Morgunblaðið - 12.09.2005, Blaðsíða 12

12 MÁNUDAGUR 12. SEPTEMBER 2005 MORGUNBLAÐIÐ
MINNSTAÐUR
Þorsteinn segir kajakleiguna
ganga vel. Starfsemin eykst hægt
og bítandi ár frá ári. Samt heldur
hann að þetta mundi ekki borga
sig nema vegna þess að hann hef-
ur brennandi áhuga á þessu.
„Fyrst í stað var ég eingöngu
með hálfs- og heilsdagsferðir um
svæðið næst Stykkishólmi en
smám saman hefur þetta þróast
yfir í lengri ferðir og meiri
kennslu. Ég ætla að þróa starf-
semina meira í þá átt á næstu ár-
um.
Það er mikill áhugi á kajak-
róðri á Íslandi og hefur verið í
nokkur ár Nú finnst mér eins og
áhuginn sé að breytast og fólk
taki þessa íþrótt alvarlegar, prófi
fleiri hluti og sé óhræddara við að
nýta sér þá möguleika sem eru
fyrir hendi kringum landið.
Svæði í kringum Stykkishólm
er alveg kjörið til að kenna byrj-
endum og til að fara í lengri sem
styttri ferðir. Svæðið er í skjóli
fyrir úthafsöldunni og er með því
veðursælasta á landinu. Þar er
mikil náttúrufegurð og fjölbreytt
dýralíf og góðar aðstæður til
róðra. Því geta bæði nýliðar og
þeir sem lengra eru komnir fund-
ið eitthvað við sitt hæfi.“
Að leika sér með Beckham
Þegar viðtalið birtist er Þor-
steinn staddur í Port Townsend í
Bandaríkjunum. Þar fer fram
fyrstur Íslendinga, sem er við-
urkenndur um allan heim sem
traustur staðall fyrir leið-
sögumenn í kajakróðri.
Í Stykkishólmi finna allir
eitthvað við sitt hæfi
„Ég leitast við að viða að mér
kunnáttu og þekkingu á íþróttinni
hvar sem ég get og þegar erlendir
ræðarar koma til landsins reyni
ég að komast í að róa með þeim,“
segir hann. „Þegar og ef ég hef
tækifæri til þá fer ég á samkomur
erlendis til að kynnast fólki og
læra kennsluaðferðir til að verða
betri í því sem ég er að fást við.“
Stykkishólmur | Í nágrenni
Stykkishólms er kjörið svæði til
kajakróðra. Þegar Þorsteinn Sig-
urlaugsson sjómaður fluttist
þangað hafði hann aðgang að kaj-
ak og var fljótur að sjá hvað um-
hverfið var freistandi til sjókajak-
róðurs og notaði hvert tækifæri
sem gafst til að róa þar um. Nú
var hann að ljúka sínu fimmta
sumri með fyrirtækið Sagan kaj-
akferðir sem stækkað hefur ár
frá ári.
„Frá því að ég var smá patti hef
ég alltaf haft áhuga á sjónum og
hef unnið við sjómennsku í mörg
ár. Ég kunni auðvitað ekkert á
kajakróður þegar ég byrjaði en
fljótlega fór ég að leita mér þekk-
ingar og leiðsagnar og stofnaði
svo fyrirtækið vorið 2001,“ segir
Þorsteinn. „Ári síðar kom hingað
til lands Justine Curgenven og
reri Vestfirðina ein síns liðs. Í
framhaldi hélt hún námskeið í
Reykjavík. Ég skellti mér á það
og sá hvað ég átti mikið eftir
ólært, en jafnframt hversu miklir
möguleikar felast í þessari
íþrótt.“
Þorstein má eflaust flokka sem
dellukarl því greinilega varð ekki
aftur snúið. Justine sagði honum
frá kajakhátíð sem haldin er
fyrstu helgina í maí ár hvert í
Wales og hann ákvað að skella
sér. Þar var hann innan um
heimsfræga ræðara og kennara á
heimsmælikvarða.
„Á þessari hátíð byrjaði ég að
vinna mig upp í staðalkerfi kaj-
akræðara sem viðurkennt er um
allan heim. Fólk kemur til Wales,
hvaðanæva úr heiminum, til að
taka prófin, en aðstæður þarna
eru sérstaklega góðar. Það þykir
mikill kostur að vera með gráðu
sem maður hefur náð sér í þarna.
Ég var eini Íslendingurinn
þetta vor, en síðastliðið vor vor-
um við sex. Þetta sýnir meðal
annars vaxandi áhuga meðal
sjókajakræðara hér á landi að
hækka standardinn og reyna sig
við meira krefjandi hluti.“
Síðastliðið vor náði Þorsteinn
svokölluðum fimm stjörnu staðli
West Coast Seakayak Symposium
sem er einn af stærri viðburðum í
íþróttinni í Bandaríkjunum. Þar
er hann í fylgd með Shawna
Franklin og Leon Somme sem
reru hringinn í kringum Ísland
sumarið 2003 og segir hann þau
hafa verið mikla hvatningu fyrir
marga íslenska kajakræðara, en
þau eru heimsþekktir kajak-
kennarar.
Hann segir þau hafa beðið fyrir
kveðju og þakklæti til allra sem
aðstoðuðu þau í ferðinni. Þau
skrifuðu grein um ferðina í
kanadíska tímaritið Adventure
Kayak sem nefnist „Utopia in The
North Atlantic“. Þorsteini var
boðið að halda fyrirlestur á ráð-
stefnunni um helgina um sjó-
kajakróður á Íslandi og það sem
landið hefur upp á að bjóða í þeim
efnum.
„Ég hvet alla sem áhuga hafa á
sjókajakróðri og hafa kannski
verið að dunda sér við hann í ein-
hvern tíma að sækja svona við-
burði. Ég líki þessu oft við það að
fótboltaáhugamenn fái tækifæri
til að leika sér með Beckham,
Figo og svoleiðis köppum í
nokkra daga. Þannig er tilfinn-
ingin hjá mér á þessum sam-
komum því hér fær maður tæki-
færi til að hitta og læra af
heimsins fremstu kajakræðurum
og eignast „kajak vini“ um allan
heim.“
Á kajak í skjóli fyrir úthafsöldunni
Gaman Þorsteinn hefur haft
áhuga á sjónum frá barnæsku.
Morgunblaðið/Ásdís Haraldsdóttir
Á kajak Aðstæður til að stunda kajakróður frá Hólminum eru frábærar.
Eftir Ásdísi Haraldsdóttur
asdish@mbl.is
VESTURLAND
Hellissandur | Fornleifavernd ríkisins
bauð leiðsögn um fjóra kirkjustaði á land-
inu í tilefni af Menningarminjadegi Evr-
ópu 10. september. Á Vesturlandi var
Ingjaldshólskirkja við Hellissand í sviðs-
ljósinu. Magnús A. Sigurðsson minjavörð-
ur Vesturlands og Vestfjarða kynnti stað-
inn, kirkjugarð og kirkju. Ingjaldshóll á
sér langa og merka sögu. Sem kirkju-
staður er hann líklega einn sá elsti á land-
inu. Í Sturlungu er getið um Halldór
Oddsson prest þar um 1200. Núverandi
kirkja var byggð árið 1903 og er elsta
steinsteypta kirkja heims. Mikið er af
minningarmörkum í kirkjunni og kirkju-
garðinum en merkust eru talin tveir leg-
steinar. Annar þeirra er legsteinn Magn-
úsar Jónssonar (1642–1694) lögmanns en
hinn er legsteinn Guðmundar Sigurðs-
sonar sýslumanns (1700–1753) en hann
var móðurbróðir og tengdafaðir Eggerts
Ólafssonar. Eggert var einmitt á leið til
Ingjaldshóls þegar hann drukknaði og er
minnismerki um hann sunnan við kirkj-
una. Að lokinni skoðun minja undir leið-
sögn minjavarðar bauð sóknarnefndin upp
á veitingar.
Morgunblaðið/Hrefna
Fróðlegt Margir skoðuðu kirkjugarðinn.
Ingjaldshóll
á menning-
arminjadegi
Evrópu
Skilmannahreppur | Minninsvarði um systk-
inin Guðmund, Ástu og Kristmund Þorsteins-
börn á Klafastöðum í Skilmannahreppi undir
Akrafjalli var afhjúpaður í hlíðum Akrafjalls
á sunnudag. Grundarteigur er útivistarsvæði
fyrir hreppsbúa í Skilmannahreppi og al-
menning, en landið var gefið úr landi Klafa-
staða á áttunda áratugnum. Gjöfinni fylgdu
þær kvaðir að Íslenska járnblendifélagið
myndi planta trjám í teiginn og var stofnuð
um hann sérstök sjálfseignarstofnun.
Systkinin á Klafastöðum vildu með þessari
gjöf gefa sveitungum sínum tækifæri til að
sjá skóg spretta og njóta þeirra lífsgæða sem
felast í því að dveljast innan um trjágróður.
Þau voru öll meðlimir í skógræktarfélagi
Skilmannahrepps. Fullplantað var í teiginn á
tíu árum og er í Grundarteigi nú mynd-
arlegur skógur, mest birki.
Komið hefur verið upp bautasteini úr landi
Klafastaða með koparskildi og jafnframt hef-
ur verið útbúin fyrir gesti útivistarsvæðisins
hvíldaraðstaða með borði og sætum.
Að lokinni athöfninni bauð Íslenska járn-
blendifélagið til kaffisamsætis í húsakynnum
verksmiðjunnar á Grundartanga.
Ljósmynd/Sigurður Bogi
Við minnismerkið Á myndinni eru Jón Eiríksson, bóndi í Gröf, Helgi Þórhallsson, aðstoð-
arforstjóri Járnblendisfélagsins, og Birgir Guðmundsson blaðamaður.
Minnisvarði um systkinin
á Klafastöðum
Hellissandur | Verktakafyrirtækið Stafna-
fell ehf. vinnur nú að endurlögn Útnesvegar
um vestanverða Breiðavík á Snæfellsnesi.
Lengd kaflans er 6,6 km. frá Gröf um
Hnausa- og Klifhraun að Arnarstapa. Nú-
verandi vegur er snjóþungur og á honum er
snjóflóðahætta og einnig hætta á grjóthruni.
Það hefur því lengi verið áhugamál íbúa á
svæðinu og einnig íbúa á Hellissandi og Rifi
að vegurinn yrði færður neðar í landið. Sú
verður nú raunin en með hinni nýju vega-
gerð er vegurinn færður frá hættusvæðum
og á snjóléttara svæði. Þess er vænst að
með þessari framkvæmd verði Útnesveg-
urinn allur góður vetrarvegur.
Á myndinni eru Stafnafellsmenn að verki
í austurjaðri Klifhrauns. Þar kemur mikil
landfylling. Grísafossá fellur meðfram
hraunjaðrinum. Áin verður færð nokkuð í
austur og hleypt þar undir nýbygginguna í
víðum steinrörum. Jóhannes Kjarval trúði
því að vatnið sem safnast í þessa á úr lækj-
unum í Smálækjahlíð væri lifandi og hefði
lækningamátt.
Morgunblaðið/Hrefna Magnúsdóttir
Vegargerð Það er verktakafyrirtækið Stafnafell ehf. sem vinnur að endurlögn Útnesvegar.
Vegagerð um Klifhraun