Fréttablaðið - 20.01.2003, Qupperneq 16

20. janúar 2003 MÁNUDAGUR
ÍÞRÓTTIR Í DAG
15.00 Sjónvarpið
Helgarsportið
15.05 Stöð 2
Ensku mörkin
16.30 Sjónvarpið
HM í handbolta
(Ísland-Ástralía)
18.00 Sýn
Ensku mörkin
19.00 Sýn
Spænsku mörkin
19.15 Grindavík
1. deild kvenna í körfubolta
(UMFG-ÍS)
19.15 DHL-Höllin
1. deild kvenna í körfubolta
(KR-Haukar)
20.00 Sýn
Toppleikir
22.00 Sýn
Gillette-sportpakkinn
22.30 Sýn
Sportið með Olís
23.00 Sýn
Ensku mörkin
23.55 Sjónvarpið
HM í handbolta
(Ísland-Ástralía endurs.)
SKÍÐI Skíðasamband Íslands hefur
gert samstarfssamning við Akur-
eyrarbæ og nokkur fyrirtæki um
að gerast bakhjarlar Dagnýjar
Lindu Kristjánsdóttir, skíðakonu
í Skíðafélagi Akureyrar. Jafn-
framt hefur Skíðafélag Akureyr-
ar gert samning við Akureyrar-
bæ fyrir hennar hönd um mánað-
arlegt fjárframlag bæjarfélags-
ins.
Þessir fjárstyrkir gera Dag-
nýju Lindu kleift að ná þeim
markmiðum sem hún hefur sett
sér, en hún stefnir að því að
keppa fyrir hönd Íslands á
heimsmeistaramótunum í alpa-
greinum skíðaíþrótta í vetur og
árið 2005 sem og á Ólympíuleik-
unum árið 2006.
Helstu verkefni Dagnýjar
Lindu í vetur eru Evrópubikarinn
á skíðum og heimsmeistaramótið
sem fram fer í St. Moritz í Sviss í
byrjun næsta mánaðar. Þar stefn-
ir hún að því að vera á meðal
þeirra 30 efstu. Jafnframt ætlar
hún sér að komast í hóp 100 efstu
í tveimur greinum á heimslista
Alþjóðaskíðasambandsins.
Dagný Linda hefur frá því í
sumar verið við æfingar með
norska landsliðinu á skíðum og er
undir handleiðslu þjálfara þeirra.
Hún mun í vetur fyrst og fremst
einbeita sér að því að keppa á mót-
um í Evrópubikar Alþjóðaskíða-
sambandsins (FIS), sem er næsta
stig fyrir neðan heimsbikarkeppn-
ina. Samhliða því mun hún reyna
fyrir sér í nokkrum heimsbikar-
mótum og taka þátt í FIS-mótum.
Dagný Linda hefur þegar tek-
ið þátt í nokkrum mótum í vetur
og gengið mjög vel. Hefur hún
meðal annars sigrað á nokkrum
sterkum alþjóðlegum mótum í
Noregi og Svíþjóð. ■
Dagný Linda Kristjánsdóttir gerir styrktarsamning:
Stefnir á topp
30 á HM í Sviss
DAGNÝ LINDA
Dagný Linda hefur bætt sig verulega í vetur og er nú í 76. sæti á heimslista Alþjóðaskíða-
sambandsins í risastórsvigi en var í því 119. í byrjun vetrar. Í desember varð hún fyrst hér-
lendra skíðakvenna til þess að taka þátt í heimsbikarkeppni í bruni, í Lenzerheide í Sviss.
HANDBOLTI Guðmundur Guð-
mundsson, landsliðsþjálfari í
handbolta, segir að ástralska liðið
sé óþekkt stærð. „Við vitum bara
ekkert um þá. Við höfum ekki get-
ið orðið okkur úti um neinar upp-
lýsingar um þá.“
Guðmundur ját-
ar því að þetta sé
leikur sem Ísland
eigi að vinna. „Að
sjálfsögðu en við
ætlum að vera til-
búnir í þetta verk-
efni og leysa það
vel af hendi. Oft
þegar við mætum
þjóðum sem við
þekkjum ekki þurfum við að vera
einbeittir og við þurfum að vera
einbeittir frá byrjun í þessari
keppni, sama hver andstæðingur-
inn er.“
Á morgun leikur íslenska liðið
við nágranna okkar frá Græn-
landi. „Við vitum meira um þá,“
segir Guðmundur. „Þeir eru búnir
að spila leiki á móti félagsliðum
og hafa oft á tíðum verið að stríða
góðum liðum og komið á óvart.
Það verður að taka það lið mjög
alvarlega. Þetta eru leikmenn sem
eru að spila margir í dönsku deild-
inni og einhverjir eru að spila í
Þýskalandi. Þeir eru örugglega
mun sterkari en Ástralir.“
Guðmundur segir að undirbún-
ingur landsliðsins hafi gengið
ágætlega fyrir sig. „Við höfum
samt ekki farið farhluta af meiðsl-
um og það hefur auðvitað tafið
okkur í undirbúningi.“ Að sögn
Guðmundar er Dagur Sigurðsson
allur að koma til auk þess sem
Heiðmar Felixson er orðinn frísk-
ur eftir flensu. Hvorugur þeirra
gat spilað æfingaleikinn gegn Sví-
um sl. fimmtudag sem tapaðist
naumlega, 27:26.
Guðmundur hefur lýst því yfir
að Ísland stefni á að ná ólympíu-
sæti á HM. „Það þarf samt sem
áður að byrja á byrjuninni og taka
hvern leik fyrir sig. Við þurfum
að spila okkur inn í þessa keppni
og koma okkur í þá stöðu að geta
dreift álagi. Síðan þurfum við að
skila okkur inn í milliriðla á sem
bestan hátt. Það er fyrsta mark-
miðið en ólympíusætið er draum-
ur okkar.“
Aðspurður segist Guðmundur
ekki hafa velt því fyrir sér hvaða
lið sé sigurstranglegast í keppn-
inni. „Ég held ég gæti talið upp
nokkur lið en ég er ekki mikið að
velta því fyrir mér á þessari
stundu. Við erum bara að einbeita
okkur að okkar leik. Annað er ekk-
ert í mínum huga.“
freyr@frettabladid.is
Ástralir eru
óþekkt stærð
Íslenska karlalandsliðið í handbolta mætir Áströlum í fyrsta leik heims-
meistarakeppninnar sem hefst í Portúgal í dag. Guðmundur Guð-
mundsson landsliðsþjálfari segir að einbeiting íslenska liðsins þurfi að
vera í lagi sama hver andstæðingurinn er.
ÓLAFUR STEFÁNSSON
Ólafur Stefánsson í leik gegn Slóvenum. Hann skoraði 11 mörk í æfingaleik gegn Svíum á
fimmtudag. Fyrsti leikur Íslands á HM gegn Áströlum hefst klukkan 17 í dag.
„Við þurfum
að spila okkur
inn í þessa
keppni og
koma okkur í
þá stöðu að
geta dreift
álagi.“
FÓTBOLTI Heiðar Helguson skoraði
sigurmark Watford þegar liðið
lagði Norwich að velli með tveim-
ur mörkum gegn einu.
Heiðar hafði verið afar ágeng-
ur við mark andstæðinganna en
náði ekki að skora fyrr en á
lokamínútu leiksins, með glæsi-
legu skallamarki. Heiðar var
nýkominn inn á völlinn eftir að
hafa fengið aðhlynningu vegna
höfuðmeiðsla. Þetta var níunda
mark hans í deildinni.
Watford er í tíunda sæti 1.
deildar og eygir enn möguleika á
að taka þátt í umspili um laust
sæti í úrvalsdeildinni. ■
Heiðar Helguson:
Skoraði
sigurmark
Watford
Nýtt fjölnota íþróttahús
á Akureyri:
Boginn tek-
inn í notkun
ÍÞRÓTTAHÚS Fjölnota íþróttahús á
Akureyri, Boginn, var formlega
tekið í notkun á laugardaginn.
Tónlistarfólk tók lagið auk þess
sem skorað var á oddvita stjórn-
málaflokka á Akureyri að taka
þátt í léttri vítaspyrnukeppni.
Loks buðu íþróttafélög bæjarins
ungu kynslóðinni að spreyta sig á
hinum ýmsu íþróttagreinum.
Markmið Akureyrarbæjar með
byggingunni er að koma upp að-
stöðu innanhúss fyrir knatt-
spyrnu og frjálsar íþróttir. Heild-
arkostnaður við byggingu á hús-
inu er um 520 milljónir króna. ■
HEIÐAR HELGUSON
Tryggvi liði sínu sigur á elleftu stundu með
góðu skallamarki.
Ívar Ingimarsson var ekki í liðiÚlfanna sem gerði 1-1 jafntefli
við Wimbledon í ensku 1. deildinni.
Bjarni Guðjónsson
og Brynjar Björn
Gunnarsson voru í
liði Stoke sem tapaði
fyrir Derby, 3-1. Her-
mann Hreiðarsson
var í liði Ipswich
sem lagði Preston að
velli, 3-0.
Peter Schmeichel, markvörðurManchester City, segir það
hugsanlegt að hann framlengi
samning sinn við liðið. Schmeichel,
sem er 39 ára, hefur margoft ætlað
að leggja hanskana á hilluna. Hann
segist aldrei hafa notið þess eins
mikið að leika knattspyrnu. „Ég
skemmti mér konunglega hjá City
og ég hlakka til að mæta í vinnu
þegar ég vakna á morgnana,“ sagði
Daninn, sem hefur unnið til fjöl-
margra verðlauna á ferli sínum.
FÓTBOLTI