Fréttablaðið - 21.02.2004, Blaðsíða 12

■ Eyjaálfa
■ Evrópa
12 21. febrúar 2004 LAUGARDAGUR
BRUNI „Við könnumst ekki við að
brunabótamat í Bolungarvík
sé metið með öðrum hætti en
annars staðar á landinu,“
segir Haukur Ingibergsson,
forstjóri Fasteignamats rík-
isins, vegna þeirra efasemda
sem deildarstjóri Trygginga-
miðstöðvarinnar lét í ljósi
vegna mats stofnunarinnar.
Tryggingamiðstöðin neitar
að greiða bætur samkvæmt
brunabótamati vegna endur-
byggingar Hafnargötu 61 í
Bolungarvík sem gjöreyði-
lagðist í bruna síðasta haust. Mats-
menn Tryggingamiðstöðvar-
innar eru á allt annarri skoðun
en Fasteignamatið sem metur
húseignina á tæpar 30 milljón-
ir króna. Endurmat Fateigna-
matsins, sem gert var ósk eig-
anda og með von um lækkun
mats og þar með iðgjalds, er
Tryggingamiðstöðinni óskilj-
anlegt og hefur hún boðið eig-
andanum 6,4 milljónir króna.
„Í endurmati brunabóta-
mats árið 2001 var brunabóta-
mat metið með samræmdri að-
ferðafræði um land allt á grundvelli
þeirra upplýsinga sem stofnunin
hefur um hverja eign. Við ákvörðun
brunabótamatsins þá skal taka tillit
til þeirra verðmæta húseigna sem
eyðilagst geta í eldi. Miðað er við
byggingakostnað að teknu tilliti til
aldurs, slits, viðhalds og ástands
eigna að öðru leyti,“ segir Haukur.
■
Líkir dollaraláni við
rússneska rúllettu
Andrés Sigmundsson, forseti bæjarstjórnar Vestmannaeyja, segir
þá róa lífróður vegna 12 ára fjármálaóstjórnar sjálfstæðismanna.
SVEITARFÉLÖG „Embættismaður
bæjarins spilaði rússneska rúllettu
með fjárhag bæjarbúa. Það er
skelfilegt að menn hafi beðið vilj-
andi á meðan dollarinn tifaði,“ seg-
ir Andrés Sigmundsson, forseti
bæjarstjórnar Vestmannaeyja, um
dollaralán Eyjamanna sem meiri-
hluti Sjálfstæðisflokks tók árið
2000 en breytti ekki í blandaða
mynt fyrr en árið 2001 þrátt fyrir
ítrekaðar áminningar Kaupþings
sem hafði með höndum launaða
ráðgjöf vegna lánsins. Bæjarstjór-
inn í Vestmannaeyjum segir að
skellurinn vegna dollaralánsins
nemi 77 milljónum króna. Guðjón
Hjörleifsson, fyrrverandi bæjar-
stjóri, segir aftur á móti að tölurn-
ar séu heimatilbúnar. Tíu mánuð-
um eftir að lánið var tekið í dollur-
um var því breytt í blandaða mynt.
Síðan þá hefur dollarinn snarlækk-
að og hefur ekki verið lægri um
árabil.
„Síðan þegar þeir loksins gerðu
eitthvað þá voru það rangar
ákvarðanir og óhagstæðar bæjar-
búum. Þetta var ekki óviljandi, það
má ekki ætla þeim að vera svo vit-
lausir,“ segir Andrés.
Hann gefur fjármálastjórn
sjálfstæðismanna í Eyjum fall-
einkunn.
„Óstjórn í fjármálum einkenndi
12 ára valdatíð Sjálfstæðisflokks-
ins og nú er það okkar að ausa, róa
lífróður og koma málum í lag,“
segir hann.
Andrés, sem fylgir Framsókn-
arflokki að málum, myndaði meiri-
hluta með Sjálfstæðisflokknum
eftir seinustu kosningar. Hann
sprengdi síðan þann meirihluta og
gekk til liðs við Vestmannaeyja-
lista Samfylkingar og óháðra.
„Fólk fer nú vonandi að skilja
hvers vegna ég sleit meirihlutan-
um. Þetta er allt partur af því,“
segir hann.
Andrés segir að nú skuldi hver
Eyjamaður rúma milljón ef heild-
arskuldum bæjarsjóðs sé deilt á
íbúa. Staðan er sú í dag að tekjur
bæjarins hrökkva ekki fyrir rek-
stri. Þetta segir hann vera graf-
alvarlegt mál en á þó ekki von á
því að bæjarfélagið lendi í gjör-
gæslu félagsmálaráðuneytisins.
„Við munum á næstunni kynna
þriggja ára áætlun til að koma
fjármálunum í lag. Við munum
klára þetta hjálparlaust. Það hvílir
nú á okkar herðum að hreinsa upp
eftir sjálfstæðismenn sem skulda
almenningi í Eyjum afsökunar-
beiðni og reyndar skulda þeir
miklu meira en það,“ segir Andrés.
rt@frettabladid.is
SIMPANSINN FAFA
Starfsmenn dýragarðsins í Sao Paulo í
Brasilíu óttast um líf skjólstæðinga sinna.
Dularfull dauðsföll í
dýragarði:
Dýrunum
byrlað eitur
SAO PAULO, AP Starfsmenn dýra-
garðsins í Sao Paulo í Brasilíu eru
reiðir og óttaslegnir vegna dular-
fullra dauðsfalla. Þrettán dýr í
garðinum hafa drepist skyndilega
á undanförnum fjórum vikum og
leikur grunur á því að þeim hafi
verið byrlað eitur.
Síðan 24. janúar hafa þrír
simpansar, fjögur kameldýr, þrír
tapírar, fíll, vísundur og órangút-
anapi fundist dauð í búrum sínum.
Rannsóknir benda til þess að átta
dýr hafi drepist af völdum stór-
hættulegs eiturefnis sem er bann-
að í Brasilíu. Starfsfólk dýra-
garðsins telur að kunnáttumaður
hafi verið þar að verki og mark-
miðið sé að reyna að grafa undan
starfsemi dýragarðsins. ■
MISSIR AF ÚTFÖRINNI Kona ein í
Ástralíu kemst ekki í útför
frænda síns á unglingsaldri þar
sem lögregla hefur hneppt hana í
varðhald. Unglingurinn, sem er af
frumbyggjaættum, féll til ólífis af
mótorhjóli, að sögn ættingja þeg-
ar lögreglan elti hann. Dauði hans
hleypti af stað miklum kynþátta-
óeirðum og er frænkan sökuð um
að hafa tekið þátt í þeim og því
sett í varðhald.
BIÐJAST AFSÖKUNAR Mark Lat-
ham, formaður Verkamanna-
flokksins, segir að ef flokkur
hans kemst til valda í Ástralíu í
þingkosningum síðar á árinu
muni stjórn hans biðja frum-
byggja afsökunar á því hvernig
fyrri ríkisstjórnir hafa komið
fram gagnvart þeim. Hann segir
að bæta þurfi hag frumbyggja
sem búa við lakari kjör og lifa 20
árum skemur en aðrir Ástralar.
Glataðar fjárfestingar:
Samið við
hirðfíflið
TONGA Fyrrum hirðfífl konungs-
ins á Tonga hefur samþykkt að
greiða andvirði tæpra sjötíu
milljóna króna í bætur til að
ljúka dómsmáli þar sem því var
gefið að sök að hafa farið illa
með fjárfestingasjóð konungs-
ins sem hirðfíflið stjórnaði, að
sögn BBC.
Hirðfíflið er reyndar banda-
rískur fjármálaráðgjafi sem var
falið að stýra fjárfestingum
konungsins en var síðar út-
nefndur hirðfífl, að stórum
hluta vegna þess að hann á
afmæli 1. apríl. Þegar hann skil-
aði af sér var einungis fimmt-
ungur fjárfestingasjóðsins eftir,
hitt hafði tapast á slæmum fjár-
festingum og óeðlilegum þókn-
unum til hirðfíflsins að sögn
stjórnvalda á Tonga. ■
Langþreyttur ökumaður:
Missti prófið
og fagnaði
ÓSLÓ, AP Þrítugur Norðmaður sem
var orðinn þreyttur á því að vera
alltaf bílstjóri þegar hann og
kærastan hans fóru út að
skemmta sér hrósaði happi þegar
dómstóll svipti hann ökuréttind-
um fyrir að keyra of hratt.
Maðurinn sagði dómaranum að
hann hefði ákveðið að gefa í þegar
hann sá lögreglubíl í von um að
verða stöðvaður þannig að hann
þyrfti ekki alltaf að keyra kærust-
una. Dómarinn sagðist virða
hreinskilni mannsins þó hann
skildi ekki alveg röksemdafærsl-
una. Hann varð þó við ósk manns-
ins og svipti hann ökuréttindum í
eitt ár en bætti við tveggja vikna
fangelsisdómi. ■
Engjateigi 5, sími 581 2141
Opið virka daga frá kl. 10.00-18.00, laugardaga frá kl. 10.00-16.00.
Stór sending af buxum
Frá Nick & Gino Lorenzi
ALÞINGI Halldór Ásgrímsson utan-
ríkisráðherra greindi frá því á Al-
þingi að samningar strandríkj-
anna fjögurra Íslands, Færeyja,
Noregs og Rússlands um veiðar
úr norsk-íslenska síldarstofninum
væru í hnút. Hann sagðist þó vona
að hægt yrði að halda samninga-
viðræðunum áfram.
„Við höfum ekki getað fallist á
kröfur Norðmanna, en höfum af-
salað okkur lítilsháttar magni
þannig að samningar kunni að
verða sæmilega ásættanlegir. Síð-
ustu samningar enduðu á þann
veg að upp úr slitnaði. Norðmenn
leggja á það áherslu að ná heildar-
samningum um þessi mál og ég
tel eðlilegast að byggja á þeim
grunni sem verið hefur,“ sagði
Halldór.
Utanríkisráðherra mælti fyrir
þingsályktunartillögu um að rík-
isstjórnin staðfesti samninga um
veiðar úr norsk-íslenska síldar-
stofninum á síðasta ári, en í þeim
var gert ráð fyrir að leyfilegur
heildarafli úr norsk-íslenska síld-
arstofninum væri 710.000 tonn.
Guðjón Arnar Kristjánsson,
Frjálslynda flokknum, sagði það
Íslendingum til hagsbóta að ná
fram samningum um veiðar á
uppsjávarfiski. Utanríkisráð-
herra sagði mikilvægt að halda
áfram að byggja upp stofninn.
„Það var efnahagslegt áfall á
sínum tíma að missa veiðarnar
við Ísland. Það er okkur því nauð-
synlegt að það takist að leysa mál-
ið farsællega,“ sagði Halldór. ■
SIMON WIESENTHAL AÐLAÐUR
Bretar hafa ákveðið að slá Simon
Wiesenthal til riddara fyrir fram-
lag hans til mannúðarmála. Wies-
enthal, sem er 95 ára, lifði af dvöl
í fangabúðum nasista í síðari
heimsstyrjöldinni og hefur helgað
líf sitt því að koma lögum yfir þá
sem báru ábyrgð á helförinni
gegn gyðingum. Wiesenthal fær
ekki að nota titilinn „sir“ þar sem
hann er ekki breskur ríkisborgari.
SÍLDARSAMNINGAR
Utanríkisráðherra greindi frá því á Alþingi að samningar um veiðar í norsk-íslenska síldar-
stofninum væru í uppnámi eftir að upp úr viðræðum slitnaði. Ráðherra segir stjórnvöld
ekki hafa getað fallist á kröfur Norðmanna.
Samningar um norsk-íslenska síldarstofninn:
Horfur slæmar og málið í hnút
Forstjóri Fasteignamats ríkisins svarar:
Sama fasteignamat
gildir í Bolungarvík
HAUKUR INGI-
BERGSSON
Kannast ekki við
að matsmenn
hans meti hús
með mismun-
andi hætti.
BÓTALAUS
Deila er milli eiganda Hafnargötu 61 í
Bolungarvík og Tryggingamiðstöðvarinnar.
VESTMANNAEYJAR
Meirihlutinn ætlar að koma fjármálum í lag og er þriggja ára áætlun í smíðum.
ANDRÉS SIGMUNDSSON
Lýsir fjármálaóstjórn sjálfstæðismanna í
Eyjum og segir almenning nú eiga að skil-
ja hvers vegna hann sleit meirihlutanum.
Breskur ráðherra:
Ýkti vandann
LONDON, AP Warner lávarður, und-
irráðherra í breska heilbrigðis-
ráðuneytinu, fór flatt á því þegar
hann tjáði sig um mikinn offitu-
vanda Breta og það hversu miklu
ríkið greiddi til fólks í bætur
vegna offituvandamála.
Warner lávarður sagði 900.000
manns fá bætur vegna offitu-
vanda og að upphæðin næmi sam-
tals andvirði um níu milljarða
króna. Staðreyndirnar voru hins
vegar ekki alveg í takt við þetta
því tölur ráðherrans voru þúsund
sinnum hærri en raunveruleikinn
gaf tilefni til. Um 900 manns fá
bætur að upphæð um níu milljóna
króna. Ráðuneytið sagði lávarðinn
hafa fengið rangar upplýsingar
fyrir mistök. ■
SÍÐBÚIN VIÐGERÐ
Iðnaðarmenn vinna að lokaviðgerðum á
Kirkju vorrar frúar í Dresden. Hún
skemmdist í loftárásum bandamanna á
Þýskaland í síðari heimsstyrjöld.