Fréttablaðið - 31.01.2004, Blaðsíða 20

20 31. janúar 2004 LAUGARDAGUR
Gutti breyttist í Gauja
■ Nafnið mitt
Ég er skírður í höfuðið á Jónilangafa mínum og Guðbjörgu
langömmu minni í móðurætt. Þau
voru síðustu ábúendur í bænum
Digranesi í Kópavogi þar sem
Digranesskóli
stendur nú,“
segir Guðjón
S i g m u n d s s o n
betur þekktur
sem Gaui litli.
„Þegar ég var
krakki kom ég
stundum þangað
til að skoða
húsatóftirnar með ömmu minni,
Guðrúnu Jónsdóttur. Að öðru leyti
kom ég aldrei í bæinn.“
Gaui litli segir marga hvá þeg-
ar hann kynni sig fullu nafni. „Ég
fæ allt önnur viðbrögð þegar ég
kynni mig sem Guðjón Sigmunds-
son en sem Gauja litla.“
Nafnið Guðjón er myndað af
forliðnum „Guð“ sem merkir guð,
– goð og viðliðnum „jón“ sem
merkir drottinn er náðugur. Sum-
ir telja nafnið vera komið af hebr-
eska nafninu „Gideon“ sem merk-
ir sá sem mer/særir sári eða brýt-
ur, sá sem eyðir.
Rúmlega 1.200 bera nafnið
Guðjón sem fyrsta eiginnafn en
157 sem annað eiginnafn.
Þegar Gaui litli var yngri var
hann kallaður Gutti en það nafn
festist við hann þegar hann var í
sveit í Austur-Húnavatnssýslu.
„Gauja litla nafnið festist hins
vegar við mig þegar ég byrjaði að
vinna við leikmyndagerð í kvik-
myndabransanum. Þá var ég 175
kíló inni á litlu þröngu setti og
ruddi hlutum niður. Nafnið er
komið frá félögum mínum sem
hafa unnið með mér,“ segir Gaui
litli. „Þegar ég byrjaði svo með
heilsuhornið í Dagsljósinu árið
1996 ákvað ég að nota Gauja litla
nafnið. Það er kannski pínu þver-
sögn í nafninu en Gaui litli er
kannski svolítið lítill í sér.“ ■
GAUI LITLI
Heitir Guðjón. Var kallaður Gutti en nú Gaui litli.
„Þá var ég
175 kíló inni
á litlu þröngu
setti og ruddi
hlutum niður.
Íslendingar sem ferðast til útlanda mega oft þola
spurningar um veðurfar á ferðum sínum. „Er
ekki kalt þarna?“ er jafnan spurt. „Hvernig er
veðrið núna?“ Nafnið á landinu gefur greinilega
til kynna ís og kulda. En sé miðað við veðurfarið
í hinum vestræna heimi undanfarið verður ekki
betur séð en að áhyggjur útlendinga af veðrinu á
Íslandi séu úr lausi lofti gripnar. Ísland hvað?
Snjórinn fellur víða og ekki verður betur séð af
þessum myndum, sem teknar voru í liðinni
viku, en að það sé alveg hreint ágætt að búa á Ís-
landi hvað kulda og vosbúð snertir.
Ísland hvað?
VIRGINÍA
Þessi vegfarandi braust í gegnum snjóstorminn í Woodbridge í Virginíu í
upphafi vikunnar. Í Bandaríkjunum hefur veturinn verið ákaflega harður.
BRETLAND
London er snævi þakin um þessar mundir og umferðin við Notting Hill
Gate bar þess merki. Þess leigubíll göslaðist í gegnum snjóinn sem var
orðinn blautur.
HOLLAND
Hjólreiðamenn í Hollandi eiga yfirleitt ekki að venjast því að þurfa að æða
í gegnum snjóinn á ferðum sínum. Á því varð breyting í vikunni.
RÚSSLAND
Íbúar í Moskvu eru svo sem ekki óvanir miklum frosthörkum. Á því hefur
ekki orðið nein breyting nú. Þessi biðu eftir strætó í nístingskulda.
OKLAHOMA
Fólk á frekar að venjast því að í Oklahoma í Bandaríkjunum ríki ofsahiti.
Um þessar mundir vaða menn þar snjó eins og annars staðar í Vestur-
heimi.