Morgunblaðið - 25.11.2005, Page 66

66 Jólablað Morgunblaðsins 2005
3 eggjahvítur
salt
2 tsk ljós púðusykur
Hitið ofninn í 200°C. Hakkið möndl-
urnar með 225 g af flórsykri í mat-
vinnsluvél þangað til þær eru orðnar
mjög fínt hakkaðar. Bætið þá rest-
inni af flórsykrinum saman við og
blandið vel.
Þeytið eggjahvíturnar með salti
þangað til eggjahvítutopparnir
mynda mjúka toppa. Bætið þá við
sykrinum og þeytið þangað til eggja-
hvíturnar eru orðnar stífþeyttar.
Blandið möndlunum varlega saman
við eggjahvíturnar með sleikju.
Setjið tæplega eina tsk. af deiginu á
bökunarplötuna með um 5 sm milli-
bili.
Bakið í sex til átta mín. Látið kólna
á bökunarplötunni í um fimm mín.
áður en þær eru færðar af plötunni.
Súkkulaðifylling
1 dl rjómi
2 msk kakó
150 g suðusúkkulaði
150 g smjör
Hitið rjómann að suðumarki í litlum
potti. Takið þá pottinn af hitanum og
setjið kakóið út í og hrærið vel sam-
an. Súkkulaði og smjöri er bætt út í,
allt hrært saman þangað til blandan
er orðin mjúk og kekkjalaus. Bland-
an er látin kólna við stofuhita og síð-
an sett í kæli nokkrar klukkustund-
ir. Kreminu er smurt á flötu hliðina
á kökunni og önnur kaka sett ofan á
til að mynda samloku.
Hægt er að búa til hvítar makkarón-
ur með því að sleppa kakóinu í kök-
unum og setja hvítt súkkulaði í
kremið í staðinn fyrir suðusúkkulað-
ið.
Kossar
Franskar makkarónur
Súkkulaði-pistasíubitar
VIÐ munum öll eftir
að hafa beðið jólanna
með óþreyju. Sum
okkar voru jafnvel
byrjuð að telja dag-
ana þegar skólaganga
hófst að hausti. Við
gripum til ótrúlegustu
ráða til að reyna að
færa jólin nær. Nóv-
embermánuður fjar-
lægður úr dagatali
heimilisins í þeirri
von að foreldrunum
gæti yfirsést önnur
merki um ótímabæra
komu desember.
Hlustað á jólalög í
laumi því það þóttu
helgispjöll að hlusta
fyrir 1. desember. Í
byrjun desember
hófst svo biðin fyrir
alvöru og hver dagur
leið eins og vika. Þeg-
ar aðfangadagur loks-
ins, loksins, rann upp
ætlaði klukkan aldrei
að slá sex. Þá var
reynt að útfæra göm-
ul brögð og öllum
klukkum heimilisins
flýtt um tvo tíma.
Í dag er þetta ekk-
ert breytt, ef eitthvað
er þá er biðin enn
lengri þar sem áreitið
hefst um miðjan októ-
ber þegar verslanir
fyllast af alls kyns
glingri. Börnunum er
hegnt fyrir slæma hegðun með
hótunum um afskiptaleysi jóla-
sveinanna, mörgum vikum fyrir
komu þeirra og ekki líður að löngu
þar til ekki er hægt að kveikja á
útvarpinu án þess að þar ómi göm-
ul og ný jólalög. En aldrei virðast
þessi blessuðu jól ætla að koma.
Hvað getum við gert til að
stytta börnunum biðina?
Ef börnin fá tækifæri til að taka
þátt í jólaundirbúningnum styttir
það bæði biðina og gerir undirbún-
inginn skemmtilegri fyrir alla fjöl-
skylduna.
Við gætum verið búin að skipu-
leggja næstu helgar þannig að
börnin þurfa að leysa eitthvert
áhugavert og skemmtilegt verk-
efni sem tengist jólunum alla laug-
ardaga og sunnudaga fram að jól-
um. Þá geta þau talið dagana fram
að þeim viðburði og þurfa þau því
aldrei að bíða lengur en fimm
daga. Við birtum hér nokkrar til-
lögur að því sem er hægt að gera
með börnunum helgarnar fram að
jólum.
Dagur 1 – piparkökuhús
Piparkökuhús er eitthvað sem
heillar langflest börn, bæði að búa
þau til og borða. En piparkökuhús
þurfa ekki að vera líkan af Hall-
grímskirkju eða ævintýralegu
heimili jólasveinsins til að börnin
hafi gaman af þeim. Börnum finnst
nefnilega ekkert skemmtilegra en
að sýna öðrum það sem þau hafa
verið að fást við. Skakkt og skælt
hús er alveg jafn gott á bragðið og
önnur piparkökuhús og ekki síður
fallegra, sérstaklega þegar börnin
okkar hafa búið það til.
Dagur 2 – jólakort
Flestum börnum finnst gaman
að föndra og getur því verið gaman
að leyfa þeim að taka þátt í jóla-
korta- og merkimiðagerð. Sumum
börnum finnst nóg að setja einn
jólastimpil á blað og brjóta saman
á meðan önnur börn taka heila
klukkustund í að teikna mynd á
eitt jólakort. Það er eflaust til of
mikils ætlast af börnunum að þau
búi til öll kortin en þeim finnst
örugglega gaman að fá að taka
þátt í því og geta þá fengið að velja
hver fær kortin sem þau hafa lagt
vinnu sína í. Merkimiðagerð getur
verið mjög einföld og kjörið fyrir
þau yngstu að taka þátt í því.
Dagur 3 – jólatré
Flest skógræktarfélög landsins
taka á móti bæði hópum og ein-
staklingum sem vilja höggva sitt
eigið jólatré fyrir jólin. Íslensku
trén eru bæði barrmikil og falleg
og finnst börnum mjög gaman að
leggja í leiðangur með sög í för til
að finna rétta jólatréð. Allar upp-
lýsingar um hvar og hvenær má
höggva jólatré er að finna á vefsíðu
Skógræktarfélags Íslands, skog.is.
Dagur 4 – krakkakonfekt
Konfektgerð með koníak-
slegnum döðlum og ristuðum hnet-
um er ekki beinlínis heillandi fyrir
börnin en aftur á móti er til mun
einfaldari konfektgerð sem bæði
hentar börnunum að framleiða og
borða.
Að búa til kúlur úr marsípani er
álíka einfalt og að leira. Þegar kúl-
urnar eru tilbúnar er gott að dýfa
þeim í súkkulaðihjúp og raða þeim
á plötu. Börnin geta svo skreytt
súkkulaðihjúpuðu kúlurnar með
því sem þeim finnst gott áður en
hjúpurinn harðnar. Í skraut er
hægt að nota hnetur, rúsínur, litað
sykurskraut eða hvað sem ykkur
dettur í hug. Þar sem ekki öll börn
borða marsípan er líka gott að
hjúpa piparkökukúlur og þurrkaða
ávexti og svo skreyta á sama hátt.
Dagur 5 – jólapappír
Líkt og með jólakortin og merki-
miðana getur verið gaman fyrir
börnin að búa til sinn eigin jóla-
pappír og er þá upplagt að láta
hugmyndaflugið ráða ferðinni.
Því biðin er
börnunum svo
ósköp löng
Fallegur jólapappír og merkispjöld, unnin af 7 ára
dreng og tveimur 3 ára stúlkum.
Morgunblaðið/Þorkell
Skemmtilegt piparkökuhús sem 10 ára stúlka
vann alveg sjálf frá grunni.