Morgunblaðið - 18.10.2005, Blaðsíða 10

10 ÞRIÐJUDAGUR 18. OKTÓBER 2005 MORGUNBLAÐIÐ
FRÉTTIR
JÓN Kristjánsson heilbrigðis- og
tryggingamálaráðherra sagði á Al-
þingi í gær að hann hefði ákveðið að
leggja ekki fram frumvarp um afnám
svokallaðs bensínstyrks til öryrkja
fyrr en hann hefði fundað með forystu
Öryrkjabandalagsins. Hann kvaðst
hafa átt slíka fundi og að hann væri að
fara yfir þetta mál upp á nýtt. Hann
hygðist ljúka þeirri yfirferð fyrir aðra
umræðu fjárlagafrumvarpsins.
Tillaga um afnám bensínstyrks til
öryrkja var rædd í upphafi þingfund-
ar á Alþingi í gær, en tillagan er sett
fram í fjárlagafrumvarpinu fyrir
næsta ár. Helgi Hjörvar, þingmaður
Samfylkingarinnar, var málshefjandi
umræðunnar. Hann gerði að umtals-
efni ályktanir landsfundar Sjálfstæð-
isflokksins um helgina, en í tveimur
þeirra er hvatt til þess að fallið verði
frá skerðingu bensínstyrksins.
Helgi spurði hvort það væri ætlun
ráðherra og þingmanna Sjálfstæðis-
flokksins að fara eftir samþykkt
landsfundarins. Hann vék einnig að
svari fjármálaráðherra, Árna M. Mat-
hiesen, um þetta mál í fyrirspurnar-
tíma á landsfundi Sjálfstæðisflokks-
ins á föstudag. Í svari sínu sagði
ráðherra að tillagan um afnám bens-
ínstyrksins kæmi frá heilbrigðisráðu-
neytinu. Helgi sagði að Árni hefði
með því verið að víkja sér undan
ábyrgð á eigin fjárlagafrumvarpi.
Helgi spurði því einnig hvort tvær
ríkisstjórnir væru í landinu, eða
kannski tólf.
Árni M. Mathiesen svaraði því
fyrst til að þversagnir væru í mál-
flutningi Helga; sá síðarnefndi talaði
um aukið aðhald í fjárlögum á sama
tíma og hann hvetti til útgjalda. Árni
skýrði einnig frá því að heilbrigðis-
ráðherra hefði þegar fundað með
fulltrúum Öryrkjabandalagsins og að
hann, þ.e. heilbrigðisráðherra, væri
að fara yfir þessi mál í sínu ráðuneyti.
„Eins og háttvirtir þingmenn vita
vinnum við samkvæmt svokölluðu
rammafjárlagakerfi þar sem ráð-
herrar hafa nokkurt frjálsræði innan
síns ramma um hvernig útgjöldum er
raðað og eins um það hvernig þeir út-
færa hagræðingarkröfur,“ sagði Árni.
Hann bætti því við að síðasta orðið
lægi þó auðvitað hjá Alþingi.
Með geislabaug og vængi
Fleiri þingmenn tóku þátt í umræð-
unum. Steingrímur J. Sigfússon,
þingmaður Vinstrihreyfingarinnar –
græns framboðs, sagði m.a. að nið-
urskurður á bensínstyrk til hreyfi-
hamlaðra væri forkastanlegur. Hann
væri í hróplegu ósamræmi við góð-
ærisröflið í stjórnarliðinu og jólagjaf-
irnar til hátekjufólksins, en til stæði
að afnema hátekjuskattinn um ára-
mótin.
Í máli Ástu R. Jóhannesdóttur og
Kristjáns L. Möller, þingmanna Sam-
fylkingarinnar, kom einnig fram
gagnrýni á áform um að afnema bens-
ínstyrkinn. Sigurjón Þórðarson, þing-
maður Frjálslynda flokksins, tók í
sama streng. Hann sagði jafnframt að
Framsóknarflokkurinn hefði, með
Sjálfstæðisflokknum, blásið út ríkis-
báknið, og þá helst utanríkisþjón-
ustuna. Á sama tíma ætti að spara hjá
öryrkjum. „Mér finnst til skammar og
ekki við hæfi að Framsóknarflokkur-
inn kenni sig við félagshyggju. Það er
orðið svo langt komið að meira að
segja sjálfstæðismönnum blöskrar
hægri stefna Framsóknarflokksins.“
Jónína Bjartmarz, þingmaður
Framsóknarflokks, sagði að tillaga
um niðurfellingu bensínstyrksins
væri að hluta til viðbrögð heilbrigð-
isráðherra við sparnaðarkröfu fjár-
málaráðherra. Þá sagði Siv Friðleifs-
dóttir, samflokkskona hennar, að
Árni M. Mathiesen hefði setið fyrir
svörum á landsfundi sjálfstæðis-
manna með geislabaug og vængi;
hann hefði hengt allt málið á heil-
brigðisráðherra og þvegið hendur
sínar af því. „Við eigum að sýna sam-
stöðu með samstarfsflokknum í við-
kvæmum málum, þótt okkur finnist
það ekki alltaf jafn auðvelt.“ Hún
mótmælti því síðan að ábyrgðin í mál-
inu væri alfarið sett á herðar Jóns
Kristjánssonar. „Í landinu eru ekki
tvær ríkisstjórnir,“ sagði hún og hélt
áfram: „Hér er ein ríkisstjórn. Þannig
reynum við framsóknarmenn að haga
okkur – þó okkur sé ansi illt í bakinu
um þessar mundir.“
Ályktun landsfundar sjálfstæðismanna um bensínstyrk og öryrkja rædd á Alþingi
Heilbrigðisráðherra segist
vera að skoða málið upp á nýtt
Morgunblaðið/Kristinn
Jón Kristjánsson heilbrigðisráðherra segist vera að skoða málið upp á nýtt.
Fremst situr Einar Már Sigurðarson, þingmaður Samfylkingarinnar.
ÞINGFUNDUR Alþingis hefst kl.
13.30 í dag. Eftir atkvæðagreiðslur
eru eftirfarandi mál á dagskrá:
1. Úrvinnslugjald.
2. Náttúruvernd.
3. Skipun ráðuneytisstjóra og ann-
arra embættismanna.
4. Hollustuhættir og meng-
unarvarnir og mat á umhverfis-
áhrifum.
5. Skipulögð leit að krabbameini í
ristli.
6. Staðgreiðsla opinberra gjalda
og virðisaukaskattur. Vanskil á
vörslufé.
7. Nýskipan í starfs- og fjöl-
tækninámi.
8. Framleiðsla, verðlagning og sala
á búvörum.
9. Fjárhagslegur aðskilnaður í
rekstri útgerðar og fiskvinnslu.
10. Tekjuskattur og eignarskattur.
11. Þjóðfáni Íslendinga í þingsal.
JÓN Kristjánsson heilbrigðis-
ráðherra segir ljóst að ef hætt yrði
við afnám bensínstyrksins, sem
nemur um 720 milljónum króna á
ári, yrði að finna aðrar sparnaðar-
leiðir hjá heilbrigðisráðuneytinu.
„Við ætluðum að setja 400 milljónir
í að hækka bætur til þeirra sem eru
með tekjutryggingarauka og 100
milljónir í starfsendurhæfingu auk
þess að mæta kröfu um 220 milljón
króna sparnað,“ sagði hann í sam-
tali við Morgunblaðið.
Gangi afnám bensínstyrksins til
baka segir Jón að fara verði í ann-
arskonar sparnað sem hann er ekki
tilbúinn að greina frá að svo stöddu.
„Við erum að fara yfir málið. Þetta
var áskorun frá landsfundinum sem
ég tek til athugunar eins og aðrar
ályktanir frá samfélaginu.“
Leita þarf
annarra leiða
NÍU þingmenn Samfylkingarinnar
hafa lagt fram á Alþingi tillögu til
þingsályktunar um að dómsmálaráð-
herra verði falið að skipa nefnd sér-
fræðinga sem hafi það verkefni að
kanna stöðu barna og unglinga, sem
hafa orðið fyrir kynferðislegu of-
beldi. Nefndin á síðan að gera til-
lögur um hvernig bæta megi stuðn-
ing og meðferðarúrræði fyrir þessi
börn og unglinga. Fyrsti flutnings-
maður tillögunnar er Jóhanna Sig-
urðardóttir.
Í greinargerð tillögunnar segir
m.a. að kynferðisbrot gegn börnum
sé einn alvarlegasti glæpur sem
hægt sé að fremja. „Það er alvarlegt
áfall fyrir þjóðina ef 17% barna eru
misnotuð fyrir 18 ára aldur, eins og
kom fram í rannsókn á umfangi kyn-
ferðislegrar misnotkunar á börnum.
Þegar í stað þarf að bregðast við
þessu, en í rannsókninni kemur fram
að fjórðungur þolenda sé sex ára eða
yngri og að í 67% tilvika sé misnotk-
unin gróf eða mjög gróf. Jafnframt
þarf að leita skýringa á því hvers
vegna þessar tölur eru hærri hér en í
rannsóknum annars staðar á Norð-
urlöndum.“
Kanni stöðu barna sem hafi
orðið fyrir kynferðisofbeldi
ÁGÚST Ólafur Ágústsson, þing-
maður Samfylkingarinnar, hefur
að nýju lagt fram á Alþingi frum-
varp um afnám fyrningarfrests
vegna kynferðisbrota gegn börn-
um undir fjórtán ára aldri. Frum-
varpið var lagt fram á Alþingi síð-
asta vetur og fór þá eftir fyrstu
umræðu til allsherjarnefndar
þingsins. Nefndin klofnaði í málinu
og fór frumvarpið aldrei til loka-
umræðu á þingi.
Í greinargerð sem fylgir frum-
varpinu eru taldir upp þeir aðilar
sem lýst hafa yfir stuðningi við
frumvarpið, þ.á m. er umboðs-
maður barna, Barnaverndarstofa
og barnaverndarnefnd Reykjavík-
ur. Meðflutningsmenn Ágústs eru
þrettán aðrir þingmenn Samfylk-
ingarinnar.
Frumvarp um
afnám fyrning-
arfrests lagt
fram að nýju
KOSTNAÐARAUKI ríkissjóðs
vegna laga um eftirlaun æðstu emb-
ættismanna, sem tóku gildi í ársbyrj-
un 2004, var um 650 milljónir króna.
Þetta kemur fram í ríkisreikningi fyr-
ir árið 2004 en það er Fjársýsla rík-
isins sem gefur hann út. Áður en
frumvarpið var samþykkt í desember
2003 voru lagðir fram útreikningar á
Alþingi sem sýndu að kostnaður gæti
í versta falli aukist um 439 milljónir
en í besta falli dregist saman um sjö
milljónir. Lög um eftirlaun forseta Ís-
lands, ráðherra, alþingismanna og
hæstaréttardómara voru afar um-
deild á sínum tíma og vöktu m.a. hörð
viðbrögð hjá verkalýðshreyfingunni.
Frumvarpið var lagt fram af
fulltrúum allra stjórnarflokka en þeg-
ar Halldór Blöndal, þáverandi forseti
Alþingis, mælti fyrir því lá ekki fyrir
hvað útgjöld ríkissjóðs myndu aukast
mikið vegna þess. Að beiðni Bjarna
Benediktssonar, formanns allsherjar-
nefndar, lagði Talnakönnun hf. mat á
hvaða áhrif frumvarpið hefði á lífeyr-
isréttindin. Fyrirtækið gerði þá fyr-
irvara að tími til útreikninga hefði
verið skammur og ítrekaði raunar þá
fyrirvara í lok greinargerðar sinnar.
Niðurstaða Talnakönnunar var sem
fyrr segir sú að útgjöldin gætu í
versta falli aukist um 439 milljónir.
650 milljónir vegna
nýju eftirlaunalaganna
ÞRÍR þingmenn hafa lagt fram á
Alþingi tillögu til þingsályktunar
um að samgönguráðherra verði fal-
ið að skipa starfshóp til að meta
kosti og galla þess að flytja innan-
landsflug úr Vatnsmýrinni. Fyrsti
flutningsmaður tillögunnar er
Hjálmar Árnason, þingflokksfor-
maður Framsóknarflokksins. Með-
flutningsmenn eru Jónína Bjart-
marz, Framsóknarflokki og Grétar
Mar Jónsson, Frjálslynda flokkn-
um.
Í greinargerð tillögunnar segir
að umræða um flutning innanlands-
flugs úr Vatnsmýrinni hafi verið
æði fyrirferðarmikil að undanförnu.
„Fullyrðingar hafa gengið á víxl um
afleiðingar þess að færa innan-
landsflugið úr Vatnsmýrinni og þá
ekki síður um hugsanlega staðsetn-
ingu nýs flugvallar fyrir innan-
landsflugið. Þingsályktunartillagan
gerir ráð fyrir því að starfshóp-
urinn dragi fram á sem hlutlæg-
astan hátt þá kosti sem í stöðunni
eru,“ segir m.a. í greinargerðinni.
Staðsetning
innanlandsflugs
Starfs-
hópur
meti kosti
og galla
Framsóknarmönn-
um illt í bakinu
Eftir Örnu Schram
arna@mbl.is
GUÐLAUGUR Þór Þórðarson,
þingmaður Sjálfstæðisflokks, hefur
lagt fram á Alþingi frumvarp um
að gjöld fyrir skráningu félaga
verði lækkuð, sem og gjald fyrir
skráningu loftfars til atvinnuflugs.
Lagt er til að lækkunin verði mis-
mikil eftir tegund félaga; lækkunin
verði t.d. mest fyrir skráningu
hlutafélaga, samvinnufélaga og er-
lendra félaga. Samkvæmt frum-
varpinu myndi gjald fyrir skrán-
ingu slíkra félaga lækka úr 165
þúsund kr. í 40 þúsund kr. Lækkun
gjalda fyrir skráningu annarra fé-
laga yrði minni, skv. frumvarpinu,
en skráningargjöld félaga yrðu þó
aldrei hærra en 40 þúsund kr. Með
frumvarpinu er einnig lagt til að
skráningargjald fyrir loftfar til at-
vinnuflugs lækki úr 66 þúsund kr. í
40 þúsund kr.
Í greinargerð frumvarpsins segir
m.a. að hár kostnaður við stofnun
fyrirtækja sé hindrun við uppbygg-
ingu atvinnulífs og að hún komi
niður á nýsköpun. Ekki sé óvarlegt
að ætla að svo há gjöld hafi fælt
einhverja frá stofnun t.d. einka-
hlutafélags. „Það er bagalegt því að
hlutafélagaformið er tvímælalaust
æskilegra í atvinnurekstri heldur
en t.d. rekstur manns í eigin
nafni,“ segir í greinargerð. „Með
frumvarpinu er leitast við að ryðja
úr vegi þessari hindrun og búa
þannig betur í haginn fyrir vænt-
anlegt athafnafólk og nýsköp-
unarstarf.“
Meðflutningsmenn frumvarpsins
eru Birgir Ármannsson, Bjarni
Benediktsson, Sigurður Kári Krist-
jánsson og Gunnar Örlygsson,
þingmenn Sjálfstæðisflokks.
Gjöld fyrir
skráningu
félaga verði
lækkuð