Morgunblaðið - 03.11.2005, Blaðsíða 22

22 FIMMTUDAGUR 3. NÓVEMBER 2005 MORGUNBLAÐIÐ
MINNSTAÐUR
HÖFUÐBORGARSVÆÐIÐ
AKUREYRI
Mosfellsbær | Herdís Sigurjóns-
dóttir, forseti bæjarstjórnar Mos-
fellsbæjar, tók á þriðjudag fyrstu
skóflustunguna að þrjátíu og níu ör-
yggisíbúðum fyrir aldraða sem rísa
munu við Hlaðhamra 2 í Mosfellsbæ.
Áætlað er að íbúðirnar verði full-
byggðar hinn 1. desember árið 2006.
Í Hlaðhömrum stendur fyrir bygg-
ing með 20 vernduðum þjónustu-
íbúðum fyrir aldraða, en þeim verð-
ur breytt í öryggisíbúðir og munu
þær tengjast hinum nýju húsein-
ingum með tengigangi. Í lok næsta
árs verða því orðnar til 59 öryggis-
íbúðir fyrir aldraða í Mosfellsbæ.
Stefnt er einnig að því, þegar til-
skilin leyfi hafa fengist frá ríkinu, að
byggt verði hjúkrunarheimili fyrir
aldraða á sömu lóð. Það er Eir öldr-
unarþjónusta sem annast fram-
kvæmdina.
Nýbyggingin við Hlaðhamra verð-
ur á þremur til fjórum hæðum og
byggð sem þrjár húseiningar sem
tengdar verða með glerjuðum bygg-
ingareiningum. Í eldra húsinu við
Hlaðhamra verður nýr aðalinngang-
ur fyrir alla íbúa húsanna og þjón-
ustumiðstöð fyrir íbúðir þeirra. Í
tengiganginum verður einnig sam-
eiginleg setustofa.
Að sögn bæjaryfirvalda í Mos-
fellsbæ er kostnaður opinberra aðila
við rekstur öryggisíbúða fyrir aldr-
aða einungis um 10% af þeim kostn-
aði sem fylgir vist á hjúkrunarheim-
ili. Telja þau því gott framboð á
öryggisíbúðum til mikilla hagsbóta
fyrir alla íbúa Mosfellsbæjar og gefi
þær öldruðum tækifæri á að búa
lengur heima hjá sér í auknu öryggi,
en öryggisíbúðirnar verða búnar öfl-
ugu öryggiskerfi og munu íbúar
þeirra njóta þjónustu frá þjónustu-
miðstöð heimilisins, auk þjónustu frá
hjúkrunarheimili, heimaþjónustu og
heimahjúkrun. Eir mun einnig ann-
ast félagslega heimaþjónustu við
íbúa í öryggisíbúðunum.
Morgunblaðið/Árni Sæberg
Jarðvegurinn ruddur Herdís Sigurjónsdóttir, forseti bæjarstjórnar Mos-
fellsbæjar, tekur fyrstu skóflustunguna í góðu veðri við Hlaðhamra.
Nýjar öryggisíbúðir fyrir
aldraða rísa í Mosfellsbæ
STARFSFÓLK leikskóla í Reykja-
vík telur sig ekki hafa næga þekk-
ingu og kunnáttu til að mæta þörf-
um barna fyrir sérkennslu, en
jafnframt er mikill áhugi og vilji
fyrir því að geta það. Þetta er meðal
þess sem fram kemur í nýrri mats-
skýrslu Arndísar Bjarnadóttur leik-
skólakennara, sem hún vann fyrir
Leikskóla Reykjavíkur.
Í matsskýrslunni, sem var unnin
upp úr könnun meðal kennara og
starfsfólks hjá sex leikskólum í
Reykjavík, er fjallað um fram-
kvæmd sérkennslu í leikskólum
Leikskóla Reykjavíkur. Þar kemur
fram að hún er vandasöm og mótast
af samspili margra þátta sem eru
mjög mismunandi milli skóla. Þeir
geti verið breytilegir, svo sem þekk-
ing og kunnátta starfsfólks, barna-
hópurinn og aðbúnaður skólans.
Misbrestur á upplýsingagjöf
Meðal þeirra málefna sem Arndís
kannaði í rannsókn sinni eru m.a.
innritunarferli sérkennslubarna,
fagleg þekking og kunnátta starfs-
manna, snemmtæk íhlutun, einstak-
lingsnámskrá, meðferð upplýsinga,
nýting stuðningstíma og þjónusta
ráðgjafar- og sálfræðideilda. Í nið-
urstöðum spurninga Arndísar kem-
ur m.a. fram að upplýsingar um sér-
þarfir barna berast leikskólum
sjaldnast áður en barnið byrjar í
leikskólanum og misbrestur er á
upplýsingagjöf þegar sérþarfabarn
færist milli leikskóla. Þá telur
starfsfólk sig ekki hafa næga þekk-
ingu og kunnáttu til að mæta sér-
þarfabörnum. Arndís bendir í
skýrslunni á möguleika til úrbóta og
enn fremur á hluti sem vel fara, t.d.
vilja starfsfólks til að gera vel og
þátttöku foreldra í gerð einstak-
lingsnámskrár fyrir sérkennslu-
börn svo dæmi séu nefnd.
Arndís segir mikla meðvitund um
mikilvægi þekkingar og reynslu
starfsmanna til að mæta sér-
kennslubörnum. Þá séu oftast sér-
stakir starfsmenn sem hafi umsjón
með sérkennslu eða stjórnun henn-
ar. Þá séu hæfustu og menntuðustu
starfsmenn leikskólanna valdir í
sérkennsluna. Segir Arndís dýr-
mæta reynslu skapast við að starfa í
skólanum og þess vegna séu starfs-
mannaskipti afar erfið.
Í skýrslunni segir enn fremur að
skólarnir hafi verið sammála um
hugtakið „snemmtæk íhlutun“, en
merking þess sé að hefja vinnuna
strax með barnið um leið og grunur
vaknar um þroskafrávik og ekki sé
beðið staðfestingar. Mikilvægt sé að
setja barn á leikskóla þar sem þekk-
ing á viðkomandi fötlun eða þroska-
fráviki sé til staðar, þar sem langan
tíma taki að byggja upp þekkingu
og á meðan vaxi barnið og missi af
tækifærum í þroskameðferð.
Í skýrslunni kemur Arndís fram
með tillögur hvað varðar bætt starf
við sérkennslu. Meðal þeirra er að
sérkennsla sé unnin meira inni í
hinu almenna leikskólastarfi, þar
sem barnið fær náms- og félagsleg-
um þörfum sínum mætt í skólasam-
félagi með jafnöldrum. Þá mælir
Arndís með að sett sé fram og
kynnt ný skýr stefna um fram-
kvæmd sérkennslu í leikskólum,
leiðarvísir um verkferla, sem afar
mikilvægt sé að allir fari eftir, þá
einkum leikskóla- og sérkennslu-
ráðgjafar sem og starfsfólk leik-
skóla.
Reglur skapa öryggi
Enn fremur vill Arndís að settar
verði fram ákveðnar, skýrar reglur
um samskipti milli samstarfsaðila
og upplýsingagjöf, en reglur skapi
öryggi fyrir foreldra og starfsfólk,
efli traust milli aðila og létti og ein-
faldi starfsemina. Fagleg þekking
og kunnátta starfsmanna verði
einnig aukin og enn fremur þekking
í gerð einstaklingsnámskrár, en
með frekari þekkingu aukist sjálf-
stæði skólanna og þeir verði líklega
betur í stakk búnir til að mæta þörf-
um allra kennslubarna.
Að lokum mælir Arndís með því
að nokkrir skólar verði gerðir sér-
hæfðir, þar sem þekking á sértækri
fötlun geti byggst upp í nokkurs
konar móðurskólum. Byggðar verði
upp og þróaðar færri en stærri ein-
ingar, sem gæti leitt til meiri gæða
og betri nýtingar fjármuna.
Skýrsla Arndísar er aðgengileg á
vefslóðinni www.leikskolar.is.
Skýrsla um sérkennslu barna með þroskafrávik
Starfsfólk viljugt en
skortir þekkingu
Starfsmanna-
skipti erfið
leikskólum en þá
tapast þekking
Ólafsfjörður | Skíðasvæðið í Tinda-
öxl í Ólafsfirði var opnað í gær og
þar var fjöldi fólks á skíðum og börn
í miklum meirihluta. „Hér er ynd-
islegt veður, gott skíðafæri og allir
ánægðir,“ sagði Heiða Guðmunds-
dóttir, gjaldkeri Skíðafélags Ólafs-
fjarðar. Heiða sagði að veðrið
undanfarna daga hefði verið frekar
leiðinlegt en að annað hefði verið
upp á teningnum í gær. Ekki er
hægt að segja annað en að skíða-
vertíðin byrji vel í Ólafsfirði þennan
veturinn en sl. vetur var aðeins hægt
að hafa svæðið opið í fáa daga. Þau
börn sem æfa skíðaíþróttina í bæn-
um þurftu því að fara ófáar ferðirnar
inn á Dalvík til æfinga. Heiða sagði
að töluverður snjór væri í fjallinu og
hægt að renna sér ofan af toppi þess.
„Þetta lofar góðu, alla vega þangað
til annað kemur í ljós,“ sagði Heiða.
Morgunblaðið/Gísli Kristinsson
Skíðafæri Unga fólkið í Ólafsfirði fjölmennti í Tindaöxl eftir að skíðasvæð-
ið var opnað í gær. Skíðavertíðin byrjar vel í blíðviðri.
Skíðasvæðið
í Tindaöxl opnað
Freistingar | Petrea Björk Óskars-
dóttir þverflautuleikari og Þórarinn
Stefánsson píanóleikari koma fram á
hádegistónleikum í Ketilhúsinu kl.
12.15 á föstudaginn, 4. nóvember,
undir heitinu Litlar freistingar. Þau
flytja íslenska og franska tónlist og
Einar Geirsson landsliðskokkur
reiðir fram gómsætar freistingar í
stíl. Á efnisskránni eru fjögur verk
fyrir flautu og píanó, annars vegar
tvö verk eftir franska tónskáldið
Gabriel Fauré, Sicilienne op. 78 og
Morceau de Concours.
  
Sýning | Aðalheiður S. Eysteins-
dóttir opnar myndlistarsýningu á
Café Karólínu í dag, fimmtudaginn
3. nóvember, kl. 18. Á sýningunni
gefur að líta splunkuný verk, lág-
myndir úr tré, eftir Aðalheiði sem
hefur verið afar afkastmikill mynd-
listarmaður síðustu ár. Sýningin á
Café Karólínu stendur til 2. desem-
ber næstkomandi.
STARFSMENN Kælismiðjunnar
Frosts vilja kaupa fyrirtækið. Frost
er með starfsemi á Akureyri og í
Garðabæ og hjá fyrirtækinu starfa
27 manns. Fyrirtækið er í eigu Stál-
taks og er systurfélag Slippstöðvar-
innar á Akureyri sem lýst af gjald-
þrota á dögunum.
Gunnar Larsen, framkvæmda-
stjóri Kælismiðjunnar Frosts, sagði
að meirihluti starfsmanna stæði að
því að reyna kaupa fyrirtækið.
Gunnar sagði allt til sölu fyrir rétt
verð og hann gerir ráð fyrir því að
málin muni skýrast í næstu viku.
Fyrirtækið hefur frá 1993 verið í far-
arbroddi í uppbyggingu og þjónustu
á kælikerfum fyrir útgerðar- og mat-
vælavinnslufyrirtæki landsins.
Kælismiðjan Frost
Starfsmenn
vilja kaupa
FÉLAG verslunar- og skrif-
stofufólks á Akureyri og ná-
grenni, FVSA, varð 75 ára í
gær, 2. nóvember, en það er
elsta stéttarfélag verslunar-
manna hér á landi. Í tilefni af-
mælisins verður haldin sýning
á 4. hæð Alþýðuhússins á
morgun, föstudaginn 4.
nóvember og laugardaginn 5.
nóvember. Sýningin verður
opin báða dagana frá kl. 14 til
18 og er öllum opin.
Á sýningunni verða myndir
og munir úr verslunum og
skrifstofum á Akureyri og ná-
grenni á árum áður. Það er
Iðnaðarsafnið á Akureyri,
Smámunasafn Sverris Her-
mannssonar og Minjasafnið á
Akureyri sem lána sýning-
argripina.
Allir eru velkomnir á sýn-
inguna og býður FVSA gest-
um hennar upp á kaffi og af-
mælistertu í tilefni þessara
merku tímamóta. Af sama til-
efni mun félagið færa félags-
mönnum sínum gjöf, sem af-
hent verður á afmælissýning-
unni. Þeir sem ekki komast á
sýninguna geta náð í gjöfina á
skrifstofu félagsins einhvern
næstu daga.
Í tilefni tímamótanna hefur
félagið gefið út veglegt afmæl-
isrit þar sem afmælisins er
minnst og verður því dreift í
hús og fyrirtæki á félagssvæð-
inu.
Félag verslunar- og
skrifstofufólks 75 ára
Munir og
myndir frá
liðinni öld
SÍMINN hyggst nú bæta við fólki og
stækka Söluver sitt á næstunni.
Ákveðið hefur verið að fara með
hluta starfseminnar til Akureyrar og
verða allt að 16 hlutastörf auglýst á
svæðinu. Síminn hefur um nokkurt
skeið haft að stefnu sinni að flytja
þau störf á landsbyggðina sem hent-
ugt er að vinna þar, þar með talið
símaþjónustu, segir í frétt frá fyr-
irtækinu.
Dótturfyrirtæki Símans, Já (118),
er með starfsstöðvar á Egilsstöðum
og Akureyri auk Reykjavíkur og er
markmiðið að nýta betur starfsstöð
Já sem verið hefur á Akureyri.
Þannig mun Síminn leigja starfsað-
stöðu fyrir 8 manns í einu í húsa-
kynnum Já. Það þýðir í raun að
hlutastörf fyrir allt að 16 manns
munu skapast á Akureyri á næst-
unni.
Söluver Símans sér um sölu og eft-
irfylgni á vörum og þjónustu Símans.
Fyrirferðarmesta verkefni ársins í
ár hefur verið sjónvarpsdreifing um
ADSL kerfi Símans. Söluverið hefur
séð um að fylgja þeirri þjónustu eftir
og skrá nýja viðskiptavini. Heildar-
fjöldi starfsmanna í Söluveri Símans
er nú 15 manns en eins og áður sagði
verður bætt við allt að 16 manns í
hlutastörf. Úthringiverkefni munu
felast í átaksverkefnum og könnun-
um af ýmsu tagi fyrir viðskiptavini
Símans.
Síminn bætir við
fólki nyrðra