Fréttablaðið - 31.01.2004, Blaðsíða 32
28 31. janúar 2004 LAUGARDAGUR
Fréttiraf fólki
Ellefu mánaða gamall strákurréðst að snák, sem fylgdi
með í kaupunum í kartöflupoka
úr kjörbúðinni, og beit hann.
Móðir stráksins hafði keypt
kartöflupokann í Wal-Mart í
bænum Semes í Alabama, og sér
til mikillar skelfingar sá hún
snákinn of seint.
Snákurinn renndi sér út úr
kartöflupokanum stuttu eftir að
hún lagði hann frá sér heima hjá
sér. Um leið og hún sneri baki í
pokann hafði sonur hennar tek-
ið um snákinn, sett hann beint í
munninn og tekið bita.
Talið er að snákurinn hafi ver-
ið ungur kornsnákur, sem er ekki
eitraður. Hann heldur sig á dreif-
býlissvæðum í Suðurríkjunum.
Tíðindin voru skiljanlega
mikið áfall fyrir Wal-Mart
verslunarkeðjuna og ákvað hún
að fjarlægja alla kartöflupoka
frá þessum framleiðanda úr
hillum sínum. ■
TÍSKAN Í BRASILÍU
Nú er hrina tískuvikna að fara af stað.
Karlatískuvikan í Milanó reið á vaðið í síð-
ustu viku og nú er að hefjast tískuhátíð í
Sao Paulo í Brasilíu. Þessi fyrirsæta sýndi
hönnun Ellus á fimmtudag.
Skrýtnafréttin
■ Ungbarn beit snák sem hafði skriðið út
úr verslunarpoka.
SNÁKUR UPP Í MUNN
Að barn bíti snák er líklegast ekki mikið til-
tökumál fyrir þessa kínversku konu sem
treður snákum ofan í kok sér til þess að
fagna nýju ári.
Barn bítur snák
Jennifer Lopez segist vera ígífurlegri
ástarsorg.
Hún segist
hafa verið að
undirbúa
brúðkaup
hennar og
Bens Affleck
fram að degin-
um sem þau
skildu. Hún segir að þau hafi síð-
ast hist 19. janúar þegar Ben hafi
loksins viðurkennt fyrir henni að
hann væri ekki reiðubúinn til
þess að giftast. Hún segist hafa
ákveðið að einbeita sér að vinnu
sinni og halda áfram með líf sitt.
Fyrrum viðskiptafélagi Mich-aels Jackson segir að popp-
kóngurinn hafi
lengi verið
háður morfíni
og demeróli.
Hann segir
Jackson hafa
leitað sér að-
stoðar á með-
ferðarstofnun í
Seúl árið 1999. Jackson er ákærð-
ur fyrir að beita 13 ára dreng
kynferðislegu ofbeldi auk þess að
gefa honum lyf og áfengi. Jack-
son á að hafa blandað áfengi í
gosdrykki drengsins og kallað
vökvann Jesúdjús.
Gwyneth Paltrow hefur ákveð-ið að barn hennar muni fæð-
ast í Banda-
ríkjunum.
Madonna vin-
kona hennar
hræddi úr
henni líftóruna
þegar þær
spjölluðu sam-
an nýlega og
því hefur leik-
konan ákveðið
að eignast barn
sitt og Chris Martin Coldplay-
söngvara heima hjá mömmu
Gwyneth í Los Angeles.
Ingi Jensson er líklega einn affáum mönnum hér á landi sem
hefur atvinnu að því að búa til
myndasögur. Hann teiknar dagleg-
ar ræmur í DV, dónalegar heilsíð-
ur um hinn seinheppna Sjonna í
Bleikt & Blátt auk þess sem hann
hefur kennt myndasögugerð í
Myndasöguskúrnum, sem er hans
eigin skóli. Nú er ný önn að fara af
stað.
„Þetta er í annað skipti sem ég
held þetta prívat og persónulega.
Annars kenndi ég í fjórar annir á
vegum Mímis,“ segir Ingi. „Ég er
líka að þessu til þess að vekja upp
áhuga hjá krökkum svo að það
verði meira um að vera í íslenskri
myndasögugerð seinna. Ég er aðal-
lega að kenna formið en kemst
náttúrlega ekkert frá því að kenna
smá teikningu líka. Ég byggi nám-
ið aðallega á því hvar ég var að
stranda í fyrstu. Það eru undir-
stöðuatriði í þessu, hvar maður
byrjar og hvernig maður þróar
þetta áfram.“
Á hvert námskeið komast sex
manns þar sem hann vill geta ein-
beitt sér að hverjum nemanda og
raðar Ingi í hópa eftir aldri. Hann
aðstoðar nemendur sína við að
skapa persónur og fræðir þá um
erkitýpur í myndasögum með
lýsandi dæmum úr myndasögu-
heimum. „Það er til dæmis alltaf
vondi og góði kallinn eða þetta
týpíska dúó þar sem annar er
heimskari en hinn. Ég bý til mögu-
leika á árekstrum út frá týpunum
og svo vinnum við með það. Svo
búum við til einn ramma, næst
annan og svo koll af kolli. Svo för-
um við í það hvernig við getum lát-
ið söguna gerjast. Það sem mér
finnst skemmtilegast í þessu er að
þeir sem eru frjóir heyra það sem
ég segi og fá aðrar hugmyndir.
Þannig gerist þetta alltaf,“ segir
Ingi að lokum.
Nemendur Inga eru á aldrinum
10-30 ára, svo líklega geta allir sótt
um. Áhugasamir geta kíkt á heima-
síðuna www.skurinn.ingi.net eða
hringt í 865 8545. ■
Lærið að gera myndasögur
INGI
Teiknaði þessa sjálfsmynd. „Ég ákvað að teikna til þess að fá borgað fyrir það og gera þetta að mánaðarlegri innkomu í stað þess að
vera í skúringavinnu á kvöldin og koma með myndasögu á markaðinn eftir nokkur ár. Kannski kemur stóra sagan seinna,“ segir Ingi,
sem á drög að einni 49 blaðsíðna bók í skúffunni hjá sér.
Myndasögur
MYNDASÖGUSKÚRINN
■ Ingi Jensson, myndasöguhöfundur
DV, er að hrinda af stað námskeiði fyrir
þá sem vilja læra að gera myndasögur.
BOO RADLEYS
„When I start to look back/ I feel like
I’ve spent my whole life/ just kicking
round and not getting in the way/
And now, and maybe now I should
change/ because I’m starting to lose all
my faith/ while those around me are
beaten down each day.“
- Áhyggjur heimsins og endalaust framskrið tímans
íþyngdi Boo Radleys í hinu tignarlega lagi Lazarus af
meistaraverkinu Giant Steps frá árinu 1993. Það er ekki
auðvelt að vera framsækin popphljómsveit með grípandi
lög og vera frá Liverpool.
Popptextinn