Morgunblaðið - 25.11.2005, Side 92

92 Jólablað Morgunblaðsins 2005
ÞRÁTT fyrir að hafa búið mikið í
London hefur Védís alltaf eytt jól-
unum á Íslandi. „Ég er mikill Ís-
lendingur í mér og finnst gott að
vera heima, þá sérstaklega á jól-
unum. Ég er mikið jólabarn, hef oft
bakað og föndrað nokkuð fyrir jólin
og legg mikla natni í að senda út
jólakort. Jólin eru ákveðin tímamót
á hverju ári þar sem maður þakkar
fyrir sig og lítur yfir farinn veg, jólin
eru svolítið tilfinningamál hjá mér
og mér finnst þau fallegur tími.“
Eitt af því sem Védís bakar nokk-
uð oft, og sérstaklega fyrir jólin, er
gómsæt eplabaka sem hún sjálf þró-
aði uppskriftina að. „Ég hef verið
eplabökuaðdáandi lengi, ég prufaði
mig áfram með ýmsar eplabökuupp-
skriftir og á endanum fann ég út
hvað þyrfti í hana svo bakan yrði
eins og ég vildi. Eplabakan mín hef-
ur öðlast miklar vinsældir innan fjöl-
skyldunnar og víðar. Einu sinni bak-
aði ég fullt af eplaböku úti í London,
skar í sneiðar og frysti fyrir systur
mína, sem ég bjó með, til að hún
gæti alltaf fengið sér ef ég væri ekki
til staðar til að henda í eina. Bakan
er misjöfn eftir því hvernig skapi
bakarinn er í en ég tileinka mér að
gera hana aðeins í góðu skapi og þá
verður hún betri fyrir vikið.“
Notaleg stemning
Það er nóg að gera hjá Védísi fyr-
ir þessi jól, þótt hún taki ekki þátt í
geisladiskaflóðinu í þetta skiptið.
„Hinn 10. desember ætlum við Ís-
lensku dívurnar að halda jóla-
tónleika, sem verða einnig okkar
seinustu tónleikar. Við höfum komið
saman fyrir jólin síðustu þrjú ár en
núna er komið að lokapunktinum hjá
okkur með þessum tónleikum sem
verða einhverjir stærstu og glæsi-
legustu jólatónleikar sem haldnir
hafa verið á Íslandi,“ segir Védís og
bætir við að það sé mikill hátíð-
arbragur yfir því að syngja með dív-
unum.
Hótel Valhöll á Þingvöllum stend-
ur fyrir villibráðarhlaðborði fyrir
þessi jól og syngur Védís þar við
undirleik fyrir matargesti. „Valdi-
mar Kristjónsson spilar með mér og
settum við lagalistann saman með
það í huga að gera stemninguna
notalega. Annað hvert lag verður
jólalag en inn á milli koma gömul og
falleg lög sem eiga eftir að falla vel í
kramið hjá fólkinu. Þetta verður
mjög róleg og þægileg tónlist sem
við spilum, svolítið djössuð og jóla-
leg.“
Villibráðarhlaðborðið er í umsjón
Úlfars Finnbjörnssonar kokks.
Gestir þess geta notið ljúfra tóna
þeirra Védísar og Valdimars á föstu-
dögum og laugardögum, fimm helg-
ar í röð, fram að jólum. „Þetta byrj-
aði 18. nóvember og mun ljúka 17.
desember, ég verð þarna alla dag-
ana nema 10. desember þegar ég
syng með dívunum en þá mun Valdi-
mar spila einn undir borðhaldinu.“
Védís segir það yndislegt að syngja
jólalög, hún hafi hingað til ekki
sungið undir svona borðhaldi en sé
ánægð með að fá að koma fólki í
jólaskap. Uppáhaldsjólalagið hennar
er White Christmas í flutningi
Franks Sinatra, hún syngjur það
sjálf, á íslensku, fyrir matargesti í
Valhöll.
Að lokum gefur Védís lesendum
uppskrift að vinsælu eplabökunni
sinni.
Eplabaka a la Védís
(uppskrift að tvöföldum skammti)
1 stk gott skap
6 stór rauðgræn epli
10 dl hveiti
7 dl sykur
500 g smjörlíki
kanilsykur
vanilluís eða rjómi
Epli skorin niður, söxuð frekar smátt,
skellt í tvö eldföst mót og kanilsykri
(u.þ.b. 1 bolli) stráð yfir og blandað vel
saman svo kanilsykurinn nái að nudd-
ast vel inn í eplin.
Hveiti, sykri og smjörlíki blandað sam-
an. Best er að gera þetta með hönd-
unum annaðhvort beint á borði eða í
mjög stórri skál. Hveiti bætt út í ef
deigið er of blautt. Þetta á ekki að vera
sérstaklega þétt deig, frekar meira
kurl en deig.
Þegar deigið er tilbúið er megninu af
því blandað saman við eplin.
Loks er afganginum af kurlinu stráð
yfir eplablönduna í mótunum og ör-
litlum kanilsykri stráð yfir.
Þetta er svo bakað í ofni við 200°C með
viftuna á þar til deigið er orðið aðeins
brúnað. Venjulega tekur það um 20
mínútur.
Borið fram með vanilluís eða rjóma.
Morgunblaðið/Ásdís
Jólin eru
fallegur tími
Védís Hervör Árnadóttir er ein af vinsælustu
söngkonum þjóðarinnar. Undanfarin ár hefur
hún dvalið mikið í London við tónsmíðar og
numið þar upptökustjórnun og hljóðblöndun.
Hún er nú komin með annan fótinn heim
til Íslands og syngur fyrir gesti á villibráð-
arhlaðborði á Þingvöllum yfir aðventuna.
Védís segist hafa verið eplabökuaðdáandi lengi og að hún hafi fundið út
uppskrift að böku nákvæmlega eins og hún vill hafa hana.