Morgunblaðið - 25.11.2005, Page 95

Jólablað Morgunblaðsins 2005 95
JÓLAVEÐRIÐ skiptir alltaf
miklu máli jafnvel þótt að fólk
ætli ekki að fara neitt og sé ekki
með skepnur
sem þarf að
hirða.
En hvernig
skyldi útlitið
vera hvað
jólaveðrið
snertir þetta
árið? Þetta
var borið und-
ir Trausta
Jónsson veð-
urfræðing sem hefur gluggað í
sögulegar staðreyndir hvað þetta
snertir.
„Í Reykjavík eru rétt tæplega
50% líkur á að alhvítt sé á jóladag
en það eru hins vegar ekki nema
25% líkur á að hér verði alautt,“
sagði Trausti.
„Á Akureyri eru mun meiri lík-
ur á hvítum jólum eða 75% og
bara 6% líkur á alauðri jörð þar
nyrðra. Í Vestmannaeyjum eru
40% líkur á alauðri jörð og sums
staðar í innsveitum eru yfir 80%
líkur á hvítum jólum. Líkur á því
að það verði einhver úrkoma er
svona 60 til 70% um landið. Flest
jól hefur veðrið verið til friðs, það
er einungis á nokkurra ára fresti
sem brestur á illviðri.“
Hlustar á Sigvalda Kaldalóns
Trausti er þekktur tónlistarunn-
andi. Hvað skyldi hann ætla að
hlusta á um jólin?
„Ég hlusta nú bara á það sem
ég er að hlusta á um þessar mund-
ir. Ég er mest í óperum og söng-
lögum af ýmsu tagi.
Ég hlusta reyndar alltaf fyrir
jólin á Eggert Stefánsson syngja Í
Betlehem er barn oss fætt, eftir
Sigvalda Kaldalóns, það er besta
jólalagið sem enginn þekkir. Þetta
er til á geisladisk með Eggerti
sem var bróðir Sigvalda.“
Hvaða jólalögum ertu að öðru
leyti hrifinn af?
„Það sem almennt framboð í út-
varpi býður upp á, það er nú eng-
inn friður allan desember fyrir
jólalögum og svo eru það aðventu-
tónleikarnir. Það er tilvilj-
anakennt hvort ég sæki slíka tón-
leika, kannski geri ég það í ár.“
Rjúpulausu jólin minnisstæð
Hvað með aðra þætti jólahalds-
ins?
„Jólin eru lögð fyrir framan mig
af móður minni og systrum. Ég er
hjá móður minni yfir sjálf jólin og
svo heimsækjum við systur mínar
tvær til skiptis. Mér hafa verið
boðnar rjúpur öll jól nema tvenn,
þau eru mér minnisstæð fyrir það.
Ég hef alltaf haldið jól í Borg-
arnesi og svo hér á veðurvaktinni,
því er ég reyndar löngu hættur.
Það er reyndar fastur liður í
mínu jólahaldi að taka mér frí í
nokkra daga fyrir jólin til að koma
rusli á gámastaði, það fer ekki
þangað sjálft.“
Hver er eftirminnilegasta jóla-
gjöfin? „Bækur sem ég fékk sem
krakki, barnabækur þess tíma, ég
varð snemma læs og las mér til
óbóta og hef ekki jafnað mig á því
síðan.“
Hvað langar þig mest í jólagjöf
núna?
„Ég er fyrir mjúka pakka nú-
orðið, mér leiðist svo að fara í
fatabúðir.“
Er fyrir mjúkar gjafir núorðið!
Morgunblaðið/Ásdís
Skyldi Esjan verða alhvít þessi jólin?
Trausti Jónsson
Jólaveðrið verður mörg-
um hugstætt þegar líða
tekur á desember.
Trausti Jónsson segir
hér Guðrúnu Guðlaugs-
dóttur frá líkindunum á
hvítum jólum víða um
land. Einnig er rætt um
tónlist og jólahald.
Innihaldið skiptir máli
Jólin komin í Vínberinu Laugavegi
Mikið úrval af hágæða konfekti og sælgæti fyrir hátíðirnar • Glæsilegar konfektkörfur sérsniðnar að þörfum hvers og eins.
Súkkulaði í jólabaksturinn • Góðgæti fyrir jólasveinana • Konfektkassar við allra hæfi • og margt margt fleira