Fréttablaðið - 13.06.2003, Blaðsíða 2
VIÐSKIPTI Sölunefnd varnarliðsins
flutti inn fjölda amerískra þvotta-
véla sem stofnunin fékk á brota-
járnsverði og seldi þær síðan til
aðila innanlands. Þessi innflutn-
ingur var óheimill þar sem amer-
ísku vélarnar stóð-
ust ekki kröfur
Evrópusambands-
ins samkvæmt
reglum sem settar
voru um miðjan ní-
unda áratuginn og
voru ekki CE vottaðar.
Um árabil streymdu umrædd-
ar 110 volta þvottavélar inn í land-
ið þar sem settir voru í þær
spennubreytar til að þær nýttust í
220 volta kerfinu íslenska. Fyrir-
tæki í Kópavogi annaðist ísetn-
ingu spennubreytanna fyrir Sölu-
nefndina og einkaaðila sem fengu
vélarnar ásamt leiðbeiningum um
það hvar ætti að breyta þeim. Eft-
ir að bannað var að selja þvotta-
vélar og önnur rafmagnstæki sem
ekki voru með CE merkingu hélt
Sölunefndin áfram innflutningi
frá Vellinum inn á Evrópska efna-
hagssvæðið. Heimildir Frétta-
blaðsins herma að innflutningur-
inn hafi verið kærður af Kaup-
mannasamtökunum. Löggilding-
arstofa kannaði málið og komst að
þeirri niðurstöðu að um brot væri
að ræða og setti sölubann á við-
komandi vörur.
Þrátt fyrir sölubannið hélt inn-
flutningur áfram en að þessu
sinni voru vélarnar og þurrkarar
flutt inn sem brotajárn. Þessi tæki
voru óseljanleg vegna bannsins
og fékk því Sölunefndin þær hjá
Ameríkönum í skemmu 866 á
brotajárnsverði. En tækin fóru
ekki í brotajárn heldur í kjallar-
ann á Grensásvegi. Viðmælendur
Fréttablaðsins eru á einu máli um
að tækin hafi verið vönduð. Óljóst
er hvert umfang viðskiptanna var
en heimildir Fréttablaðsins
herma að tugir tækja hafi þannig
komið árlega inn í landið.
Bílstjóri Sölunefndarinnar,
sem annaðist flutning frá Varnar-
liðinu í Keflavík í höfuðstöðvar
Sölunefndarinnar á Grensásvegi,
staðfesti í samtali að innflutning-
ur vélanna hefði „verið á gráu
svæði“.
Birgir Ágústsson, deildar-
tæknifræðingur hjá Löggilding-
arstofu, staðfesti að bannað væri
að flytja inn rafmagnstæki sem
ekki væru CE vottuð. Hann sagði
að ef tækjum væri breytt þá yrði
sá sem það verk annaðist að
takast á hendur þá ábyrgð sem
upphaflegi framleiðandinn
hafði. Það væri þó alfarið bann-
að að flytja inn slíkar vörur án
þess að breytingarnar hefðu átt
sér stað áður. Ríkisendurskoðun
er nú að rannsaka bókhald Sölu-
nefndarinnar með hliðsjón af því
hvernig haldið hafi verið utan
um birgðabókhald. Sigurður
Þórðarson ríkisendurskoðandi
varðist allra frétta en sagði
rannsóknina vera á frumstigi.
rt@frettabladid.is
2 13. júní 2003 FÖSTUDAGUR
Það er aldrei að vita þegar Alþjóða-
hvalveiðiráðið er annars vegar.
Ársfundur Alþjóðahvalveiðiráðsins hefst á mánu-
dag. Mál hafa oft þróast með skrautlegum hætti á
fundum ráðsins. Árni Mathiesen er sjávarútvegs-
ráðherra.
Spurningdagsins
Megum við eiga von á einhverju
skemmtilegu?
SJÁVARÚTVEGUR „Þetta er sú stærsta
frétt sem ég hef heyrt lengi,“ segir
Sverrir Leósson, útgerðarstjóri
Súlunnar hf. á Akureyri, „að finna
síldina innan okkar lögsögu.“ Súlan
EA 300 fann í fyrrakvöld talsvert
magn af síld úr norsk-íslenska
stofninum um 170 sjómílur aust-
norðaustur af Langanesi. Mörg ár
eru síðan síld úr stofninum fannst
síðast innan íslenskrar lögsögu.
„Það er tilefni til þess að gleðj-
ast, ekki aðeins fyrir okkur sem
störfum í sjávarútvegi heldur þjóð-
ina alla, að fá síldarstofninn inn í
okkar lögsögu,“ segir Sverrir.
„Þetta er meiriháttar mál fyrir
okkur í sambandi við deilurnar við
Norðmenn, í tengslum við síldar-
samninga og annað.“
„Við sáum talsvert magn af
síld,“ segir Ingimundur Elísson,
stýrimaður á Súlunni. „Hún er þó
nokkuð stygg.“ Súlan var í gærdag
á leið til Neskaupstaðar til að landa
800 tonnum og að sögn Ingimundar
var síldin nokkuð góð.
Í fyrrakvöld var aðeins eitt skip
við veiðar auk Súlunnar, en Ingi-
mundur segir að í gærdag hafi tvö
skip bæst við. Súlan stefnir að því
að leggja aftur af stað til veiða nú
með morgninum. „Þetta er góðs
viti,“ segir Ingimundur. „Það eru
mörg ár síðan við höfum séð síld á
þessum slóðum, innan íslensku lög-
sögunnar.“ ■
Samkeppnismál:
Borgin mis-
munar ekki
SAMKEPPNISMÁL Samkeppnisráð
segir Reykjavíkurborg ekki mis-
muna tónlistarskólum með styrk-
veitingum.
Samkeppnisstofnun beindi á ár-
inu 2001 tilmælum til Reykjavíkur-
borgar um að setja formlegar regl-
ur um úthlutun styrkja. Það var
gert í kjölfar kvörtunar Tónskól-
ans Hörpunnar um meinta mis-
munun borgarinnar í styrkjum til
tónlistarskóla. Harpan kvartaði til
Samkeppnisráðs. Samkeppnisráð
segir að þó Reykjavíkurborg hafi
farið að tilmælum Samkeppnis-
stofnunar sé ámælisvert hversu
langan tíma það tók. ■
KIRKJULUNDUR 17
Gandhi vill húsið á Kirkjulundi 17 undir
nýjan leikskóla.
Garðabær:
Gandhi vill
leikskóla
SKÓLAMÁL Bæjarráð Garðarbæjar
hefur falið Ásdísi Höllu Bragadótt-
ur bæjarstjóra að ræða við Sunnitu
Gandhi um fjármögnun einkarekins
leikskóla í Garðabæ.
Sunnita er forsvarsmaður Ís-
lensku menntasamtakanna og jafn-
framt í forsvari fyrir Leikskólann
Friðarhús, sem sótt hefur um að fá
að reka leikskóla í Garðabæ. Auk
þess að fela bæjarstjóra viðræður
við Friðarhús hefur erindinu verið
vísað til fræðslunefndar og skipu-
lagsnefndar.
Íslensku menntasamtökin ráku
grunnskóla og leikskóla í Hafnar-
firði um skeið þar til bærinn rifti
samningum við samtökin vegna
ágreinings sem ekki tókst að leysa. ■
Barnaklámsmálið:
Tímafrek
rannsókn
BARNAKLÁM Maðurinn sem var
handtekinn á dögunum fyrir að
eiga mikið barnaklám er frjáls
ferða sinna.
Efnið sem fannst hjá mannin-
um var á fjórða hundrað mynd-
bönd, yfir tvö hundruð geisla-
diskar og tvær tölvur með barna-
klámi. Fregnir herma að maður-
inn sé staddur í London. „Við vit-
um að maðurinn er í útlöndum,“
segir Hörður Jóhannesson hjá
lögreglunni. Hann segir málið
vera í rannsókn og verði það lík-
lega í einhverja vikur. ■
PARÍS Tony Blair, forsætisráð-
herra Breta, og Jacques Chirac
Frakklandsforseti komu bros-
andi út af tveggja klukkustunda
löngum fundi í París. Í stað þess
að ræða ágreiningsmál sín varð-
andi Írak reyndu leiðtogarnir að
horfa fram á veginn.
„Það er mikilvægt fyrir fram-
tíð Evrópu að Frakkar og Bretar
eigi náið samstarf,“ sagði Blair
að loknum fundi. Chirac lagði
áherslu á að löndin tvö hefðu
sameiginlegra hagsmuna að
gæta við gerð nýrrar stjórnar-
skrár fyrir Evrópusambandið.
Hann lét einnig í ljós þá skoðun
sína að Bretlandi bæri að taka
upp evruna en lagði þó áherslu á
að það væri Breta að meta
hvenær þeir væru tilbúnir til að
taka skrefið. Breski forsætisráð-
herrann notaði tækifærið og ít-
rekaði það að Bretland væri til-
búið að ganga í myntbandalagið
þegar ákveðnar hindranir væru
úr sögunni.
Leiðtogarnir gátu ekki komist
að samkomulagi varðandi varn-
arstefnu Evrópu. Chirac hélt
fast í þá skoðun sína að Evrópu
bæri að móta stefnu sína utan
Nató á meðan Bretar sjá fyrir
sér meiri samvinnu á milli
ríkjabandalaganna tveggja.
Tony Blair lagði jafnframt
áherslu á að brúa yrði gjána
sem myndast hefur á milli Evr-
ópu og Bandaríkjanna í kjölfar
Íraksdeilunnar. ■
Þvottavélum á bannlista
smyglað sem brotajárni
Sölunefnd varnarliðseigna seldi um árabil þvottavélar og fleiri
tæki sem keypt voru sem brotajárn og stóðust ekki Evrópukröfur.
Vélunum breytt á Íslandi. Bókhaldsrannsókn að hefjast.
Mosfellsbær:
Banaslys við
Skálatún
LÖGRFGLA Banaslys varð við vist-
heimilið Skálatún í Mosfellsbæ um
klukkan sjö í gærkvöld.
Ekið var á gangandi vegfar-
anda, rúmlega fimmtuga konu, sem
var vistmaður á heimilinu. Sam-
kvæmt upplýsingum frá lögreglu
var aðkoman að slysinu slæm og
klukkan níu í gærkvöld var lög-
reglan enn að störfum á slysstað. ■
Ferðamenn:
Keyrðu í kaf
ÓHAPP Þýskur skógarhöggsmaður
og kona hans ætluðu að keyra yfir
Suðurfljót á Land Rover-bifreið
sinni með þeim afleiðingum að
bíllinn fór á kaf.
Vegurinn sem þau voru að aka
á er einkavegur bóndans á Svína-
felli og er engin brú yfir ána. Ekki
er nema fyrir vana menn að keyra
yfir ána þar sem hún er jökulsá og
síbreytileg. Hjónin lentu vitlausu
megin við vaðið og ekkert nema
toppur bílsins stóð upp úr. Ekki
varð þeim meint af volkinu. ■
SJÓMENN Í NESKAUPSTAÐ
Súlan EA 300 kom í gærkvöld með full-
fermi af síld úr norsk-íslenska síldarstofn-
inum til Neskaupstaðar. Norsk-íslenska
síldin hefur ekki fundist innan íslenskrar
lögsögu árum saman.
Síld úr norsk-íslenska síldarstofninum
finnst innan íslenskrar lögsögu:
Tilefni til að gleðjast
CHIRAC OG BLAIR
Vel fór á með leiðtogunum á fundi þeirra í
París þrátt fyrir að ýmis ágreiningsmál
væru enn óleyst.
Tony Blair og Jacques Chirac grafa stríðsöxina:
Bretar og Frakkar
verða að vinna saman
SÖLUNEFNDIN
Þvottavélar og önnur tæki sem ekki stóðust Evrópukröfur voru keypt sem brotajárn en
síðan breytt og þau seld.
■
Um árabil
streymdu um-
ræddar 110
volta þvottavél-
ar inn í landið.
FR
ÉT
TA
B
LA
Ð
IÐ
/B
IL
LI
Landsliðið:
Rætt við Loga
og Ásgeir
FÓTBOLTI Knattspyrnusamband Ís-
lands mun að öllum líkindum hefja
viðræður við Ásgeir Sigurvinsson
og Loga Ólafsson eftir helgi um
það hvort þeir haldi áfram sem
þjálfarar landsliðsins.
Eggert Magnússon, formaður
Knattspyrnusambandsins, segir
ekki enn hafa verið ákveðið hvort
þeir taki við liðinu, en þeir voru
fyrir skömmu ráðnir tímabundið til
að stjórna liðinu. Hann segist vera
mjög ánægður með árangur liðsins
undir þeirra stjórn. Þeir hafi sann-
að það að þeir séu mjög hæfir til að
taka starfið að sér. ■