Fréttablaðið - 03.01.2004, Page 2

2 3. janúar 2004 LAUGARDAGUR
„Gísli Rúnar var miklu betri ég en
ég. Ég vona bara að mér verði
skilað jakkafötunum.“
Björgólfur Guðmundsson var í lykilhlutverki í
Áramótaskaupinu þar sem Gísli Rúnar Jónsson lék
hann í teinóttu jakkafötunum sem sumir segja
vörumerki Björgólfs og félaga.
Spurningdagsins
Björgólfur, varstu sáttur við þinn
þátt?
■ Lögreglufréttir
Óheppileg um-
mæli ráðherra
Lögmaður Jóns Ólafssonar efast um að lögregla geti rannsakað
skattamál Jóns vandræðalaust vegna orða forsætisráðherra. Lögregla
segir málið það stærsta sinnar tegundar.
RANNSÓKN „Ég get ekki gert mér
grein fyrir umfangi rannsóknar-
innar nema að ætluð brot, miðað
við rannsókn skattrannsókna-
stjóra og sem sett eru fram,
benda til þess að ekki hafi stærra
skattamál komið til meðferðar hjá
okkur,“ segir Jón H. Snorrason,
yfirmaður efna-
hagsbrotadeild-
ar ríkislög-
reglustjóra, um
meint skatta-
lagabrot Jóns
Ólafssonar, sem
hafa verið til
rannsóknar hjá
skattrannsókna-
stjóra og send
voru til efnahagsbrotadeildar til
rannsóknar á gamlársdag.
Jón H. Snorrason segir málið
umfangsmikið og að um sé að
ræða nokkuð mörg ætluð sakar-
efni samkvæmt því sem lagt er
fram í kæru ríkisskattstjóra.
„Þetta eru álitaefni sem að snúa
að skattalöggjöfinni, ýmis túlkun-
aratriði eins og gengur og gerist.
Það ræðir ekki um að einhverju
hafi verið leynt heldur hvort að
heimilt hafi verið að fara þær leið-
ir sem að Jón fór,“ segir Ragnar
Aðalsteinsson, lögmaður Jóns.
Ragnar segir sig hafa heyrt það í
útvarpsfréttum í gærmorgun að
málið hefði verið sent efnahags-
brotadeild ríkilögreglustjóra því
ekki hafi verið haft samband við
hann vegna þessa. Hann viti ekki
hvernig haga eigi rannsókninni né
hver stjórni henni. „Á Íslandi er
það venjan að málin eru kynnt
fyrst í fjölmiðlum og síðan fyrir
aðilum og lögmönnum þeirra.“
„Það er ekki vandræðalaust
fyrir þetta lögregluembætti að
annast rannsókn málsins af hlut-
lægni með hliðsjón af því að leið-
togi ríkisstjórnarinnar hefur tek-
ið afstöðu til sektar og embættið
heyrir jú undir ríkisstjórnina,“
segir Ragnar.
Jón H. Snorrason segir ekki
ljóst hvenær rannsókn hefjist. Þá
segir hann of fljótt að segja til
hvort þörf sé á skýrslutökum eða
frekari gagnaöflunar af þeirra
hálfu þar sem málið hafi komið
inn á borð til þeirra fyrir fáum
dögum. hrs@frettabladid.is
Amfetamínverksmiðja í Kópavogi:
Amfetamínið órannsakað
RANNSÓKN „Við erum ekki byrjuð á
rannsóknunum. Við þurfum að bíða
þar til að við fáum formlega beiðni
um rannsókn og hvernig eigi að
standa að henni,“ segir Jakob Krist-
insson, dósent í eiturefnafræði við
Háskóla Íslands, aðspurður um
rannsókn efnanna sem tekin voru í
húsleit í vesturbæ Kópavogs þegar
upp komst um framleiðslu
amfetamíns í lok nóvember.
Jakob segir slíkar rannsóknir
vera mjög dýrar og umfangsmiklar
því sé nauðsynlegt að vita hvað eigi
að leggja fram í ákæru því annað
verði ekki rannsakað.
Ásgeir Karlsson, yfirmaður
fíkniefnadeildar lögreglunnar í
Reykjavík, segir síðustu sendingar
efnanna hafa farið til eiturefna-
deildarinnar frá tæknideild lögregl-
unnar á milli jóla og nýárs og því
hljóti beiðnin að vera rétt ókomin til
þeirra. Hann segir mikið af efnum
hafa verið sent til eiturefnadeildar-
innar og munu þeir vera beðnir um
að rannsaka allt sem þeir hafa feng-
ið. Með hluta efnanna hafi verið
ljóst um hvað ræddi og því ekki ver-
ið þörf á rannsókn. ■
Bensínlítrinn:
Yfir hundrað
krónurnar
ELDSNEYTI Bensínlítrinn hækkaði í
gær og fór yfir hundrað krónurnar
hjá ESSO og Skeljungi. Verðið hjá
báðum fyrirtækjum er nú 100,90
krónur á lítrann af 95 oktana bens-
íni með fullri þjónustu en 95,70
krónur hjá ESSO og 96,90 krónur
hjá Skeljungi ef viðskiptavinir dæla
sjálfir.
Dísillinn er ódýrastur ef keypt er
á tveimur sjálfsafgreiðslustöðvum
Atlantsolíu, 35 krónur. Hjá ESSO
kostar lítrinn 40,60 krónur í sjálfs-
afgreiðslu en 45,80 krónur með
þjónustu. Sama verð er hjá Skelj-
ungi en 41,80 krónur ef viðskipta-
vinir dæla sjálfir á bíla sína. ■
BROTTFLUTNINGI FAGNAÐ
Herlið var flutt brott frá Jenín í gær eftir
stöðuga hersetu síðan í ágúst.
Bætt öryggisástand:
Herlið brott
frá Jenín
PALESTÍNA Ísraelsmenn hafa flutt
allt herlið sitt frá bænum Jenín á
Vesturbakkanum eftir stöðuga
hersetu frá því í ágúst í fyrra. Að
sögn íbúa bæjarins voru vega-
tálmar rifnir niður og allar að-
komuleiðir frá nágrannaþorpun-
um opnaðar fyrir umferð.
Talsmaður Ísraelshers sagði að
brottflutningurinn hefði verið
ákveðinn í kjölfar batnandi örygg-
isástands á svæðinu en ísraelskar
hersveitir réðust inn í bæinn í
ágúst eftir að palestínskur sjálfs-
morðsliði hafði sprengt sig í
strætisvagni í Jerúsalem með
þeim afleiðingum að 20 manns
fórust og um 80 slösuðust. ■
Notuðu ekki bílbelti:
Köstuðust
út úr bílnum
LÖGREGLAN Bíll valt eina veltu og
hafnaði ofan í skurði á Suður-
landsvegi rétt austan við Rauða-
læk í Rangárvallasýslu. Þrír af
fjórum í bílnum köstuðust út í
veltunni þar sem þeir höfðu ekki
spennt bílbeltin, einn þeirra lenti
undir bílnum. Allir voru fluttir á
slysadeild Landspítalans en
reyndust ekki vera alvarlega slas-
aðir. Bíllinn skemmdist næsta
lítið þrátt fyrir veltuna. ■
Dómsmál:
Raðtengdi
myndlykla
DÓMUR Rúmlega fimmtugur karl-
maður var dæmdur, í Héraðsdómi
Norðurlands eystra, til að greiða
40 þúsund krónur til ríkissjóðs
fyrir að hafa sett upp tvo mynd-
lykla í fjölbýlishúsi þannig að all-
ir íbúar í stigaganginum höfðu að-
gang að læstri dagskrá Stöðvar 2 í
þrjá daga.
Fimm daga fangelsi kemur í
stað sektarinnar verði hún ekki
greidd innan fjögurra vikna. ■
Blaða-
útburður
FÆRÐ Snjóþyngsli hafa gert blað-
burðarfólki Fréttablaðsins nokkuð
erfitt fyrir, því oft er torfært að
bréfalúgum húsa. Til þess að bæta
úr þessu fer Fréttablaðið vinsam-
lega fram á að fólk moki frá fyrir
utan hjá sér og salti gangveginn. ■
AFLÝST TVISVAR
Flugi til Washington í Bandaríkjunum var í
gær aflýst annan daginn í röð.
Hryðjuverkaóttinn:
Flugi aflýst
frá Bret-
landi
WASHINGTON, AP Breska flugfélag-
ið, British Airways, aflýsti flugi
frá Lundúnum til Washington í
Bandaríkjunum í gær, annan dag-
inn í röð. Að sögn talsmanns flug-
félagsins var fluginu aflýst af ör-
yggisástæðum að beiðni stjórn-
valda eftir að leynilegar upplýs-
ingar höfðu borist frá Bandaríkj-
unum en bókun í flugið var hafin
þegar ákveðið var að aflýsa því.
„Upplýsingarnar vörðuðu flugið
sjálft en ekki farþegana og það
var eitthvað sem gerðist á síðustu
stundu,“ sagði talsmaðurinn, en
talið var að upplýsingar hefðu
borist um hugsanlega árás á vél-
ina.
Sama flugi var aflýst af sömu
ástæðum á nýársdag eftir að flug-
vél félagsins hafði fengið fylgd
orrustuþotna á sömu flugleið á
gamlársdag. ■
Formaður Félags fasteignasala segir breytingar á húsnæðislánum jákvæðar:
Skref að einfaldara kerfi
HÚSNÆÐISLÁN Breytingarnar sem
ríkisstjórnin ákvað á húsnæðis-
lánakerfinu marka ekki tímamót
fyrir fólk sem er að fara að kaupa
húsnæði en eru jákvæðar þar sem
þær leiða til einfaldara kerfis seg-
ir Björn Þorri Viktorsson, formað-
ur Félags fasteignasala.
Björn Þorri segir hækkun há-
markslána jákvæða enda hafi hún
verið orðin löngu tímabær. Hann
vill þó sjá hámarkslán og hlutfall
lána af kaupverði húsnæðis
hækka enn frekar og bindur vonir
við að það gerist þegar Eftirlits-
stofnun EFTA hefur skilað áliti
sínu á hugmyndum stjórnvalda
um frekari breytingar. Það segir
hann að myndi einfalda málin fyr-
ir lántakendur, sem gætu sótt
stærstan hluta fjármagnsins á
einn stað. Nokkuð sem þyrfti alls
ekki að leiða til þenslu á þessum
markaði.
„Við upplifum þetta þannig að
þeir sem þurfa 70, 80 eða 90%
fjármögnun í dag útvega sér slíka
fjármögnun þó það sé erfiðara og
flóknara,“ segir hann og tiltekur
að fólk þurfi oft að taka mörg lán
fyrir húsnæði. Betra sé að fólk
geti sótt sem stærstan hluta láns-
ins á einn stað. Fagfjárfestar,
bankar og lífeyrissjóðir, eigi frek-
ar að koma að húsnæðislánunum í
gegnum fjármögnun Íbúðalána-
sjóðs en með lánum til einstak-
linga. ■
SPRENGT INNANDYRA Bomba var
sprengd inni í félagsheimilinu á
Patreksfirði um klukkan tvö að-
faranótt nýársdag. Enginn
meiddist og litlar sem engar
skemmdir urðu. Dyraverðirnir
voru þó fljótir að henda þeim
sprengjuglaða út.
HAFNAÐI UTAN VEGAR Bíll hafn-
aði utan vegar rétt norðan við
Hvammstangaafleggjara á Norð-
urlandsvegi í gærmorgun. Einn
kenndi sér eymsla í öxl en bíllinn
var fjarlægður kranabíl.
FRAMLEIÐSLA AMFETAMÍNS
Lögreglan stöðvaði framleiðslu amfetamíns
og handtók tvo menn í framhaldinu.
Megnið af efnunum sem tekin voru bíða
rannsóknar.
BJÖRN ÞORRI VIKTORSSON
Jákvætt að sjá aukið framboð af hagstæð-
um lánum frá bönkunum.
SIGURÐUR G. GUÐJÓNSSON GENGUR INN Í HÚSAKYNNI NORÐURLJÓSA
Hreggviður Jónsson, fyrrverandi forstjóri Norðurljósa, hætti störfum sama dag og starfs-
menn skattrannsóknastjóra gerðu húsleit í fyrirtækinu. Sigurður G. Guðjónsson tók við
stöðu forstjóra í kjölfarið.
„Ekki stærra
skattamál
komið til
meðferðar
hjá okkur.