Fréttablaðið - 31.01.2004, Blaðsíða 2

2 31. janúar 2004 LAUGARDAGUR
„Ég veit að það munu engir sauðir
vinna þarna.“
Hreiðar Már Sigurðsson er forstjóri KB-banka
en fyrirtækið flutti í nýjar höfuðstöðvar í
Borgartúni í gær.
Spurningdagsins
Hreiðar Már, verða þetta miklir
fjárflutningar?
■ Evrópa
Biðlistar munu
heyra sögunni til
Biðlistar á skurðlækningasviði Landspítala-háskólasjúkrahúss hafa styst veru-
lega á tveimur síðustu árum. Allt útlit er fyrir að eiginlegir biðlistar verði úr
sögunni á næsta ári, að sögn Arons Björnssonar, læknis á Landspítalanum.
HEILBRIGÐISMÁL „Skurðlækninga-
sviðið hefur verið sameinað að
mestu,“ sagði Aron Björnsson,
sviðsstjóri lækninga á skurðlækn-
ingasviði Landspítala-háskóla-
sjúkrahúss, um
s t y t t i n g u
biðlista eftir
skurðaðgerðum
á spítalanum á
tveimur síðast-
liðnum árum.
„Með þeirri hag-
ræðingu sem
fengist hefur
með sameiningu
sérgreina undir
einu þaki í þess-
um tveimur hús-
um hefur okkur
tekist að ná betri nýtingu á skurð-
stofurnar okkar.“
Aron sagði það skipulag sem
komið væri á núna leiddi til þess
að starfsemin skilaði af sér allt
annarri framleiðslu og miklu
betri.
„Við höldum áfram á þessari
braut og getum vonandi bætt okk-
ur enn frekar,“ sagði Aron.
Hann sagði, að gert væri ráð
fyrir 130 milljóna króna sparnaði
á skurðsviðinu á sama tíma og af-
köstin væru að aukast. Miðað við
mikinn árangur í lok síðasta árs
teldu menn sig vera komna á þá
ferð með aðgerðaferli og skipu-
lagi, að hægt ætti að vera að halda
„þeim dampi“ sem sviðið væri á
núna. Stefnt væri að ákveðnum
markmiðum, sem fælu í sér að eig-
inlegir biðlistar yrðu úr sögunni í
byrjun næsta árs.
„Við erum með heilaskurðdeild
í Fossvogi, þar er enginn biðlisti.
Við erum með háls,- nef- og eyrna-
deild, þar sem er einungis vinnu-
listi. Við erum með æðaskurð-
deild, þar er biðlistinn horfinn. Sú
deild var á tveimur stöðum áður,
svo dæmi sé nefnt. Á bæklunar-
deildinni sést umtalsverður bati.
Áður voru þessar aðgerðir þungar
og erfiðar hjá okkur. Það var sorg-
legt að horfa upp á fólk bíða mán-
uðum eða árum saman eftir nauð-
synlegri aðgerð. Ég tel þessa
biðlista algjöra tímaskekkju,“
sagði Aron. „Það verður miklu
auðveldara að stjórna spítalanum
og einstökum einingum þegar þeir
verða úr sögunni.“
Aron sagði æskilegt að öll
starfsemi sjúkrahússins væri á
einum stað. Heilmikið myndi spar-
ast við það en það væri „framtíð-
armúsík“, enn sem komið væri.
jss@frettabladid.is
Réttlæting Íraks-stríðsins:
Leynilegar upplýsingar
hugsanlega rangar
BANDARÍKIN, AP Condoleezza Rice,
öryggismálaráðgjafi Bush Banda-
ríkjaforseta, hefur að undanförnu
gefið í skyn í viðtölum að hugsan-
lega hafi leynilegar upplýsingar
varðandi gereyðingarvopnaeign
Íraka verið rangar.
Þetta er í fyrsta skipti sem full-
trúi bandarískra stjórnvalda við-
urkennir slíkt en þar til nýlega
hefur Bush Bandaríkjaforseti ít-
rekað haldið því fram að gereyð-
ingarvopn muni finnast í Írak.
Rice gaf þetta í skyn eftir að
David Kay, fyrrum yfirmaður
bandaríska vopnaeftirlitsins í
Írak, hafði kallað eftir óháðri
rannsókn á vinnubrögðum leyni-
þjónustunnar. Kay, sem sagði af
sér í síðustu viku, segir það álit
sitt að Írakar hafi ekki átt nein
gereyðingarvopn fyrir stríðið.
„Ég held það sé ljóst að það er
misræmi á milli þeirra upplýs-
inga sem við fengum áður en við
fórum þangað og þess sem við
höfum síðan fundið,“ sagði Rice í
viðtali við CBS-sjónvarpsstöðina.
Hún bætti við að Saddam
Hussein hefði verið hættulegur
maður í hættulegum heimshluta
og þess vegna hefði verið kominn
tími til þess að grípa til aðgerða
gegn ógnvaldinum. ■
Sparisjóðir:
Lækka
vexti
BANKAR Þrír sparisjóðir,
SPRON, SPV og SPK, tilkynntu
í gær að þeir hyggðust lækka
vexti á bæði verðtryggðum og
óverðtryggðum útlánum. Kjör-
vextir verðtryggðra skulda-
bréfalána lækka um 0,65 pró-
sentustig og verða 5,5%. Vextir
á óverðtryggðum lánum lækka
minna, eða um 0,3 prósentu-
stig, að því er fram kemur í
fréttatilkynningunni.
Í tilkynningunni kemur
einnig fram að samhliða þessu
hafi verið tekið upp breytt
áhættumat á skuldabréfa-
lánum. ■
Dæmdur í þriggja
mánaða fangelsi:
Maður með
stelsýki
DÓMUR Maður á fertugsaldri var
dæmdur í þriggja mánaða fangelsi í
Héraðsdómi Reykjaness í gær fyrir
þrjú þjófnaðarbrot.
Maðurinn stal járnbindivél,
heyrnartóli og rauðvínsflösku. Sam-
anlagt verðmæti þýfisins var á þrið-
ja hundrað þúsund. Hann hefur skil-
að eða endurgreitt þá muni sem
hann hefur stolið og hefur ekkert
tjón hlotist af brotum hans. Í skýrsl-
um sem lagðar voru fyrir dóminn
kom fram að maðurinn væri hald-
inn skyndihvöt til að stela verðmæt-
um sem hann hefði enga þörf fyrir
enda hefði hann ávallt haft nægilegt
fé til að greiða fyrir þann varning
sem hann hefði stolið.
Dómnum þótti ljóst af sakaskrá
mannsins að hann væri vana-
afbrotamaður og þótti því ekki tækt
að skilorðsbinda refsinguna. ■
Mikið magn fíkniefna:
Þrennt
handtekið
LÖGREGLAN Tveir menn og ein
stúlka voru handtekin eftir að
rúmlega hálft kíló af meintu am-
fetamíni og nokkrar e-töflur fund-
ust við húsleit í Reykjanesbæ.
Húsráðandinn er á þrítugsaldri
en hin tvö undir tvítugu. Yfir-
heyrslur yfir þeim stóðu fram
eftir degi í gær og er málið upp-
lýst. Þau yngri eru ekki talin
tengjast málinu. ■
ABRAMOVICH
Rússneski auðkýfingurinn Roman
Abramovich flýgur yfir Chukotka i Síberíu.
Ríkisendurskoðun
Rússlands:
Rannsakar
Abramovich
RÚSSLAND Ríkisendurskoðun Rúss-
lands ætlar að fara yfir fjármál
auðkýfingsins Romans Abramo-
vich sem gegnir embætti ríkis-
stjóra í héraðinu Tjukotka í Síber-
íu. Abramovich keypti á síðasta
ári enska úrvalsdeildarliðið
Chelsea.
Ríkisendurskoðun segir að um
sé að ræða reglubundið eftirlit
sem tengist á engan hátt kaupun-
um á Chelsea. Abramovich hefur
sætt gagnrýni fyrir að eyða mikl-
um fjármunum erlendis í stað
þess að sinna aðkallandi vanda-
málum heimafyrir. ■
Við gerum betur
fyrir þig í janúar og febrúar
AVIS Sími 5914000
avis@avis.is www.avis.is Við gerum betur
kr. 2.300á dag Innif. 100 km, vsk. og trygging (Lágmarksleiga 2 dagar)
ALÞINGI Þingmenn Samfylkingar-
innar hafa óskað eftir því að
Davíð Oddsson forsætisráð-
herra flytji skýrslu um fjárhags-
legt og lagalegt umhverfi stjórn-
málaflokka hér á landi og beri
það saman við nágrannaþjóðirn-
ar. Jafnframt að grein verði gerð
fyrir því hvernig Ísland hefur
framfylgt alþjóðlegum skuld-
bindingum um eftirlit með fjár-
málum stjórnmálaflokka.
Markmiðið er að varpa ljósi á
fjárhagslega umgjörð stjórn-
málastarfseminnar og gera
grein fyrir úthlutun á þeim
framlögum sem Alþingi veitir á
fjárlögum til flokkanna. Sam-
fylkingin vill að forsætisráð-
herra geri grein fyrir sérfræði-
aðstoð þingflokkanna og styrkj-
um til stjórnmálaflokkanna í
samræmi við fjárlög og með
hliðsjón af nýrri kjördæmaskip-
an. Einnig að getið verði hvaða
breytingar hafi orðið á þessum
framlögum árlega síðastliðin
fimm ár. ■
SKÝRSLUBEIÐNI Á ALÞINGI
Samfylkingin hefur óskað eftir því að
forsætisráðherra flytji skýrslu um
fjárhagslegt og lagalegt umhverfi
stjórnmálaflokka hér á landi.
Þingflokkur Samfylkingarinnar:
Vill upplýsingar um fjárframlög
FLUGI AFLÝST Mikil röskun varð
á flugi til og frá Svíþjóð í gær
þegar 700 flugvallarstarfsmenn
lögðu niður vinnu í fimm klukku-
stundir. Flugfélagið SAS varð að
aflýsa 88 ferðum vegna skyndi-
verkfallsins. Kjaraviðræður milli
stéttarfélags flugvallarstarfs-
mannanna og yfirmanna flugvall-
arins fóru út um þúfur fyrir
nokkrum dögum.
SCHRÖDER HITTIR BUSH Ger-
hard Schröder, kanslari Þýska-
lands, ætlar að hitta George W.
Bush Bandaríkjaforseta í Was-
hington í febrúar til að ræða upp-
bygginguna í Írak og sambandið
milli Bandaríkjanna og Evrópu.
Schröder mun flytja fyrirlestur í
Chicago 26. febrúar og hitta Bush
í höfuðborginni daginn eftir.
CONDOLEEZZA RICE
Rice er fyrst bandarískra embættismanna
til þess að viðurkenna að hugsanlega hafi
leynilegar upplýsingar verið rangar.
„Það var
sorglegt að
horfa upp á
fólk bíða
mánuðum
eða árum
saman eftir
nauðsynlegri
aðgerð.
Biðlistar Biðlistar Markmið Biðlistar Markmið
Janúar 2003
Janúar 2003 Janúar 2002
Janúar 2004
Janúar 2005
Janúar 2005
Janúar 2004
AÐGERÐIR Á AUGASTEINI
Á Landspítala-háskólasjúkrahúsi.
AÐGERÐIR VEGNA BAKFLÆÐIS
OG ÞINDARSLITS
Á Landspítala-háskólasjúkrahúsi.
BÆKLUNARAÐGERÐIR
Á Landspítala-háskólasjúkrahúsi.
1.051
Bíða eftir
aðgerð
1.190
Bíða eftir
aðgerð
385
Bíða eftir
aðgerð
843
Bíða
eftir
aðgerð
Biðtími
12–24
mánuðir
627
Bíða
eftir
aðgerð
Biðtími
6–12
mánuðir
399
Bíða
eftir
aðgerð
Biðtími
3–6
mánuðir 120
198
Bíða eftir
aðgerð 70–100
Janúar 2003
Janúar 2004
Vinnulisti
Biðtími
0–3
mánuðir
LANDSPÍTALINN
Með aukinni hagræðingu hefur tekist að
nýta skurðstofur sjúkrahússins betur.
Gæslan sótti slasað barn:
Brenndist illa
SLYS Þyrla Landhelgisgæslunnar
flaug til Patreksfjarðar skömmu
eftir klukkan 18 í gær og sótti
þriggja ára gamalt barn sem hafði
brennst illa. Að sögn lögreglunnar
á Patreksfirði datt barnið ofan í
sjóðandi heitt bað og brenndist illa.
Þyrlan lenti með barnið á
sjúkrahúsi í Reykjavíkur skömmu
eftir klukkan 21. Ekki var ljóst í
gærkvöldi hversu alvarleg sár
barnsins voru. ■