Morgunblaðið - 03.12.2005, Side 63

MORGUNBLAÐIÐ LAUGARDAGUR 3. DESEMBER 2005 63
KIRKJUSTARF
Kvennakirkjan í
Laugarneskirkju
AÐVENTUGUÐSÞJÓNUSTA
Kvennakirkjunnar verður í Laug-
arneskirkju sunnudaginn 4. desem-
ber kl. 20.30. Margrét Há-
konardóttir, hjúkrunarfræðingur
og Kvennakirkjukona, prédikar.
Kór Kvennakirkjunnar leiðir söng
á aðventu- og jólalögum við undir-
leik Aðalheiðar Þorsteinsdóttur. Á
eftir verður kaffi í safnaðarheim-
ilinu.
Komum og eigum stund gleði og
friðar í aðventuskammdeginu, ylj-
um okkur með samveru og látum
jólafriðinn streyma í hjörtu okkar.
Aðventuhátíð
Hrunaprestakalls
AÐVENTUHÁTÍÐ Hruna-
prestakalls verður haldin í Félags-
heimili Hrunamanna á Flúðum
sunnudagskvöldið 4. desember kl.
20.
Að vanda verður í boði fjölbreytt
dagskrá þar sem tónlistin skipar
höfuðsess. Fram koma: Barnakór
Flúðaskóla undir stjórn Magneu
Gunnarsdóttur, Skólakór Flúða-
skóla, Kirkjukór Hrunaprestakalls
og félagar úr Karlakór Hreppa-
manna, allt undir öruggri stjórn
Edit Molnár. Sérstakur gestur
þessa kvölds verður séra Gunnar
Björnsson, sóknarprestur á Sel-
fossi. Hann mun ásamt Miklos
Dalmay flytja lög fyrir selló og
píanó eftir Johannes Brahms. Einn-
ig mun séra Gunnar flytja okkur
hugvekju sína, í anda aðventunnar.
Að lokum mun staðarpresturinn
séra Eiríkur Jóhannsson leiða sam-
komuna í bæn og þakkargjörð.
Sóknarnefndir Hruna- og Hrepp-
hólakirkna bjóða upp á léttar veit-
ingar að dagskrá lokinni.Hér er í
boði fjölbreytt og menningarleg
kvöldstund fyrir alla fjölskylduna,
holl fyrir líkama og sál í aðdrag-
anda jóla.
Karlakórinn
Fóstbræður
í Seljakirkju
SUNNUDAGSKVÖLDIÐ 4. desem-
ber kl. 20.00 verða aðventu-
tónleikar í Seljakirkju. Karlakórinn
Fóstbræður mun syngja aðventulög
undir stjórn Árna Harðarsonar.
Hulda Björk Garðarsdóttir syngur
einsöng með kórnum. Verið vel-
komin.
Aðventukvöld
Fríkirkjunnar
í Reykjavík
Á SUNNUDAG kl. 20 verður árlegt
Aðventukvöld Fríkirkjunnar í
Reykjavík, í umsjá Hjartar Magna
Jóhannssonar. Ræðumaður kvölds-
ins er Ingibjörg Sólrún Gísladóttir,
formaður Samfylkingarinnar. Aðr-
ir frábærir gestir kvöldsins eru hin-
ir landsþekktu og dáðu söngvarar
Raggi Bjarna og Einar Júlíusson
frá Keflavík. Báðir hafa þeir í
marga áratugi með söng sínum ylj-
að landsmönnum um hjartaræt-
urnar. Þeir munu báðir syngja ein-
söng sem og dúetta með Önnu
Sigríði Helgdóttur. Þá mun Frí-
kirkjukórinn einnig syngja undir
stjórn Önnu Sigríðar Helgadóttur
og Carls Möller.
Hljóðfæraleik annast meðal ann-
ars þeir Árni Scheving á bassa og
Guðmundur St. Steingrímsson á
trommur.
Kl. 14 er fjölskylduguðsþjónusta í
umsjá Ásu Bjarkar Ólafsdóttur.
Annað aðventukertið verður
tendrað og barn borið til skírnar.
Anna Sigga og Carl Möller sjá um
tónlistina auk þess sem vinkon-
urnar Þóra Regína og Hugrún
Hlín flytja lag sitt „Ljós lífsins“
við harmonikkuundirspil afa.
Andabrauð í lokin.
Aðventukvöld
í Lágafellskirkju
NK. SUNNUDAG 4. desember
verður aðventusamkoma með fjöl-
breyttri efnisskrá í Lágafells-
kirkju kl. 20.30. Ræðumaður verð-
ur Jón Kristjánsson
heilbrigðisráðherra. Einsöngv-
arar kvöldsins eru Hanna Björk
Guðjónsdóttir, Óskar Pétursson
og Páll Óskar Hjálmtýsson sem
syngur við undirleik Moniku
Abendroth. Skólakór Mosfellsbæjar
syngur undir stjórn Guðmundar
Ómars Óskarssonar. Kirkjukór
Lágafellssóknar syngur en kór-
stjórn og orgelleikur er í höndum
Jónasar Þóris, organista safn-
aðarins. Þá mætir einnig lítil
strengjasveit og blásarar sem
einnig fegra stundina með list
sinni. Prestar safnaðarins og
djákni leiða helgistund.
Að lokinni stundinni í kirkjunni
verður boðið upp á kirkjukaffi í
safnaðarheimilinu að Þverholti 3.
Sunnudagaskólinn verður á sínum
stað á sunnudaginn kl. 13.00 í
Lágafellskirkju.
Aðventan er undirbúningstími
blessaðra jóla. Þann undirbúning er
gott að hefja í húsi Guðs. Mætum öll
og eigum saman helga stund í húsi
Drottins.
Prestar og sóknarnefnd Lága-
fellskirkju.
Allt fyrir píanóið
Píanóbón fyrir glansandi og matta áferð
Hreinsiefni fyrir nótur
Massi fyrir yfirborðsrispur
Píanóbekkir í miklu úrvali
Parkethlífar undir píanó og flygla
Suðurlandsbraut 32 • 108 Reykjavík • 591 5350
Stillanlegir fótskemlar
með pedölum
ALLAR GERÐIR HREINSIEFNA FYRIR PÍANÓ
Morgunblaðið/Árni Sæberg