Fréttablaðið - 02.06.2003, Blaðsíða 4

4 2. júní 2003 MÁNUDAGUR
■ Evrópa
Hefurðu lesið Grafarþögn eftir Arnald
Indriðason, sem var valin besta nor-
ræna glæpasagan?
Spurning dagsins í dag:
Tókstu þátt í hátíðahöldum á sjó-
mannadag?
Niðurstöður gærdagsins
á www.frett.is
67,5%
32,5%
Nei
Já
Kjörkassinn
Farðu inn á frett.is og segðu þína skoðun
frétt.is
PALESTÍNUMENN SNÚA TIL BAKA
Palestínskir vinnumenn ganga framhjá
ísraelskum skriðdreka.
Vegvísir til friðar:
Áhrifa farið
að gæta
JERÚSALEM, AP Fyrstu skrefin í átt
til friðar hafa verið stigin í Ísrael
þar sem áhrifa Vegvísins til friðar
er farið að gæta. Ísraelski herinn
leyfði þúsundum palestínskra
vinnumönnum að koma inn í Ísra-
el þegar ákveðin ferðahöft voru
afnumin. Mennirnir þurftu að
vísu að skilja bílana sína eftir og
labba allt að sjö kílómetra fram-
hjá ísraelska hernum.
Forsætisráðherra Ísraels, Ariel
Sharon, lýsti því yfir í ísraelska
þinginu að hann myndi líklega lýsa
yfir á fundi í Jórdaníu með George
Bush og Mahmoud Abbas, forsæt-
isráðherra Palestínumanna, að
hann myndi leysa upp ólöglegar
landnemabyggðir á Vesturbakkan-
um og Gaza-svæðinu. ■
GERHARD SCHRÖDER
Kanslari Þýskalands réttir upp hönd til að
samþykkja eigin uppástungu á flokksþingi
Sósíademókrataflokksins.
Atvinnuhorfur í
Þýskalandi:
Samþykktu
breytingar
ÞÝSKALAND, AP Tillögur Gerhards
Schröders, kanslara Þýskalands,
um endurbætur í atvinnumálum
voru samþykktar á flokksþingi
sósíaldemókrata í Þýskalandi. Um
90% flokksfélaga greiddu at-
kvæði með áformum Schröders,
sem hafa verið afar umdeild.
Tillögurnar miða að því að
reisa við efnahaginn í Þýskalandi
en ástandið þar í landi er afar
slæmt. Atvinnuleysi er nú um
11% og nær enginn hagvöxtur
hefur verið undanfarin þrjú ár.
Það á að gerast með því að skera
niður í atvinnuleysisbótakerfinu
og slaka á vinnuverndarlögum. ■
Geðveikur ökumaður banaði einni og slasaði 28 að auki:
Ók á miklum hraða inn í mannfjölda
Samherji hagnaðist um 580 milljónir:
Ósáttir við
afkomuna
AFKOMA „Afkoma félagsins er
undir væntingum okkar en í takt
við það sem almennt hefur verið
að gerast í sjávarútvegi,“ sagði
Þorsteinn Már Baldvinsson, for-
stjóri Samherja, í kynningu á af-
komu félagsins. Samherji var rek-
inn með 580 milljóna króna hagn-
aði að teknu tilliti til skatta fyrstu
þrjá mánuði ársins. Forsvars-
menn fyrirtækisins eru ósáttir við
það og kenna styrkingu krónunn-
ar um að hagnaðurinn varð ekki
meiri.
„Styrking íslensku krónunnar
hefur veruleg áhrif á framlegð
sjávarútvegs og ljóst er að frekari
styrking mun hafa mjög neikvæð
áhrif á rekstur sjávarútvegsfyrir-
tækja sem og annarra útflutnings-
fyrirtækja,“ sagði Þorsteinn Már.
Rekstrartekjur Samherja og
dótturfélaga þess námu 3,2 millj-
örðum króna á fyrsta ársfjórð-
ungi. Rekstrargjöldin hljóðuðu
upp á 2,5 milljarða. Heildareignir
Samherja voru metnar á 22 millj-
arða króna í marslok. Skuldir fé-
lagsins á sama tíma námu 13
milljörðum og er eiginfjárhlut-
fallið um 40%. ■
Sjómenn spóka sig
með landfólkinu
Þúsundir manna voru í miðborg Reykjavíkur og við höfnina í sólskinsblíðu á sjómannadaginn.
Meðal mannfjöldans mátti sjá sjómenn í langþráðri landlegu með börnin í fanginu, sem er ekki
jafn sjálfsagt í lífi sjómannsfjölskyldna og annarra.
HÁTÍÐ Múgur og margmenni spók-
aði sig í steikjandi sólskini við
Reykjavíkurhöfn á sjómannadeg-
inum í gær og fagnaði deginum og
Hátíð hafsins. Fjöldi aldraðra sjó-
manna hlýddi á
ræðuhöld Árna
Mathiesen sjáv-
a r ú t v e g s r á ð -
herra, sem
þakkaði vel unn-
in störf sjó-
manna. Há-
punktur hinna
hefðbundnu há-
tíðarhalda var
þegar aldraðir
sjómenn voru heiðraðir af Guð-
mundi Hallvarðssyni, formanni
sjómannadagsráðs. Meðal þeirra
var Hafsteinn Sigurðsson frá
Siglufirði, sem hóf sjósókn 13 ára
gamall á línubát og tileinkaði ævi
sína viðureigninni við Ægi kon-
ung. Á meðan þetta fór fram voru
yngri sjómenn og fjölskyldufólk
með börn sín í tívolí og skemmti-
siglingu.
Guðmundur Erlendsson, neta-
maður á Örfirisey, sagði sjó-
mannadagsfríið kærkomið og
hafði hann ekki hug á að hlusta á
ræðuhöld. „Þetta er alltaf sama
röflið ár eftir ár. Ég nota daginn í
að vera með syni mínum. Það er
erfitt að vera sjómaður á frysti-
togara fjarri börnum sínum og ég
er í raun orðinn hundleiður á sjó-
mennsku. Hins vegar er
ekki hlaupið að því að fá
landvinnu ómenntaður,“
segir Guðmundur, sem á
17 ár að baki á sjónum.
Árni Mathiesen kvaðst
aðspurður telja hljóðið í
sjómönnum vera gott.
Hann sagði þó miður að
samningar sjómanna og
útgerðarmanna hefðu
ekki verið leiddir til
lykta, en nú er í gildi
lagasetning sem bannar
verkfall sjómanna. „Því
miður hafa þessir aðilar
ekki náð saman,“ sagði
Árni, sem var sjálfur á
togara til skamms tíma.
Árni hélt síðan til Hafn-
arfjarðar, þar sem hann
hafði mælt sér mót við dætur sín-
ar vegna hátíðarhalda í bænum.
Meðal þess sem var í boði á
hafnarbakkanum var hoppikastal-
ar og hringekjur fyrir börnin,
skemmtisigling um sundin og list-
flug. Auk þess var keppt í kapp-
róðri og ráarslag.
jtr@frettabladid.is
Leiðtogafundur:
Óeirðir og
eldhringur
SVISS, AP Fjölmenn mótmæli hafa
verið í Sviss og Frakklandi vegna
fundar leiðtoga átta helstu iðnríkja
heims í landamæraborginni Evian í
Frakklandi. Evian er girt af og þess
vegna hafa mótmælendur haldið
uppi mótmælum í borgum í kring.
Andstæðingar kapítalisma og al-
þjóðavæðingar gengu um götur,
kveiktu í verslunum og unnu
skemmdir á opinberum byggingum
í Genf. Friðsamleg mótmæli hafa
einnig verið haldin, en mótmælend-
ur í Sviss og Frakklandi sameinuð-
ust um að kveikja 52 elda á bökkum
Genfarvatns sem tákn um hvernig
iðnríkin umkringja allan heiminn.
STOKKHÓLMUR, AP Sex manns voru
lagðir inn á spítala eftir að sturlað-
ur maður ók bíl á hóp af fólki í
gamla miðbænum í Stokkhólmi.
Maðurinn ók bíl sínum á miklum
hraða niður þrönga göngugötu þar
sem mikið var af ferðamönnum og
heimafólki.
Maðurinn keyrði niður um 30
manns áður en bíll hans stöðvaðist
þegar hann hafði ekið honum í
gegnum glugga á snyrtivöruverslun
í götunni. Kona um fimmtugt lést í
slysinu og 28 slösuðust, þar af sex
alvarlega. Hluti þeirra sem slösuð-
ust var erlendir ferðamenn.
Ekki hafa enn verið borin kennsl
á ökumanninn, sem einnig er um
fimmtugt. Hann hlaut ekki alvar-
lega áverka og var sendur í gæslu-
varðhald. Maðurinn er ekki heill á
geði og sýnir, að sögn lögreglu, eng-
in merki um iðrun vegna brotsins.
Hann ber við að óeinkennisklæddur
lögreglumaður hafi fjarstýrt honum
við gjörninginn. Maðurinn var
handtekinn vegna gruns um morð,
manndráp og mikið kæruleysi í um-
ferðinni. ■
ÞORSTEINN MÁR BALDVINSSON
Styrking krónunnar grefur undan útflutn-
ingsfyrirtækjum.
ÆVISTARFIÐ ÞAKKAÐ
Guðmundur Hallvarðsson, formaður sjómannadagsráðs,
þakkaði Ársæli Þorsteinssyni úr Neskaupstað vel unnin
störf á sjó frá 17 ára aldri.
„Þetta er
alltaf sama
röflið ár eftir
ár. Ég nota
daginn í að
vera með syni
mínum.
LEIÐUR Á SJÓNUM
Guðmundur Erlendsson sjómaður var kampakátur yfir deginum í landi, enda leiður á því
að vera á sjó fjarri fjölskyldunni.
BIÐRÖÐ Í SIGLINGU
Mikil aðsókn var að skemmtisiglingu um
sundin með skólaskipinu Sæbjörgu og
vildu margir sjá höfuðborgina frá hafi.
SJÚKRAFLUTNINGAMENN Í STOKKHÓLMI
Sjúkraflutningamenn hlúa að fórnarlömbum geðveiks ökumanns sem keyrði á gangandi
vegfarendur.
KARLAR
L U J T Stig
Fylkir 4 3 0 1 9
KR 3 2 1 0 7
Valur 3 2 0 1 6
FH 4 1 2 1 5
XÍA 3 1 1 1 4
KA 3 1 1 1 4
Þróttur R. 3 1 0 2 3
Grindavík 3 1 0 2 3
ÍBV 3 1 0 2 3
Fram 3 0 1 2 1
Fylkir 3:0 FH
FR
ÉT
TA
B
LA
Ð
IÐ
/R
Ó
B
ER
T
ENN EITT VERKFALLIÐ Verkföll
franskra flugumferðarstjóra
halda áfram að setja strik í reikn-
inginn hjá flugfélögum og far-
þegum. British Airways hefur
þegar aflýst 90 af 120 flugum sín-
um til Frakklands á morgun
vegna fyrirhugaðs verkfalls. Bú-
ist er við að þúsundir ríkisstarfs-
manna leggi niður störf.