Morgunblaðið - 16.11.2005, Page 19

MORGUNBLAÐIÐ MIÐVIKUDAGUR 16. NÓVEMBER 2005 19
MINNSTAÐUR
Nýtt meistarastykki úr smiðju
Gunnhildar Hrólfsdóttur
Áleitin
og einlæg.
Saga um samkyn­
hneigða stúlku og
fjölskyldu hennar.
F a x a f e n i 1 0 – S í m i 5 6 8 1 0 0 0 – w w w . f r u m . i s
Fr
u
m
HÖFUÐBORGARSVÆÐIÐ
Mosfellsbær | Mosfellsbær tekur
nú við umsóknum um byggingarrétt
lóða í Krikahverfi. Til úthlutunar
eru lóðir fyrir tæplega 200 íbúðir.
Gert er ráð fyrir að áætlana-, skipu-
lags- og byggingarkostnaður íbúð-
arhúsnæðis, ásamt vegagerð og
fleira, sem tengist framkvæmdinni,
muni nema um 8 milljörðum króna.
Að sögn bæjaryfirvalda í Mos-
fellsbæ mun mun bygging Krika-
hverfisins leiða til fólksfjölgunar í
Mosfellsbæ upp á tæp 8% og því
ljóst að áhrif af þessari viðbótar-
byggð í Mosfellsbæ verði mikil.
Búist við mörgum umsóknum
Bæjaryfirvöld búast við mörgum
umsóknum um lóðirnar í Krika-
hverfi en hlutfall einbýlis-, rað- og
parhúsalóða er sérstaklega hátt á
svæðinu eða samtals 58%. Þá er
Krikahverfið eitthvert eftirsóttasta
byggingarland bæjarins enda í góð-
um tengslum við vegakerfi, nálægt
miðbæjarkjarna og góðum útivist-
arsvæðum. Krikahverfið liggur að
Vesturlandsvegi til vesturs, Reykja-
vegi til norðurs, landi Teigs til aust-
urs og Lágafelli til suðurs þar sem
við tekur gróið skógræktarsvæði.
Í fyrirhugaðri úthlutun er hreyfi-
hömluðum og fjölskyldum þeirra
veittur forgangur að fjórum ein-
býlishúsalóðum sem eru á mismun-
andi stöðum í hverfinu. Markmiðið
er, að sögn bæjaryfirvalda, að veita
hreyfihömluðum ákveðinn forgang
og möguleika á að byggja íbúðar-
húsnæði sem frá upphafi er hannað
með þarfir þeirra í huga og gera
þeim kleift að búa við eðlilegt heim-
ilislíf.
Af hinum tvö hundruð lóðum sem
er úthlutað í Krikahverfi verða sex-
tíu og átta einbýlishúsaeiningar, sex
parhúsaeiningar sem í verða tólf
íbúðir, átta raðhúsaeiningar sem í
verða alls 31 íbúð og fimm fjölbýlis-
húsaeiningar sem verða með 83
íbúðum. Við þessa tölu bætast
aukaíbúðir í einbýlishúsum sem
heimilaðar eru þar sem skipulags-
og landfræðilegar aðstæður leyfa.
Lóðirnar eru seldar á föstu verði.
Byggingarréttindum verður úthlut-
að til einstaklinga eða lögaðila og
verða lóðirnar byggingarhæfar 1.
júlí 2006.
Lóðirnar sem boðnar eru í Krika-
hverfi eru fremur stórar og eru
húsagerðir ákveðnar fyrirfram fyrir
hverja lóð. Vegna halla landsins
verða þær fjölbreytilegar. Einbýlis-
húsin verða annaðhvort á einni
hæð, tveimur hæðum eða stölluð
eftir því hvað hver lóð býður upp á.
Gert er ráð fyrir hverfismiðju sem
allar leiðir um hverfið og til nær-
liggjandi svæða liggja um. Þar
verða fjölbýlishúsin staðsett. Þau
verða þrjár hæðir og stærstu húsin
verða með 22 íbúðum. Tvö leik-
svæði eru skipulögð í jaðri íbúð-
arsvæðisins. Annað er suður af
syðsta fjölbýlishúsinu og hitt er
norðvestur af vestasta einbýlishús-
inu.
Dregið úr gildum umsóknum
um einbýlis- og parhús
Einstaklingar og lögaðilar þurfa
að skila greiðslumati sem staðfestir
að þeir ráði við byggingarkostnað á
viðkomandi lóð. Lögaðilar þurfa að
auki að skila inn ársreikningi.
Dregið verður úr gildum umsókn-
um í flokki einbýlis- og parhúsa.
Umsækjendur munu velja sér lóðir
í þeirri röð sem umsóknir þeirra
verða dregnar út. Bæjarráð úthlut-
ar byggingarrétti rað- og fjölbýlis-
húsa.
Að sögn Haralds Sverrissonar,
formanns skipulags- og byggingar-
nefndar Mosfellsbæjar, hefur þegar
borist mikið af fyrirspurnum og
ljóst að mikill áhugi er á lóðunum í
hverfinu. „Við höfum fundið mikið
fyrir því í kringum alla umfjöllunina
um þetta nýja hverfi,“ segir Har-
aldur. „Það er mikið hringt og
spurt.“
Umsóknareyðublöð, skilmálar og
upplýsingar fást hjá þjónustuveri
Mosfellsbæjar, Þverholti 2, fyrstu
hæð, sími 525 6700. Einnig er hægt
að nálgast gögn á heimasíðu Mos-
fellsbæjar www.mos.is undir Krika-
hverfi: Framkvæmdir.
Tekið á móti umsóknum um lóð-
ir fyrir 200 íbúðir í Krikahverfi
Reykjavík | Enn er mannekla á frí-
stundaheimilum í grunnskólum
Reykjavíkur og hefur formaður fé-
lags einstæðra foreldra (FEF) lagt
til að komið verði á nokkurs konar
veltukerfi á þeim frístundaheim-
ilum þar sem enn er biðlisti. Segir
hann það leið til þess að öll börn fái
jafnan aðgang að frístundaheim-
ilinu og það álag sem er á stökum
heimilum meirihluta eða allan vet-
urinn dreifist yfir öll heimilin í
styttri tíma.
Tillaga Ingimundar Sveins Pét-
urssonar, formanns FEF, þessa efn-
is verður lögð fyrir íþrótta- og tóm-
stundaráð Reykjavíkur á morgun.
Segir Ingimundur það ennfremur
von sína að hægt verði að koma í
veg fyrir viðlíka ástand í framtíð-
inni og að ÍTR láti af þeirri stefnu
sinni að „fyrstir koma fyrstir fá“,
heldur verði öllum börnum gert
mögulegt að sækja frístund að
skóladegi loknum.
Ingimundur Sveinn segir mann-
ekluna á frístundaheimilunum bitna
illa á öllum heimilum og þá sér-
staklega þar sem foreldrar eru einir
og njóta ekki sama stuðnings og
hjón eða fólk í sambúð. „Ég hef rætt
þessi mál við einstæða foreldra sem
þetta ástand bitnar illa á,“ segir
Ingimundur. „Ástandið hefur samt
lagast heilan helling, en ég veit að
það er biðlisti í Breiðholti og var í
Grafarvogi og á fleiri stöðum. Við
vorum með aðra tillögu þar sem við
báðum um að það yrði forgangs-
raðað eftir aðstæðum. Því var neit-
að og því sendi ég inn þessa tillögu.“
Aðspurður hvort þessar breyt-
ingar bitni þá ekki á öðrum for-
eldrum segir Ingimundur álagið
dreifast á fleiri foreldra frekar en
að eitt og eitt heimili taki það allt á
sig. „Þannig gætu foreldrar þurft
að taka barnið sitt snemma jafnvel
aðeins einu sinni á tveggja vikna
fresti. Börnin myndu aðeins missa
úr staka daga,“ segir Ingimundur.
Að sögn starfsmanna ÍTR var
staðan þannig í síðustu viku að um
199 börn voru á biðlista á frístunda-
heimilunum og vantaði 62 starfs-
menn til að fullmanna þau. Um
2.000 börn njóta nú vistunar á frí-
stundaheimilunum. Verst er ástand-
ið í Breiðholti, en erfiðast gengur að
manna stöður þar og í Grafarholti.
Morgunblaðið/Jim Smart
Leggja til veltukerfi
á frístundaheimilum
Elliðavatn | Starfsmenn Skóg-
ræktarfélags Reykjavíkur við
Elliðavatn hafa undanfarna
daga tekið eftir ljúfu gæsapari
sem sest hefur að við vatnið.
Parið virðist vera vant mann-
fólki því það betlar mat og
heldur sig nærri Elliðavatns-
bænum, þar sem Náttúruskóli
Reykjavíkur er m.a. til húsa.
Goggur hvítu gæsarinnar er
brotinn, en hún ber sig þó
ágætlega.
Velta starfsmenn því fyrir
sér hvort gæsirnar hafi mögu-
lega villst af leið og rati ekki
heim til sín.
Herdís Friðriksdóttir, verk-
efnastjóri hjá Skógrækt-
arfélagi Reykjavíkur, segir
gæsirnar bera sig nokkuð
aumlega og þær séu sár-
svangar. Því vilji hún endi-
lega, ef einhver kannast við
dýrin, að hann kíki í heimsókn
og athugi með þau.
Villuráfandi og
svangar gæsir