Fréttablaðið - 02.06.2003, Blaðsíða 48

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Síðastliðinn föstudag voru tveirmenn dæmdir í tveggja ára fang-
elsi fyrir að drepa mann með höggum,
spörkum og misþyrmingum í Hafnar-
stræti fyrir nákvæmlega einu ári. Í
gærmorgun var það svo helst í frétt-
um að einhver maður hefði verið
stunginn með hnífi í kvið og brjóst í
Hafnarstræti aðfaranótt sunnudags-
ins.
ÞAÐ HLÝTUR að teljast vera tiltölu-
lega vel sloppið að fá aðeins tveggja
ára fangelsi fyrir að drepa bláókunn-
ugan mann sem maður hittir um nótt á
förnum vegi, ekki síst í landi þar sem
refsingar fyrir að virða ekki eignar-
rétt eru svo þungar að þjófóttur þing-
maður var nýlega dæmdur í 15 mán-
aða fangelsi fyrir gripdeildir. En hvað
sem því líður eru mannskaðar og ör-
kuml vegna ofbeldisglæpa í Reykjavík
komin langt út yfir allan þjófabálk.
EF MANNSKAÐAR og slys vegna
umferðaróhappa væru jafnalgeng í
miðbæ Reykjavíkur og þær blóðsút-
hellingar sem verða vegna ofbeldis-
verka væri fyrir löngu búið að gera
ráðstafanir til úrbóta. Það væri búið
að setja upp umferðarmannvirki og
umferðareftirlit fyrir hundruð millj-
óna til að draga úr óásættanlegu tjóni.
Bílaumferð í bænum er vandlega
vöktuð og lögreglumenn eru alls stað-
ar á kreiki þar sem umferð er mikil og
hætta getur verið á ferðum. Og á nótt-
unni er strangt eftirlit með því að ölv-
að fólk sé ekki að aka bílum, því að
ölvaðir ökumenn eru vitanlega hættu-
legir.
FYLGST ER nokkuð vel með því að
tjóni á dýrum ökutækjum sé haldið í
lágmarki. Hitt er ekki forgangsmál að
gangandi vegfarendum sé meinað að
ráðast hver á annan sér til skemmtun-
ar í ölæði eða eiturvímu. Umferð öku-
tækja í Reykjavík gengur þokkalega
fyrir sig, en umferð gangandi fólks að
næturlagi í þessari sömu borg krefst á
hverju ári fleiri mannslífa en þekkist í
nokkurri álíka stórri byggð á Vestur-
löndum. Reykjavík að næturlagi er
lífshættulegur staður þar sem styrj-
aldarástand ríkir. Þetta ástand varir
þar til fyrrverandi og núverandi borg-
arstjóra og nýja dómsmálaráðherran-
um (sem bera ábyrgð á þessu) verður
óhætt að fá sér pylsu á Nonnabita í
Hafnarstræti klukkan sex á sunnu-
dagsmorgni – án þess að vera í fylgd
lífvarða. ■
Bakþankar
ÞRÁINS BERTELSSONAR
Styrjaldar-
ástand