Morgunblaðið - 16.12.2005, Page 23

MORGUNBLAÐIÐ FÖSTUDAGUR 16. DESEMBER 2005 23
ERLENT
UNGIR uppreisnarmenn í Fatah-
hreyfingunni hafa skráð eigin fram-
boðslista í þingkosningunum á sjálf-
stjórnarsvæðum Palestínumanna 25.
janúar. Er sérframboðið álitið mikið
áfall fyrir Mahmoud Abbas, forseta
Palestínumanna, og sumir telja að
klofningur Fatah geti orðið vatn á
myllu Hamas-samtakanna í kosning-
unum.
Hermt er að á fundi með nokkrum
uppreisnarmannanna hafi Abbas
hótað að segja af sér og boða til for-
setakosninga.
Uppreisnarforinginn Marwan
Barghouti er í efsta sæti á framboðs-
listanum og forystumenn Fatah
lögðu í gær fast að honum að kljúfa
ekki hreyfinguna.
Saeb Erekat, aðalsamningamaður
heimastjórnar Palestínumanna,
sagði að reynt yrði til þrautar að
semja við ungu uppreisnarmennina.
Þeir yrðu settir ofarlega á framboðs-
lista Fatah til að auka líkurnar á því
að þeir næðu kjöri á þing.
Stuðningsmenn Barghouti sögðu
hins vegar að hann væri staðráðinn í
því að halda sérframboðinu til
streitu eftir að Abbas raðaði gömlum
flokksforingjum í efstu sæti fram-
boðslista Fatah. Hann hunsaði þar
með að mestu niðurstöður forkosn-
inga og skoðanakannana sem bentu
til þess að stuðningurinn við ungu
mennina færi vaxandi. Forkosning-
arnar einkenndust af ofbeldi og
kosningasvikum og Abbas ákvað því
að velja sjálfur frambjóðendur
Fatah.
Abbas hugðist setja Ahmed Qurei
forsætisráðherra í efsta sæti á lista
Fatah og bauð Barghouti annað sæt-
ið en hann hafnaði því í fyrradag.
Þegar framboðslisti Fatah var
skráður í fyrrakvöld var Barghouti
hafður í efsta sætinu, að því er virð-
ist til að reyna að afstýra því að
hreyfingin klofnaði. Hann er því á
tveimur framboðslistum.
„Þetta er of seint,“ sagði Kadoura
Fares, einn af forystumönnum ungu
mannanna, um sáttaumleitanir
flokksforingjanna. „Við féllumst á
forkosningar til að velja frambjóð-
endur Fatah en forsetinn virti ekki
niðurstöður þeirra. Þeir völdu gamla
herra- og þrælafyrirkomulagið og
núna erum við staðráðin í að hvika
ekki frá sérframboðinu.“
Barghouti afplánar nú fimm lífs-
tíðarfangelsisdóma í Ísrael fyrir að-
ild að mannskæðum árásum og fékk
mest fylgi í forkosningum á Vestur-
bakkanum. Jibril Rajoub, fyrrver-
andi yfirmaður öryggissveita á Vest-
urbakkanum, og Mohammad
Dahlan, áhrifamikill ráðherra í
heimastjórninni, eru einnig á lista
uppreisnarmannanna.
„Eflir Fatah“
Ungu mennirnir sögðu að mark-
mið þeirra væri ekki að koma Fatah
fyrir kattarnef, heldur að leggja
fram öflugan lista vinsælla fram-
bjóðenda sem myndu taka atkvæði
frá Hamas og síðan starfa með
Fatah í samsteypustjórn.
„Sérframboðið eflir Fatah vegna
þess að nöfnin á listanum njóta virð-
ingar allra,“ sagði Salim Samhan, 23
ára laganemi, sem kvaðst ætla að
kjósa klofningslistann.
Aðstoðarmenn Abbas sögðu að
hann hefði rætt við Barghouti í síma
til að reyna að afstýra klofningi
Fatah og viðræðunum var haldið
áfram í gær. Talsmenn kjörstjórn-
arinnar sögðu að Barghouti þyrfti að
ákveða á hvorum listanum hann vildi
vera og hægt væri að breyta fram-
boðslistunum fyrir áramót.
Sérfræðingar í málefnum Palest-
ínumanna eru ekki á einu máli um af-
leiðingar sérframboðsins. Nokkrir
þeirra telja að það geti orðið til þess
að Fatah eflist en aðrir segja að það
styrki stöðu Hamas-samtakanna
sem bjóða nú fram í fyrsta skipti í
þingkosningum frá stofnun heima-
stjórnar Palestínumanna árið 1995.
Reyndar hafa þeir aðeins einu sinni
áður efnt til þingkosninga, árið 1996,
og Hamas-samtökin ákváðu þá að
sniðganga þær.
Nýtt sameiningartákn?
Forystumönnum Fatah tókst
naumlega að afstýra svipuðum
vanda fyrir ári þegar Barghouti
bauð sig fram gegn Abbas í forseta-
kosningum en lét undan miklum
þrýstingi og hætti við framboðið.
Nokkrir fréttaskýrendur telja að
uppreisnarmennirnir hætti við fram-
boðið vegna þess að Barghouti
þarfnist stuðnings Abbas til að knýja
á Ísraela um að leysa hann úr haldi.
Gömlu flokksforingjarnir voru í
útlegð eins og Yasser Arafat þar til
um miðjan síðasta áratug þegar þeir
sneru aftur á svæði Palestínumanna
eftir friðarsamninga við Ísraela.
Margir yngri mannanna voru hins
vegar á Vesturbakkanum og Gaza-
svæðinu og börðust þar gegn her-
námi Ísraela.
Gömlu mennirnir hafa verið sak-
aðir um spillingu og frændhygli og
margir Palestínumenn telja að kyn-
slóðaskipti séu tímabær í forystuliði
Fatah.
Deilurnar innan hreyfingarinnar
hafa magnast smám saman á þeim
þrettán mánuðum sem liðnir eru frá
andláti Yassers Arafats. „Arafat var
límið sem hélt öllum fylkingunum
saman,“ sagði palestínski fréttaskýr-
andinn Hani al-Masri. Hann kvaðst
telja að Barghouti gæti gegnt svip-
uðu hlutverki og Arafat sem samein-
ingartákn Palestínumanna þegar
fram liðu stundir.
Sérframboð talið
áfall fyrir Abbas
Ungir uppreisn-
armenn í Fatah
með eigin lista í
þingkosningum
Eftir Boga Þór Arason
bogi@mbl.is
AP
Barghouti fyrir rétti í ágúst 2002.
AP
Mahmoud Abbas, forseti Palestínumanna (til hægri), greiðir atkvæði í
heimabæ sínum nálægt Ramallah á Vesturbakkanum í sveitarstjórnakosn-
ingum sem fram fóru í 42 bæjum á svæðum Palestínumanna í gær.
París. AFP. | Lögregla í fimm ríkjum
hefur upprætt fjölþjóðlegan hring,
sem smyglaði fólki frá Mið-Austur-
löndum til Evrópu.
Aðgerðin fór fram á miðvikudag.
Alls tóku 400 lögreglumenn þátt í
henni í Bretlandi, Frakklandi,
Tyrklandi, Grikklandi og á Ítalíu. 53
menn voru handteknir, flestir í
Frakklandi (22) og á Ítalíu (18).
Franski saksóknarinn Jean-
Claude Marin sagði á blaðamanna-
fundi í París í gær að hér ræddi um
umfangsmestu, samræmdu aðgerð
á þessu sviði löggæslu, sem fram
hefði farið á alþjóðavettvangi. Unn-
ið hefur verið að rannsókn málsins í
þrjú ár.
Smyglhringurinn tók milljónir
evra fyrir að smygla fjögur til fimm
þúsund manns til Bretlands og ann-
arra landa í Norður-Evrópu. Starf-
semin hafði staðið yfir í fimm ár.
Fólkið kom flest frá Afganistan
og Kúrdahéruðum í Írak en einnig
tók hringurinn að sér að smygla
fólki frá Sómalíu, Pakistan og Eþí-
ópíu til Vestur- Evrópu. Fólkið fór
frá Tyrklandi til Belgíu, Grikklands,
Ítalíu eða Sviss en frá þessum ríkj-
um var það flutt til Parísar. Þar
hafðist það við í almenningsgörðum
áður en haldið var af stað til Bret-
lands. Í einhverjum tilfellum varð
fólkið eftir í Frakklandi og dæmi
eru um að einhverjir hafi haldið til
Þýskalands og Skandinavíu.
Að sögn franskra embættis-
manna var algengt verð fyrir þessa
„þjónustu“ smyglhringsins 6–7.000
evrur á mann (450 til 525.000 krón-
ur).
Að sögn lögreglu á Ítalíu var höf-
uðpaur hringsins Kúrdi sem bjó í
Róm. Hann var sagður heita Arsal-
an og mun hann hafa komist yfir
gríðarlegar fjárupphæðir með
þessu móti.
Upprættu stóran smyglhring
Smygluðu þús-
undum manna
til Evrópu