Morgunblaðið - 25.04.2005, Blaðsíða 1
STOFNAÐ 1913 110. TBL. 93. ÁRG. MÁNUDAGUR 25. APRÍL 2005 PRENTSMIÐJA MORGUNBLAÐSINS mbl.is
Þúsund ára
Íslendingur
Hátíðardagskrá um Halldór
Laxness í Stokkhólmi | Miðopna
Fasteignir og Íþróttir
Fasteignir | Hámarkslán Íbúðalánasjóðs hækkuð
Sumarið er tíminn til viðgerða Íþróttir | Chelsea með níu
fingur á bikarnum Pétur og Sólveig vörðu glímutitlana
Blönduósi. Morgunblaðið. | Það fer ekki mikið fyrir frystitogaranum
Arnari HU 1 þar sem hann skríður meðfram borgarísjaka af stærstu
gerð. Ísjakinn var að lóna við Óðinsboða á Húnaflóa þegar Arnar var að
koma inn til löndunar með aflaverðmæti upp á 115 m.kr. á laugardag.
„Við settum út tuðruna að gamni og strákarnir fóru upp að jakanum.
Þetta var eins og eyja að stærð – minnti mann á þegar maður sér
Grímsey úr fjarska,“ sagði Árni Sigurðsson skipstjóri. „Það var svo
mikil bráðnun á jakanum í sólinni að á nokkrum stöðum voru fossar
fram af brúninni á honum. Það eru nokkrir stórir jakar þarna að þvæl-
ast en þessi var langstærstur.“
Ljósmynd/Arnar Ólafur Viggósson
Fossaði af borgarísjaka við Húnaflóa
Beirut. AFP, AP. | Sýrlendingar luku í reynd
brottflutningi herliðs síns frá Líbanon í
gær en sýrlenskur her hefur verið í Líb-
anon í nærri þrjá áratugi. Hafa Sýrlend-
ingar með aðstoð hernámsliðsins og sveita
öryggis- og leyniþjónustumanna ráðið lög-
um og lofum í landinu og margir æðstu
ráðamenn Líbanons verið taldir leppar
þeirra.
Bandaríkjamenn og Frakkar hafa síð-
ustu mánuði þrýst mjög á Sýrlendinga um
að þeir hyrfu með her sinn á brott en sam-
þykkt var í öryggisráði Sameinuðu þjóð-
anna ályktun þess efnis í september.
Langar lestir yfir landamærin
„Langar lestir farartækja hersins,
stundum voru í þeim allt að 400 farartæki,
þ.á m. skriðdrekar, stórskotaliðsvagnar og
liðsflutningabílar, fóru síðdegis yfir landa-
mærin við Masnaa,“ sagði í skeyti líbönsku
fréttastofunnar ANI. Aðeins er eftir fá-
mennur herflokkur sem á að taka þátt í
táknrænni athöfn í Rayak-flugstöðinni í
austanverðu landinu á morgun. Von er á
nefnd frá SÞ til Líbanons í dag til að stað-
festa að Sýrlendingar séu farnir með lið
sitt frá Líbanon.
Sýrlend-
ingar á
brott
Hernámsliðið kveður
Líbanon á morgun
BENEDIKT XVI tók í gær-
morgun formlega við embætti
páfa í messu sem hann söng í
Róm og er hann 265. maðurinn
sem fetar í fótspor Péturs
postula, fyrsta páfans. Páfi
hvatti ákaft til einingar krist-
inna manna og endurtók í inn-
setningarræðu sinni orðin sem
Jóhannes Páll II mælti í sinni
ræðu 1978: „Verið óhræddir.“
Sagði Benedikt páfi að kirkjan
vísaði heiminum veginn til
framtíðar og með því að
treysta Guði færu menn einsk-
is á mis „af því sem veitir frelsi
og fegurð í lífinu og gerir það
stórkostlegt“.
Páfi tók við táknum valda
sinna, Hring fiskimannsins
[Péturs], sem fyrrum var not-
aður til að innsigla postula-
bréf, og mjóu sjali úr hvítri
lambsull sem lagt var um
herðar hans og minnir á hlut-
verk páfa sem hirðis kristinna
manna. Að einu leyti var
brugðið út frá aldagömlum
hefðum: kardínálarnir krupu
ekki frammi fyrir hinum nýja
páfa til að heita honum hlýðni
og kyssa hönd hans. Var helgi-
siðurinn þess í stað í höndum
12 manna hóps, þ.á m. kaþ-
ólskra hjóna, sem átti að tákna
fjölbreytilegt samfélag kirkj-
unnar.
„Ein hjörð, einn
fjárhirðir“
Páfi hvatti í predikun sinni
til einingar kristinna manna og
sagði að það ætti að vera „ein
hjörð, einn fjárhirðir“ fyrir allt
kristið fólk. Talið er að allt að
hálf milljón manna Róm hafi
fylgst með athöfninni, sem fór
fram á Péturstorginu, auk
milljóna sjónvarpsáhorfenda
um allan heim. Fór páfi fram á
að sín yrði minnst í bænum og
veittur styrkur til að takast á
við verkefnið.
Að messu lokinni var páfa
ekið í opnum bíl um Péturs-
torgið þar sem hundruð þús-
unda manna, sem margir
komu frá heimalandi páfa,
Þýskalandi, fögnuðu honum.
Brosti hann glaðlega til fólks-
ins og veifaði. „Mér fannst
hann vera geðþekkur,“ sagði
11 ára stúlka, Andrea Schilone,
í mannþrönginni. En mörgum
þótti páfi þreytulegur er hann
flutti predikun sína og hóstaði
hann öðru hverju í vasaklút.
Páfi bauð fulltrúa annarra
kirkjudeilda velkomna, einnig
fulltrúa gyðinga sem hann
sagði eiga með kristnum „sam-
eiginlega andlega arfleifð sem
á sér rætur í órjúfanlegum fyr-
irheitum Guðs“. Þá sagði hann
hug sinn dvelja hjá öllum kon-
um og körlum, trúuðum sem
trúlausum.
AP
Prestur krýpur við fótskör Benedikts páfa á Péturstorginu í
gær og kyssir hring hans sem merki um hlýðni við páfa.
Hvetur til einingar
kristinna manna
Eftir Kristján Jónsson
kjon@mbl.is
ÍRAR vilja að kaþólska kirkj-
an slaki á reglum varðandi
getnaðarvarnir, samkyn-
hneigð, skilnaði, rétt kvenna
til að gegna prestsembættum
og kynlíf fyrir hjónaband.
Kemur þetta fram í könnun
sem Sunday Tribune birti í
gær. Fram kom að 34% Íra
sækja minnst vikulega kirkju.
Alls sögðu 87% aðspurðra í
könnuninni að kirkjan ætti að
slaka á banni við notkun
smokka til að berjast gegn út-
breiðslu alnæmis í Afríku og
75% vildu að konur gætu orð-
ið prestar. Þrír af hverjum
fjórum vilja að kirkjan slaki á
banni við hjónaskilnuðum og
kynlífi fyrir hjónaband.
Kirkjan slaki á reglum
MINNA er um að hold-
ugt fólk deyi fyrir tímann
en gerist hjá fólki í kjör-
þyngd, dánartíðnin hjá
þeim sem eru óvenju
grannir eða þjást af offitu
er hins vegar há, segir á
vefsíðu Jyllandsposten í
gær. Kemur þetta fram í
nýrri rannsókn sem gerð
hefur verið í Bandaríkj-
unum.
Niðurstöðurnar voru
birtar í tímaritinu The
Journal of the American
Medical Association.
Ganga þær í berhögg við
þá skoðun að allir sem
eru yfir kjörþyngd ógni
með því heilsu sinni.
Thorkild I. A. Sørensen,
prófessor við stofnun
sjúkdómavarna í Kaup-
mannahöfn, segir nið-
urstöðurnar athyglis-
verðar.
„Ég veit að rannsókn-
arhópurinn hefur haft
áhyggjur af viðbrögðum
við niðurstöðunum vegna
þess að í Bandaríkjunum
gengur allt út á að berjast
gegn fitu,“ segir Søren-
sen. Hann segir ástæðu-
laust að rengja niðurstöð-
urnar enda um hæfa
vísindamenn að ræða.
Kjör-
þyngdin
varasöm?