Fréttablaðið - 20.01.2003, Page 4

4 20. janúar 2003 MÁNUDAGURKJÖRKASSINN
Farðu inn á frett.is og segðu
þína skoðun
frétt.is
Ætlar þú á skíði í vetur?
Spurning dagsins í dag:
Hver vilt þú að verði forsætisráðherra
eftir kosningar?
Niðurstöður gærdagsins
á www.frett.is
9,1%
76,2%Nei
14,7%
ÍSLENDINGAR ÆTLA
EKKI Á SKÍÐI
Rúm 76% ætla ekki á
skíði í vetur á meðan
tæp 15% ætla sér. Tæp
tíu prósent segjast ekki
vita hvort þeir munu
fara á skíði í vetur.
Veit ekki
Já
STJÓRNMÁL Niðurstaða könnunar
Fréttablaðsins á fylgi flokkanna
kemur Svani Kristjánssyni, pró-
fessor í stjórnmálafræði við Há-
skóla Íslands, á óvart.
„Ég hélt að Samfylkingin
myndi missa fylgi og þá er ég að
vísa til umfjöllunarinnar um
Kárahnjúkavirkjun,“ segir Svan-
ur. „Það virðist hins vegar allt
hafa gengið upp hjá Samfylking-
unni og ég held að Vinstri grænir
og Framsóknarflokkurinn hafi
gert mikil mistök með því að
knýja Ingibjörgu Sólrúnu til að
hætta sem borgarstjóri.“
Sjálfstæðisflokkurinn er í
miklum vanda að mati Svans.
„Reynslan er sú að Sjálfstæðis-
flokkurinn á minna af óákveðna
fylginu heldur en þeim sem taka
afstöðu. Það virðist líka sem þess-
um framboðsdeilum í Sjálfstæðis-
flokknum sé ekkert að linna og þá
er það að koma verulega niður á
flokknum hvað hlutur kvenna er
lítill á framboðslistunum.“
Svanur segir að síðustu kannan-
ir bendi til þess að á Íslandi sé að
verða til nýtt flokkakerfi með
tveimur stórum flokkum og tveim-
ur litlum. Hann segir að Fram-
sóknarflokkurinn hafi keyrt allt of
mikið á Kárahnjúkamálinu og lagt
mikið undir í því. Það hafi haft nei-
kvæð áhrif á fylgi flokksins. ■
Svanur Kristjánsson, prófessor í stjórnmálafræði:
Allt að ganga upp
hjá Samfylkingunni
LÍTILL HLUTUR KVENNA SKAÐAR
SJÁLFSTÆÐISFLOKKINN
Svanur Kristjánsson telur Sjálfstæðisflokk-
inn vera í miklum vanda. Hann segir að
það komi verulega niður á flokknum hvað
hlutur kvenna er lítill á framboðslistunum.
SKOÐANAKÖNNUN Þrátt fyrir nokkur
pólitísk tíðindi í síðustu viku hafa
ekki orðið miklar breytingar á fylgi
stjórnmálaflokkanna samkvæmt
skoðanakönnun Fréttablaðsins sem
gerð var á laugardaginn. Samfylk-
ingin er nú aftur stærsti flokkurinn
með 39,3 prósent fylgi. Sjálfstæðis-
flokkurinn nýtur fylgis 38,2 pró-
senta, Framsókn er með 12,0 pró-
sent fylgi, Vinstri grænir 7,5 pró-
sent og Frjálslyndir 2,2 prósent.
Þetta eru litlar breytingar á einni
viku. Mesta sveiflan er 1,3 pró-
sentustig sem sjálfstæðismenn
missa.
Lítil breyting er á þingmanna-
fjölda frá könnuninni í síðustu viku.
Sjálfstæðismenn missa þó einn
mann og Vinstri grænir hreppa
hann. Við það verður þingmeiri-
hluti ríkisstjórnarinnar ansi tæpur;
32 þingmenn á móti 31 þingmanni
stjórnarandstöðunnar.
Ef til vill er mesta breytingin frá
síðustu viku sú að óákveðnum fjölg-
ar aftur. Þeir sem segjast ekki ætla
að kjósa, eru óákveðnir í afstöðu
sinni eða neita að svara eru nú 40
prósent, voru um 30 prósent fyrir
viku og 35 prósent fyrir hálf-
um mánuði. Þrátt fyrir að fjöl-
di óákveðinna rokki upp og
niður hefur það lítið haggað
fylgi flokkanna. Það er í sjálfu
sér ekki skrítið. Samanburður
kosningaúrslita og kannana
bendir til þess að afstaða
þeirra sem ekki gefa upp
skoðun sína í könnunum sé lít-
ið frábrugðin hinum hópnum.
Stöðugt fylgi stóru
flokkanna
Fylgi Samfylkingarinnar
hefur verið ótrúlega stöðugt
undanfarnar vikur. Í könnuninni
sem birt var fyrir hálfum mánuði
fékk flokkurinn 39,3 prósent, 39,0
prósent viku síðar og nú aftur 39,3
prósent. Þegar rýnt er í afstöðu ein-
stakra hópa má þó sjá nokkra
hreyfingu á fylgi Samfylkingarinn-
ar. Fyrir hálfum mánuði mátti ekki
merkja mun á fylginu milli lands-
byggðarkjördæma og þéttbýlis-
kjördæma. Síðan þá hefur fylgið úti
á landi dregist saman en fylgið í
þéttbýlinu eflst.
Samfylkingin hefur verið vel
yfir fylgi sínu í kosningunum 1999
allan þennan mánuð. Staðan í dag er
12,5 prósentustigum yfir kosninga-
úrslitum, sem gæfi flokknum 9
nýja þingmenn – 26 manna þing-
flokk.
Fylgi Sjálfstæðisflokksins hefur
sömuleiðis verið stöðugt. Fyrir
hálfum mánuði mældist það 37,0
prósent, 39,5 prósent fyrir viku og
nú 38,2 prósent. Fylgissveiflan að
baki þessum tölum er öfug við Sam-
fylkinguna; Sjálfstæðisflokkurinn
hefur verið að styrkjast úti á landi
en heldur missa fylgi í þéttbýlinu. Í
öllum könnunum hefur Sjálfstæðis-
flokkurinn verið undir fylgi sínu í
kosningunum 1999. Þá fékk flokk-
urinn 40,7 prósent fylgi og 26 menn
kjörna. Niðurstaða könnunarinnar
er 2,5 prósentustigum minna fylgi
sem myndi leiða til þess að flokkur-
inn missti einn þingmann.
Framsókn á hægri uppleið
Samanburður á þessum þremur
könnunum sýnir að Framsóknar-
flokkurinn er á hægri siglingu upp
á við. Fyrir hálfum mánuði fékk
flokkurinn 10,0 prósent fylgi, 11,1
prósent fyrir viku og nú 12,0 pró-
sent. Þetta er ekki mikil breyting
og öll svo sem innan skekkjumarka
en hlýtur samt að telja Framsókn-
armönnum trú um að þeir séu að
gera eitthvað rétt. Fylgi þeirra er
samt enn langt undir kjörfylgi; þá
vantar um 6,4 prósentustig til að ná
því. Ef niðurstöður könnunarinnar
nú væru úrslit kosninga myndu
Framsóknarmenn tapa 5 þingmönn-
um; verða með sjö manna þing-
flokk.
Vinstri grænir bæta stöðu sína
lítillega frá fyrri viku; fara úr 6,9
prósentum í 7,5. Flokkurinn fékk
11,1 prósent fyrir hálfum mánuði.
Það bendir því flest til að fylgi hans
sé fremur að dragast saman en
aukast. Ef niðurstaða könnunarinn-
ar nú kæmi upp úr kjörkössunum
fengju þeir 5 þingmenn, einum
færri en þeir hafa í dag.
Það vekur nokkra athygli að síð-
asta vika hafi ekki hreyft meira við
fylgi Vinstri grænna því hún var um
margt hápunktur eins af stærri
málum þeirra; andstöðu við álver í
Reyðarfirði og virkjun við Kára-
hnjúka.
Of litlir til að skipta máli
Eins og staðan er nú er Frjáls-
lyndi flokkurinn of lítill til að kom-
ast á þing. Hann fær 2,2 prósent
fylgi, fékk 3,3 prósent fyrir viku
og 2,1 prósent fyrir hálfum mán-
uði. Frjálslyndir eiga því nokkuð í
land með að koma að kjördæma-
kjörnum þingmanni. Það dygði
honum varla þótt allt fylgi hans
leggðist á eitt kjördæmi – sem það
gerir ekki samkvæmt þessum
könnunum.
Þrír þátttakendur sögðust vilja
kjósa aðra flokka í könnuninni.
Tveir nefndu Þjóðernisflokkinn og
einn Alþýðubandalagið.
Skipting milli kjördæma
Þegar kannanir Fréttablaðsins í
janúar eru lagðar saman kemur
fram vísbending um hvernig fylgi
flokkanna skiptist á milli kjör-
dæma – og þá hvaða möguleika ein-
stakir þingmenn hafa á að ná kjöri.
Samkvæmt þessum þremur
könnunum er Sjálfstæðisflokkur-
inn stærsti flokkurinn í Norðvest-
urkjördæmi, Reykjavíkurkjör-
dæmi norður og í Suðvestur-
kjördæmi – eða kraganum svo-
kallaða. Samfylkingin er hins
vegar stærst í Suðurkjördæmi,
Norðausturkjördæmi og
Reykjavíkurkjördæmi suður.
Þar sem Samfylkingin er
stærst er Sjálfstæðisflokkur
næststærstur – og öfugt.
Framsókn er sterkust í Norð-
austurkjördæmi og Suðurkjör-
dæmi og vinstri grænir í Norð-
austur- og Norðvesturkjör-
dæmunum.
Eftir næstu könnun mun
Fréttablaðið greina nánar frá
stöðu flokkanna í einstökum
kjördæmum enda verða þá svar-
endur í hverju kjördæmi orðnir það
margir að marktækt er að greina
svör í einstökum kjördæmum milli
flokka.
Niðurstöður
Í könnuninni á laugardaginn var
spurt: Hvaða lista myndir þú kjósa
ef gengið yrði til þingkosninga nú?
600 manns voru spurðir og skiptist
fjöldi þeirra jafnt milli kynja og
hlutfallslega milli kjördæma eftir
áætlun um fjölda á kjörskrá í vor.
Af öllu úrtakinu sögðust 23,5
prósent ætla að kjósa Samfylking-
una, 22,8 Sjálfstæðisflokkinn, 7,2
Framsóknarflokkinn, 4,5 Vinstri-
hreyfinguna – grænt framboð, 1,3
Frjálslynda flokkinn og 0,5 prósent
nefndu aðra flokka. 33,3 prósent
sögðust óákveðin, 3,7 prósent sögð-
ust ekki ætla að kjósa og 3,3 pró-
sent neituðu að svara. ■
SKOÐANAKÖNNUN
Samfylkingin aftur stærri
en Sjálfstæðisflokkur
Litlar breytingar urðu á fylgi flokkanna í síðustu viku. Framsókn, Vinstri grænir og Samfylking
bæta lítillega við sig – Sjálfstæðisflokkur og Frjálslyndir tapa fylgi. Stjórnarflokkarnir með veikan
meirihluta. Breytt stærðarhlutföll virðast vera orðin nokkuð stöðug.
INGIBJÖRG SÓLRÚN
GÍSLADÓTTIR
Fylgi Samfylkingarinnar
hefur verið stöðugt í
janúar.
DAVÍÐ ODDSSON
Sjálfstæðisflokkurinn
mælist nú aftur minni en
Samfylkingin.
HALLDÓR
ÁSGRÍMSSON
Framsókn bætir lítillega
við sig aðra vikuna í röð.
STEINGRÍMUR J.
SIGFÚSSON
Átökin um Kárahnjúka
hafa ekki skilað auknu
fylgi til Vinstri grænna.
Þing Framsóknarflokks-
ins í Suðurkjördæmi:
Yfirburða-
kosning hjá
Ísólfi Gylfa
FRAMSÓKN Ísólfur Gylfi Pálmason
alþingismaður mun skipa þriðja
sæti á lista Framsóknarflokksins í
Suðurkjördæmi í komandi kosn-
ingum.
Ísólfur Gylfi hlaut tæp 65% at-
kvæða í þriðja sætið í kosningu á
kjördæmaþingi Framsóknar-
flokksins sem fram fór á Selfossi
á laugardag. Fimm frambjóðend-
ur sóttust eftir þriðja sæti listans.
Helga Sigrún Harðardóttir kom
næst Ísólfi Gylfa, með rúm 12%
atkvæða, Eygló Harðardóttir varð
þriðja og Drífa Sigfúsdóttir
fjórða.
Guðni Ágústsson landbúnaðar-
ráðherra fékk 97% atkvæða í
fyrsta sæti listans og Hjálmar
Árnason alþingismaður fékk 94%
atkvæða í annað sæti. Þeir voru
einir í framboði um þessi sæti. ■
MÓTMÆLI Á LÆKJARTORGI
Íslenskir friðarsinnar mótmæltu fyrirhug-
uðu stríði í Írak á laugardaginn.
Ekki í okkar nafni:
Friðarsinnar
fjölmenntu á
Lækjartorgi
MÓTMÆLI Friðarsinnar um allan
heim mótmæltu fyrirhuguðu
stríði í Írak um helgina. Íslenskir
friðarsinnar voru þar engir eftir-
bátar en talið er að um 1500
manns hafi safnast saman á Lækj-
artorgi á laugardaginn.
Séra Örn Bárður Jónsson,
sóknarprestur í Neskirkju, ávarp-
aði fundinn og sagði meðal annars
að mótmælendur vilji „ekki að
þjóðin okkar taki beinan þátt í
hernaði eða styðji við hernaðinn
með nokkru móti.“ Fundarmenn
gengu síðan að bandaríska sendi-
ráðinu þar sem mótmælaskjal var
afhent sendiráðsmönnum.
Talið er að um 200.000 manns
hafi tekið þátt í mótmælagöngu í
Washington á laugardaginn og um
50.000 í San Francisco. ■
Norðvesturkjördæmi:
Adolf í
5. sætið
STJÓRNMÁL Adolf H. Berndsen, frá
Skagaströnd, skipar 5. sætið á
framboðslista Sjálfstæðisflokks-
ins í Norðvesturkjördæmi.
Mikil umræða skapaðist um
málið á fundi kjördæmisráðs í
Búðardal í gær. Stuðningsmenn
Jóhönnu Pálmadóttur, frá Akri,
sem lenti í 6. sæti í prófkjörinu,
töldu að henni vegið. Fannst þeim
að hún ætti að færast upp í 5. sæt-
ið, ekki síst í ljósi þess að fjórir
karlmenn skipuðu efstu sætin.
Kosið var milli Adolfs og Jó-
hönnu. Alls greiddu 134 fulltrúar
atkvæði og hlaut Adolf 81, en Jó-
hanna 53. ■
M
YN
D
/O
D
D
U
R B
EN
ED
IKTSSO
N