræðslu um náttúruna.
Jón segir marga kosti vera við
Urriðaholtið. Svæðið sé t.a.m. mið-
lægt á höfuðborgarsvæðinu og stað-
sett við eina af stærstu stofnbraut-
unum, þ.e. Reykjanesbraut. Auk þess
sé nægt landrými fyrir stórar versl-
anir á svæðinu.
Við undirbúning voru m.a. haldnir
samráðsfundir með hagsmunaaðilum
í október og með íbúum Garðabæjar í
nóvember. Bæjarstjórn Garðabæjar
samþykkti hinn 3. mars sl. að auglýsa
skipulagstillöguna, þ.e. að deiliskipu-
laginu, með formlegum hætti.
Blönduð byggð með kauptúni,
háskólahverfi og íbúðum
Morgunblaðið/Brynjar Gauti
Jón Pálmi Guðmundsson, framkvæmdastjóri Þekkingarhússins, fer yfir
skipulagsmál Urriðaholts ásamt Dennis Carlberg, arkitekt frá Arrow-
street-arkitektastofunni í Bandaríkjunum.
Hér gefur að líta teikningu af væntanlegu kauptúni séð frá Urriðavatni.
Skipulag Urriðaholts í Garðabæ með samspili byggðar og náttúru
Seltjarnarnesbær | Rýnihópur um
skipulagsmál á Seltjarnarnesi hefur
tekið til starfa, en bæjarstjórn sam-
þykkti fyrir skemmstu tillögu
skipulags- og mannvirkjanefndar
um að efna til frekara samráðs við
íbúa í skipulagsmálum.
Brugðist við athugasemdum
Á vef Seltjarnarnesbæjar segir
að með tillögunni sé brugðist við at-
hugasemdum sem bárust við tillögu
að breytingu á aðalskipulagi Sel-
tjarnarness og deiliskipulagi
Hrólfsskálamels og Suðurstrandar.
Markmið tillögunnar sé að opna
íbúum betri sýn á forsendur skipu-
lagsvinnunnar, mismunandi tillögur
sem komið hafa til umfjöllunar í
ferlinu og aðra mögulega uppbygg-
ingarkosti innan bæjarins.
Tillögur væntanlegar
í lok apríl
Hópurinn, sem í eiga sæti tólf
manns, á að vera skipulags- og
mannvirkjanefnd til ráðuneytis um
álitamál sem tengjast skipulagi á
Seltjarnarnesi.
Samkvæmt erindisbréfi er hópn-
um ætlað að vera vettvangur sam-
ráðs um stefnumörkun bæjarins í
skipulagsmálum. Markmið hópsins
sé að leitast við að skapa skýrari
heildarmynd og leita lausna sem
eru til þess fallnar að skapa aukna
sátt um uppbyggingu Seltjarnar-
ness á skipulagstímabilinu 2005–
2024.
Hópurinn muni fjalla um forsend-
ur og meginmarkmið aðalskipulags,
ráðstöfun einstakra svæða og leggja
fram eina til tvær mögulegar heild-
arlausnir fyrir skipulag Hrólfs-
skálamels og Suðurstrandar.
Að sögn Jónmundar Guðmars-
sonar, bæjarstjóra Seltjarnarness,
er áformað að hópurinn ljúki vinnu í
lok apríl og að niðurstöður hans
verði kynntar íbúum í maí. Til við-
bótar við tillögur hópsins verði út-
gáfa fyrri skipulagstillögu endur-
skoðuð, þar sem tekið verði tillit til
framkominna athugasemda.
Rýnihópur
um skipu-
lagsmál tek-
inn til starfa