Morgunblaðið - 08.10.2005, Síða 27

MORGUNBLAÐIÐ LAUGARDAGUR 8. OKTÓBER 2005 27
DAGLEGT LÍF
S N Y RT I S K Ó L I N N
Í KÓPAVOGI
OPIÐ HÚS LAUGARDAGINN
8. OKTÓBER
Komið og kynnið ykkur áhugavert nám í snyrtifræði.
Útskriftarnemendur kynna starfsemi skólans og bjóða upp á
snyrtimeðferðir á vægu verði. Hægt er að panta tíma í síma 533 7900.
NÝ ÖNN BYRJAR
Í NÓVEMBER 2004
Snyrtiskólinn í Kópavogi er eini einkaskólinn á
Íslandi á framhaldsskólastigi í snyrtifræði sem
er viðurkenndur af menntamála-ráðuneytinu.
Skólinn var stofnaður árið 2002 og hefur
útskrifað yfir 100 nemendur, sem margir
hverjir eru starfandi við fagið í dag.
Skólinn leggur mikinn metnað í að útskrifa
snyrtifræðinga, sem eru fremstir á sínu sviði og
bjóða nemendum upp á vandaða og faglega
kennslu.
Lánasjóður íslenskra námsmanna (L.Í.N.)
veitir fullt lán fyrir skólagjöldum og framfærslu
meðan á námi stendur.
Nánari upplýsingar og viðtal hjá skólastjóra eru veittar í síma 533 7900 - www.snyrtiskólinn.is
Úskriftahópur ágúst 2005
ÞÆR verslanir sem mest lækkuðu
vöruverð hjá sér í verðstríði á fyrri
hluta ársins hafa nú dregið stóran
hluta þessara lækkana til baka, seg-
ir í frétt frá Verðlagseftirliti ASÍ
sem birt er á heimsíðu samtakanna.
Þetta kemur fram í hækkun á mat-
ar- og drykkjarlið vísitölu neyslu-
verðs í síðustu fjórum mælingum
Hagstofunnar. Búast má við enn
frekari hækkun við næstu birtingu
vísitölunnar þann 12. október nk.,
að því er segir í fréttinni.
Þegar síðasta verðkönnun verð-
lagseftirlits ASÍ, frá 4. október sl.,
er borin saman við könnun sem gerð
var þann 2. júlí sl. má sjá að vöru-
verð hefur hækkað nokkuð í versl-
unum Bónus, Krónunnar, Nettó og
Samkaupa, en vöruverð hefur aftur
á móti lækkað í verslunum Hag-
kaupa, Nóatúns og í Fjarð-
arkaupum.
Samanburður var gerður á al-
mennri neyslukörfu með mjólk-
urvörum, ostum, brauðmeti, morg-
unkorni, ávöxtum, grænmeti, kjöti
og drykkjarvörum í könnunum í
október og í júlí sl. Sýnir sam-
anburðurinn að verð körfunnar hef-
ur hækkað mest í Bónus, um tæp-
lega 17%, í Krónunni og Nettó um
u.þ.b. 6,5% og í Samkaupum um
tæplega 4%. Verð vörukörfunnar
lækkaði hins vegar um rúmlega 5% í
verslunum Nóatúns, 4% í Hag-
kaupum og tæplega 4% í Fjarð-
arkaupum á milli kannana.
Samhliða því að verðlækkanir
lágvöruverslana hafa gengið til
baka og aðrir stórmarkaðir hafa
heldur lækkað vöruverð hefur und-
anfarið heldur dregið úr þeim mikla
mun sem í upphafi verðstríðs mynd-
aðist á vöruverði milli einstakra
verslana. Þessa þróun má áfram
greina. Munur á hæsta og lægsta
verði vörukörfunnar var þannig
rúmlega 91% í könnuninni í júlí, en
er nú í október talsvert minni eða
65%. Þetta kemur einnig fram ef
skoðaður er munur á meðalverði
vörukörfunnar og lægsta verði. Í
júlí var sá munur tæplega 54% en
mælist nú í október tæplega 34%.
Í verðkönnuninni er aðeins um
beinan verðsamanburð að ræða, en
ekki er lagt mat á gæði og þjónustu
söluaðila.
 NEYTENDUR | Verðlagseftirlit ASÍ kannar verð matvörukörfu
Verðlækkanir enn
að ganga til baka
< (/ ( 

 ( 
=!

$4%(  :>U- -
= -U- -
./
5-P
*P$$
P$
5PG$
#!
2)


D




D




UMBÚÐIR sem notaðar eru utan
um t.a.m. hamborgara geta innihaldið
eiturefni sem geta safnast upp í nátt-
úrunni. Í Svenska Dagbladet kemur
fram að kanadískir vísindamenn vara
nú við þessum efnum sem einnig er
að finna í húsgagnaáklæði.
Efnið FTOH, sem er samheiti yfir
mörg efni sem hrinda frá sér vatni og
fitu, er þrávirkara en DDT og er talið
geta valdið umhverfisskaða í framtíð-
inni. Vísindamennirnir við Carlton
háskólann í Ottawa setja fram þá
kenningu að efni sem notuð eru í
auknum mæli til að hrinda frá vatni
og fitu hafi valdið hækkuðum gildum
af efninu PFOA, perflouroktansýru,
hjá ísbjörnum á Suðurskautslandinu.
Umrætt efni er FTOH, flourte-
lomeralkohol. Vísindamennirnir telja
sig hafa sannað að FTOH breytist
smám saman í PFOA og önnur efni
sem erfitt er að brjóta niður og eru
þrávirk í umhverfinu.
Sænskir vísindamenn sem rætt er
við óttast að PFOA verði meira
vandamál en bæði DDT og PCB. Enn
er lítið vitað um áhrif efnisins en það
safnast ekki fyrir í fituvef dýra eins
og tvö hin síðastnefndu
heldur binst prótein-
um. Það getur gert það
að verkum að gildi þess
aukist eftir því sem
hærra dregur í fæðu-
keðjunni.
Efnið er einnig skylt
efninu PFOS, perflou-
roktansulfonat, sem
samkvæmt dýra-
tilraunum gæti haft
eitrunaráhrif á menn.
Stærsti framleiðandi
þessa efnis, bandaríska
fyrirtækið 3M, hefur
hætt framleiðslunni og
til stendur að banna
það, a.m.k. í Svíþjóð.
Það var framleitt í
sama tilgangi og
FTOH nú, þ.e. að
hrinda frá vatni og fitu.
Og nú virðist hafa
komið í ljós að FTOH
hefur einnig slæm umhverfisáhrif.
FTOH er t.d. notað í flesta nýja sófa
og gerir það að verkum að afar auð-
velt er að þurrka af þeim ef eitthvað
hellist niður.
Enn er óljóst hvort PFOA er eins
eitrað og PFOS en í rauninni er ekki
hægt að fá nákvæm svör við umhverf-
isáhrifum efnanna fyrr en í framtíð-
inni þegar mikið af þeim hefur safn-
ast fyrir í náttúrunni, eins og segir í
SvD.
Varasamar matarumbúðir
 MATUR
Morgunblaðið/Árni Torfason