Fréttablaðið - 16.01.2003, Side 14

16. janúar 2003 FIMMTUDAGUR
Afföll á húsbréfum lækka:
Ávöxtunarkrafa undir 5% múrinn
FJÁRMÁL Ávöxtunarkrafa hús-og
húsnæðisbréfa hefur lækkað mik-
ið undanfarna mánuði og í fyrra-
dag var ávöxtunarkrafa húsbréfa
komin undir 5% múrinn.
Snorri Jakobsson hjá greining-
ardeild Kaupþings segir að ástæð-
an liggi fyrst og fremst í aukinni
eftirspurn. Á bak við lækkun
ávöxtunarkröfu húsbréfa að þessu
sinni séu umtalsverð viðskipti eða
fyrir um fjóra milljarða króna.
Hann segir að ávöxtunarkrafa á
löngum verðtryggðum bréfum
hafi verið mjög há með tilliti til
annarra vaxta á markaðnum.
„Verðlagning húsbréfanna var
mjög sanngjörn,“ segir Snorri.
„Það er kannski aðalástæðan fyrir
því að menn hafa verið að sækjast
eftir þessum bréfum.“
Snorri segir að ávöxtunarkraf-
an hafi lækkað mikið síðustu tvo
mánuði. Hún sé nú um 20 til 30
punktum lægri en hún hafi verið
um miðjan seinasta mánuð.
Ávöxtunarkrafa IBH21 lækkaði
mest í fyrradag eða um níu
punkta og stendur krafan nú í
5,03%. Ávöxtunarkrafa lengstu
húsbréfanna fór undir 5% og
stendur ávöxtunarkrafa IBH37 í
4,99% og IBH41 í 4,98%.
Afföll á húsbréfum eru nú á
bilinu 2,3% til 3,4% en síðastliðið
vor voru þau í kringum 12%. ■
Svikin eru á ábyrgð
samgönguráðherra
Margrét Frímannsdóttir segir að ákvörðun um frestun Suðurstrandar-
vegar sé þingmeirihlutans og án samráðs við stjórnarandstöðu. Tvöföld-
un Reykjanesbrautar olli frestun segir Kjartan Ólafsson alþingismaður.
SAMGÖNGUR „Þessi arfalélega sam-
gönguáætlun felur í sér svik sem
eru á ábyrgð samgönguráðherra
og þingmeirihlutans. Ólafur Áki
verður að beina spjótum sínum
annað en að okkur stjórnarand-
stöðuþingmönnum
sem eigum ekki
stafkrók í áætlun-
inni og berum því
enga ábyrgð,“ seg-
ir Margrét Frí-
mannsdóttir, al-
þingismaður Sam-
fylkingar á Suður-
landi, vegna þeirra
orða Ólafs Áka
R a g n a r s s o n a r,
bæjarstjóra Sveit-
arfélagsins Ölfuss,
að í frestun á framkvæmdum við
fyrirhugaðan Suðurstrandarveg
séu svik þingmanna sem á fundi
fyrir nokkrum misserum hafi
fullvissað Sunnlendinga um að
Suðurstrandarvegur yrði að veru-
leika.
„Það er rétt hjá bæjarstjóran-
um að fram kom á fundi okkar
þingmanna með heimamönnum
kom fram hjá öllum að ekki væri
ætlunin önnur en sú að Suður-
strandarvegur yrði að veruleika,“
segir Margrét.
Hún segir að stjórnarandstöðu-
þingmenn hafi ekki verið spurðir
ráða áður en ný samgönguáætlun
var lögð fram. Hún segir að ljóst
sé að með því að hætta við fram-
kvæmdir sé verið að svíkja þau
loforð sem gefin voru áður en til
kjördæmabreytingarinnar kom.
„Þetta er loforð sem gefið var í
kringum kjördæmabreytinguna
og forsenda fyrir stækkun kjör-
dæmisins til að tengja Reykjanes
og Suðurland sem eina heild. Það
er fráleitt annað en að við munum
berjast af fullri hörku fyrir því að
staðið verði við loforðin. Þeir sem
ósáttir eru við svikin verða að
beina orðum sínum að þeim sem
eiga það skilið,“ segir Margrét.
Hún segir að Suðurstrandar-
vegur hafi um árabil verið talinn
forgangsverkefni í samgöngumál-
um. Þar hafi farið saman skoðun
þingmanna kjördæmisins og íbú-
anna. Þessi ákvörðun sé því svik
við stjórnarandstöðuþingmenn
ekki síður en íbúana.
Kjartan Ólafsson, alþingismað-
ur Sjálfstæðisflokksins, segist
hafa verið mjög áfram um að Suð-
urstrandarvegur yrði lagður.
„Ákvörðun um tvöföldum
Reykjanesbrautar, sem er mjög
hagkvæmt verkefni, olli því að
þessi framkvæmd færðist aftur
fyrir. Suðurstrandarvegur er þó
tenging í hinu nýja kjördæmi og
skiptir miklu máli. Þessi lang-
tímaáætlun er þó bara áætlun sem
má breyta. Ég hef enga trú á öðru
en að hægt verði að flýta Suður-
strandarvegi,“ segir Kjartan.
Sturla Böðvarsson samgöngu-
ráðherra svaraði ekki skilaboð-
um Fréttablaðsins vegna þessa
máls.
rt@frettabladid.is
Botnfiskkvóti Færeyja við Ísland:
Mega veiða
5.600 tonn í ár
SJÁVARÚTVEGUR Færeyskum
skipum er heimilt að veiða
samtals 5.600 tonn af botn-
fiski í íslenskri lögsögu á
þessu ári. Þar af eru 1.200
tonn af þorski og 80 tonn af
lúðu, sem er sama magn og
þeim var heimilt að veiða á
síðasta ári. Þetta var ákveð-
ið á árlegum fundi sjávarút-
vegsráðherra Íslands og
Færeyja um helgina. Árni
M. Mathiesen sjávarútvegs-
ráðherra fór fyrir íslensku
sendinefndinni en Jørgen
Niclasen landstjórnarmað-
ur fór fyrir þeirri færeysku.
Á fundinum var ákveðið
að halda gagnkvæmum
veiðiheimildum í uppsjávartegund-
um óbreyttum. Innan færeysku lög-
sögunnar er Íslendingum
því heimilt að veiða 2.000
tonn af annarri síld en
þeirri norsk-íslensku og
1.300 tonn af makríl.
Heimildir færeyskra
skipa til loðnuveiða á ver-
tíð 2003/2004 verða áfram
30.000 tonn, enda breytist
forsendur ekki í veruleg-
um atriðum, auk 10.000
tonna af þeim heimildum
sem Færeyjar fá af veiði-
heimildum Grænlands. Þá
verða gagnkvæmar heim-
ildir til kolmunnaveiða og
síldveiða úr norsk-ís-
lenska síldarstofninum
óbreyttar á þessu ári. ■
Grænland:
Landstjórnin
fallin
KAUPMANNAHÖFN, AP Deilurnar í
grænlenska þinginu tóku afger-
andi stefnu í gær þegar Hans En-
oksen, formaður landstjórnarinn-
ar, sleit stjórnarsamstarfinu við
vinstri flokkinn Inuit Ataqatigitt.
Landstjórn Grænlands er þar
með fallin en Enoksen hefur þeg-
ar hafið stjórnarmyndunarvið-
ræður við borgaralega flokkinn
Atassut fyrir hönd flokks síns,
Siumut.
Gengið hafði á ýmsu í sam-
starfi IA og Siumut en það var
uppsögn þriggja flokksbræðra
Enoksen sem gegndu embættum
í heimastjórninni sem fyllti mæl-
inn. Enoksen var þvingaður af
þingmönnum IA til að víkja þeim
frá störfum í kjölfar deilna sem
risu þegar einn mannanna réð
heilara til að reka illa anda úr
húsakynnum heimastjórnarinn-
ar. ■
KAUPÞING
Snorri Jakobsson hjá greiningardeild Kaup-
þings segir að ástæðan fyrir lækkun ávöxt-
unarkröfu hús- og húsnæðisbréfa liggi fyrst
og fremst í aukinni eftirspurn.
KJARTAN ÓLAFSSON
Suðurstrandarvegur varð að víkja fyrir Reykjanesbraut.
„Þetta er lof-
orð sem gefið
var í kringum
kjördæma-
breytinguna
og forsenda
fyrir stækkun
kjördæmisins
til að tengja
Reykjanes og
Suðurland.“
ÁRNI M.
MATHIESEN
Þingaði með færeysk-
um um gagnkvæmar
veiðiheimildir. Þriðja
árið í röð fá Færey-
ingar að veiða 5.600
tonn af botnfiski við
Ísland.
FR
ÉT
TA
B
LA
Ð
IÐ
/B
IL
LI
FRÍSTUNDANÁM
Morgun-, síðdegis- og kvöldnámskeið
Fjölbreytt tungumálanám: Byrjenda- og framhaldsflokkar.
Norska, sænska, enska, þýska, hollenska, franska, ítalska,
spænska, portúgalska, rússneska, pólska, tékkneska og arabíska.
Talflokkar og upprifjun í dönsku, sænsku, ensku, frönsku,
þýsku, spænsku og ítölsku fyrir þá sem hafa áður lært en lítið
notað þessi tungumál. Daglegt mál og lestur bókmenntatexta.
Myndlist og handverk:
Fatasaumur, skrautskrift, glerlist, glermósaík, teikning
og vatnslitamálun, olíumálun, skopmyndateikning,
prjón, myndprjón, hekl.
Önnur námskeið:
M.a. nýstárlegt fjármálanámskeið, leiðin til velgengni,
hugrækt – sjálfsefli, matreiðsla fyrir karlmenn, vísna- og
söngtextagerð, skokk, húsgagnaviðgerðir, tölvusmiðja,
ritlist – skapandi skrif.
Námskeið fyrir börn og unglinga:
Norska, sænska, danska fyrir 7 - 11 ára,
til að viðhalda kunnáttu þeirra í málunum.
Leiklist fyrir 11 - 13 ára, leikæfingar – spuni.
Spænska fyrir 7 - 13 ára, byrjenda- og framhaldsnámskeið.
Aðstoðarkennsla í stærðfræði 9. og 10. bekkjar grunnskóla.
Kennsla í almennum flokkum hefst 20. janúar.
ÍSLENSKUKENNSLA
Kennsla í lestri og ritun – einkatímar.
Íslenska – ritun (stafsetning og málfræði).
Íslenska fyrir útlendinga
(1.-5. stig) morgun-, síðdegis- og kvöldkennsla
fyrir byrjendur og lengra komna.
Íslenska – talflokkar og ritun.
Kennsla í íslensku hefst 27. janúar.
Innritun stendur yfir í Miðbæjarskóla, Fríkirkjuvegi 1,
kl. 9-21 virka daga.
Upplýsingar í síma: 551 2992. Fax: 562 9408.
Netfang: nfr@namsflokkar.is - Vefsíða: www.namsflokkar.is
Kennt er í Miðbæjarskólanum og í Mjódd, Þönglabakka 4.
SVO LENGI LÆRIR SEM LIFIR