Fréttablaðið - 31.01.2004, Blaðsíða 8
8 31. janúar 2004 LAUGARDAGUR
■ Evrópa
Bara að kyngja því
Ég reið aldrei feitum hesti frá
þessu en þetta ríður mér ekki
að fullu.
Gaui litli um það að heilsusamlokur í hans
nafni fást ekki lengur. DV, 30. janúar.
Kannski á móti Keikó líka,
ha?!
Ég aflaði mér til dæmis nokk-
urra óvinsælda fyrir hand-
boltamótið mikla 1995 þegar
ég skrifaði grein í blað og taldi
að enginn myndi hafa áhuga á
keppninni.
Egill Helgason, DV 30. janúar.
Ekkert minnst á skýrleik-
ann
Áma er frábær kýr í alla staði,
hún er þæg, góð og stór sem er
kostur fyrir kú með svo mikla
nyt.
Bertha G. Kvaran. Morgunblaðið 30. janúar.
Orðrétt
Fjórir þingmenn Sjálfstæðisflokks:
Vilja lækka kostnað við
fyrirtækjaskráningu
STJÓRNMÁL Fjórir þingmenn Sjálf-
stæðisflokks hafa lagt fram frum-
varp um lækkun kostnaðar við
skráningu á fyrirtækjum. Frum-
varpið gerir ráð fyrir að skráning-
arkostnaðurinn verði 40 þúsund
krónur fyrir öll rekstrarform en nú
kostar 150 þúsund að stofna hlutafé-
lag og 75 þúsund að stofna einka-
hlutafélög og samvinnufélög.
Guðlaugur Þór Þórðarson, fyrsti
flutningsmaður tillögunnar, segir að
ríkisstjórnir síðustu ára hafi gert
mikið til þess að bæta umhverfi
frumkvöðla á Íslandi, til dæmis með
skattalækkunum, en að alltaf megi
gera betur.
„Sem betur fer er það svo að það
er mikill kraftur og frumkvæði í Ís-
lendingum og hér hafa menn verið
duglegir að stofna fyrirtæki og
sýna frumkvæði almennt,“ segir
Guðlaugur Þór.
„Það liggur hins vegar fyrir að
kostnaður við að stofna hlutafélög
er nokkuð hár og það er ekki óvar-
legt að ætla að það geti komið niður
á uppbyggingu í atvinnulífinu og þá
sérstaklega nýsköpun,“ segir hann.
„Ég tel þetta vera afskaplega
gott mál og er bjartsýnn á að þetta
náist í gegn,“ segir Guðlaugur Þór
en ásamt honum flytja tillöguna
þingmennirnir Birgir Ármannsson,
Bjarni Benediktsson og Sigurður
Kári Kristjánsson. ■
Kynnti endur-
nýjanlega orkugjafa
Doktor Ragnhildur Sigurðardóttir kynnti þingnefnd í Washington-ríki stefnumótum
Evrópusambandsins varðandi lífræna orkugjafa.
VISTFRÆÐI „Fundurinn var haldinn
með þingnefnd í Washington-ríki
sem sér um málefni náttúruauðlinda,
landnýtingar, orkumála og vatns.
Mér var boðið að koma í tvennum til-
gangi; til að kynna fyrir þinginu
stöðu endurnýjanlegra orkugjafa í
Evrópu og stefnumótun Evrópusam-
bandsins í málefnum lífrænna orku-
gjafa,“ segir doktor Ragnhildur Sig-
urðardóttir.
Hún kynnti um helgina banda-
rískri þingnefnd þá möguleika sem
felast í endurnýjanlegum orkugjöf-
um. Fundurinn var haldinn í þing-
húsinu í Olympia og var opinn al-
menningi. Fullt var út úr dyrum.
Ragnhildur er hámenntuð á svið-
um umhverfisvísinda. Hún vann á
sínum tíma að gerð matsskýrslu
vegna fyrirhugaðrar Norðlinga-
ölduveitu og áhrifa á Þjórsárver en
mótmælti því hvernig vísindalegar
niðurstöður hennar og annarra voru
slitnar úr samhengi, að því er hún
taldi til að setja fram niðurstöður
Landsvirkjun í hag. Hún á nú í
málaferlum við Landsvirkjun.
Doktor Ragnhildur var einnig
kölluð til að kynna fyrir þingnefnd-
inni í Washington-ríki alþjóðlegt
rannsóknarverkefni sem hún veitir
forstöðu, ásamt Doktor Kristiinu
Vogt, prófessor við University of
Washington.
„Verkefnið fjallar um þróun
nýrra vistvænna orkukerfa, þar
sem landbúnaðarúrgangur og skóg-
arafurðir eru nýtt til framleiðslu á
orkugjafa fyrir vetnisrafala. Þingið
og nokkur héruð í Washington-ríki
hafa áhuga á að skoða möguleika
þessara kerfa í Washington-ríki. Til
að mynda komu yfirmenn skipu-
lags- og orkumála með á fundinn til
að veita hugmyndinni stuðning og
brautargengi,“ segir Ragnhildur.
rt@frettabladid.is
Atlantsál:
Vill enn
reisa álver
STÓRIÐJA Atlantsál vonast enn til að
reisa álver í nágrenni Húsavíkur,
þrátt fyrir að stjórnvöld hafi sagt
upp samstarfi við fyrirtækið um
undirbúning að framkvæmdum.
Forsvarsmenn Atlantsáls
funda með iðnaðarráðherra á mið-
vikudag þar sem þeir óska frekari
skýringa á því hvers vegna stjórn-
völd sögðu upp samstarfssamn-
ingnum. Fyrirtækið hyggst nú
bíða frekari ákvarðana stjórn-
valda en er reiðubúið að halda
undirbúningi áfram á eigin kostn-
að. Kostnaður þeirra vegna verk-
efnisins telur þegar um 140 millj-
ónir króna. ■
GILLIGAN VILL VERA ÁFRAM
Breski fréttamaðurinn Andrew
Gilligan, sem frægastur er fyr-
ir það að hafa sakað bresk
stjórnvöld um blekkingar í
þeim tilgangi að réttlæta þátt-
tökuna í hernaðaraðgerðunum í
Írak, er sagður vonast til þess
að halda starfi sínu hjá BBC.
Að sögn Jeremys Dear, tals-
manns breska blaðamanna-
félagsins, hefur málið verið í
biðstöðu meðan skýrslu
Huttons lávarðar var beðið.
BABIC FUNDINN SEKUR Stríðs-
glæpadómstóllinn í Haag hefur
fundið Milan Babic, fyrrum leið-
toga Króatíu-Serba, sekan um
glæpi gegn mannkyni. Babic,
sem er 47 ára, gerði samkomulag
við dómstólinn um að lýsa sig
sekan um ofsóknir gegn fólki af
öðrum þjóðarbrotum en í staðinn
voru aðrar ákærur felldar niður.
Hann á yfir höfðu sér ellefu ára
fangelsisdóm.
Rannsókn hryðjuverkanna 11. september 2001:
Flugfreyja
lét vita um ránið
BANDARÍKIN Á hljóðbandsupptöku
sem bandarísk rannsóknarnefnd
fékk í hendur vegna rannsóknar á
hryðjuverkaárásunum í Bandaríkj-
unum 2001 heyrist flugfreyja í fyrri
farþegaþotunni sem flogið var á
World Trade Center í New York segj-
ast telja að verið sé að ræna þotunni.
Þetta kom fram í símasamtali
sem flugfreyjan, Betty Ong, átti við
stjórnstöð American Airlines
skömmu áður en þotunni var flogið
inn í norðurturn World Trade Center.
Fjórar mínútur samtalsins, sem
alls stóð í 23 mínútur, voru nýlega
spilaðar á opnum fundi rannsóknar-
nefndarinnar og heyrðist Ong meðal
annars segja að ekkert samband
næðist við stjórnklefann.
„Einhver varð fyrir hnífstungu á
fyrsta farrými,“ og „Ég held að tára-
gasúði hafi verið notaður og við
náum ekki andanum. Ég veit það
samt ekki, en ég held að það sé verið
að ræna okkur,“ heyrist Ong segja.
Seinna lýsir hún ástandinu og
segir að enginn viti hver hafi stungið
hvern.
„Við komumst ekki einu sinni inn
í fyrsta farrými,“ sagði Ong og þeg-
ar hún var spurð um stjórnklefann
svaraði hún: „Við vitum ekki hver er
þar inni“.
Thomas Kean, formaður nefndar-
innar, segir að nefndin hafi beðið um
frest til þess að ljúka lokaskýrslu
rannsóknarinnar, sem upphaflega
átti að vera tilbúin í maí. ■
GUÐLAUGUR ÞÓR ÞÓRÐARSON
Er bjartsýnn á að tillaga um lækkun kostn-
aðar við fyrirtækjaskráningu verði sam-
þykkt.
NORÐURTURN WORLD TRADE CENTER
Flugfreyja í þotunni sem flogið var á norðurturn World Trade Center hringdi í stjórnstöð
American Airlines og varaði við flugráninu.
FYRIR ÞINGNEFND
Doktor Ragnhildur Sigurðardóttir fræddi Bandaríkjamenn um möguleika endurnýjanlegra
orkugjafa og stefnu Evrópusambandsins í þeim málum.