Morgunblaðið - 18.10.2005, Qupperneq 2

2 ÞRIÐJUDAGUR 18. OKTÓBER 2005 MORGUNBLAÐIÐ
FRÉTTIR
FJÓRÐA STÆRSTA
Actavis er orðið fjórða stærsta
samheitalyfjafyrirtæki heims eftir
kaup þess á samheitalyfjastarfsemi
alþjóðlega lyfjafyrirtækisins Al-
pharma Inc. Kaupverðið nemur 810
milljónum dala, um 50 milljörðum
króna. Eftir kaupin verður Actavis
með starfsemi í 32 löndum.
Vill lægra hlutfall
Geir H. Haarde segir að sú mála-
miðlun að miða við 25% eignarhlut í
fjölmiðlum sé of há og miða eigi við
lægra hlutfall. Þá segir hann að af-
nema eigi 26. grein stjórnarskrár
um synjunarvald forsetans.
Býður upp á svindl
Konur af erlendum uppruna eiga
erfitt á vinnumarkaði hér á landi og
mikið er um að svindlað sé á þeim,
að því er fram kemur í fréttaskýr-
ingu Morgunblaðsins í dag. Að sögn
viðmælenda blaðsins þarf að bæta
upplýsingaflæði til kvennanna.
Vara við hræðslu
Talsmenn framkvæmdastjórnar
Evrópusambandsins og Alþjóðaheil-
brigðismálastofnunarinnar vöruðu
fólk í gær við því að ýkja hættuna af
fuglaflensu sem getur borist í menn.
Var m.a. bent á að faraldrar af ein-
hverju tagi gengju reglulega yfir
heimsbyggðina og engin breyting
yrði á því. ESB hvatti hins vegar
aðildarríkin til að koma sér upp
nægum birgðum af flensulyfjum.
Eltu rússneskan togara
Norsk varðskip á Barentshafi eltu
í gær rússneskan togara sem flúði
undan þeim en um borð í togaranum
voru tveir norskir varðskipsmenn.
Fóru þeir um borð á laugardag til að
kanna hvort skipið hefði verið að
ólöglegum veiðum. Skipstjórinn
hafði heitið að sigla til Tromsø en
skipti um skoðun og ákvað að flýja í
átt til Múrmansk.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 

 

 


 
 



  

 

  

 


 


 !

"
# 
$
% 
  




 



& 

 
 

'() *

 +,,,




 







 






   


 


HÉRAÐSDÓMUR Reykjavíkur vís-
aði í gær frá kröfu Orkuveitu
Reykjavíkur um að felldur yrði úr
gildi úrskurður kærunefndar út-
boðsmála í máli sem Toshiba Int-
ernational (Europe) kærði til nefnd-
arinnar. Nefndin hafði komist að
þeirri niðurstöðu að OR væri skaða-
bótaskyld gagnvart Toshiba vegna
útboðs á vélbúnaði og hverflum fyrir
Hellisheiðarvirkjun. Samið var við
Mitsubishi og nam heildarverðmæti
samningsins um tveimur milljörðum.
Kærunefndin taldi að í ákveðnum
efnum hefði OR brotið gegn hinni al-
mennu jafnræðisreglu útboðsréttar
og væri því skaðabótaskyld gagnvart
Toshiba. Ekki var lagt mat á tjónið,
enda ekki í verkahring nefndarinnar,
heldur einvörðungu kveðið á um að
OR skyldi greiða fyrirtækinu
600.000 krónur í málskostnað. Þess-
um úrskurði skaut OR til Héraðs-
dóms Reykjavíkur. Í úrskurði hér-
aðsdóms segir að álit nefndarinnar á
skaðabótaskyldu sé ekki bindandi og
hafi enga beina þýðingu í dómsmál-
um. Þó að nefndarálitið geti valdið
þeim óþægindum sem talinn er
skaðabótaskyldur verði sá hinn sami
að búa við þau óþægindi, svo lengi
sem hann leitar ekki ásjár dómstól-
anna. „Álit kærunefndarinnar um
skaðabótaskyldu lýsir einvörðungu
skoðunum þeirra sem í nefndinni
sitja án þess að þær hafi nokkrar
réttarverkanir og að lögum er ekki
hægt að ógilda skoðanir manna.“
Friðgeir Björnsson kvað upp dóm-
inn. Hjörleifur B. Kvaran hrl. flutti
málið fyrir OR en Gunnar Jónsson
hrl. var til varnar.
Deilur Orkuveitu Reykjavíkur og Toshiba International
Ógildingarkröfu OR
vísað frá héraðsdómi
SYSTURNAR Snædís Rán og Ás-
laug Ýr Hjartardætur, sem báðar
eru daufblindar, voru glaðar í bragði
í gær þegar þær fengu afhent ný
hjól frá Lionsklúbbnum Frey í
Reykjavík. Hjólin, sem framleidd
voru í Bandaríkjunum, eru sérstak-
lega hönnuð fyrir daufblinda. Þær
Snædís Rán og Áslaug Ýr eru báðar
nemendur í Hlíðaskóla. Það var
Brynja Blumenstein, kennari þeirra,
sem átti hugmyndina að því að út-
vega systrunum hjól, en henni
fannst leiðinlegt að þær ættu þess
ekki kost að fara út að hjóla líkt og
önnur börn. Brynja sneri sér til
Lionsklúbbsins sem tók vel í að
styrkja málefnið. Hún segir það hafa
mikla þýðingu fyrir systurnar að fá
hjólin. „Hvaða barn dreymir ekki
um að fara út að hjóla?“ segir hún og
bætir við að ekki spilli að fjölskylda
systranna sé áhugafólk um hjólreið-
ar. Pabbi þeirra sé í fjallahjólaklúbbi
og hjóli svonefnda Nesjavallaleið á
hverju ári. Hafi það verið draumur
systranna að komast með.
Jónatan Guðjónsson, félagi í
Lionsklúbbnum Frey, segir hjólin
handsmíðuð af bandarískum hjól-
reiðamanni og að reiðhjólaverslunin
Örninn hafi veitt ómetanlega aðstoð
í málinu. Þá hafi verslunin boðist til
þess að sjá um viðgerð og stillingar á
hjólunum. Jónatan segir að Sjónstöð
Íslands hafi umsjón með hjólunum.
„Hvaða barn dreymir ekki
um að fara út að hjóla?“
Morgunblaðið/ÞÖK
TÍU blindir og hreyfihamlaðir far-
þegar mega ferðast í einu með flug-
vélum Icelandair og tveir með vélum
Iceland Express, án þess að fyrir-
fram séu tilgreindir samferðamenn
þeirra. Níu blindir einstaklingar
hafa höfðað mál á hendur írska lág-
gjaldaflugfélaginu Ryanair en þeim
var neitað um inngöngu í flugvél fé-
lagsins þar sem reglur þess leyfa að-
eins fjóra fatlaða einstaklinga í
hverju flugi.
Í samtali við Morgunblaðið sagði
Guðjón Arngrímsson, upplýsinga-
fulltrúi FL Group, að Icelandair
hefði engar reglur um hámarks-
fjölda fatlaðra farþega. „Þó gildir sú
regla að ekki mega fleiri en tíu blind-
ir eða hreyfihamlaðir farþegar fara
með flugvél án þess að fyrirfram séu
tilgreindir samferðamenn þeirra.
Séu samferðamenn engir þarf að
gera sérstakar ráðstafanir, til dæmis
að fjölga í áhöfn vélarinnar, svo hægt
sé að fylgja öllum öryggisatriðum,“
sagði Guðjón.
Lísa Ólafsdóttir, yfirflugfreyja hjá
Iceland Express, segir að komi
blindir eða hreyfihamlaðir farþegar
með samferðafólki þá gildi um þá
engar reglur um hámarksfjölda. „Sé
fólkið hins vegar að ferðast einsam-
alt þá getum við aðeins tekið við
tveimur blindum eða hreyfihömluð-
um manneskjum í hverja vél,“ segir
Lísa.
Aðeins fjórir fatlaðir
Írska lággjaldaflugfélagið Ryan-
air leyfir aðeins fjóra fatlaða farþega
í hvert flug og hefur þessi regla nú
leitt til málsóknar gegn félaginu.
Málavextir eru þeir að hópur níu
blindra og sjónskertra farþega ætl-
aði að fljúga frá Stanstead-flugvelli í
London til Ítalíu. Þeim var vísað frá
þar sem fyrir voru þrír fatlaðir um
borð í vélinni. „Þessi regla er viðhöfð
af öryggisástæðum, svo að áhöfnin
geti hugsað um þessa farþega, bæði
á flugi og ef neyðarástand kemur
upp,“ segir talsmaður Ryanair við
vefmiðil BBC News um málið. Sam-
kvæmt upplýsingum frá félaginu var
ekki tekið fram við pöntun að um
blinda einstaklinga væri að ræða.
Katherine Hurst var ein farþeg-
anna blindu og segist hún hafa feng-
ið þær upplýsingar hjá Ryanair að
engin vandamál væru þótt farþeg-
arnir væru blindir. Hún segir hópinn
hafa verið niðurlægðan opinberlega
af Ryanair. „Þetta var óheppilegt og
við finnum til með þeim sem urðu
fyrir þessu,“ segir talsmaður Ryan-
air.
Fatlaðir stefna Ryanair en aðrar reglur eru hjá Icelandair
Tíu fatlaðir mega ferðast
í einu á eigin vegum
UM 20 hús á Höfn í Hornafirði
skemmdust í vatnsveðrinu um
helgina. Ekki hefur verið lagt mat á
tjónið en það mun væntanlega
liggja fyrir síðar í vikunni.
Árni Gunnarsson, framkvæmda-
stjóri tjónasviðs Sjóvár, segir að
þegar vatn leki inn í hús vegna
skyndilegs skýfalls eða asahláku
gildi aðrar reglur um tryggingar
en ef vatn lekur inn í hús af völdum
t.d. stíflaðs niðurfalls eða ónýtrar
vatnslagnar. Tjón á húsum, gólf-
efnum og veggjum sem verður
vegna skýfalls eða asahláku er
tryggt með fasteignatryggingu en
heimilistrygging bætir tjón á hús-
gögnum, rafmagnstækjum o.þ.h.
Morgunblaðið/Sigurður Mar
Tjón vegna
skýfalls eru bætt
TVÆR japanskar konur sem hér eru
á ferðalagi sluppu með skrámur eftir
að bíll þeirra valt á Kjalvegi um
klukkan 17.30 í gær. Lögreglan á
Blönduósi segir að svo virðist sem
ökumaður hafi misst stjórn á bílnum
á ójöfnum vegi. Bíllinn valt um 8
kílómetrum sunnan við Áfangafell og
var mikil þoka á svæðinu auk þess
sem þar er símasambandslaust, að
sögn lögreglu.
Það varð konunum til happs að
rjúpnaveiðimenn sem höfðu þurft að
hætta veiðum vegna þokunnar, óku
fram á þær.
Lögregla segir að bíllinn sem kon-
urnar voru á hafi gereyðilagst við
veltuna, en um var að ræða bílaleigu-
bíl.
Sluppu með
skrámur eftir
bílveltu
MARGIR fundu fyrir truflun-
um á Netinu á sunnudagskvöld
sem varð í kjölfar bilana sem
urðu á lendingarstað FAR-
ICE-1 sæstrengsins í Norður-
Skotlandi. Að sögn Jóns Birgis
Jónssonar, formanns FARICE
hf., munu þessar truflanir
heyra sögunni til upp úr ára-
mótum en samningar hafa
náðst um að tvöfalda 500 km af
leið ljósleiðarans sem tengir
sæstrenginn við land.
„Það hafa verið óvenju mikl-
ar bilanir, meira en við bjugg-
umst við á þessari leið á lend-
ingarstað norður í Skotlandi og
til Edinborgar,“ segir Jón
Birgir. Hann segir að samning-
ar hafi náðst um að tvöfalda
a.m.k. 500 km af leiðinni. „Upp
úr áramótum ætti að vera kom-
ið tvöfalt kerfi. Jafnframt fram-
lengjum við þetta til London.
Þannig að það verður tvöfalt
kerfi frá Inverness til London,“
segir Jón og bætir því við að
bilanir ættu þá að heyra sög-
unni til.
Jón Birgir segir að í flestum
tilvikum hafi mátt rekja bilanir
til þess að eitthvað hafi farið úr-
skeiðis við vinnu verktaka og
annarra aðila á þessum slóðum
og var það raunin á sunnudag.
Bilanir
heyra brátt
sögunni til
Í dag
Fréttaskýring 8 Forystugrein 26
Úr verinu 14 Viðhorf 28
Viðskipti 15 Bréf 31
Erlent 16/17 Minningar 32/37
Akureyri 21 Dagbók 40
Höfuðborgin 20 Víkverji 40
Austurland 20 Velvakandi 41
Suðurnes 21 Staður og stund 41
Landið 21 Menning 44/45
Daglegt líf 22 Ljósvakamiðlar 50
Menning 23 Veður 51
Umræðan 24/31 Staksteinar 51
* * *