Fréttablaðið - 02.10.2003, Blaðsíða 30

30 2. október 2003 FIMMTUDAGUR
NÝTT HEIMSMET
Kenýamaðurinn Paul Tergat setti nýtt
heimsmet í maraþonhlaupi í Berlín um
síðustu helgi. Hann hljóp á 2:04.55
klukkustund.
Maraþon
FÓTBOLTI Enska úrvalsdeildarliðið
Chelsea tapaði í gær á heimavelli
fyrir Besiktas frá Tyrklandi 0-2 í
G-riðli Meistaradeildar Evrópu og
Manchester United tapaði fyrir
Stuttgart 2-1 í Þýskalandi í E-riðli
keppninnar. Real Madrid heldur
áfram sigurgöngu sinni og lagði
Porto frá Portúgal með þremur
mörkum gegn einu.
Eiður Smári Guðjohnsen var á
varamannabekk Chelsea en fékk
ekki tækifæri gegn Besiktas í gær.
Sergen Yalcin var hetja Tyrkjanna
en hann skoraði bæði mörk liðsins,
það fyrra beint úr aukaspyrnu en
það síðara eftir mistök í vörn Chel-
sea.
Imre Szabics og þýski landsliðs-
maðurinn Kevin Kuranyi skoruðu
mörk Stuttgart sem vann United.
Ruud Van Nistelrooy minnkaði
muninn fyrir enska með marki úr
vítaspyrnu en fyrir leikinn hafði
Hollendingurinn lofað að koma
knettinum í netið framhjá Timo
Hildebrand, markverði Stuttgart.
Evrópumeistarar AC Milan
gerðu markalaust jafntefli við
Celta Vigo frá Spáni. Rivaldo kom
inn á sem varamaður í lið Milan en
náði ekki að setja mark sitt á leik-
inn. ■
Skúla boðið
í atvinnubox
HNEFALEIKAR Keflvíkingnum Skúla
Vilbergssyni hefur verið boðinn
samningur um að gerast atvinnu-
maður í hnefaleikum í Banda-
ríkjunum. Það skýrist væntan-
lega á næstu vikum hvort Skúli
fer út en lögfræðingar eru nú að
yfirfara samninginn.
„Mér líst rosalega vel á þetta.
Það er margt sem bendir til þess
að ég fari út en það er ekki pott-
þétt,“ segir Skúli. „Við ætlum að
fara vel yfir samninginn en ekki
gera þetta í einhverju hálfkáki.“
Umboðsmaður frá Bandaríkj-
unum hreifst af Skúla þegar
hann kom með áhugamannalið
sitt hingað til lands fyrir nokkru
og hefur fylgst með Keflvíkingn-
um síðan. Bardagi milli Íslands
og Írlands gerði útslagið og í
kjölfarið var Skúla boðinn samn-
ingur.
Guðjón Vilhelm, þjálfari
Skúla, segist renna blint í sjóinn,
íslenskir hnefaleikar séu enn að
slíta barnsskónum og því vill
hann fara yfir samninginn í ró-
legheitum.
„Ég hef trú á því að Skúli geti
náð langt sem atvinnumaður.
Hann hefur góðan stíl, góða lík-
amsbyggingu og er mikill kar-
akter. En þetta er undir honum
komið,“ segir Guðjón Vilhelm.
„Ég hef rætt við menn í bransan-
um sem hafa séð Skúla og flestir
eru sammála um að þetta komi
ekki á óvart.“
Ef af samningum verður mun
Skúli fara til Bandaríkjanna um
áramót og æfa á launum í fimm
mánuði áður en að fyrsta bardag-
anum kemur. Framhaldið er í
höndum Skúla.
Guðjón Vilhelm segir það
mikinn missi fari Skúli til Banda-
ríkjanna en um leið ákveðna
lyftistöng fyrir íslenska hnefa-
leikakappa. „Þetta sýnir þeim
sem eru í boxi að þetta er hægt.
Við erum ekki lengur lítil ein-
angruð eyja,“ segir Guðjón Vil-
helm. „Það sem kemur mér samt
mest á óvart er hve fljótt þetta
kemur upp því við erum í raun
nýbyrjaðir.“
kristjan@frettabladid.is
FÓTBOLTI John Carew, leikmaður
AS Roma, verður ekki í norska
landsliðshópnum sem mætir Lúx-
emborg um annan laugardag í
undankeppni Evrópumeistara-
keppninnar. Per Arne Flod, um-
boðsmaður Carews, staðfesti við
norska dagblaðið Verdens Gang
að Carew væri hættur að leika
með landsliðinu og hefði íhugað
að hætta fyrir einu og hálfu ári.
Flod talaði fyrir hönd Carews
vegna þess að leikmaðurinn má
aðeins tjá sig á opinberum blaða-
mannafundum Roma. Hann segir
að Carew finnist allt sem snýr að
landsliðinu bæði þreytandi og nei-
kvætt. Æfingar séu lélegar – svo
lélegar að hann hafi þurft að æfa
sérstaklega mikið næstu tvær
vikurnar eftir æfingar hjá lands-
liðinu. Svo líkar Carew illa leik-
stíll landsliðsins.
Nils Johan Semb landsliðs-
þjálfari sagði á blaðamannafundi í
gær að hann skildi ekki ákvörðun
Carew og að hann muni ekki velja
Carew framar. Frumkvæði að
breytingum yrði að koma frá leik-
manninum. ■
SKÚLI STEINN VILBERGSSON
Gæti verið á leið í atvinnuhnefaleika. Er með samning í höndunum sem hann
ætlar að skoða vel.
Norski landsliðshópurinn:
Carew ekki með
gegn Lúxemborg
JOHN CAREW
John Carew var vísað úr landsliðshópnum
eftir áflog við John Arne Riise fyrir vináttu-
leikinn við Portúgali í síðasta mánuði.
hvað?hvar?hvenær?
29 30 1 2 3 4 5
OKTÓBER
Fimmtudagur

16.45 Handboltakvöld á RÚV.

17.00 Njarðvík og Grindavík leika í
íþróttahúsinu í Njarðvík um þriðja sætið
á Reykjanesmóti karla í körfubolta.

18.00 Olíssport á Sýn. Fjallað er
um helstu íþróttaviðburði heima og er-
lendis.

18.30 Western World Soccer Show
(Heimsfótbolti West World) á Sýn.

19.00 Keflavík og Haukar leika í
íþróttahúsinu í Njarðvík til úrslita á
Reykjanesmóti karla í körfubolta.

19.00 Kraftasport (Bikarmót Galaxy
Fitness) á Sýn. Fylgst er með keppni í
kvennaflokki.

19.15 KR og ÍR leika í DHL-höllinni
á Reykjavíkurmóti karla í körfubolta.

19.30 Toyota-mótaröðin í golfi á
Sýn.

20.35 European PGA Tour 2003
(Dunhill Links Championship) á Sýn.
Þáttur um evrópsku mótaröðina í golfi.

22.00 Olíssport á Sýn. Fjallað er
um helstu íþróttaviðburði heima og er-
lendis.
STAN COLLYMORE
Hefur leikið með tíu liðum á ferli sínum,
þar á meðal Aston Villa og Liverpool.
Stan Collymore:
Íhugar
endurkomu
FÓTBOLTI Stan Collymore, fyrrum
landsliðsmaður Englands, bíður
nú eftir rétta tilboðinu til að geta
snúið aftur á knattspyrnuvöllinn
en hann hefur ekki leikið í tvö ár.
„Það jók áhuga minn að félög
hafa verið að sýna mér áhuga,“
sagði Collymore í samtali við
breska ríkisútvarpið, BBC, í gær.
Collymore gekk til liðs við
spænska liðið Oviedo fyrir tveim-
ur árum en lagði skóna óvænt á
hilluna aðeins fimm vikum eftir
að hann kom til Spánar. Stjórn
spænska liðsins ákvað að leita
réttar síns í gegnum dómstóla í
stað þess að leita til Alþjóða knatt-
spyrnusambandsins, FIFA. Fyrir
vikið var Collymore ekki dæmdur
nema í tímabundið bann og bíður
nú eftir að leikmannamarkaður-
inn opni á ný í janúar.
„Ég ætlaði mér að hætta en
með þeim fyrirvara að ef rétta
tækifærið byðist myndi ég íhuga
málið á ný,“ sagði Collymore í við-
talinu. „Það verður þó að vera á
réttum forsendum fyrir báða að-
ila og ég er ekki að þessu vegna
peninganna heldur vegna fótbolt-
ans.“
Collymore segist sakna fótbolt-
ans enda hefur hinn 32 ára gamli
framherji leikið knattspyrnu í
rúma tvo áratugi. Hann segist þó
ekki sakna lífsins sem fylgir at-
vinnumennskunni. „Ég sakna þess
að spila en ekki því sem fylgir því
utan vallar.“ ■
FABIEN BARTHEZ
Hefur ekki fengið mörg tækifæri með
Manchester United á þessu tímabili.
Fabien Barthez:
Ekki á leið
til PSG
FÓTBOLTI Paris St. Germain segist
ekki hafa gert tilboð í franska
landsliðsmarkvörðinn Fabien
Barthez hjá Manchester United,
líkt og enskir fjölmiðlar hafa
haldið fram síðustu daga.
„Það er rétt að Barthez vill
snúa aftur heim til Frakklands og
leika þar en við höfum ekki gert
tilboð í hann og ekki átt í samn-
ingaviðræðum við United,“ sagði
Francis Graille, forseti PSG.
Barthez, sem kom til Old Traf-
ford fyrir tímabilið 2000 og hefur
leikið 92 leiki fyrir United, hefur
lítið sem ekkert fengið að leika
eftir að Tim Howard var keyptur
til liðsins í sumar. ■
Skúli Steinn Vilbergsson gæti verið á leið í atvinnubox. Skýrist á
næstu vikum. Þjálfari Skúla hefur trú á því að hann geti náð langt.
Rennir þó blint í sjóinn.
FR
ÉT
TA
B
LA
Ð
IÐ
/B
IL
LI
Óvænt úrslit í Meistaradeild Evrópu:
Chelsea og
United töpuðu
SKORAÐI TVÖ
Sergen Yalcin var hetja Besiktas á Stam-
ford Bridge, en hann skoraði bæði mörk
liðsins gegn Chelsea.
ÚRSLIT MEISTARADEILDAR
E-riðill
Panaþinaikos - Rangers 1-1
Stuttgart - Man. Utd. 2-1
F-riðill
Porto - Real Madrid 1-3
Marseille - Partizan Belgrad 3-0
G-riðill
Chelsea - Besiktas 0-2
Lazio - Sparta Prag 2-2
H-riðill
Ajax - Club Brugge 2-0
Celta Vigo - AC Milan 0-0