Fréttablaðið - 31.01.2004, Blaðsíða 26
26 31. janúar 2004 LAUGARDAGUR
Í myndinni Big Fish leikur Al-bert Finney gamlan farandsölu-
mann, Edward Bloom, sem liggur
á dánarbeðinu. Sá þótti mikill
stórlax á árum áður og alla sína
tíð mátti sonur hans, sem leikinn
er af Billy Crudup, hlýða á ýmsar
frægðarsögur sem Bloom var
óspar á. Frægðarsögurnar eru
jafnan með miklum ólíkindum, og
nú þegar sonurinn snýr heim til
sín til þess að vera við dánarbeð
föður síns tekur sonurinn til við
að rifja upp þessar sögur og graf-
ast fyrir um ástæður þeirra.
Þetta er í grófum dráttum
söguþráðurinn í nýjustu mynd
Tim Burtons, sem frumsýnd var
hér á landi í gær.
Big Fish byggir á nánast
óþekktri bók eftir lítt þekktan
höfund, Daniel Wallace, en Big
Fish var fyrsta bókin hans og var
gefin út árið 1998. Síðan þá hefur
hann sent frá sér bækurnar Ray
in Reverse og The Watermelon
King. Víst er að sú ákvörðun Tims
Burton að byggja nýjustu mynd
sína á bókinni hefur orðið Wallace
mjög til uppdráttar. Handritið er
gert af John August.
Sérkennilegur leikstjóri
Tim Burton er um margt sér-
kennilegur leikstjóri. Hann er
einn af þeim sem skipa bíóáhuga-
mönnum jafnan í tvo andstæða
hópa: þá sem líkar við hann og þá
sem gera það ekki. Í takt við þetta
hefur þessi nýjasta mynd Burtons
fengið nokkuð misjafna dóma, allt
frá einni stjörnu til fjögurra. Hér
er því umdeild mynd á ferð eins
og jafnan er raunin þegar Burton
á í hlut.
Stíll hans er ákaflega mynd-
rænn og ævintýralegur, jafnan
undir miklum áhrifum frá got-
neskum stíl í myndlist og arki-
tektúr. Tim Burton er sjálfur
menntaður í myndlist og hóf ferill
sinn í kvikmyndagerð upp frá því
námi sem hann stundaði í Kali-
forníu, þar sem hann er fæddur
árið 1958.
Vakti snemma athygli
Burton vakti snemma athygli
og var fljótur að mynda aðdáenda-
hóp í kringum verk sín. Allt frá
því að Beetlejuice kom í kvik-
myndahúsin árið 1988 hafa áhang-
endur hans beðið nýrra mynda
með eftirvæntingu. Myndin Ed
Wood frá 1994 þykir meðal hans
betri verka, en í henni má greina
einn af meginþráðum í hans kvik-
myndagerð, sem er áhugi hans á
undarlegum einförum og mönn-
um sem ekki endilega binda
bagga sína sömu hnútum og sam-
ferðamenn. Á þessu verður engin
breyting í Big Fish, en höfuðper-
sónan, Bloom, er sérkennilegur
maður og jafnvel svo furðulegur
að sonur hans á í miklum erfið-
leikum með að skilja hvað dreif
hann áfram í lífinu og hver var
rótin að sögum hans.
Ævintýralegar sögur Blooms
gefa síðan Burton tækifæri til að
sýna hinn meginþráðinn í verkum
sínum, sem er natnin við mynd-
ræna útfærslu í senum. Burton
hefur teiknað allt frá unga aldri
og nálgun hans á kvikmyndir er
mjög lituð af þeirri fortíð hans og
áhugamáli. Eftir listaháskóla
hlaut hann starf hjá Disney og
vann um nokkurt skeið við gerð
teiknimynda. Síðar komst hann að
því að Disney-myndirnar sem
hann vann að uppfylltu ekki alveg
hans sköpunarþarfir og hann
sagði því upp og fór sínar eigin
leiðir. Þegar hann kom fram á
sjónarsviðið með Pee Wee’s Big
Adventure og svo Beetlejuice
þótti stíll hans mjög þroskaður.
Ljóst er að aðdáendur Burtons,
að minnsta kosti, munu leggja leið
sína í kvikmyndahús á næstunni til
að berja nýjustu afurð meistarans
augum. Og von er á framhaldi á
veislunni, því þegar á næsta ári
kemur í kvikmyndahús Kalli og
súkkulaðiverksmiðan, sem verður
án efa forvitnileg bíómynd.
gs@frettabladid.is
MYNDIR TIMS BURTON
1971 - 1984 Ýmsar myndir
1985 - Pee-Wee’s Big Adventure
1988 - Beetlejuice
1989 - Batman
1990 - Edward Scissorhands
1992 - Batman Returns
1993 - A Nightmare Before Christmas
1994 - Ed Wood
1996 - Mars Attacks!
1999 - Sleepy Hollow
2001 - Planet of the Apes
2003 - Big Fish
væntanleg:
2005 - Charlie and the Chocolate Factory
STÓRLAXINN
Ewan McGregor leikur föðurinn, Edward Bloom, á yngri árum sínum. Big Fish fjallar um son Blooms sem reynir að upplifa margar af
ævintýralegum sögum föður síns frá æskuárum sínum, í þann mund sem gamli stórlaxinn liggur á dánarbeðinu.
Leikstjórinn Tim Burton á sér fjölmarga aðdáendur, ekki síst vegna þess hversu einstakan stíl hann hefur skapað í kvikmyndagerð sinni.
Nýjasta mynd hans, The Big Fish, hefur fengið misjafna dóma í heimspressunni, en víst er þó að aðdáendur verða ekki sviknir af mynd-
rænum snilldartöktum meistarans.
Stóri
fiskurinn
FRUMSÝNINGIN
Leikstjórinn Tim Burton kemur hér til frumsýningar á Big Fish í London á dögunum í fylgd
ekki ómerkari þokkadísar en Helenu Bonham-Carter, en þau eru par. Fyrir skömmu eign-
uðust þau soninn Billy.