Fréttablaðið - 02.06.2003, Blaðsíða 10

10 2. júní 2003 MÁNUDAGUR
■ Lögreglufréttir
NEYTENDUR Olíufélagið Essó, Skelj-
ungur og Olís lækkuðu verð á
bensíni um eina krónu um helgina
og sögðu það mögulegt vegna
stöðugra heimsmarkaðsverðs á
eldsneyti síðustu vikur í kjölfar
þess að Íraksstríðinu lauk. Bens-
ínverð hefur lækkað síðan í apríl
en síðustu daga hefur það farið
hækkandi vegna árstíðabundinn-
ar aukningar í eftirspurn. Auk
þess lækka olíufélögin lítraverð á
dísilolíu um fjórar krónur.
Bensínlítrinn kostar nú 90,1
krónu á afgreiðslustöðvum Esso
Express. Samkvæmt verðkönnun
í ýmsum löndum í byrjun ársins
er Ísland með næsthæsta bensín-
verð í heimi og kostar lítrinn í
Bandaríkjunum þriðjung á við
þann íslenska. ■
LONDON, AP Breska dagblaðið The
Guardian hefur ráðið sem dálka-
höfund 29 ára gamlan íraskan arki-
tekt sem vakti athygli umheimsins
með dagbókarskrifum sínum á
veraldarvefnum þegar innrás
Bandaríkjanna í Írak stóð sem
hæst.
Maðurinn, sem gengur undir
dulnefninu Salam Pax, er búsettur
í úthverfi Bagdad. Í skrifum sínum
gerði hann óspart grín að ríkis-
stjórn Saddams Husseins en gagn-
rýndi jafnframt bandarísk yfir-
völd. Hann lýsti á trúverðugan hátt
ástandinu í Bagdad og viðbrögðum
borgarbúa við innrásinni. ■
LONDON Efasemdir um að gereyð-
ingarvopn hafi verið til í Írak hafa
ágerst eftir að upp komst að átt
hafði verið við skýrslu frá bresku
leyniþjónustunni. Hersveitir
Breta og Bandaríkjamanna hafa
enn engin gereyðingarvopn fund-
ið, þrátt fyrir að hafa leitað að
þeim síðan Saddam Hussein gafst
endanlega upp.
Tony Blair, forsætisráðherra
Bretlands, heldur því fram að
vopnin eigi eftir að koma í leitirn-
ar. Reiði kraumar í bresku samfé-
lagi vegna frétta um að heimildir
séu fyrir því að starfsmenn
bresku leyniþjónustunnar hafi
gert breytingar á skýrslu sem átti
að sanna tilvist vopnanna í Írak.
Gagnrýnisraddirnar eru aðal-
lega á meðferð skýrslunnar með
tilliti til hernaðarlegs mikilvægis
hennar. Ákveðnar staðreyndir
sem birtust í skýrslunni og með-
höndlaðar voru sem sannleikur
voru einungis studdar af vitnis-
burði eins manns. Greint er frá
því í The Sunday Times að niður-
stöður skýrslunnar, sem unnar
höfðu verið af bresku leyniþjón-
ustunni, voru fjarlægðar úr henni
áður en hún komst undir hendurn-
ar á Tony Blair og að bréfaskriftir
hafi verið á milli mjög háttsettra
starfsmanna leyniþjónustunnar
og upplýsingafulltrúa forsetans
til að staðfesta að svo hafi verið
gert.
Tony Blair var Írak í vikunni til
að hitta breska hermenn og vörp-
uðu þessar fréttir skugga á ferð
hans. Almenningi í Bretlandi, sem
og breskum hermönnum, finnst
hann hafa verið blekktur út í
stríðið á fölskum forsendum og
kennir Blair um það. ■
FJARSKIPTI Landssíminn hefur gert
breytingar á gjaldskrá sinni sem
birtast meðal annars í því að sím-
töl í farsímakerfi Og Vodafone
hækka í verði.
Síminn réttlætir mismundandi
verð á því hvort hringt er í far-
síma í eigin kerfi eða kerfi Og
Vodafone með því að Póst- og fjar-
skiptastofnun hefur gert Síman-
um að hafa heildsöluverð að sínu
farsímakerfi 11,11 krónur á
hverja mínútu meðan Og Voda-
fone rukki símann um 16,81 krón-
ur. Aðgangur að farsímakerfi Og
Vodafone sé því rúmlega 50 pró-
sent hærri að degi til heldur en
aðgangur að farsímakerfi Símans.
Símtöl á dagtaxta úr fastlínu-
kerfin í GSM-síma Símans lækka
um 12,4 prósent. Kvöld-, nætur-
og helgartaxtinn mun hins vegar
hækka um 2 prósent. Ekki er leng-
ur gerður greinarmunur á því á
hvað tíma er hringt heldur kostar
mínútan alltaf 14,90 krónur þegar
hringt er úr fastlínukerfinu í
GSM-síma Símans. ■
BÖRN Í BAGDAD
Á heimasíðu sinni lýsti Salam Pax á trú-
verðugan hátt ástandinu í Bagdad og lét í
ljósi skoðanir sínar á íröskum yfirvöldum
sem og bandaríska innrásarliðinu.
Íraskur bloggari ráðinn til
bresks dagblaðs:
Af blogginu
á pistlasíðu
SÍMINN
Mismunur er á mínútuverði þegar hringt er
úr fastlínukerfi Símans í farsímakerfi síma-
fyrirtækjanna tveggja.
Verðskrárbreytingar:
Síminn hækkar
og lækkar verð
TONY BLAIR, FORSÆTISRÁÐHERRA BRETLANDS
Bretar eru reiðir út í Blair yfir að hafa blekkt þá út í stríðið á fölskum forsendum.
Gereyðingarvopn í Írak:
Skýrslum bresku
leyniþjónustunn-
ar breytt
BENSÍNLÆKKUN
Olíufélögin lækkuðu verð á bensíni og
dísilolíu um sömu krónutölu á helginni.
Olíufélögin samstíga í verðlækkunum:
Lækka bensínverð um krónu
Svonaerum við
MINKA- OG REFAVEIÐAR
Á ÍSLANDI
Minkar Refir
1995 6.341 3.677
1996 6.693 3.535
1997 7.995 3.927
1998 7.769 4.509
1999 7.691 4.871
Heimild: Hagstofan
Patreksfjörður:
Fjögur fíkni-
efnamál
LÖGREGLUMÁL Fjögur fíkniefnamál
komu til kasta lögreglunnar á Pat-
reksfirði um helgina. Lögreglan
lagði hald á hátt í tuttugu grömm
af kannabisefnum og áhöld til
neyslu, meðal annars í tveimur
húsleitum.
Fíkniefnahundurinn Bella var
notaður við leitina og sérþjálfaðir
fíkniefnalögreglumenn frá Ísafirði
og Blönduósi voru heimamönnum
til aðstoðar. Þeir sem kærðir voru
hafa allir viðurkennt að eiga efnið
og sögðu það til eigin neyslu. Mál-
in teljast upplýst. Margt fólk var
samankomið á Patreksfirði í tilefni
af sjómannadeginum og sérstakt
eftirlit af þeim sökum. ■
FANGAGEYMSLUR FULLAR Mikill
erill var hjá lögreglunni í Reykja-
vík í fyrrinótt. Mikið fjölmenni
var í bænum og voru hópslags-
mál tíð. Að sögn lögreglu voru
fangageymslur fullar.
KVIKNAÐI Í DÝNU Eldur kviknaði
í bílskúr við Bólstaðarhlíð í gær-
morgun. Slökkvilið höfuðborgar-
svæðisins fékk tilkynningu um
sexleytið að eldur logaði í dýnu.
Var búið að slökkva hann þegar
slökkvilið bar að garði. Þá var út-
kall um eittleytið í fyrrinótt að
Hraunbæ þar sem reykskynjari
hafði farið í gang. Ekki var um
eld að ræða.