Fréttablaðið - 14.02.2004, Blaðsíða 4
4 14. febrúar 2004 LAUGARDAGUR
Telur þú að ofbeldi hafi aukist á
Íslandi á síðustu 10 árum?
Spurning dagsins í dag:
Á að sameina atvinnuvega-
ráðuneytin í eitt?
Niðurstöður gærdagsins
á www.frett.is
17,9%
74,3%
Nei
7,8%Mjög svipað
Já
Kjörkassinn
Farðu inn á frett.is og segðu þína skoðun
frétt.is
■ Evrópa
■ Lögreglufréttir
VIRKJANIR Engin útboð fara fram
hjá Hitaveitu Suðurnesja þrátt
fyrir milljarðasamninga. DV
sagði frá þessu í gær. Ágreiningur
er innan stjórnar Hitaveitunnar
vegna þess að ekki stendur til að
bjóða út samninga við hönnun
vegna risaframkvæmda í undan-
fara orkusölu til Norðuráls. Um er
að ræða verkefni sem kosta um
milljarð króna af þeim átta sem
kostar hitaveituna að afla þeirrar
orku sem álver Norðuráls þarf.
„Mitt viðhorf er að það sé
æskilegt að þetta sé boðið út. Hins
vegar var yfirgnæfandi vilji til að
fara þá leið sem ákveðin var.
Menn töldu að hún myndi ekki
skila síðri ár-
angri fyrir fyr-
irtækið,“ segir
Lúðvík Berg-
vinsson, alþing-
ismaður og
stjórnarmaður,
sem reyndar sat
ekki stjórnar-
fundinn þegar
e n d a n l e g
ákvörðun var
tekin um að
fara ekki út-
boðsleið vegna
orkuvinnslu í þágu Norðuráls.
Samkvæmt heimildum Frétta-
blaðsins telja Hitaveitumenn að
erfitt sé að bjóða út þegar sér-
þekkinguna hafi fáir sem og sögu-
leg reynslu til að bora á Reykja-
nesi. Aðeins einn aðili á Ísland,
Jarðboranir, annast boranir.
Ef útboð fer fram þá þarf að
bjóða út á öllu EES-svæðinu. Lúð-
vík segir aðspurður að hann sjái
ekki nein merki um annað en vel
sé staðið að rekstrinum.
„Á hverjum stjórnarfundi ræð-
um við hvað betur megi fara. Það
er okkar hlutverk. Ég hef ekki
orðið var við annað en að fyrir-
tækið sé rekið af heilindum og
mikilli ábyrgð þótt ég telji
almennt að bjóða eigi verk út,“
segir Lúðvík. ■
MORÐRANNSÓKN Heimildir Frétta-
blaðsins herma að niðurstaða
krufningar líksins sem fannst í
Norðfjarðarhöfn á miðvikudag hafi
leitt til þess að lögregla telji sig
nokkru nær um morðið.
Rannsóknin tók nýja stefnu í
gærkvöld að lokinni krufningu og
eftir að aukinn þungi var lagður í
rannsóknina. Samkvæmt heimild-
um blaðsins er ekki talið útilokað
að fíkniefni tengist morðinu.
Mynd af hinum látna hefur verið
send til norsku lögreglunnar þar
sem hún verður sýnd skipverjum
norska loðnuskipsins Senior, en
skipið var við Neskaupstað um síð-
ustu helgi. Hugsanlegt er að skip-
verjarnir geti gefið gagnlegar upp-
lýsingar. Þá vonast rannsakendur til
að þrír skipverjar, sem voru í Egils-
búð aðfaranótt sunnudags, geti veitt
gagnlegar upplýsingar. Myndin af
hinum myrta hefur verið send á all-
ar lögreglustöðvar hér á landi í von
um að einhver innan lögreglunnar
kannist við hinn látna.
Allir sem koma til Íslands um
Keflavíkurflugvöll eru myndaðir og
lögreglan hefur búnað til að bera
saman myndir í tölvu. Samanburð-
urinn getur verið tímafrekur og
þegar Fréttablaðið fór í prentun
seint í gærkvöld var ekki vitað hvort
sú leit hafði borið árangur. Saman-
burðarleitin er erfið þar sem um
fimmtán vélar fara um flugvöllinn
dag hvern.
Sex lögreglufulltrúar frá rík-
islögreglustjóra, sem hafa
reynslu af rannsóknarstörfum,
eru í Neskaupstað til að aðstoða
lögregluna þar við áframhald
rannsóknarinnar.
Tveir fulltrúanna fóru austur á
fimmtudag og fjórir í gærdag. Þeir
eru allir sérhæfðir hver á sínu
sviði við rannsókn alvarlegra
glæpa. Þeir eru meðal annars í
efnahagsbrotadeild ríkislögreglu-
stjóra. Hjá lögreglu hafa fengist
þær upplýsingar að meðal þess
sem kannað verður séu hraðbanka-
viðskipti og önnur bankaviðskipti
og þá hvort hugsanlega megi rekja
þau til Evrópu. Það getur verið
tímafrekt vegna öryggisþátta í
þannig viðskiptum.
Enn er óljóst hver hinn látni er.
Hann var í peysu og buxum sem
sagðar eru óhefðbundnar.
hrs@frettabladid.is
BARN VARÐ FYRIR BÍL Barn á
þrettánda aldursári hljóp í veg
fyrir bíl á Stokkseyri í gær. Barn-
ið var að koma úr skólabíl þegar
það fór í veg fyrir bílinn. Barnið
hlaut slæmt fótbrot.
Ivan Rybkin lokkaður til
Úkraínu:
Gísl í
fimm daga
LUNDÚNIR Rússneski forsetafram-
bjóðandinn Ivan Rybkin, sem hvarf
í fimm daga, segir að óþekktir aðil-
ar hafi lokkað hann til Úkraínu og
haldið honum þar gegn vilja sínum.
Rybkin, sem staddur er í Lundún-
um, segist ekki ætla að snúa aftur
til Moskvu fyrr en eftir forseta-
kosningarnar 14. mars. Hann segir
að til að tryggja öryggi fjölskyldu
sinnar verði hann að halda sig í
Bretlandi þar til kosningabaráttan
er afstaðinn.
Rybkin kom fram í Kiev í Úkra-
ínu á þriðjudag en þá hafði ekkert
spurst til hans í fimm daga. Óttast
var að hann hefði verið myrtur en
einnig kom fram sú tilgáta að um
væri að ræða bragð til fanga at-
hygli kjósenda. Rybkin segir að við
komuna til Kiev hafi honum verið
boðið te sem innihélt sljóvgandi
lyf. Fjórum dögum síðar mun hann
hafa vaknað upp í ókunnri íbúð.
Rybkin var æðsti yfirmaður
þjóðaröryggismála í stjórnartíð
Boris Jeltsín. Hann býður sig
fram til forseta undir merkjum
frjálslynds stjórnmálaflokks og
nýtur stuðnings auðkýfingsins
Boris Berezovsky. Sá flúði til
Bretlands eftir hafa fallið í ónáð
hjá Vladimir Pútín Rússlandsfor-
seta. ■
BUSH, SADDAM OG HITLER Aust-
urríski þjóðernissinninn Jörg
Haider segist
standa við fyrri
orð sín þegar
hann líkti Geor-
ge W. Bush
Bandaríkjafor-
seta við Saddam
Hussein, fyrrum
Íraksforseta.
Engu breyti að
Bush hafi verið lýðræðislega
kjörinn. „Hitler komst líka til
valda með lýðræðislegum
hætti.“
SITUR ÁFRAM Hæstiréttur Serbíu
hefur vísað frá beiðni verjenda
eins sakbornings í réttarhöldum
yfir meintum morðingjum Zorans
Djindjic, fyrrum forsætisráðherra,
um að einum dómaranum verði
vikið frá. Hann hafði verið sakaður
um tengsl við glæpasamtök.
NEMI AUGLÝSTI EFTIR MÁLALIÐ-
UM Auglýsing sem var dreift á
Netinu þar sem óskað var eftir
málaliðum til að berjast við
Rússa var ekki sett inn af upp-
reisnarmönnum í Tsjetsjeníu
heldur af nema við Landbúnaðar-
háskólann í Brno í Tékklandi. Í
hans huga var þetta brandari en
Rússar urðu bálreiðir þegar þeir
sáu auglýsinguna.
VÍSINDI Suður-kóreskir vísinda-
menn hafa einræktað þrjátíu
mannsfósturvísa sem geta fram-
leitt stofnfrumur. Tilraunir vís-
indamannanna eru mjög umdeild-
ar en þeir segja að þetta sé liður í
því að þróa nýjar aðferðir til að
lækna erfiða sjúkdóma.
Vísindamennirnir tóku erfða-
efni úr venjulegum frumum í kon-
um og settu það í eggfrumur.
Markmiðið var að rækta fóstur-
vísa til að framleiða stofnfrumur
sem hefðu þá eiginleika að geta
gefið af sér sérhæfðar frumur,
svo sem taugafrumur og húð-
frumur. Stofnfrumurnar eiga að
geta komið í staðinn fyrir skemm-
da vefi í einstaklingum með sjúk-
dóma á borð við Alzheimer og
Parkinsons. Ef þær innihalda
erfðaefni úr sjúklingunum sjálf-
um eru litlar líkur á því að ónæm-
iskerfið hafni þeim. Sérfræðingar
benda þó á að langt sé í að hægt
verði að gera tilraunir með slíkar
stofnfrumur á mönnum.
Talið er víst að tilraunir suð-
ur-kóresku vísindamannanna
eigi eftir að vekja upp umræðu
um það hvort rétt sé að banna
einræktun manna og notkun
fósturvísa til framleiðslu stofn-
fruma. ■
EINRÆKTAÐIR FÓSTURVÍSAR
Suður-kóresku vísindamennirnir hafa ræktað fósturvísana til að framleiða stofnfrumur.
Vísindamenn einrækta mannsfósturvísa:
Framleiða stofnfrumur
í lækningaskyni
HITAVEITA SUÐURNESJA
Ekki stendur til að bjóða út ráðgjöf og
hönnun vegna orkusölu til Norðuráls.
Stjórnarmaður Hitaveitu Suðurnesja:
Æskilegt er að útboð fari fram
LÚÐVÍK
BERGVINSSON
Telur Hitaveituna vel
rekna en segir útboð
vera æskileg.
MYNDIR AF ÞEIM LÁTNA HAFA
VERIÐ SENDAR TIL NOREGS
Vonir standa til að skipverjar Senior geti
veitt upplýsingar sem gætu hjálpað til við
rannsókn málsins.
Hringurinn þrengist
eftir krufninguna
Niðurstaða krufningar er sögð hafa þrengt hringinn við leit að morðingja mannsins sem fannst
látinn í Norðfjarðarhöfn. Morðið gæti tengst fíkniefnum. Mynd af hinum látna var send á allar
lögreglustöðvar og til Noregs. Skipverjar á norsku loðnuskipi eru enn í myndinni við rannsóknina.